வலிமார்களின் வரலாறு.தர்கா

 

தமிழக முஸ்லிம்களே உஷார்,

பதவிக்காக பிணம் தின்னி கழுகு இடம் மாட்டிக்கொண்ட  போல ஒவ்வொரு நாளும் லவ் ஜிஹாத் என்ற பெயரில் இளைஞர்கள் கைது செய்யப்படுகிறார்கள்

ஒவ்வொருவருக்கும் நாளும் இப்படி வாழ வேண்டியிருப்பதை கற்பனை செய்து பாருங்கள்?

 பகிர் !!! 

இது பாலஸ்தீனத்தில் ஒவ்வொரு நாளும்.

 இஸ்ரேலிய படையினரும் புல்டோசர்களும் பாலஸ்தீனிய வீடுகள் மற்றும் கிராமங்களின் வீட்டு வாசல்களுக்கு வந்து அவர்களை அழிக்கிறார்கள். 

தங்கள் வீடுகள் அழிக்கப்படுவதால் எதிர்ப்பதற்காகவும் பெற்றோர்கள் தாக்கப்படுவதால் குழந்தைகள் பயந்து இப்படி அழுகிறார்கள்..

 வீடுகளை அழித்த பின்னர் குகைகளில் வசிக்கச் செல்லும் சில பாலஸ்தீனியர்கள் கூட பாதுகாப்பாக இல்லை, ஏனெனில் இஸ்ரேலிய வீரர்கள் குகைகளை அழித்து குடும்பங்களை வெளியேற்றுவதாக அச்சுறுத்துகின்றனர்.

 இஸ்ரேலால் திருடப்பட்ட தங்கள் சொந்த நிலங்களில் வாழ அவர்களுக்கு பாதுகாப்பில்லை. 

 உலகம் எப்போது

 விழிக்கும்?

இந்த நிலைக்கு இந்திய முஸ்லிம்களையும் ஆளாக்க நேரிடலாம் அல்லாஹ் பாதுகாப்பானாக பாசிச ஆட்சியாளர்களுக்கு இஸ்ரேலியர்களுக்கும் எந்த வேறுபாடும் இருக்காது ஆகவே ஒருமித்த கருத்துடன் இஸ்லாமிய சமுதாயம் ஒன்றுபட்டு பாசிசத்தை எதிர்க்கவில்லை என்றால் நாளை இந்து ராஜ்ஜியம் அமைத்தே தீருவோம் என்று கூவும் இவர்களை வேறொடும் வேரடி மண்ணோடும் பிடுங்கி எரியவேண்டும் அது மக்களின் கையில்தான் இருக்கிறது பணத்தாசை பிடித்து அலையும் மனிதர்களால் இன்று ஜனநாயகம் கேள்விக்குறியாகி இருக்கிறது சிந்தியுங்கள் என் இஸ்லாமிய சமுதாயமே இன்று இல்லை என்றால் இனி என்றும் இல்லை !!! முடிவு மக்கள் கையில்.

குர்ஆனும் அறிவியலும்,

சிந்தித்துணரும் மக்களுக்கு சான்றுகள் உள்ளன....

   

    மனித சமுதாயத்தைப் படைத்து அவனுக்கு வாழ்வதற்கு தேவையான அனைத்து விதமான ஏற்பாடுகளையும் செய்து, அவன் எவ்வாறு வாழவேண்டும் என்பதனையும் தெளிவுபடுத்த வழிகாட்டல்களையும் அவனது தூதர்களுடன் அனுப்பிய அல்லாஹ், இறுதியாக ஒரு பூரணமான, சிறந்த வழிகாட்டியாக எம் கரங்களில் தவழும் புனித குர்ஆனை இறக்கியருளினான்.

    தூதுவர் மூஸா (அலைஹிஸ்ஸலாம்) அவர்கள் வாழ்ந்த சூனியம் கொடிகட்டிப் பறந்த காலத்தில், சூனியத்ததையும் மிகைத்த அற்புதத்துடன் எவ்வாறு வந்தாரோ, ஈஸா (அலைஹிஸ்ஸலாம்) அவர்கள் வாழ்ந்த மருத்துவ சமூகம் அறியாத குஷ்டரோகம், பிறவிக்குருடு போன்ற நோய்களுக்கு சுகம் கொடுக்கும் அற்புதத்தோடு எவ்வாறு வந்தாரோ, அதோ போன்று தான் இலக்கணம், இலக்கியம் போன்றவற்றில் தேர்ச்சி பெற்ற அறிவியல் சமூகத்தில் அவற்றையும் மிகைக்கக்கூடிய இந்தத் திருக்குர்ஆனுடன் நபி முஹம்மத் (ஸல்லல்லாஹு அலைஹி வஸல்லம்) அவர்கள் இப்பாருக்கு தூதுத்துவத்துக்கு முத்திரையாக வாந்தார்.

    அறிவியல் ஊற்றாக வந்த இந்த குர்ஆன் அன்று முதல் இன்று வரை அனைத்துத் துறைகளிலும் சாதனைகளை நிகழ்த்தி, ஏக இறைவனிடமிருந்து வந்த வேதம், வழிகாட்டி என்பதனை நிரூபித்து வருகின்றது.

    அந்த வரிசையில் நிகழ்த்திய சாதனையொன்றுதான் நவீன 21ஆம் நூற்றாண்டான இந்த நூற்றாண்டில் 'வில்லியம் பார்வன்' என்ற ஜேர்மனிய அறிஞரின் தலைமையிலான குழு கண்டுபிடித்து நிரூபித்துக்காட்டிய விஞ்ஞான உண்மையாகும்.

