ஹஜ் கடமை,

"ஏற்றுக் கொள்ளப்பட்ட ஹஜ்ஜின் கூலி சுவர்க்கத்தைத்தவிர வேறில்லை" என நபி (ஸல்) அவர்கள் கூறினார்கள். அதனை நீங்கள் அடைய வேண்டுமானால் இரண்டு நிபந்தனைகளை, பரிபூரணப்படுத்தியே ஆக வேண்டும். முதலாவது இக்லாஸ் (அல்லாஹ்வுக்காக ஹஜ்ஜை நிறைவேற்றுவது) இரண்டாவது நபி (ஸல்) அவர்கள் செய்ததைப் போன்றே ஹஜ்ஜை நிறைவேற்றுவது. ஹஜ்ஜைப்பற்றிய சரியான தெளிவு இல்லாமல் இன்று பல ஹாஜிகள், ஹஜ் கிரியைகளை தவறான முறையில் செய்கின்றார்கள். நபியவர்கள் செய்த ஹஜ்ஜை சுருக்கமாகச் சொல்லி விளங்கவைப்பதினால் இத்தவறுகளை நீக்கலாம் என்ற நன்னோக்கோடு இச்சிறு பிரசுரம் வெளியிடப்பட்டுள்ளது. என்னிடமிருந்து உங்களின் ஹஜ் கடமைகளை எடுத்துக் கொள்ளுங்கள் என நபி (ஸல்) அவர்கள் கூறினார்கள். ஆகவே இதைப்படித்து நபியவர்களின் ஹஜ்ஜைப் போன்றே நீங்களும் செய்யுங்கள். அல்லாஹ் நமது ஹஜ்ஜை ஏற்று "அன்று பிறந்த பாலகனை" போன்றும், ஹஜ்ஜின் கூலியாகிய சுவர்க்கத்தைப் பெற்றவர்களாகவும்ஆக்கியருள்வானாக. உம்ராச் செய்யும் முறை உம்ரா செய்வதற்கு முன் குளித்து நறுமணம் பூசிக்கொண்டு இஹ்ராம் உடையை அணிந்த பின் "லப்பைக்க உம்ரத்தன்" என்று உரிய எல்லையிலிருந்து (மீக்காத்திலிருந்து) நிய்யத்து வைத்துக் கொண்டு மக்காவிற்குப் புறப்பட வேண்டும். (இலங்கை, இந்தியாவிலிருந்து வருபவர்களின் எல்லை யலம்லம்) இஹ்ராம் அணியும் எல்லைக்குள் வசிப்பவர்கள் அவர்கள் வசிக்கும் இடத்திலிருந்தே இஹ்ராம் அணிந்து நிய்யத்து வைத்துக் கொள்ள வேண்டும். இஹ்ராம் உடை என்பது ஆண்களுக்கு இரண்டு தைக்கப்படாத துணிகளை அணிவதாகும். ஒரு துணியை உடுத்துக்கொள்வது, மற்ற துணியால் தன் மேனியை போர்த்திக் கொள்வது. பெண்களுக்கு தனி இஹ்ராம் உடை கிடையாது. அவர்கள் தங்களுடைய அங்கங்கள் மறையும் அளவுக்கு இஸ்லாம் அனுமதித்த எந்த ஆடையையும் அணிந்து கொள்ளலாம். மக்கா செல்லும் வரை தல்பியா சொல்லிக் கொண்டு செல்வது சுன்னத்தாகும். لَبَّيْكَ أَللَّهُمَّ لَبَّيْكَ ، لَبَّيْكَ لاَ شَرِيْكَ لَكَ لَبَّبيْكَ، إِنَّ الْحَمْدَ وَالنِّعْمَةَ لَكَ وَالْمُلْكُ، لاَشَرِيْكَ لَكَ. லைப்பைக், அல்லாஹும்ம லைப்பைக், லப்பைக் லா ஷரீக்க லக்க லப்பைக், இன்னல் ஹம்த வன்னிஃமத லக வல் முல்க், லாஷரீக்க லக். ஹரத்திற்குள் நுழைவதற்கு முன் தல்பியாவை நிறுத்திக் கொண்டு வலது காலை முன் வைத்து பின் வரும் துஆவை ஓத வேண்டும்.  بِسْمِ اللهِ وَالصَّلاَةُ وَالسَّلاَمُ عَلَى رَسُوْلِ اللهِ أَللَّهُمَّ إفْتَحْ لِيْ أَبْوَابَ رَحْمَتِكَ. பிஸ்மில்லாஹ், வஸ்ஸலாத்து வஸ்ஸலாமு அலா ரசூலில்லாஹ், அல்லாஹும்மஃப்தஹ்லி அப்வாப ரஹ்மத்திக. ஹரத்திற்குள் நுழைந்ததும் முதலில் தவாபை ஆரம்பிக்க வேண்டும். தவாப் என்பது கஃபத்துல்லாவை ஏழு முறை பரிபூரணமாகச் சுற்றி வருவதற்கு சொல்லப்படும். தவாபுக்கு ஒளு அவசியமாகும். தவாபை ஆரம்பிப்பதற்கு முன் ஆண்கள் தங்களின் வலது தோள் புஜத்தை திறந்துவிட வேண்டும். அதாவது மேனியை போர்த்தியிருக்கும் துணியின் நடுப்பகுதியை வலது கக்கத்தின் கீழ் வைத்துக் கொண்டு அத்துணியின் இரு ஓரங்களையும் இடது தோள் மீது போட வேண்டும். அதன் பின் உம்ராவிற்குரிய தவாபை நிறைவேற்றுகின்றேன் என்றஎண்ணத்தோடு "ஹஜருல் அஸ்வத்" கல் பொருத்தப்பட்டிருக்கும் மூலையிலிருந்து உம்ராவின் தவாபை ஆரம்பிக்க வேண்டும். தவாபை ஆரம்பிக்கும் போது நான்கு முறைகளில் ஒன்றைக் கொண்டு ஆரம்பிக்க வேண்டும். 1- முடியுமாக இருந்தால் ஹஜருல் அஸ்வத் கல்லை முத்தமிடுவது. 2- அதற்கு முடியாவிட்டால் கையினால் ஹஜருல் அஸ்வத் கல்லை தொட்டு கையை முத்தமிடுவது. 3- அதற்கும் முடியாவிட்டால் ஹஜருல் அஸ்வத் கல்லை, தடிபோன்றதால் தொட்டு அதை முத்தமிடுவது. 4- அதற்கும் முடியாவிட்டால் ஹஜருல் அஸ்வத் கல்லுக்கு நேராக நின்று தன் வலது கையை அதன்பக்கம் உயர்த்திக்காட்டி "அல்லாஹுஅக்பர்" என்று சொல்வது. (இப்போது கையை முத்தமிடக்கூடாது). இந்நான்கில் முடியுமான ஒன்றைச் செய்துவிட்டு தவாபை ஆரம்பிக்க வேண்டும். ஹஜருல் அஸ்வத் கல்லை முத்தமிட வேண்டுமென்பதற்காக மற்றவர்களை இடித்துக் கொண்டு செல்வதை ஹாஜிகள் தவிர்த்துக்கொள்ள வேண்டும். ஹஜருல் அஸ்வத் கல்லை முத்தமிடுவது சுன்னத்தாகும். மற்றவர்களுக்கு தொல்லை கொடுப்பது ஹராமாகும். ஹராத்தைச் செய்து சுன்னத்தை நிறைவேற்ற வேண்டுமா? குறிப்பாக பெண்கள் இதை கவனத்தில் கொள்ள வேண்டும். கஃபத்துல்லாவோடு சேர்ந்து ஓர் அரைவட்டம் இருக்கின்றது, அதையும் சேர்த்து தவாப் செய்ய வேண்டும், காரணம் அதுவும் கஃபத்துல்லாவின் எல்லைதான். ருக்னுல் யமானியை, (ஹஜருல் அஸ்வத் கல் மூலைக்கு முன்னுள்ள மூலையை) தொட வாய்ப்புக் கிடைத்தால் தொட்டுக்கொள்ள வேண்டும். அதை முத்தமிடுவதோ அல்லது தொட்டு கையை முத்தமிடுவதோ அல்லது தொட வாய்ப்புக் கிடைக்காத நேரத்தில் அதன் பக்கம் கையை உயர்த்திக் காட்டி அல்லாஹுஅக்பர் என்று கூறுவதோ கூடாது. முந்திய மூன்று சுற்றுக்களிலும் "ரம்ல்" செய்வது சுன்னத்தாகும். "ரம்ல்" என்பது கால் எட்டுக்களை கிட்ட வைத்து வேகமாக நடப்பதற்குச் சொல்லப்படும். மற்ற நான்கு சுற்றுக்களையம் சாதாரணமான நடையில் நடப்பது. "ரம்ல்" செய்வது ஆண்களுக்கு மாத்திரம்தான் சுன்னத்தாகும். பெண்களுக்கல்ல. ஒவ்வொரு சுற்றுக்களுக்கும் மத்தியில் குறிப்பிட்ட துஆக்கள் எதுவும் இல்லை, விரும்பிய துஆக்களைக் கேட்கலாம். தஸ்பீஹ், திக்ர் செய்தல், குர்ஆன் ஓதுதல் போன்றவைகளை, செய்து கொள்ளலாம். ருக்னுல் யமானியிலிருந்து ஹஜருல் அஸ்வத் கல் பொருத்தப்பட்டிருக்கும் மூலை வரையுள்ள இடத்தில் رَبَّنَا آتِنَا فِي الدُّنْيَاحَسَنَةًوَفِي اْلآخِرَةِ حَسَنَةً وَقِنَاعَذَابَ النَّارِ "ரப்பனா ஆத்தினா ஃபித்துன்யா ஹஸனத்தன் வஃபில் ஆகிரத்தி ஹஸனத்தன் வகினா அதாபன்னார்" என்ற துஆவை ஓதுவது சுன்னத்தாகும். ஒவ்வொரு சுற்றை ஆரம்பிக்கும் போதும் ஹஜருல் அஸ்வத் கல்லுக்கு நேராக வரும்போது தக்பீர் (அல்லாஹுஅக்பர் என்று) கூறுவது சுன்னத்தாகும். தவாப் செய்து முடிந்ததும் திறந்த வலது தோள்புஜத்தை மூடிக்கொள்ள வேண்டும். பின்பு மகாமுல் இப்ராஹிமுக்குப் பின் சென்று தவாபுடைய சுன்னத் இரு ரக்அத்துகளை தொழ வேண்டும். முந்திய ரக்அத்தில் சூரத்துல் பாத்திஹாவுக்குப்பின் சூரத்துல் காஃபிரூனும் (குல்யாஅய்யுஹல் காஃபிரூன்) இரண்டாவது ரக்அத்தில் சூரத்துல் பாத்திஹாவுக்குப்பின் சூரத்துல் இக்லாஸையும் (குல்ஹுவல்லாஹுஅஹது) ஓதுவது சுன்னத்தாகும். முகாமுல் இபுறாஹிமுக்குப்பின் இட நெருக்கடியாக இருந்தால் கிடைக்கும் இடத்தில் தொழுதுகொள்ளலாம். ஸஃயி ஸஃயி என்பது ஸஃபா மர்வா மலைகளுக்கு மத்தியில் ஏழு சுற்றுக்கள் சுற்றுவதாகும். தவாப் முடிந்த பின் ஸஃயி செய்வதற்காக ஸஃபா மலைக்குச் செல்லவேண்டும். ஸஃபா மலையடிவாரத்தை அடைந்ததும்  إِنَّ الصَّفَا وَالْمَرْوَةَ مِنْ شَعَائِرِ اللهِ என்னும் ஆயத்தை நபி (ஸல்) அவர்கள் ஓதிவிட்டு அல்லாஹ் எதைக்கொண்டு ஆரம்பித்தானோ அதைக் கொண்டு நாமும் ஆரம்பிப்போம் என்று சொல்லி ஸஃபா மலை மீது கஃபத்துல்லாவை பார்க்கும் அளவுக்கு ஏறி கிப்லாவை முன்னோக்கி அல்லாஹ்வை ஒருமைப்படுத்தி பெருமைப்படுத்தி அவனைப்புகழ்ந்து لاَ إِلهَ إِلاَّ اللهُ وَحْدَهُ لاَ شَرِيْكَ لَهُ، لَهُ الْمُلْكُ وَلَهُ الْحَمْدُ يُحْيِيْ وَيُمِيْتُ وَهُوَ عَلَى كُلِّ شَيْءٍ قَدِيْرٍ، لاَ إِلهَ إِلاَّ اللهُ وَحْدَهُ، أَنْجَزَ وَعْدَهُ، وَنَصَرَ عَبْدَهُ، وَهَزَمَ اْلأَحْزَابَ وَحْدَهُ லாஇலாஹா இல்லல்லாஹு வஹ்தஹுலாஷரீக்க லஹ், லஹுல் முல்க்கு வலஹுல் ஹம்து யுஹ்யீ வயுமீத்து வஹுவ அலா குல்லி ஷைய்யின் கதீர். லாஇலாஹா இல்லல்லாஹுவஹ்தஹ், அன்ஜஸ வஃதஹ், வநஸர அப்தஹ், வஹஸமல் அஹ்சாப வஹ்தஹ். என்னும் திக்ருகளை ஓதி இடையே துஆக்களும் செய்தார்கள். இப்படி மூன்று தடவைகள் செய்தார்கள். (அபூதாவூத், நஸாயி, இப்னுமாஜா, தாரமி, தப்ரானி) இந்த திக்ருகளை நாமும் ஓதி இவைகளுக்கு இடையே நமக்காக துஆக்கள் செய்வதும் சுன்னத்தாகும். இன்று சிலர் தொழுகைக்குத் தக்பீர் கூறுவது போல் இரு கைகளையும் கஃபத்துல்லாவின் பக்கம் உயர்த்திக் காட்டிவிட்டுச் செல்கின்றார்கள். இது சுன்னத்தான முறையல்ல. துஆவுக்கு மாத்திரமே கையை உயர்த்த வேண்டும். பின்பு ஸஃபா மலையிலிருந்து இறங்கி மர்வாவை முன்னோக்கிச் செல்ல வேண்டும், முதல் பச்சை விளக்கு பொருத்தப்பட்ட இடத்திலிருந்து மறு பச்சை விளக்கு பொருத்தப்பட்ட இடம் வரைக்கும் சிறிது வேகமாக ஓட வேண்டும். அதன்பிறகு சாதாரணமாக நடக்க வேண்டும். இப்படி வேகமாக ஓடுவது ஆண்களுக்கு மட்டும்தான் பெண்களுக்கல்ல. மர்வா மலையை அடைந்ததும் அதன்மீது ஏறி கிப்லாவை முன்னோக்கி ஸஃபா மலையில் செய்தது போன்றே செய்வது சுன்னத்தாகும். இத்தோடு ஒரு சுற்று முடிவுறுகின்றது. பின்பு மர்வாவிலிருந்து ஸஃபா வரைக்கும் செல்வது, இங்கும் இரு பச்சை விளக்குகளுக்கு மத்தியில் சற்று வேகமாக ஓடுவது சுன்னத்தாகும். ஸஃபா மலையை அடைந்தால் இரண்டாவது சுற்று முடிவுறுகிறது. இப்படி ஏழு சுற்றுக்கள் சுற்ற வேண்டும், மர்வாவில்தான் கடைசிச் சுற்று முடிவுறும். ஒவ்வொரு சுற்றுக்கும் இடையில் தனிப்பட்ட பிரார்த்தனைகள் இல்லை. விரும்பிய பிரார்த்தனைகள், திக்ருகள், குர்ஆன் போன்றவைகளை ஓதலாம். இப்படிப்பட்ட சிறப்பான இடங்களில் மனமுருக அல்லாஹ்விடத்தில் பிரார்த்தியுங்கள். தவாப் மற்றும் ஸஃயியை கீழ் தளத்தில் செய்யமுடியாவிட்டால் (கூட்டமாக இருந்தால்)மேல்மாடியில் செய்து கொள்ளலாம். ஸஃயின் ஏழு சுற்றுக்களும் முடிவடைந்தபின் ஆண்கள் மொட்டை அடித்துக் கொள்ள வேண்டும், இதுவே சிறந்த முறையாகும். மொட்டை அடிக்காதவர்கள் முடியை குறைத்துக் கொள்ள வேண்டும். முடியை குறைத்துக் கொள்வதென்பது இரண்டு அல்லது மூன்று இடங்களில் சில முடிகளை மட்டுமே கத்தரிப்பது என்பதல்ல, மாறாக தலையில் உள்ள எல்லா முடிகளும் கொஞ்ச அளவுக்காவது கத்தரிக்கப்பட வேண்டும், இதுவே நபிவழியாகும். பெண்கள் தங்களின் தலைமுடியின் நுனியில் விரல் நுனியளவுக்கு வெட்டிக் கொள்ள வேண்டும், இதுவே அவர்களுக்கு சுன்னத்தான முறையாகும், இத்துடன் உம்ராவின் செயல்கள் பரிபூரணமடைந்துவிட்டன. அல்லாஹ் நமது உம்ராவையும் மற்ற அமல்களையும் ஏற்றுக் கொள்வானாக.   குறிப்பு:- தவாஃபிலும் ஸஃயிலும் ஏழு சுற்றுக்களையும் ஒரே நேரத்தில் சுற்ற முடியாதவர்கள் இடையில் களைப்பாறிவிட்டு பின்பு மீதமுள்ள சுற்றுக்களைத் தொடருவதில் தவறில்லை. ஹஜ் செய்யும் முறைகள் ஹஜ்ஜின் வகைகள் மூன்று   1. ஹஜ்ஜுத்தமத்துஃ 2. ஹஜ்ஜுல் கிரான் 3. ஹஜ்ஜுல் இஃப்ராத் ஹஜ்ஜுத் தமத்துஃ :- ஹஜ்ஜுடைய மாதத்தில் (ஷவ்வால், துல்கஃதா, துலஹஜ்) ஹஜ்ஜுக்கான உம்ராவைச் செய்து அதே வருடத்தில் ஹஜ்ஜையும் செய்வதற்குச் சொல்லப்படும். ஹஜ்ஜுக்குச் செல்லும்போது குர்பானி கொடுக்கும் பிராணியை, தன்னுடன் கூட்டிக் கொண்டு செல்லாதவர்களுக்கு இதுவே சிறந்த முறையாகும். ஹஜ்ஜுத்தமத்துஃ செய்பவர் உம்ராவை முடித்துவிட்டால்ஹஜ்ஜுக்காக நிய்யத் வைக்கும் வரை, இஹ்ராமினால் ஹராமாக்கப்பட்டிருந்த அனைத்தும் ஹலாலாகிவிடும், துல்ஹஜ் 8-ஆம் நாள் காலையில் தங்கியிருக்கும் இடத்தில் இருந்தே ஹஜ்ஜுக்கு நிய்யத் வைத்துக் கொண்டு இஹ்ராமை அணிந்து மினாவிற்குச் செல்ல வேண்டும். ஹஜ்ஜுல் கிரான் :- ஹஜ்ஜுடைய மாதத்தில் ஹஜ்ஜுக்கும் உம்ராவுக்கும் சேர்த்து ஒரே நிய்யத்து வைப்பது. யார் தன்னுடன் குர்பானிக்குரிய பிராணியை, கொண்டு செல்கின்றார்களோ அவர்களுக்கு இதுவே சிறந்த முறையாகும். இந்த முறையில்தான் நபி (ஸல்) அவர்கள் ஹஜ்ஜுசெய்தார்கள். ஹஜ்ஜுல் இஃப்ராத் :- இம்முறையில் குர்பானி கடமையில்லை.