    கொடிகள் போன்ற தாவரங்கள் ஒன்றுடன் ஒன்று கதைத்துக் கொள்கின்றனவா? என்று ஆராய, வில்லியம் பார்வன் என்ற ஜேர்மனிய விரிவுரையாளரின் தலைமையில் ஆய்வொன்றில் ஈடுபட்டனர். அந்த ஆய்வின் விளைவாக தாவரங்களின் ஆணிவேரிலிருந்து ஒரு வகையான ஒலி வெளிப்பட்டு அது அதன் கிளைகளை அடைந்து அந்த ஒலி வெளியாகின்றது என்று அறிந்து கொண்டனர். பின்பு அவர்கள் தாவரங்களிலிருந்து வெளியாகும் ஓசையின் யதார்த்தத்தை தெளிவுபடுத்துமாறு அமெரிக்க, ஐரோப்பிய நாடுகளின் பல்கலைக்கழகங்களுக்கு அனுப்பிவைத்தார்கள்.

    அவர்கள் அதற்கு தெளிவை கூற முற்படவில்லை என்பது ஒரு புறமிருக்க, அப்படியான எந்தவொரு ஒலியும் தாவரங்களுக்கு இல்லை என்று கடுமையாக மறுத்தது மட்டுமல்லாமல் அவர்கள் ஆச்சாரியத்திற்கு உள்ளாகினார்கள்.

    பின்பு அந்தக் குழு மீண்டும் இரண்டாவது தடவையாக பிரித்தானிய விரிவுரையாளர்களுடன் தமது ஆய்வை செய்துபார்த்தனர். மிகவும் நுட்பமான கமரா மூலம் நடந்த அந்த ஆய்வின் ஐந்தாம் நாளன்று தாவரங்களிலிருந்து வெளியாகிய ஒலி அவர்களை ஆச்சரியத்தின் எல்லைக்கே இட்டுச்சென்றது. அந்த ஆய்வுக்குழுவின் தலைவரான வில்லியம் பார்வனை கலிமா சொல்ல ஆர்வமூட்டியது. அதுதான் அல்லாஹ் அல்லாஹ்.... என்ற திக்ர் முழக்கத்தின் தெளிவான ஓசையாகும்.

    அப்போது அக்குழுவில் இருந்த இந்தியாவை அடிப்படையாகக் கொண்ட பரித்தானிய முஸ்லிம், அந்த அறிஞர் குழுவை பார்த்து இவ்வாறு கூறினார். 'தாவரங்களிலிருந்து வெளியாகும் ஒலிக்குரிய தெளிவான விளக்கவுரை 1400 வருடங்களாக எம்மிடம் இருக்கின்றது.' அனைவரும் அசந்து பேய்விட்டனர். அந்தவிளக்கம் இறுதித்தூதருக்கு வழங்கப்பட்ட அறிவியல் அற்புதமான அல்குர்ஆனின் 17வது அத்தியாயமான சூறா பனீஇஸ்ராயீலின் 44வது வசனமாகும். அது இவ்வாறு கூறுகிறது.

تُسَبِّحُ لَهُ السَّمَوَاتُ السَّبْعُ وَالأَرْضُ وَمَنْ فِيهِنَّ وَإِنْ مِنْ شَيْءٍ إِلاَّ يُسَبِّحُ بِحَمْدِهِ وَلَكِنْ لاَ تَفْقَهُونَ تَسْبِيحَهُمْ إِنَّهُ كَانَ حَلِيمًا غَفُورًا

'ஏழு வானங்களும், பூமியும், அவற்றில் உள்ளவைகளும் அவனைத் துதி செய்து கொண்டிருக்கின்றன, இன்னும் அவன் புகழைக் கொண்டு துதி செய்யாத (எந்தப்) பொருளும் இல்லை. எனினும் அவற்றின் துதி செய்வதை நீங்கள் உணர்ந்து கொள்ளமாட்டீர்கள், நிச்சயமாக அவன் பொறுமையுடையவனாகவும், மிக மன்னிப்பவனாகவும் இருக்கின்றான்.'

    பின் இந்த ஆய்வின் முடிவாக கீழ்வருவன தீர்மாணிக்கப்பட்டது.

1. தாவரங்களுக்கும் சிந்தித்து முடிவெடுக்கும் ஆற்றல் உண்டு.

2. தாவரங்களிலிருந்து வெளியாகும் ஒலி அதன் ஆணிவேரிலிருந்து வெளிப்பட்டு கிளைகளை சென்றடைகின்றது.

தாவரங்களுக்கு பேச்சு, மூச்சு, உணர்வு என்பன இல்லை என்று வாதிட்டவர்கள் முதன்முதலில் வெளியிட்ட முடிவே இதுவாகும்.

    இஸ்லாமிய சகோதரர்களே! இன்று இவர்கள் தாவரங்களுக்கு சிந்தித்து முடிவெடுக்கும் ஆற்றல், சக்தி உள்ளது என்று சொல்வது போன்று, இப்பிரபஞ்சத்தின் அனைத்து படைப்புகளுக்கும் இந்த ஆற்றல் உள்ளது என்று சொல்ல இன்னும் நெடுங்காலம் இல்லை. ஏனெனில் அல்குர்ஆன், சுன்னா இதனை கூறிவருகின்றது. உதாரணமாக அல் குர்ஆனின் 33வது அத்தியாயமான சூறா அல்அஹ்ஸாபின் 72வது வசனம் இவ்வாறு கூறுகின்றது.