ஹஜ்ஜுடைய மாதத்தில் ஹஜ்ஜுக்கு மட்டும் நிய்யத்து வைப்பதாகும். கிரான் மற்றும் இஃப்ராத் முறைகளில் ஹஜ் செய்பவர்கள் மக்கா வந்ததும் தவாப் செய்ய வேண்டும். இதற்கு தவாபுல் குதூம் என்று சொல்லப்படும். தவாபுல் குதூமுக்குப் பின் ஸஃயி செய்பவர்கள் 10-ஆம் நாள் தவாபுல் இஃபாலாவுக்குப் பின் ஸஃயி செய்யத்தேவையில்லை. இப்போது ஸஃயி செய்யாதவர்கள் தவாபுல் இஃபாலாவுக்குப்பின் ஸஃயி செய்தே ஆகவேண்டும். துல்ஹஜ் பிறை 8-ஆம் நாள் மேலே கூறப்பட்ட மூன்று முறைகளில் ஹஜ் செய்பவர்களும் துல்ஹஜ் பிறை எட்டாம் நாள் மினாவிற்குச் செல்ல வேண்டும். மினாவில் லுஹர், அஸர், மஃரிப், இஷா, ஸுப்ஹுத் தொழுகைகளை உரிய நேரத்தில் தொழ வேண்டும். நான்கு ரக்அத்துத் தொழுகைகளை இரண்டாக சுருக்கித் தொழவேண்டும். இப்படித்தான் நபி ஸல்லல்லாஹுஅலைஹி வஸல்லம் அவர்கள் தொழுதார்கள். துல்ஹஜ் பிறை 9-ஆம் நாள் துல்ஹஜ் பிறை ஒன்பதாம் நாள் சூரியன் உதித்தபின் அரஃபா செல்ல வேண்டும். அரஃபா சென்றதும் அரஃபா எல்லையை உறுதிப் படுத்தியபின் மஃரிப் தொழுகையின் நேரம் வரும் வரை அங்கேயே தங்கி இருப்பது அவசியமாகும். லுஹருடைய நேரம் வந்ததும் பாங்கும், இகாமத்தும் கூறி லுஹரை இரண்டு ரக்அத்தாக சுருக்கித் தொழ வேண்டும். லுஹர் தொழுகை முடிந்ததும் இகாமத் கூறி அஸர் தொழுகையையும் இரண்டு ரக்அத்தாக சுருக்கி லுஹருடன் முற்படுத்தித் தொழ வேண்டும். முன் பின் சுன்னத்துக்கள் இல்லை. தொழுகை முடிந்ததும் ஓர் இடத்தில் அமர்ந்து வணக்கத்தில் ஈடுபடவேண்டும். அரஃபாவுடைய தினம் மிக, சிறப்பான தினமாகும். ஹஜ் என்றால் அரஃபாவில் தங்குவதுதான் என நபி (ஸல்) அவர்கள் கூறினார்கள். ஹாஜிகளின் இத்தியாகத்தைப் பார்த்து மலக்குகளிடம் அல்லாஹ் பெருமைப்படும் நாளாகும். ஆகவே, அங்குமிங்கும் அலைந்து திரியாமல் உருக்கமான முறையில் உங்களின் ஈருலக வெற்றிக்காகவும், உலக முஸ்லிம்களுக்காகவும் அல்லாஹ்விடம் பிரார்த்தனை செய்யுங்கள். அந்நாளில் செய்யும் வணக்கங்களில் மிக மேலானது துஆச் செய்வதாகும். நபி (ஸல்) வஸல்லம் அவர்கள் (தொழுகையை முடித்து விட்டு,) அரஃபா மலையடிவாரத்தில் நின்றவர்களாக, கிப்லாவை முன்னோக்கி சூரியன் மறையும் வரை துஆச்செய்தார்கள். (முஸ்லிம்) அந்நாளில் செய்யும் திக்ருகளில் மிகச் சிறந்தது பின்வரும் திக்ராகும். நானும் எனக்கு முன்வந்த நபிமார்களும் கூறியவையில் மிகச் சிறந்தது لااِلَهَ إِلاَّ اللهُ وَحْدَهُ لاَشَرِيْكَ لَهُ ، لَهُ الْمُلْكُ، وَلَهُ الْحَمْدُ، وَهُوَ عَلَى كُلِّ شَيْءِ قَدِيْرٍ . லாஇலாஹா இல்லல்லாஹு வஹ்தஹுலாஷரீக்க லஹ், லஹுல் முல்க்கு வலஹுல் ஹம்து வஹுவ அலா குல்லிஷைய்யின் கதீர். என நபி (ஸல்) வஸல்லம் அவர்கள் கூறினார்கள். அரஃபாவுடைய எல்லைக்குள் எங்கும் தங்கிஇருக்கலாம். ஜபலுர் ரஹ்மாவிற்க்குப் போய் அங்கிருந்து பிரார்த்தனை செய்யவேண்டும் என்று நினைத்து, பல சிரமங்களுக்கு மத்தியில் அங்கு சென்று அன்றைய நாளையே வீணாக்கிவிடாமல் கிடைத்த இடத்தில் அமர்ந்து, ஒவ்வொரு நொடிப்பொழுதிலும் முடியுமான அமல்களைச் செய்யுங்கள். நபி (ஸல்) அவர்கள் ஜபலுர்ரஹ்மா மலைமீது ஏறவில்லை என்பது குறிப்பிடத்தக்கது. "நான் இந்த இடத்தில்தான் தங்கினேன், அரஃபாவின் எல்லைக்குள் எங்கும் தங்கலாம்" என நபி (ஸல்) அவர்கள் கூறினார்கள் (அபூதாவூத், அஹ்மத்) நபி (ஸல்) அவர்களே அரஃபாவின் எல்லைக்குள் எங்கு தங்கினாலும் ஒரே நன்மைதான் என்று சொல்லியிருக்கும் போது எதற்காக ஜபலுர்ரஹ்மாவிற்குச் செல்ல வேண்டும்? ஹாஜிகள் இதை கவனத்தில் கொள்வது அவசியம். குறிப்பு : யார் அரஃபா எல்லைக்கு வெளியில் தங்கி இருக்கின்றாரோ அவருடைய ஹஜ்ஜு ஏற்கப்படாது, இன்னும் அரஃபா தினத்தன்று ஹாஜிகள் நோன்பு நோற்கக்கூடாது. முஸ்தலிஃபாவில் இரவில் தங்குவது ஒன்பதாம் நாளின் சூரியன் மறைந்ததும் தல்பியா கூறியவர்களாக அமைதியான முறையில் முஸ்தலிஃபா செல்ல வேண்டும். முஸ்தலிஃபா சென்றதும் ஓர் பாங்கு இரண்டு இகாமத்தில் மக்ரிபையும் இஷாவையும் சேர்த்து இஷாவை இரண்டு ரகஅத்தாக சுருக்கித் தொழ வேண்டும். முன் பின் சுன்னத்துக்கள் இல்லை. சுப்ஹுவரை அங்கு தங்குவது அவசியமாகும். முஸ்தலிஃபாவிற்குள் எங்கும் தங்கலாம். நான் இங்குதான் தங்கினேன், முஸ்தலிஃபாவிற்குள் எங்கும் தங்கலாம் என நபி (ஸல்) அவர்கள் கூறினார்கள். (முஸ்லிம்) நோயாளிகள், பெண்கள் நடு இரவுக்குப்பின் அவர்கள் விரும்பினால் மினா செல்லலாம். நபி (ஸல்) அவர்கள் இதை அனுமதித்துள்ளார்கள். சுபஹுடைய நேரம் வந்ததும் சுபஹுத் தொழுகையை தொழுதுவிட்டு சூரியனின் மஞ்சள் நிறம் வரும் வரை அல்லாஹ்வை, போற்றிப்புகழ்ந்து அவனைப் பெருமைப்படுத்தக்கூடிய திக்ருகளைக் கூறுவதும்; கிப்லாவை முன்னோக்கி துஆச் செய்வதும் சுன்னத்தாகும். நபி (ஸல்) அவர்கள் மஸ்அருல் ஹராம் என்னும் மலைமீது ஏறி கிப்லாவை முன்னோக்கி நின்று சூரியனின் மஞ்சள் நிறம் வரும் வரை நின்ற நிலையில் பிரார்த்தனை செய்தார்கள்.(அபூதாவூத்) இன்னும் ஓர் அறிவிப்பில்:- அல்லாஹ்வைப் போற்றிப்புகழ்ந்து அல்லாஹுவைப் பெருமைப்படுத்தி, ஒருமைப்படுத்தும் திக்ருகளை ஓதினார்கள். துல் ஹஜ் பிறை 10-ஆம் நாள் சூரியன் உதயமாகுவதற்கு முன் முஸ்தலிஃபாவிலிருந்து புறப்பட்டு தல்பியா கூறியவர்களாக மினா வர வேண்டும். 10-ஆம் நாள் மினாவில் செய்யும் நான்கு அமல்கள். 1- ஜம்ரத்துல் அகபாவிற்கு மாத்திரம் ஏழு கற்களை வீசுவது. 2- குர்பானி கொடுப்பது. 3- முடி எடுப்பது. 4- தவாபுல் இஃபாலா செய்வது. சொல்லப்பட்ட வரிசைப்பிரகாரம் செய்வதே சுன்னத்தாகும். ஒன்றைவிட மற்றொன்றை முற்படுத்தியோ பிற்படுத்தியோ செய்தாலும் தவறில்லை. பத்தாம் நாள் நபி (ஸல்) அவர்களிடம் பல ஸஹாபாக்கள் வந்து ஒன்றை முற்படுத்தி செய்துவிட்டேன் அல்லாஹ்வின் தூதரே என்று கேட்கும் போதெல்லாம் பரவாயில்லை என்றே நபி (ஸல்) அவர்கள் விடையளித்தார்கள். கல் எறிவது பத்தாம் நாள் எறியும் கற்களை காலை சூரிய உதயத்திலிருந்து ளுஹர் நேரத்துக்குள் எறிய வேண்டும். இந்த நேரத்திற்குள் எறிய முடியாதவர்கள் இதற்குப் பின்னும் எறியலாம். பத்தாம் நாள் ஒரு நபித்தோழர் நபி (ஸல்) அவர்களிடம் வந்து அல்லாஹ்வின் தூதரே! மாலையான பின்புதான் நான் கல் எறிந்தேன் என்றார், பரவாயில்லை என நபி (ஸல்) அவர்கள் கூறினார்கள். (புகாரி) எறியும் கல்லின் அளவு சுண்டுவிரலால் வீசும் கல் அளவிற்கு இருக்க வேண்டும். அதை ஒவ்வொரு கற்களாக "அல்லாஹுஅக்பர்" என்று சொல்லிக் கொண்டு எறிய வேண்டும். ஏழு கற்களையும் ஒரே தடவையில் எறியக்கூடாது. "சுண்டு விரலால் வீசக்கூடிய கற்களைப் போன்று ஏழு கற்களை நபி (ஸல்) அவர்கள் வீசினார்கள். ஒவ்வொரு கற்களை வீசும் போதும் தக்பீர் கூறினார்கள்" என ஜாபிர் (ரலி) அவர்கள் அறிவிக்கின்றார்கள். (அபூதாவூத், பைஹகி) கல் எறிவதற்கு முடியாத நோயாளி மற்றும் பலவீனர்களின் கல்லை இன்னும் ஒருவர் அவருக்குப் பகரமாக எறியலாம். ஏறியக்கூடியவர் அவ்வருடம் ஹஜ்ஜு செய்யக்கூடியவராக இருக்க வேண்டும். அவருடைய கல்லை எறிந்த பின்புதான் மற்றவரின் கல்லை எறிய வேண்டும். தனக்கு கல் எறிய சக்தி இருக்கும் போது பிறரை எறியச் சொல்லக்கூடாது. குர்பானி கொடுப்பது தமத்துஃ மற்றும் கிரான் முறைப்பிரகாரம் ஹஜ் செய்பவர்கள் கல் எறிந்ததற்குப் பிறகு குர்பானி கொடுக்க வேண்டும். அதாவது ஒட்டகம், மாடு, ஆடு இவைகளில் ஒன்றை அல்லாஹ்வுக்காக அறுப்பது. ஏழு பேர் சேர்ந்து ஓர் ஒட்டகத்தை அல்லது ஒரு மாட்டை அறுக்கலாம். ஆடு கொடுப்பதாக இருந்தால் ஒருவருக்கு ஒன்று வீதம் கொடுக்க வேண்டும். இஃப்ராது முறையில் ஹஜ் செய்தவருக்கு குர்பானி கொடுக்க வேண்டிய அவசியமில்லை. குர்பானியை மினாவிலும், மக்காவின் எல்லைக்குள் எங்கும் அறுக்கலாம், ஆனால் ஹரம் எல்லைக்கு வெளியில் அறுக்கக்கூடாது. "நான் இந்த இடத்தில்தான் குர்பானி கொடுத்தேன். மினாவில் எங்கும் குர்பானி கொடுக்கலாம். மக்காவின் தெருக்கள் எல்லாம் நடக்கும் பாதையும் குர்பானி கொடுக்கும் இடமுமாகும்" என நபி (ஸல்) அவர்கள் கூறினார்கள். (அஹ்மத்,அபூதாவூத்) குர்பானி இறைச்சியிலிருந்து அதைக் கொடுத்தவரும் உண்ணலாம். குர்பானி கொடுக்கும் இறைச்சியிலிருந்து மினாவுடைய மூன்று நாட்களை (பிறை 11,12,13) தவிர (வேறு நாட்களில்) நாங்கள் உண்ணாமலிருந்தோம். நீங்களும் (அந்த இறைச்சியைச்) சாப்பிட்டு, சேமித்தும் வைத்துக் கொள்ளுங்கள் என நபி (ஸல்) அவர்கள் எங்களுக்கு அனுமதித்த போது நாங்களும் சாப்பிட்டோம், சேமித்தும் வைத்தோம். மதீனாவிற்கும் அவ்விறைச்சியை கொண்டு செல்லும் அளவு எங்களிடம் இருந்தது என ஜாபிர் (ரலி) அவர்கள் அறிவிக்கின்றார்கள். (அஹ்மத்) குர்பானி கொடுப்பதற்கு வசதியற்றவர் ஹஜ்ஜுடைய நாட்களில் மூன்று நோன்புகளும், ஊர்; திரும்பிய பின் ஏழு நோன்புகளும் நோற்க வேண்டும். தலை முடி எடுப்பது குர்பானி கொடுத்த பின் தலை முடியை எடுக்க வேண்டும். (முடி எடுக்கும் முறை முன்னால் சொல்லப்பட்டுவிட்டது) முடியை எடுத்ததும் இஹ்ராமிலிருந்து நீங்கிக் கொள்ளலாம். அதாவது கணவன் மனைவி தொடர்பைத்தவிர இஹ்ராத்தினால் தடுக்கப்பட்டிருந்தவைகள் எல்லாம் ஆகுமாகிவிடும். தவாபுல் இஃபாலாவைச் (ஹஜ்ஜுடைய தவாபை) செய்துவிட்டால் கணவன் மனைவி உறவும் ஆகுமாகிவிடும். தவாபுல் இபாலா தலை முடி எடுத்த பின் குளித்து மணம்பூசி தனது வழமையான ஆடையை அணிந்து கொண்டு தவாபுல் இஃபாலா செய்வதற்காக மக்கா செல்ல வேண்டும். தமத்துஆன முறையில் ஹஜ் செய்பவர்கள் தவாபுல் இஃபாலாவை முடித்துவிட்டு ஹஜ்ஜுக்கான சஃயும் செய்ய வேண்டும். கிரான் மற்றும் இஃப்ராதான முறையில் ஹஜ் செய்பவர்கள் மக்கா வந்தவுடன் செய்த தவாபுல் குதூமுக்குப் பின் சஃயி செய்திருந்தால் இப்போது தவாபுல் இஃபாலா மாத்திரம் செய்தால் போதும், சஃயி செய்யத் தேவையில்லை. தவாபுல் குதூமுக்குப் பின் சஃயி செய்யவில்லையென்றால் இப்போது (தவாபுல் இஃபாலாவுக்குப் பின்) சஃயி செய்தே ஆக வேண்டும். தவாப் மற்றும் சஃயை முடித்ததும் மினா சென்று 11-ஆம் இரவில் மினாவில் தங்குவது அவசியமாகும். துல் ஹஜ் பிறை 11-ஆம் நாள் 11-ஆம் நாள் ளுஹருடைய நேரம் வந்ததிலிருந்து சூரியன் மறைவதற்கு முன் மூன்று ஜம்ராக்களுக்கும் முறையே ஏழு கற்கள் வீதம் எறிய வேண்டும். முதலில் சிறிய ஜம்ராவிற்கும், இரண்டாவது நடு ஜம்ராவிற்கும், மூன்றாவது பெரிய ஜம்ராவிற்கும் எறிய வேண்டும். முதலாவது ஜம்ராவிற்கு கல் எறிந்த பின் வலது பக்கம் சற்று முன்னால்; சென்று கிப்லாவை முன்னோக்கி துஆச் செய்வது சுன்னத்தாகும். இரண்டாவது ஜம்ராவிற்கு கல் எறிந்த பின் இடது பக்கம் சற்று முன்னால் சென்று கிப்லாவை முன்னோக்கி துஆச் செய்வது சுன்னத்தாகும். மூன்றாவது ஜம்ராவிற்க்குப்பின் துஆச் செய்வது சுன்னத்தல்ல. துல் ஹஜ் பிறை 12-ஆம் நாள் 12-ஆம் இரவும் மினாவில் தங்குவது அவசியமாகும். 