إِنَّا عَرَضْنَا الأَمَانَةَ عَلَى السَّمَاوَاتِ وَالأَرْضِ وَالْجِبَالِ فَأَبَيْنَ أَنْ يَحْمِلْنَهَا وَأَشْفَقْنَ مِنْهَا وَحَمَلَهَا الإِنْسَانُ إِنَّهُ كَانَ ظَلُومًا جَهُولاً

'நிச்சயமாக வானங்களையும், பூமியையும், மலைகளையும் (நம் கட்டளைகளான) அமானிதத்தை சமந்து கொள்ளுமாறு எடுத்துக்காட்டினோம், அப்போது அதைச்சுமந்துகொள்வதிலிருந்து அவை விலகிக்கொண்டன, இன்னும் அதைச்சுமப்பதிலிருந்து அவை பயந்தன, (ஆனால்) மனிதனோ அதனைச்சுமந்து கொண்டான், நிச்சயமாக அவன் (அமானிதத்தை நிறைவேற்றும் விஷயத்தில்) பெரும் அநியாயக்காரனாக (அதன் கடமையை) அறியாதவனாக இருக்கின்றான்.'

இதனூடாக வானம், பூமியில் வாழ்கின்ற மனிதன் அல்லாத ஏனைய படைப்புகளும் சிந்தித்துத்தான் முடிவுகளை எடுக்கின்றன என்பது தெளிவாக தென்படுகின்றது.

    ஆனால் முஸ்லிம்களாகிய நாங்கள் கூட தாவரங்களுக்கும், விலங்குகளுக்கும் புத்தியில்லை என்ற கருத்துடையவர்களாகவே இன்றுவரை இருந்து வருகின்றோம். அப்படியல்ல மாறாக அவற்றுக்கு அல்லாஹ்வுக்கு மாறு செய்து பாவங்கள் புரிவதற்குரிய புத்தியைத்தவிர மற்ற அனைத்து ஆற்றல்களும் வழங்கப்படடுள்ளது.

    நாம் சுலைமான் (அலைஹிஸ்ஸலாம்) அவர்களின் வரலாற்றைப் படித்தால் அதில் அவர்கள் பறவை, எறும்பு, காற்று, விலங்குகள் போன்றவற்றின் பாசையை அறிந்து அவற்றுடன் கதைத்ததை காணமுடியும். மேலும் அவரிடம் இருந்த 'ஹுத்ஹுத்' என்ற பறவையின் செயற்பாடுகள், மனிதனல்லாத படைப்புகளுக்கும் சிந்தித்து செயலாற்றும் ஆற்றல் உள்ளது என்பதனை உணர்த்துகின்றது.

    மேலும் அல்குர்ஆன் மற்றும் நபி (ஸல்லல்லாஹு அலைஹி வஸல்லம்) அவர்களின் வாழ்க்கையிலும் இவற்றுக்கான நிறைய ஆதாரங்கள் உள்ளன. உதாரணமாக நபிக்கு 12 வயதாக இருக்கும் போது ஆபூதாலிபுடன் ஷாம் தேசத்திற்கு வியாபாரத்திற்காக சென்றபோது, புஸ்ரா நகரைச் சேர்ந்த பஹீரா என்று பிரபல்யமான ஜிர்ஜீஸ் என்ற துறவிளூ நபியவர்கள் கனவாயால் வந்த போது அவருக்கு நபிமார்களுக்கு மாத்திரம் சிரம்பணியும் கற்களும் மரங்களும் சிறம்பணிந்ததாக கூறினார். மேலும் அவரது 40தாவது வயதில் மக்காவிலுள்ள ஒரு கல் அவருக்கு ஸலாம் கூறிவந்தது என்பன போன்றவையாகும். இவை கற்கள், மரங்கள் போன்றவற்றுக்கு சிந்தித்து செயலாற்றும் ஆற்றல் உள்ளது என்பதை நிரூபிக்கின்றது.

    மேலும் உலக முடிவில் முஸ்லிம்கள் யூதர்களை விரட்டி விரட்டி கொலைசெய்யும் சந்தர்ப்பத்தில் அவர்கள் கற்கள், மரங்கள், புதர்களுக்குப் பின்னால் ஒழிந்து கொள்வார்கள். அச்சந்தர்பத்தில் 'கர்காத்' எனும் யூதர்களின் மரத்தைத் தவிர மற்ற அனைத்தும் 'அல்லாஹ்வின் அடியானே! இதோ என்பின்னால் ஒரு யூதன் ஒழிந்திருக்கின்றான் அவனைக் கொல்' என்று காட்டிக் கொடுக்கும்.