12-ஆம் நாளும் 11-ஆம் நாளைப் போன்றே மூன்று ஜம்ராக்களுக்கும் ளுஹர் தொழுகையின் நேரத்திற்குப் பின் கல் எறிய வேண்டும். 12-ஆம் நாளோடு ஹஜ்ஜுக் கடமையை முடித்துவிட்டுச் செல்ல விரும்புபவர்கள் சூரியன் மறைவதற்கு முன் மினா எல்லையை விட்டும் வெளியாகிவிட வேண்டும். 13-ஆம் நாளும் மினாவில் தங்க விரும்புபவர்கள் 13-ஆம் இரவும் மினாவில் தங்கிவிட்டு 13-ஆம் நாள் ளுஹர் நேரத்திற்க்குப் பின் மூன்று ஜம்ராக்களுக்கும் கல் எறிந்துவிட்டு மக்கா செல்ல வேண்டும். 10,11,12,13-ஆம் நாட்களில் மினாவில் ஒவ்வொரு தொழுகையையும் உரிய நேரத்தில் தொழ வேண்டும். நான்கு ரக்அத்துத் தொழுகைகளை இரண்டு ரக்அத்துக்களாக, சுருக்கித் தொழ வேண்டும். மாதவிடாய் மற்றும் பிரசவத் தீட்டு ஏற்பட்ட பெண்கள் தவாப் மற்றும் தொழுகையைத்தவிர ஹஜ்ஜுடைய மற்ற எல்லா அமல்களையும் செய்யலாம். சுத்தமானதும் விடுபட்ட தவாபை நிறைவேற்ற வேண்டும். தவாபுல் விதா ஹஜ் கடமையை முடித்துவிட்டு தன்வீடு செல்ல விரும்புபவர்கள் கடைசியாகச் செய்யும் அமல் தவாபுல் விதாவாகும். தவாபுல் விதா என்பது கஃபத்துல்லாவிலிருந்து விடை பெற்றுச் செல்லும் தவாபாகும். அதுவே ஹஜ் செய்பவரின் கடைசி அமலாகும். தவாபுல் இஃபாலாவை முடித்த ஒரு பெண் மாதவிடாய் மற்றும் பிரசவ இரத்தத்தின் காரணமாக தவாபுல் விதாவைச் செய்ய முடியாவிட்டால் அப்பெண்ணிற்கு மாத்திரம் தவாபுல் விதாவை விடுவதற்கு அனுமதி உண்டு. மற்ற எல்லா ஹாஜிகளும் அதை நிறைவேற்றுவது அவசியமாகும். மக்காவிலுள்ள எல்லா வேலைகளையும் முடித்துவிட்டு கடைசியாக தவாபுல் விதாவைச் செய்ய வேண்டும். தவாபுல் விதா முடிந்ததும் பயணத்தைத் தொடங்க வேண்டும். இத்துடன் ஹஜ் கடமை முடிவடைகின்றது. சிலர் தவாபுல் விதாவை செய்து விட்டு கல் எறிகின்றார்கள். இது முற்றிலும் தவறாகும். அவர் மீண்டும் தவாபுல் விதா செய்ய வேண்டும். இன்னும் சிலர் தவாபுல் விதாவை முடித்துவிட்டுச் செல்லும் போது கஃபாவை பார்த்துக் கொண்டே பின்னோக்கி வருகின்றார்கள், இதுவும் தவறாகும். அல்லாஹ் நம் அனைவரின் ஹஜ் கடமைகளையும் ஏற்று அன்று பிறந்த பாலகனைப் போன்று தன் தாயகம் திரும்ப நம் அனைவருக்கும் வாய்ப்பளிப்பானாக! இஹ்ராம் அணிந்தவர் தவிர்க்க வேண்டியவைகள் 1-உடலிலுள்ள முடியையோ, நகங்களையோ எடுப்பது. 2-உடல், ஆடைகள், உணவு, குடிபானம் ஆகியவைகளில் மணம் பூசுவது. 3-பூமியிலுள்ள உயிர்ப்பிராணிகளைக் கொல்வது அல்லது வேட்டையாடுவது, விரட்டுவது. 4-இஹ்ராமிலும், இஹ்ராமில்லாத நிலையிலும் ஹரமின் எல்லைக்குள் உள்ள மரம் செடிகளை வெட்டுவது. 5-தவறி விடப்பட்ட பொருட்களை எடுப்பது. ஆனால் உரியவர்களிடம் கொடுக்க முடியுமாக இருந்தால் மட்டும் எடுக்கலாம். 6-இஹ்ராம் அணிந்தவர் திருமணம் செய்யவோ, அல்லது முடித்து கொடுக்கவோ, தனக்கோ அல்லது பிறருக்கோ திருமணம் பேசவோ கூடாது. இன்னும் பெண்ணுடன் உடலுறவு கொள்வது, காம உணர்வோடு கலந்துரையாடுவதும் கூடாது. ஹஜ்ஜுடைய நேரத்தில் உடலுறவு கொண்டால் அந்த ஹஜ்ஜு சேராது. அதற்கு பரிகாரமாக ஓர் குர்பானி கொடுப்பதுடன் அடுத்த வருடம் மீண்டும் ஹஜ்ஜு செய்ய வேண்டும். ஆண்கள் மீது மாத்திரம் விலக்கப்பட்டவைகள் தலையை, துணி போன்றவைகளால் மறைப்பது, சட்டையையோ அல்லது தையல் போடப்பட்ட எந்தவித உடைகளையோ உடம்பில் எந்த இடத்திலாவது அணிவது. பெண்கள் மீது மாத்திரம் விலக்கப்பட்டவைகள் இஹ்ராமுடைய நிலையில் பெண்கள் கையுறை அணிவது, முகத்தை புர்காவால் மூடுவது கூடாது. ஆனால் அன்னிய ஆண்களுக்கு முன் இருக்கும் போது முகத்தை மூடிக்கொள்ள வேண்டும். அர்கானுல் ஹஜ் (ஹஜ்ஜின் கடமைகள்) இவைகளைச் செய்யாமல் ஹஜ்ஜுநிறைவேறாது.   1-நிய்யத் வைப்பதோடு இஹ்ராம் உடை அணிதல். 2-அரஃபாவில் தங்குதல். 3-தவாபுல் இஃபாலா செய்தல். 4-ஸஃபா மர்வா மலைக்கு மத்தியில் ஹஜ்ஜுடைய ஸஃயி செய்தல். ஹஜ்ஜுடைய வாஜிபுகள் (அவசியமானவைகள்) (1) நபி (ஸல்) அவர்கள் கூறிய எல்லையிலிருந்து இஹ்ராம் அணிதல். (2) சூரியன் மறையும் வரை அரஃபாவில் தங்கி இருத்தல். (3) 10-ஆம் இரவு முஸ்தலிஃபாவில் தங்குதல். (4) 10-ஆம் நாள் காலையில் பெரிய ஜம்ராவிற்கு ஏழு கற்களும், 11, 12-ஆம் நாட்கள் மூன்று ஜம்ராக்களுக்கும் முறையே ஏழேழு கற்கள் வீதம் எறிதல், 13-ஆம் நாள் மினாவில் தங்குபவர்கள் 13-ஆம் நாளும் கல்லெறிய வேண்டும். (5) ஆண்கள் முடியை மழிப்பது அல்லது கத்தரிப்பது. பெண்கள் முடியின் நுனியில் விரலின் நுனியளவு கத்தரிப்பது. (6) 11, 12-ஆம் இரவில் மினாவில் தங்குவது. (13-ஆம் நாள் விரும்பியவர்கள் மினாவில் தங்கலாம். இந்த இரவு தங்குவது அவசியமில்லை, ஆனால் சிறந்தது.) (ஹஜ் செய்யும் போது) கெட்ட செயல்களில் ஈடுபடாமலும், தன் மனைவியோடு இல்லற உறவில் ஈடுபடாமலும் யார் ஹஜ் செய்கின்றாரோ அவர் அன்று பிறந்த பாலகரைப்போன்று (தன் தாயகம்) திரும்பிச் செல்வார் என நபி (ஸல்) அவர்கள் கூறினார்கள் நன்றி: C.O.C.G வெளியீடு, ஜித்தா தொடர்புடைய சுட்டிகள்: ஹஜ் உம்ரா ஜியாரத் - ஆய்வும் தெளிவும் (16 தலைப்புகளில்) துல்ஹஜ் மாதத்தின் முந்தைய 10 நாட்களின் சிறப்புகளும் உழ்ஹிய்யாவின் சட்டங்களும்