    மேலும் அல்குர்ஆன் கூறும்போதுள:

وَيُسَبِّحُ الرَّعْدُ بِحَمْدِهِ وَالْمَلائِكَةُ مِنْ خِيفَتِهِ

'மேலும் இடி அவன் புகழைக் கொண்டும், மலக்குகள் அவனையஞ்சியும் (அவனை) தஸ்பீஹு செய்(து துதிக்)கின்றனர்.' (அர்ரஃது 13:13)

وَلِلَّهِ يَسْجُدُ مَنْ فِي السَّمَاوَاتِ وَالأَرْضِ طَوْعًا وَكَرْهًا وَظِلالُهُمْ بِالْغُدُوِّ وَالآَصَالِ

'வானங்களிலும், பூமியிலும் இருப்பவையெல்லாம், விரும்பியோ விரும்பாமலோ அல்லாஹ்வுக்கே ஸுஜூது செய்(து சிரம் பணி)கின்றன அவற்றின் நிழல்களும் காலையிலும் மாலையிலும் (அவ்வாறே! ஸஜ்தா செய்கின்றன).' (அர்ரஃது 13:15)

يَوْمَئِذٍ تُحَدِّثُ أَخْبَارَهَا

'அந்நாளில், அது(பூமி) தன் செய்திகளை அறிவிக்கும்.' (அஸ்ஸில்ஸால் 99:4)

    இதில் இடி, பூமி மற்றும் பிரபஞ்சத்தில் இருக்கும் அனைத்தும், படைத்த நாயனை அறிந்து அவனுக்கு நன்றி செலுத்தும் முகமாக சிரம்பனிவதை எடுத்துக் காட்டுகின்றது. இது அவற்றுக்கு கொடுத்திருக்கும் சிந்தித்து செயலாற்றும் ஆற்றலை நிரூபிக்கின்றது.

    மேலும் இந்த உயிர்களுக்கு மனிதர்கள் அறியாத நிறைய விடயங்களை அறியக்கூடிய ஆற்றல் உள்ளது. இயற்கை அனர்த்தங்களின் போது அதனை இவை முன்கூட்டியே அறிந்து தனது உயிரைக் காத்துக் கொள்கின்றன.

    மேலும் நபியவர்கள் கூறினார்கள். 'நாய் ஊளையிடுவதை செவியுற்றால் அல்லாஹ்விடம் பாதுகாப்புத் தேடிக்கொள்ளுங்கள். ஏனெனில் அது ஷைத்தானைக் கண்டு சப்தமிடுகிறது. மேலும் சேவல் கூவுவதை செவியுற்றால் அல்லாஹ்விடம் ரஹ்மத்தை தேடிக்கொள்ளுங்கள். ஏனெனில் அது அமரர்களைக் கண்டு சப்தமிடுகிறது.' இவை போன்ற ஏராளமான அறிவிப்புகள் இப்பிரபஞ்சத்தின் அனைத்து படைப்புகளுக்கும் சிந்தித்து செயலாற்றும் ஆற்றல் உள்ளது என்பதை உண்மைப்படுத்துகின்றது. இவை அதி நவீன தொலை நோக்குக் கருவியான நுபுவ்வத்தின் மூலம் வெளிப்பட்டவையாகும். இதனைப் பின்வரும் வசனம் மேலும் தெளிவாக்கும்.

أَلَمْ تَرَ أَنَّ اللَّهَ يَسْجُدُ لَهُ مَنْ فِي السَّمَاوَاتِ وَمَنْ فِي الأَرْضِ وَالشَّمْسُ وَالْقَمَرُ وَالنُّجُومُ وَالْجِبَالُ وَالشَّجَرُ وَالدَّوَابُّ وَكَثِيرٌ مِنَ النَّاسِ وَكَثِيرٌ حَقَّ عَلَيْهِ الْعَذَابُ وَمَنْ يُهِنِ اللَّهُ فَمَا لَهُ مِنْ مُكْرِمٍ إِنَّ اللَّهَ يَفْعَلُ مَا يَشَاءُ

'வானங்களிலுள்ளவைகளும், பூமியிலுள்ளவைகளும், சூரியனும், சந்திரனும், நட்சத்திரங்களும், மலைகளும், மரங்களும், பிராணிகளும், மனிதர்களில் பெரும்பாலானவர்களும் நிச்சயமாக அல்லாஹ்வுக்கு ஸுஜூது செய்(து வணங்கு)கின்றன என்பதை நீர் பார்க்கவில்லையா? இன்னும் அநேகர் மீது வேதனை விதிக்கப்பட்டு விட்டது அன்றியும், எவனை அல்லாஹ் இழிவுபடுத்துகின்றானோ அவனை கண்ணியப்படுத்துபவன் எவனுமில்லை நிச்சயமாக அல்லாஹ் தான் நாடியதைச் செய்கிறான்.' (அல்ஹஜ்22:18)

    இது ஒருபுறம் இருக்க மேலே நாம் குறிப்பிட்ட வசனங்களை அவதானித்தோமானால் அதிலே 'தஸ்பீஹ்' மற்றும் 'சிறம்பனிதல்' என்ற வார்த்தைப் பிரயோகங்கள் பிரயோகிக்கப்படுவததை நாம் காணலாம். இவை இரண்டிலும், இந்த தஸ்பீஹ் என்ற பிரயோகத்திற்கு பல அறிஞர்களும் பலவிதமாக கருத்திடுவதை அவதானிக்கலாம். அதில் ஒரு விளக்கம் தான்: 'தஸ்பீஹ் என்பது அல்லாஹ்வைத் துதிப்பது'. அதாவது அவனது வள்ளமையை ஆற்றலை நன்கு அறிந்து அவனுக்கு நன்றி செலுத்தும் விதமாக அவனைப் புகழ்வதும் 'திக்ர்' (ஞாபகம்) செய்வதுமாகும். [கான்க (3:190,191)]

    இதற்கு கொடுக்கப்படும் மற்றுமொரு விளக்கம் தான் 'அல்லாஹ்வுக்குரிய பண்புகளை, அவனுடைய அந்தஸ்தை, அவனுக்கேயுரிய வேலைகளை வேறு எந்த வஸ்துக்கும், வேறு எந்தவொரு படைப்புக்கும், வேறு எந்தவொரு சக்திக்கும் கொடுக்காமல் இருப்பது'. அதாவது அல்லாஹ்வுக்கு நிகராக இணையாக அவனுடைய பண்புகள், வேலைகள் என்பவற்றில் யாரையும் இணைக்காமல் இருப்பது என்பதாகும். இக்கருத்தையே பின்வரும் வசனமும் தெளிவுபடுத்துகின்றது.

سَبَّحَ لِلَّهِ مَا فِي السَّمَاوَاتِ وَمَا فِي الْأَرْضِ وَهُوَ الْعَزِيزُ الْحَكِيمُ

'வானங்களிலுள்ளவையும், பூமியில் உள்ளவையும் அல்லாஹ்வை தஸ்பீஹ் செய்கின்றன. அவனே (யாவரையும்) மிகைத்தவன்ளூ தீர்க்கமான அறிவுடையவன்'. (61:01)

இதனைத் தொடர்ந்து வரும் வசனங்களை அவதானித்தால் அவை பின்வருமாறு கூறுகின்றது.

يَا أَيُّهَا الَّذِينَ آَمَنُوا لِمَ تَقُولُونَ مَا لَا تَفْعَلُونَ . كَبُرَ مَقْتًا عِنْدَ اللَّهِ أَنْ تَقُولُوا مَا لَا تَفْعَلُونَ

'விசுவாசிகளே! நீங்கள் செய்யாததை ஏன் கூறுகிரீர்கள். நீங்கள் செய்யாததை(ப் பிறருக்குச் செய்ய)க் கூறுவது அல்லாஹ்விடத்தில் வெறுப்பால் மிகப்பெரியதாகிவிட்டது'. (61:02,03)

    இதில் நாம் அவதானிக்கத் தக்க விடயங்கள் தான் ஒரு மனிதனின் சொல்லும் செயலும் ஒன்றாக அமைய வேண்டும், மேலும் நாம் செய்யாததை செய்வதென்று கூறுவது அல்லாஹ்வால் மிகவும் வெறுக்கத்தக்தொன்றாகும். இந்த இரண்டு கருத்துக்களும் சிரம்பனிதல் என்பதின் விளக்கத்தோடு ஒன்றுபடுகின்றது.

    மேலே நாம் பார்த்த விளக்கங்களில் முதலாவது சொல் சார்ந்தது, இரண்டாவது செயல்சார்ந்தது. இவை இரண்டுமே அவசியமானதே. தாவரங்களிடமோ அல்லது வேறு உயிர்களிடமோ இதனை நாம் தெளிவாகக் கானலாம். உதாரணமாக ஒரு மிளகாய்ச் செடி ஒருபோதும் 'நான் இவ்வளவு காலமும் உங்களுக்கு மிளகாய் தந்தேன்ளூ இதன் பிறகு நான் கத்தரிதான் தருவேன்'. என்று அடம்பிடித்து அதைச் செய்ததுண்டா?

    மேற்கூறிய அனைத்து விடயங்களின் மூலமும் தெளிவாகின்ற ஒரு விடயம் தான் அல்லாஹ்வுக்கு இணைகற்பித்து, நிராகரித்து வாழ்பவர்களை விட இந்த உயிர்கள் அல்லாஹ்விடம் மேலானது என்பதாகும். இதனால் தான் அல்லாஹ் 7ம் அத்தியாயமான அல்அஃராபின் 179வது வசனத்தில் இத்தகைய மனிதர்களை கால்நடைகளைவிடவும் கேடுகெட்டவர்கள் என்று கூறுகின்றான்.

وَلَقَدْ ذَرَأْنَا لِجَهَنَّمَ كَثِيرًا مِنَ الْجِنِّ وَالإِنْسِ لَهُمْ قُلُوبٌ لا يَفْقَهُونَ بِهَا وَلَهُمْ أَعْيُنٌ لا يُبْصِرُونَ بِهَا وَلَهُمْ آَذَانٌ لا يَسْمَعُونَ بِهَا أُولَئِكَ كَالأَنْعَامِ بَلْ هُمْ أَضَلُّ أُولَئِكَ هُمُ الْغَافِلُونَ

'நிச்சயமாக நாம் ஜின்களிலிருந்தும், மனிதர்களிலிருந்தும் அநேகரை நரகத்திற்கென்றே படைத்துள்ளோம்; அவர்களுக்கு இருதயங்கள் இருக்கின்றன - ஆனால் அவற்றைக் கொண்டு அவர்கள் நல்லுணர்வு பெற மாட்டார்கள்; அவர்களுக்குக் கண்கள் உண்டு ஆனால், அவற்றைக் கொண்டு அவர்கள் (இறைவனின் அத்தாட்சிகளைப்) பார்ப்பதில்லை அவர்களுக்குக் காதுகள் உண்டு. ஆனால் அவற்றைக் கொண்டு அவர்கள் (நற்போதனையைக்) கேட்கமாட்டார்கள் - இத்தகையோர் கால்நடைகளைப் போன்றவர்கள். இல்லை! அவற்றை விடவும் கேடுகெட்டவர்கள், இவர்கள் தாம் (நம்வசனங்களை) அலட்சியம் செய்தவர்களாவார்கள்.'