search this website

எது சுதந்திரம்

இந்திய விடுதலைப் போரில் முஸ்லிம்கள்! | மக்கான் - http://www.thaikkal.com/?p=10970

இந்திய சுதந்திர போராட்டத்தில் முஸ்லிம்களின் (மறைக்கப்பட்ட) அரும்பெரும்பங்கு..! | ~முஹம்மத் ஆஷிக்_citizen of world~ - http://pinnoottavaathi.blogspot.com/2012/08/blog-post.html?m=1

இந்த சரித்திர நாயகர்கள் நமது இந்திய சுதந்திர போராட்ட களத்தில் தலையாய கடமையாற்றியவர்கள்:ا
1.����ஆங்கிலேயர்களுக்கு எதிராக முதல் புரட்சிக் குரல் கொடுத்தவர்-
நவாப் சிராஜுத் தௌலா
2.����மைசூர் புலி ஷஹீத் திப்பு சுல்தான்
3.����ஹஜரத் ஷாஹ்வலியுல்லாஹ் முஹத்திஸ் தெஹ்லவி
4.����ஹஜரத் ஷாஹ் அப்துல் அஜீஸ் முஹத்திஸ் தெஹ்லவி
5.����ஹஜரத் சையத் அஹ்மத் ஷஹீத்
6.����ஹஜ்ரத் மவுலானா விலாயத் அலி சாதிக்பூரி
7.����அபு ஜஃபர் சிராஜுத்தீன் முஹம்மத் பஹதுர்ஷா ஜஃபர்
8.����அல்லாமா ஃபஜ்ல ஹக் கைராபாதி
9.����ஷஹ்ஜாதா ஃபைரோஜ் ஷாஹ்
10.����மவுல்வி முஹம்மத் பாகர் ஷஹீத்
11.����பேகம் ஹஜ்ரத் மஹால்
12.����மவுலானா அஹ்மதுல்லாஹ் ஷாஹ்
13.����நவாப் கான் பஹாதுர் கான்
14.����அஜீஸான் பாய்
15.����ஷாஹ் அப்துல் காதிர் லுதியானவி
16.����ஹஜ்ரத் ஹாஜி இம்தாதுல்லாஹ் முஹாஜிர மக்கி
17.����ஹஜ்ரத் மவுலானா முஹம்மத் காஸிம் நானொத்தவி
18.����ஹஜ்ரத் மவுலானா ரஹ்மதுல்லா கைரானவி
19.����ஷேகுல் ஹிந்த் ஹஜ்ரத் மவுலான மஹ்மூதுல் ஹஸன்
20.����ஹஜ்ரத் மவுலானா உபைதுல்லாஹ் ஸிந்தி
21.����ஹஜ்ரத் மவுலானா ரஷீத் அஹ்மத் கங்கோஹி
22.����ஹஜ்ரத் மவுலானா அன்வர் ஷாஹ் கஷ்மீரி
23.����மவுலானா பர்கதுல்லாஹ் போபாலி
24.����ஹஜ்ரத் மவுலானா முஃப்தி கிஃபாயதுல்லாஹ்
25.����ஸஹ்பானுல் ஹிந்த் மவுலானா அஹ்மத் ஸயீத் தெஹ்லவி
26.����ஹஜ்ரத் மவுலானா சையத் ஹுஸைன் அஹ்மத் மதனி
27.����ஸய்யீதுல் அஹ்ரார் மவுலானா முஹம்மத் அலி ஜவ்ஹர்
28.����மவுலானா ஹஸரத் மூஹானி
29.����மவுலானா ஆரிஃப் ரிஜ்வி
30.����மவுலானா அபுல் கலாம் ஆஜாத்
31.����ரயீஸுல் அஹ்ரார் மவுலானா ஹபீபுர் ரஹ்மான் லுதியானவி
32.����டாக்டர் ஸயீஃபுத்தீன் கிச்லு
33.����மஸீஹுல் முல்க் ஹகீம் அஜ்மல்கான்
34.����மவுலானா மஜாஹிருல் ஹக்
35.����மவுலானா ஜஃபர் அலி கான்
36.����அல்லாமா இனாயதுல்லாஹ் கான் மஷ்ரீகி
37.����டாக்டர் முக்தார் அஹ்மத் அன்ஸாரி
38.����ஜெனரல் ஷாஹ்னவாஜ் கான்
39.����ஹஜ்ரத் மவுலானா முஹம்மத் மியான்
40.����மவுலானா ஹிஃப்ஜுர் ரஹ்மான் ஸுயுஹாரி
41.����ஹஜ்ரத் மவுலானா அப்துல் பாரி ஃபிரங்கிமஹாலி
42.����கான் அப்துல் கப்பார் கான்
43.����முஃப்தி அதீகுர் ரஹ்மான் உஸ்மானி
44.����டாக்டர் சையத் மஹ்மூத்
45.����கான் அப்துல் சமத் கான்
46.����ரஃபீ அஹ்மத் கித்வாயீ
47.����யூசுஃப் மெஹர் அலி
48.����அஷ்ஃபாகுல்லாஹ் கான்
49.����பாரிஸ்டர் ஆஸிஃப் அலி
50.����ஹஜரத் மவுலானா அதாவுல்லாஹ் ஷாஹ் புகாரி
51.����மவுலானா கலீலுர் ரஹ்மான் லுதியானவி
52.����அப்துல் கையூம் அன்ஸாரி
53.����பாரிஸ்டர் பதுருத்தீன் தையப்ஜி
54.���� சுரைய்யா தையப்ஜி (நமது இந்திய தேசிய கொடியை வடிவமைத்த பெண்மணி)
இவர்களைப் போல இன்னும் பல லட்சம் முஸ்லீம்கள் நமது நாட்டு சுதந்திரத்திற்காக ரத்தம் சிந்தி போராடியுள்ளனர்.ا

இத் தகவலை  அனைத்திந்திய  அளவிலும், ஏன் உலகலளவிலும் உரத்து தெரிவிக்க வேண்டியது நமது தற்போதைய கட்டாய கடமையாகும்.

- https://m.facebook.com/permalink.php?story_fbid=361624650688800&id=348328472018418&substory_index=0

இந்திய சுதந்திரப் போரில் முஸ்லிம்களின் பங்கு | அதிரைஎக்ஸ்ப்ரஸ் - https://adiraiexpress.wordpress.com/2008/08/18/%e0%ae%87%e0%ae%a8%e0%af%8d%e0%ae%a4%e0%ae%bf%e0%ae%af-%e0%ae%9a%e0%af%81%e0%ae%a4%e0%ae%a8%e0%af%8d%e0%ae%a4%e0%ae%bf%e0%ae%b0%e0%ae%aa%e0%af%8d-%e0%ae%aa%e0%af%8b%e0%ae%b0%e0%ae%bf%e0%ae%b2%e0%af%8d/

முஸ்லிம் எக்ஸ்பிரஸ்: இந்திய சுதந்திர போராட்டத்தில் இஸ்லாமியர்கள் பங்கு - http://salemexpress.blogspot.in/2009/11/blog-post_03.html?m=1

மாவீரன் திப்புசுல்தான் : இந்திய விடுதலைப் போரின் உயிர்நாடி - http://jbookonline.blogspot.in/2010/11/blog-post_01.html?m=1

இந்திய விடுதலைப் போரில், இஸ்லாமிய பெண்கள் - http://www.jaffnamuslim.com/2013/10/blog-post_3333.html?m=1

இந்திய சுதந்திர போராட்டத்தில் முஸ்லிம்கள்-1 - http://www.aatroram.com/?p=11582

TAMIL NADU STATE JAMA'ATHUL ULAMA SABAI - http://ulama.in/node/235

Kayal on the Web - the community portal of Kayalpatnam - http://www.kayalpatnam.com/columns.asp?id=107

மதுவிலக்கு ஏன்

குடி குடியை கெடுக்கும், குடிப்பழக்கம் உடல் நலத்தை கெடுக்கும்

1)    மது அருந்தியவன் பைத்தியக்காரனைப்போல் வாயில் வந்தவற்றையெல்லாம் உளர ஆரம்பித்து விடுவான். இதனால் அறிஞர்கள் அவனை இழித்துரைப்பார்கள். சிறுவர்கள் ஏலனமாக சிரிப்பார்கள்.

2)    மது அருந்துவது பொருளை போக்குவதோடு அறிவையும் அழித்துவிடுகிறது. சகோதரர்கள் நண்பர்களிடையே பகை உணர்ச்சியும் வஞ்சகமும் தோன்றும். மது அருந்துவதால் தொழுகை இறை தியானம் போன்ற நற்செயல்கள் தடை பெறுகின்றன.

3)    மது அருந்துபவன் விபச்சாரத்தின் பக்கம் எளிதில் சென்றுவிடுவான். ஏனெனில் மது அருந்தியதும் அவனையுமறியாமல் மங்கையர் மீது மையலும் மொகமும் ஏற்பட்டு விடுகிறது.அவனது மிருக உணர்ச்சி தலைதூக்குகிறது.

4)    மது அருந்துவது பாவங்களனைத்திற்கும் திறவுகோலாக உள்ளது. மற்றய பாவங்களை செய்வது எளிதாக ஆகிவிடுகிறது.தீமை பயக்கும் மதுக்கடைகளுக்கு செல்வதால் அவனை பாதுகாக்கும் மலக்குகள் நோவினை அடைகின்றனர்.

5)    மது அருந்துவது என்பது கசயடி தண்டனை பெறுவதற்கு தகுதியானவனாகச் செய்கிறது. இத் தண்டனை உலகில் கிடைக்காவிட்டால் மறுமையில் கோடானு கோடி மக்கள் முன்னிலையில் நரக நெருப்பால் ஆன சாட்டையில் வன்முறையாக அடிக்கப்படும். அதை அவனது பெற்றொர்களும் உறவினர்களும் காணுவர்.

6)    மது அருந்துபனை பொறுத்தவரை வானத்தின் வாசல்கள் அடைக்கப்படுகின்றன. நாற்பது நாட்களுக்கு அவனது பிராத்தனைகளோ நற் செயல்களோ அங்கிகரிக்கப்படுவதில்லை.

7)    அவன் இறக்கும் போது ஈமானுடன் மரணமடைவான் என்று உறுதி கூற முடியாது. ஈமான் அவனை விட்டும் நீங்கி விடலாம் என அஞ்சப்படும். சிந்தனை செம்மல்களே! மது அருந்துவதால் ஏற்படும் தீய விளைவுகள் எவ்வளவு பயங்கரமானவை என்பதை இம் மணி மொழிகள் நமக்கு உணர்த்துகின்றன. மது அருந்துவதை விட்டு நீங்கி கொள்ளுங்கள். ஏனெனில் அதுவே பாவங்களின் தாயாக உள்ளது என்ற நபிமணியின் பொன்மொழி நமது நெஞ்சில் என்றென்றும் ஒலித்துக்கோண்டிருக்கட்டும். மதுவினால் ஏற்படும் தீமைகளை கண்ட நாம் மதியை போக்கும் மதுவே  போ....... போ...... என விடைபெறுவோமாக.

தீயோரின் வேதனை அனைவருக்கும்.
  
நபிகள் நாயகம் அவர்கள் சொல்கிறார்கள்

என் சமுதாயம் கீழ் காணும் பதினைந்து வஷயங்களை செய்தால் சிகப்பு காற்று பூகம்பம், உருமாற்றம், கல்மாரி எனத்தொடர்ச்சியான பல வேதனைகள் நிகழும்.

1)பொது சொத்துக்களை சொந்த பொருளாக பயன் படுத்துதல். 2)அமானிதத்தை பேனாதிருத்தல், 3)ஏழை வரி ஜக்காத்தை நிறைவேற்றாமல் இருத்தல், 4)மார்க்கத்தை பரப்புவதற்காக கல்வி கற்காமலிருத்தல், 5)கணவன் மனைவிக்கு அடிமையாகிவிடுதல், 6)தாயை அவமதித்தல், 7)அன்னிய மனிதனுக்கு உதவி செய்யும் மகன் தன் தந்தைக்கு உதவி செய்யாமலிருத்தல். 8)மஸ்ஜிதில் உலக பேச்சுகள் அதிகமாகி விடுதல். 9)பாவியானவன் கூட்டத்திற்கு தலைவனாக இருத்தல், 10)இழிவுக்குறியவன் ஊர் தலைவனாக் இருத்தல், 11)நாட்டியக்காரிகள் அதிகமாகி விடுதல், 12)இசைக்கருவிகள் அதிகமாதல், 13)பிற்காலத்தவர் முற்காலத்தவரை சபித்தல், 14)ஒருவரின் தீமைக்கு பயந்து அவனுக்கு கண்ணியம் கொடுத்தல், 15)மதுபானங்கள் அருந்துதல்.