    இதே சந்தர்பத்தில் ஒரு மனிதனுக்கு ஒரு மலக்கின் அந்தஸ்தையும் அடைந்து கொள்ளலாம். எவ்வாறெனில் எமது சொல்லிலும் செயலிலும் இந்த தஸ்பீஹ் வரும் சந்தர்பத்தில் தான் இதில் ஆச்சரியப்படுவதற்கோ, சிந்திப்பதற்கோ ஒன்றும் இல்லை. ஏனெனில் மலக்குகளைவிட மனிதன் உயர்ந்தவன் என்பதனால் தான் அல்லாஹ் ஆதம் (அலை) அவர்களைப் படைத்து அவருக்கு சிரம்பனியும் படி மலக்குகளை ஏவினான். மேலும் யூஸுப் (அலை) அவர்களைப் பார்த்து அவரது சமூகமே مَا هَذَا بَشَرًا إِنْ هَذَا إِلَّا مَلَكٌ كَرِيمٌ 'அல்லாஹ்வின் மீது சத்தியமாக! இவர் மனிதரல்ல! இவர் மேன்மைக்குரிய ஒரு மலக்கேதவிர வேறில்லை'. என்று சாட்சியம் அளித்தார்கள்.   

    ஆகவே சகோதரர்களே! முதலில் கூறியன போன்ற எண்ணற்ற அற்புதங்கள், அதிசயங்கள் அல்லாஹ்வின் படைப்புகளில் மறைந்துள்ளன. பஞ்ச பூதங்கள் மனிதனுக்கு பயனளிப்பது போன்று தாவரங்களிலும் என்னற்ற பயன்கள் உள்ளன. தாவரம் இல்லை எனில் உயிர்கள் இல்லை என்று சொல்லும் அளவுக்கு இவற்றில் பயன்பாடுகள் உள்ளன. இது போன்ற என்னற்ற அற்புதங்கள், அதிசயங்கள் அல்குர்ஆனில் பொதிந்துள்ளன. இவற்றை ஆராய்ந்து அதிலிருந்து படிப்பினை பெருமாறு அல்குர்ஆனே கூறுகின்றது. ஆகவே முஸ்லிம்களாகிய நாம் கால்நடைகளைவிட கேடுகெட்டவர்களாக மாறாமல், உயர்ந்த படைப்பாக இருக்க அல்குர்ஆனை ஆராய்ந்து படித்து அதன்படி வாழ்வோம்.

إِنَّ فِي خَلْقِ السَّمَاوَاتِ وَالأَرْضِ وَاخْتِلَافِ اللَّيْلِ وَالنَّهَارِ وَالْفُلْكِ الَّتِي تَجْرِي فِي الْبَحْرِ بِمَا يَنْفَعُ النَّاسَ وَمَا أَنْزَلَ اللَّهُ مِنَ السَّمَاءِ مِنْ مَاءٍ فَأَحْيَا بِهِ الأَرْضَ بَعْدَ مَوْتِهَا وَبَثَّ فِيهَا مِنْ كُلِّ دَابَّةٍ وَتَصْرِيفِ الرِّيَاحِ وَالسَّحَابِ الْمُسَخَّرِ بَيْنَ السَّمَاءِ وَالأَرْضِ لآَيَاتٍ لِقَوْمٍ يَعْقِلُونَ

'நிச்சயமாக வானங்களையும், பூமியையும் (அல்லாஹ்) படைத்திருப்பதிலும்; இரவும், பகலும் மாறி, மாறி வந்து கொண்டிருப்பதிலும்;, மனிதர்களுக்குப் பயன் தருவதைக் கொண்டு கடலில் செல்லும் கப்பல்களிலும்; வானத்திலிருந்து அல்லாஹ் தண்ணீரை இறக்கி அதன் மூலமாக பூமி இறந்த பின் அதை உயிர்ப்பிப்பதிலும்;, அதன் மூலம் எல்லா விதமான பிராணிகளையும் பரவ விட்டிருப்பதிலும், காற்றுகளை மாறி, மாறி வீசச் செய்வதிலும்; வானத்திற்கும், பூமிக்குமிடையே கட்டுப்பட்டிருக்கும் மேகங்களிலும் - சிந்தித்துணரும் மக்களுக்கு (அல்லாஹ்வுடைய வல்லமையையும், கருணையையும் எடுத்துக் காட்டும்) சான்றுகள் உள்ளன.' (அல்பகறா2:164)

கடன் இருக்கும் நிலையில் ஹஜ் செல்லலாமா,

கடன் இருக்கும் நிலையில் கடனை அடைக்க எவ்வித ஏற்பாடும் செய்யாமல் ஒருவர் மரணித்தால், கடன் அடைக்கப்படும்வரை அவரது ஆன்மா அந்தரத்தில் தொங்கிக் கொண்டிருக்கும் (திர்மிதீ); உயிர்த் தியாகிகளுக்குங்கூட கடனைத் தவிர அனைத்துப் பாவங்களும் மன்னிக்கப்படும்; ஆனால் கடன் மன்னிக்கப்படுவதில்லை (முஸ்லிம்) போன்ற அறிவிப்புகளின்படி, கடன் அடைக்கப்பட வேண்டும் என்பது சரியே! இது ஹஜ்ஜை நிறைவேற்றச் செல்வோருக்கு மட்டும் உள்ள நிபந்தனையல்ல. எல்லா முஸ்லிம்களுக்கும் பொதுவான விதியாகும்.

 

கடன் உள்ளவருக்கு ஹஜ் கடமை இல்லை என்பதையும் தாண்டி, கடனே இல்லாவிட்டாலும், ஹஜ்ஜுக்குச் சென்று வரும் பொருளாதார வசதியில்லாதவருக்கும் ஹஜ் கடமை இல்லை. அதாவது, கடமையான ஹஜ்ஜை நிறைவேற்றவில்லை என்பதற்கான கேள்விக்கு பொருளாதார வசதியற்றவர் உள்ளாக மாட்டார். ஹஜ் செய்வதற்கான பொருளாதாரம் அவரிடம் இல்லை; எனவே ஹஜ் செய்யவில்லை என்றாகிவிடும்.