நூல் : மிஷ்காத்

இத் தீய காரியங்கள் அனைத்தும் நிகழ்ந்து வருகின்றன. இதை நல்லவர்கள் கண்டுகொள்ளாமலிருந்தால் அதன் தீய விளைவு அனைவரையும் தாக்கும் என்பதில் ஐயமில்லை. 1999 ஆகஸ்ட் மாதம்17 ம் தேதி செவ்வாய் இரவு 3 மணிக்கு மக்கள் அயர்ந்து தூங்கிக்கொண்டிருக்கையில் துருக்கியில் பூகம்பம் ஏற்பட்டது. இஸ்தான்புல்லுக்கு கிழக்கே 90 கிலோமீட்டர் தொலைவில் உள்ள இஸ்மித் நகரை மையமாக கொண்டு இது ஏற்பட்டது. இதில் 40 ஆயிரத்திற்கும் அதிகமானோர் பரிதாபமாக இறந்தனர்.

குடியிருக்கக்கூடிய ஆயிரமாயிரம் கட்டிடங்கள் உயரத்திலிருந்து விழுந்து நொறுங்கியது. இந்த இறை வேதனையில் ஏற்பட்ட நஸ்டத்தை சரியாக கவனிக்க இயலவில்லை.அந்த அளவுக்கு மிகப்பெரிய நஷ்டம். இதனால் இந்நாட்டின் பொருளாதாரம் உலுக்கப்பட்டு பின்னடைவு ஏற்பட்டுள்ளது. பாவம் செய்பவர்களின் வேதனை யாவருக்கும் வரும் என்பதை இந்த பூகம்பம் உணர்த்துகிறது.நபிகள் நாயகம் (ஸல்) சொல்கின்றார்கள்:- ஒரு சமுதாயத்தில் ஒருவர் பாவம் செய்கிறார். அதை தடுக்க சக்தியிருந்தும் அந்த சமுதாயத்தினர் தடுக்காவிட்டால் அவர்கள் இறப்பதற்கு முன்பே அல்லாஹ் அவர்களுக்கு தண்டனை கொடுப்பான்.

நூல்: அபூ தாவூத்

ஒரு வீட்டில் தீ பிடித்துவிட்டால் அதன் அருகிலுள்ளோர் அனைக்க வேண்டும். இல்லையெனில் சுற்றியுள்ள பற்பல வீட்டையும் நாசமாக்கிவிடும். இதேபோன்று தீச்செயல்களைத் தடுக்க வேண்டும். யார் எக்கேடு கெட்டுபோனால் நமக்கென்ன என்று இருந்தால் வேதனை சுடும். சமுதாயத்தில் பரவியிருக்கும் தீய செயல்களாம் வர தட்சணை. கொலை,கொள்ளை என்பன போன்றவையின் வேதனை, பாதிப்பு அனைத்து மக்களையும் துன்பத்திலும் துயரத்திலும் ஆழ்த்தியுள்ளன. அதேபோல் மது அருந்துவது சர்வ சாதாரணமாக கருதப்படுகிறது

மது அருந்துவோருக்கு எச்சரிக்கை

மனிதனின் அறிவை மாற்றி மிருகத்திற்கு ஒப்பாக்கி வைக்கும் மதுவை அருந்துதல் கொடிய குற்றமாகும்.கள்ளை தவிர்த்துக்கொள்ளுங்கள். ஏனெனில் அது கெடுதிகள் அனைத்திற்கும் தாயாகும். அல்லாஹ்வின் மீது பிரமாணமாக உண்மை விசுவாசமும் கள் குடித்தலும் ஒன்று சேராது. இரண்டில் ஒன்று மற்றொன்றை அப்புறப்படுத்திவிடும் என்று நாயகம் (ஸல்) அவர்கள் கூறியுள்ளார்கள்.

அறிவிப்பவர் : உதுமான் ( ரலி ) அவ்ர்கள். நூல்: நஸாஈ

மது அருந்துவோர் குற்றவாளியாக இருப்பது போல அவர்களுக்கு உதவியாக இருப்போரும் குற்ரவாளிகளே. நாயகம் (ஸல்) அவர்கள் மது சம்பந்தமாக 10 பேர்களை சபித்துள்ளார்கள். 1) மதுவை காய்ச்சுபவர், 2) அதனை காய்ச்சுவதற்கு உதவுபவர், 3)அதை குடிப்பவர் , 4) அதனை புகட்டுபவர், 5) அதனை சுமந்து செல்பவர், 6) அதனை சுமந்து செல்ல ஏற்பாடு செய்பவர், 7) அதனை விற்பனை செய்பவர், 8) அதை வாங்குபவர், 9) அதனை வெகுமதியாக கொடுப்பவர், 10அத்கை விற்று பிசிப்பவர் ஆகியோர்.

அறிவிப்பவர் : ஹஜ்ரத் அனஸ் (ரலி) நூல்: திர்மிதி

ஹுரைஷ் என்ற பாம்பு யாரைத்தேடுகிறது ?
நாயகம் (ஸல்) அவர்கள் கூறியுள்ளார்கள்:-
கியாமத்தன்று நரகத்திலிருந்து ஒரு பாம்பு வெளியாகும். அதன் பெயர் ஹுரைஷ். அது தேள் பொன்ற விஷ ஜந்துக்களை உருவாக்கும். அதன் தலை ஏழாவது வானத்திலேயும் அதன் வால் ஏழு பூமிக்கு கீழேயும் இருக்கும். அது வருடத்திற்கு ஆயிரம் முறை சொந்த்த்தை துண்டித்து வாழ்ந்தவன் எங்கே ? மது அருந்தியவன் எங்கே ? என அழைத்துக்கொண்டிருக்கிறது. அதனிடம் ஜிப்ராயில் (அலை) அவர்கள் ஹுரைஷே ! யாரை தேடிக்கொண்டிருக்கிறாய் என கேட்பார்கள். அப்போது ஹுரைஷ் ஐந்து நபர்களை தேடுகிறேன் எனக்கூறும். 1) தொழுகையை விட்டவன், 2) ஜக்காத்து கொடுக்காதவன், 3)மது அருந்தியவன், 4) வட்டி சாப்பிட்டவன், 5) மஸ்ஜிதில் உலகப்பேச்சு பேசியவன்

அல் ஹதீஸ்
மஹ்ஷரில் உதிக்கும் 12 கூட்டம்
மஆதிப்னு ஜபல் (ரலி) அவர்கள் வினாவுக்கு நாயகம் (ஸல்) அவர்கள் பதிலளித்தார்கள். அதாவது எனது உம்மத்துக்கள் துக்கமும் , கஷ்டமும் ,கைசேதமிக்க அந்த கியாமத்து நாளில் கப்ருகளிலிருந்து 12 கூட்டமாக எழுப்பப்படுவார்கள். அதில் 11 வது கூட்டத்தாரின் நிலைமை என்ன தெரியுமா?

குருடர்களாகவும், மாட்டின் கொம்பை போன்ற பற்களையுடையவர்களாகவும், உதடு நெஞ்சு அல்லது தொடை வரையிலும் தொங்கியவர்களாகவும் எழுப்பப்படுவார்கள். இவர்கள் மதுபானம் அருந்தியவர்களும், தவ்பா இன்றியே மரணித்தவர்களாகும். இவர்களை நரகத்திற்கு இழுத்துச்செல்லுங்கள் என்று ஒரு சப்தம் வரும். அப்படியே அவர்களை நரகத்திற்கு இழுத்துச்செல்லப்படும் என்று நாயகம் (ஸல்) அவர்கள் கூறியுள்ளார்கள்.

குடி குடியை கெடுக்கும், குடிப்பழக்கம் உடல் நலத்தை கெடுக்கும்.

எவர் மது பானத்தை ஹலாலாக கருதுவாரோ, நிச்சயமாக அவர் என்னைவிட்டும் நீங்கிவிட்டார். நான் அவரை விட்டும் நீங்கிவிட்டேன். (அல் ஹதீஸ்) மேலும் ஹதீஸ் குத்ஸீயில் எனது வல்லமையின் மீது ஆணையாக, எவர் உலகில் மதுபானம் அருந்துவாரோ அவரின் இருதயத்தை கியாமத்து நாளில் தாகத்தாலும் வரட்சியாலும் காய்ந்ததாகவும் அவனின் நாக்கை வெளியாக்கி நெஞ்சு வரையிலும் தொங்கியவனாக கடினமான தாகம் உள்ளதாகவும் ஆக்கிவைப்பேன். மேலும் எவர் என் உத்தரவிற்காக மதுபானம் அருந்தாமல் இருந்தாரோ அவரை என் அர்ஷுக்கு கீழே குர்ஸீ என்ற இடத்தில் இருக்கச்செய்து சொர்க்கலோகத்தின் பானங்களை புகட்டுவேன் என்று கூறியுள்ளான்.