ஒருவரின் ஹஜ் பயணத்திற்கு ஒரு லட்சம் ரூபாய் செலவாகும் என்று வைத்துக்கொள்வோம். அவருக்கு ஒரு லட்சம் ரூபாய் கடனும் உள்ளது. இப்போது உடனடியாகக் கடனை அடைத்து, ஹஜ் பயணத்தைத் தவிர்ப்பது சிறந்ததாகும். மரணம் எப்பவும் சம்பவிக்கலாம் என்பதைக் கருத்தில் கொண்டு கடன் அடைக்கப்பட வேண்டும்.

ஆனால், கடன் உள்ளவர் இஸ்லாம் அனுமதித்துள்ள வேறு வழியில் மக்கா செல்வதற்கான வசதியைப் பெற்றிருந்தால் அவருக்குக் கடன் உள்ளது என்று வைத்துக்கொண்டாலும் அவர் இப்போது ஹஜ் செய்வது கூடுமா கூடாதா என்றால், கடன் உள்ளவர் ஹஜ் செய்யலாம் என்பதே இஸ்லாத்தின் நிலைபாடாக உள்ளது. கஅபா அமைந்திருக்கும் நாட்டில் இருந்தாலும், அங்குப் பணியாற்றும் நிறுவனத்தில் ஹஜ்ஜுக்கு விடுப்புக் கிடைத்தாலும், சென்றுவர பொருளாதாரம் இருந்தாலும் கடனாளி ஹஜ் செய்தல் கூடாது என்பதற்கான தெளிவானத் தடையேதும் குர்ஆன், சுன்னாவிலிருந்து நம்மால் அறிய முடியவில்லை!

பயணத்தில் உண்பதும் உடுத்துவதும் ஹலாலாக இருக்கவேண்டும் என்று பொதுவாக இஸ்லாம் கூறுவதால், இதன் அடிப்படையில் ஹஜ் பயணத்திற்கான செலவுகள் ஹலாலாக இருக்கவேண்டும். கடன் வாங்குவது ஹராம் அல்ல! அதனால் கடன் உள்ளவர் மக்கா சென்றால் அவர் ஹஜ் செய்வதற்குக் கடன் இடையூறாக இருக்கும் என்பதற்குப் போதிய தெளிவுகள் இல்லை!

ஹஜ்ஜுடைய காலத்தில் வளைகுடா நாடுகளிலிருந்து பேரூந்து வாகனம் மூலமாக ஹஜ் யாத்திரையை மேற்கொள்ளும் பயணிகளுடன் வரும் பேரூந்து வாகன ஓட்டிக்குக் கடன் இருந்தாலும் இல்லாவிட்டாலும் அதை அவர் பொருட்படுத்த வேண்டியதில்லை. அவரும் குறிப்பிட்ட எல்லையை அடைந்ததும் ஹஜ் பயணிகளுடன் தாமும் இஹ்ராம் அணிந்து “லப்பைக்க அல்லாஹும்ம லப்பைக்” என்று தல்பியா முழங்கியபடி வாகனத்தைச் செலுத்தி மக்காவிற்குள் நுழைந்து தங்க வேண்டிய இடங்களில் தங்கி, செய்ய வேண்டிய ஹஜ் கிரியைகளை நிறைவேற்றினால் இவர் உழைப்பிற்கான ஊதியத்துடன் ஹஜ்ஜை நிறைவேற்றுகிறார். 2:198வது வசனத்தின் கருத்துப்படி ஹஜ்ஜின்போது நேர்மையான முறையில் அல்லாஹ்வின் அருளைத் தேடுவதில் அல்லாஹ் தடைவிதிக்கவில்லை!

அதுபோல், மற்ற நாடுகளிலிருந்து விமானம் மூலமாக வரும் ஹஜ் பயணிகளைக் கொண்டுவந்து ஜித்தாவில் சேர்க்கும் விமான ஓட்டி, அவரும் ஹஜ்ஜை முடித்துவிட்டு, குறிப்பிட்ட தேதியில் வந்து விமானம் புறப்படும் நாளில் வேலையை ஏற்றுக் கொள்கிறேன் என ஹஜ் கிரியைகளை நிறைவேற்றினால் அவருக்கு ஆகுமானதே!

இதை வாசித்தீர்களா? : திசை மாறும் இயக்கங்கள்

ஹஜ் கடமை என்பது கிரியைகளைக் கொண்டு நிறைவேற்றப்படுவதாகும். “பூமியில் பரந்து சென்று அல்லாஹ்வுடைய அருளைத் தேடிக் கொள்ளுங்கள்” என்கிற (62:10) வசனத்தினடிப்டையில் வேலைக்கென சவூதிக்கு வந்தவர் ஹஜ்ஜின் நாட்களில் மக்கா சென்று குறிப்பிட்ட இடங்களில் குறிப்பிட்ட கிரியைகளை நிறைவேற்றினால் அவருடைய ஹஜ் கடமையும் நிறைவேறிவிடும்.

கடன் உள்ள நிலையில் மரணித்தவருக்குக் கடன் மன்னிக்கப்படுவதில்லை. இது எல்லாருக்கும் உள்ள பொதுவானதாகும். ஹஜ்ஜுக் கடமையை நிறைவேற்றியவருக்கும் இது பொருந்தும்!