ஆதார நூல் : ஜவாஜிர்

ஒரு அடியான் ஒரு தடவை முதன் முதலாக மதுபானம் அருந்துவானேயானால் அவனது உள்ளம் கருப்படைந்துவிடும். இரண்டாம் முறை குடிப்பானேயானால் மலக்குல் மௌத்து (அலை) அவர்கள் அவன் மீது வெறுப்படைவார்கள். மூன்றாம் முறை குடிப்பானேயானால் அவனை நாயகம் (ஸல்) வெறுக்கிறார்கள். நான்காம் முறை குடிப்பானேயானால் அவனுக்கு பாதுகாப்புக்காக சாட்டப்பட்டுள்ள மலக்குகள் அவனை வெறுக்கிறார்கள். ஐந்தாம் விடுத்தம் குடிப்பானேயானால் அவனை ஜிப்ராயில் (அலை) அவர்கள் வெறுக்கிறார்கள். ஆறாவது விடுத்தம் குடிப்பானேயானால் மீக்காயீல் (அலை) அவர்கள் வெறுக்கிறார்கள். ஏழாம் முறை குடிப்பானேயானால் அவனை இஸ்ராயீல் (அலை) அவர்கள், எட்டாம் முறை குடிப்பானேயானால் அவனை வானலோகம் வெறுக்கிறது. ஒன்பதாவது விடுத்தம் குடிப்பவர்களை வானலோகத்தில் உள்ளவர்களெல்லாம் வெறுக்கிறார்கள். பத்தாம் விடுத்தம் குடிப்பவர்களுக்கு சொர்கத்தின் கதவுகள் மூடப்படுகின்றன. பதினொன்றாம் முறை குடிப்பவர்களுக்கு நரக வாசல் திறந்து வைக்கப்படுகிறது..பனிரெண்டாம் முறை குடிப்பவர்களை அர்ஷை சுமந்திருப்பவர்கள் வெறுக்கிறார்கள். மதிமூன்றாம் விடுத்தம் குடிப்பவர்களை இறைவனும் வெறுக்கிறான். எவர்களை இறைவனும் அவனது ரசூல் மார்களும்,வாணவர்களும் அர்ஷும்,குர்ஸீயும், மலக்குகளும்  வெறுக்கிறார்களோ அவர்கள் நரகத்தில் இருஇருப்பார்கள்.

அல் ஹதீஸ்

மது அருந்துவோருக்கு எச்சரிக்கை

மனிதனின் அறிவை மாற்றி மிருகத்திற்கு ஒப்பாக்கி வைக்கும் மதுவை அருந்துதல் கொடிய குற்றமாகும்.கள்ளை தவிர்த்துக்கொள்ளுங்கள். ஏனெனில் அது கெடுதிகள் அனைத்திற்கும் தாயாகும். அல்லாஹ்வின் மீது பிரமாணமாக உண்மை விசுவாசமும் கள் குடித்தலும் ஒன்று சேராது. இரண்டில் ஒன்று மற்றொன்றை அப்புறப்படுத்திவிடும் என்று நாயகம் (ஸல்) அவர்கள் கூறியுள்ளார்கள்.

அறிவிப்பவர் : உதுமான் ( ரலி ) அவ்ர்கள். நூல்: நஸாஈ

மது அருந்துவோர் குற்றவாளியாக இருப்பது போல அவர்களுக்கு உதவியாக இருப்போரும் குற்ரவாளிகளே. நாயகம் (ஸல்) அவர்கள் மது சம்பந்தமாக 10 பேர்களை சபித்துள்ளார்கள். 1) மதுவை காய்ச்சுபவர், 2) அதனை காய்ச்சுவதற்கு உதவுபவர், 3)அதை குடிப்பவர் , 4) அதனை புகட்டுபவர், 5) அதனை சுமந்து செல்பவர், 6) அதனை சுமந்து செல்ல ஏற்பாடு செய்பவர், 7) அதனை விற்பனை செய்பவர், 8) அதை வாங்குபவர், 9) அதனை வெகுமதியாக கொடுப்பவர், 10அத்கை விற்று பிசிப்பவர் ஆகியோர்.

அறிவிப்பவர் : ஹஜ்ரத் அனஸ் (ரலி) நூல்: திர்மிதி

ஹுரைஷ் என்ற பாம்பு யாரைத்தேடுகிறது ?
நாயகம் (ஸல்) அவர்கள் கூறியுள்ளார்கள்:-
கியாமத்தன்று நரகத்திலிருந்து ஒரு பாம்பு வெளியாகும். அதன் பெயர் ஹுரைஷ். அது தேள் பொன்ற விஷ ஜந்துக்களை உருவாக்கும். அதன் தலை ஏழாவது வானத்திலேயும் அதன் வால் ஏழு பூமிக்கு கீழேயும் இருக்கும். அது வருடத்திற்கு ஆயிரம் முறை சொந்த்த்தை துண்டித்து வாழ்ந்தவன் எங்கே ? மது அருந்தியவன் எங்கே ? என அழைத்துக்கொண்டிருக்கிறது. அதனிடம் ஜிப்ராயில் (அலை) அவர்கள் ஹுரைஷே ! யாரை தேடிக்கொண்டிருக்கிறாய் என கேட்பார்கள். அப்போது ஹுரைஷ் ஐந்து நபர்களை தேடுகிறேன் எனக்கூறும். 1) தொழுகையை விட்டவன், 2) ஜக்காத்து கொடுக்காதவன், 3)மது அருந்தியவன், 4) வட்டி சாப்பிட்டவன், 5) மஸ்ஜிதில் உலகப்பேச்சு பேசியவன்

அல் ஹதீஸ்
மஹ்ஷரில் உதிக்கும் 12 கூட்டம்
மஆதிப்னு ஜபல் (ரலி) அவர்கள் வினாவுக்கு நாயகம் (ஸல்) அவர்கள் பதிலளித்தார்கள். அதாவது எனது உம்மத்துக்கள் துக்கமும் , கஷ்டமும் ,கைசேதமிக்க அந்த கியாமத்து நாளில் கப்ருகளிலிருந்து 12 கூட்டமாக எழுப்பப்படுவார்கள். அதில் 11 வது கூட்டத்தாரின் நிலைமை என்ன தெரியுமா?

குருடர்களாகவும், மாட்டின் கொம்பை போன்ற பற்களையுடையவர்களாகவும், உதடு நெஞ்சு அல்லது தொடை வரையிலும் தொங்கியவர்களாகவும் எழுப்பப்படுவார்கள். இவர்கள் மதுபானம் அருந்தியவர்களும், தவ்பா இன்றியே மரணித்தவர்களாகும். இவர்களை நரகத்திற்கு இழுத்துச்செல்லுங்கள் என்று ஒரு சப்தம் வரும். அப்படியே அவர்களை நரகத்திற்கு இழுத்துச்செல்லப்படும் என்று நாயகம் (ஸல்) அவர்கள் கூறியுள்ளார்கள்.

குடி குடியை கெடுக்கும், குடிப்பழக்கம் உடல் நலத்தை கெடுக்கும்.

எவர் மது பானத்தை ஹலாலாக கருதுவாரோ, நிச்சயமாக அவர் என்னைவிட்டும் நீங்கிவிட்டார். நான் அவரை விட்டும் நீங்கிவிட்டேன். (அல் ஹதீஸ்) மேலும் ஹதீஸ் குத்ஸீயில் எனது வல்லமையின் மீது ஆணையாக, எவர் உலகில் மதுபானம் அருந்துவாரோ அவரின் இருதயத்தை கியாமத்து நாளில் தாகத்தாலும் வரட்சியாலும் காய்ந்ததாகவும் அவனின் நாக்கை வெளியாக்கி நெஞ்சு வரையிலும் தொங்கியவனாக கடினமான தாகம் உள்ளதாகவும் ஆக்கிவைப்பேன். மேலும் எவர் என் உத்தரவிற்காக மதுபானம் அருந்தாமல் இருந்தாரோ அவரை என் அர்ஷுக்கு கீழே குர்ஸீ என்ற இடத்தில் இருக்கச்செய்து சொர்க்கலோகத்தின் பானங்களை புகட்டுவேன் என்று கூறியுள்ளான்.

ஆதார நூல் : ஜவாஜிர்

ஒரு அடியான் ஒரு தடவை முதன் முதலாக மதுபானம் அருந்துவானேயானால் அவனது உள்ளம் கருப்படைந்துவிடும். இரண்டாம் முறை குடிப்பானேயானால் மலக்குல் மௌத்து (அலை) அவர்கள் அவன் மீது வெறுப்படைவார்கள். மூன்றாம் முறை குடிப்பானேயானால் அவனை நாயகம் (ஸல்) வெறுக்கிறார்கள். நான்காம் முறை குடிப்பானேயானால் அவனுக்கு பாதுகாப்புக்காக சாட்டப்பட்டுள்ள மலக்குகள் அவனை வெறுக்கிறார்கள். ஐந்தாம் விடுத்தம் குடிப்பானேயானால் அவனை ஜிப்ராயில் (அலை) அவர்கள் வெறுக்கிறார்கள். ஆறாவது விடுத்தம் குடிப்பானேயானால் மீக்காயீல் (அலை) அவர்கள் வெறுக்கிறார்கள். ஏழாம் முறை குடிப்பானேயானால் அவனை இஸ்ராயீல் (அலை) அவர்கள், எட்டாம் முறை குடிப்பானேயானால் அவனை வானலோகம் வெறுக்கிறது. ஒன்பதாவது விடுத்தம் குடிப்பவர்களை வானலோகத்தில் உள்ளவர்களெல்லாம் வெறுக்கிறார்கள். பத்தாம் விடுத்தம் குடிப்பவர்களுக்கு சொர்கத்தின் கதவுகள் மூடப்படுகின்றன. பதினொன்றாம் முறை குடிப்பவர்களுக்கு நரக வாசல் திறந்து வைக்கப்படுகிறது..பனிரெண்டாம் முறை குடிப்பவர்களை அர்ஷை சுமந்திருப்பவர்கள் வெறுக்கிறார்கள். மதிமூன்றாம் விடுத்தம் குடிப்பவர்களை இறைவனும் வெறுக்கிறான். எவர்களை இறைவனும் அவனது ரசூல் மார்களும்,வாணவர்களும் அர்ஷும்,குர்ஸீயும், மலக்குகளும்  வெறுக்கிறார்களோ அவர்கள் நரகத்தில் இருஇருப்பார்கள்.

அல் ஹதீஸ்