கடனாளியாக இருந்து, அந்தக் கடனை அடைக்காமலும் வாய்ப்புக் கிடைத்தும் ஹஜ்ஜை நிறைவேற்றாமலும் மரணித்த ஒருவரையும் கடனிருந்தும் கிடைத்த வாய்ப்பைப் பயன்படுத்தி ஹஜ்ஜுக் கடமையை நிறைவேற்றிவிட்டு மரணித்த ஒருவரையும் ஒப்பு நோக்கினால் இந்த உண்மை புரியும்.

oOo

ஹஜ்ஜுக் கடமையை நிறைவேற்றுவதற்கு அல்லாஹ் வாய்ப்பை வழங்கும்போது, ஆதாரமில்லாத பொருந்தாக் காரணங்களை நாமாகக் கற்பித்துக் கொள்ளாமல், மக்காவுக்குச் சென்று ஹஜ்ஜை நிறைவேறுவதற்கு முனைப்புக் கொள்ளவேண்டும். ஹஜ்ஜுக் கடமையை நிறைவேற்றுவதற்கு ஆர்வமூட்டும் சான்றுகளைக் காண்போம்:

அருள்வளமிக்கதாகவும் அகிலத்தாருக்கு வழிகாட்டியாகவும் மனிதர்களுக்காக அமைக்கப்பெற்ற முதல் ஆலயம் பக்கா(எனும் மக்கா)வில் உள்ளதுதான். அது, பெரும் பேறு பெற்றதாகவும் உலகத்தாருக்கான நேர்வழி மையமாகவும் திகழ்கிறது.

அதில் தெளிவான சான்றுகளும் மக்காமு இப்ராஹீமும் உள்ளன. அதில் நுழைந்தவர் பாதுகாப்புப் பெற்றவர் ஆவார். மக்களில் அங்குச் சென்றுவரச் சக்தி பெற்றோர் அல்லாஹ்வுக்காக அவ்வில்லத்தை ஹஜ் செய்வது கடமையாகும். எவர் மறுதலித்தாலும் (அதனால் அல்லாஹ்வுக்கு இழப்பில்லை. ஏனெனில்) அல்லாஹ் அகிலத்தாரிடம் தேவையற்றவன் ஆவான் (அல்குர்ஆன் 3:96,97).

“வணக்கத்திற்குரியவன் அல்லாஹ்வையன்றி வேறு யாருமில்லை என்றும் முஹம்மத் அவர்கள் இறைத்தூதர் என்றும் உறுதியாக நம்புதல், தொழுகையை நிலை நிறுத்துதல், ஸகாத்து வழங்குதல், ஹஜ் செய்தல், ரமலானில் நோன்பு நோற்றல், ஆகிய ஐந்து காரியங்களின் மீது இஸ்லாம் நிறுவப்பட்டுள்ளது’ என்று இறைத்தூதர்(ஸல்) அவர்கள் கூறினார்கள்” அறிவிப்பவர் இப்னு உமர்(ரலி) (நூல்கள்: புகாரி 8, முஸ்லிம் 20, திர்மிதீ, நஸயீ, அஹ்மத்)

அல்லாஹ்வின் தூதர் (ஸல்) அவர்கள் (ஒரு முறை) எங்களிடையே உரையாற்றினார்கள். அப்போது, “மக்களே! அல்லாஹ் உங்கள் மீது ஹஜ்ஜை விதியாக்கிவிட்டான். எனவே ஹஜ் செய்யுங்கள்” என்றார்கள். அப்போது ஒரு மனிதர், “ஒவ்வோர் ஆண்டிலுமா (ஹஜ் செய்ய வேண்டும்), அல்லாஹ்வின் தூதேர?” என்று கேட்டார். அதற்கு அல்லாஹ்வின் தூதர் (ஸல்) அவர்கள் (பதிலளிக்காமல்) அமைதியாக இருந்தார்கள். அவர் மூன்று முறை அவ்வாறே கேட்டபோது, அல்லாஹ்வின் தூதர் (ஸல்) அவர்கள், “நான் “ஆம்’ என்று சொல்லிவிட்டால் அது (ஒவ்வோர் ஆண்டிலும்) கடைமயாகிவிடும். பின்னர் உங்களால் அதை நிறைவேற்ற முடியாமலாகிவிடும்” என்று கூறிவிட்டு, “நான் (எதுவும் கூறாமல்) உங்களு(டைய முடிவு)க்கு எதை விட்டுவிட்டேனோ அதை(ப் பற்றி எதுவும் கேட்காமல்) நீங்களும் விட்டு விடுங்கள். உங்களுக்கு முன் வாழ்ந்தவர்கள் அழிந்தெதல்லாம், அவர்கள் தங்கள் இறைத்தூதர்களிடம் அதிகமாக(த் தேவையற்ற) கேள்விகள் கேட்டதாலும் அவர்களுடன் கருத்து மாறுபாடு கொண்டதாலும்தான். ஒன்றைச் செய்யுமாறு உங்களுக்கு நான் கட்டைளயிட்டால், அதை உங்களால் முடிந்த அளவிற்குச் செய்யுங்கள். ஒன்றைச் செய்ய வேண்டாமென உங்களுக்கு நான் தடை விதித்தால் அதை(முற்றாக) விட்டுவிடுங்கள்!” என்றார்கள். அறிவிப்பவர்: அபூஹுரைரா (ரலி) (நூல்கள்: புகாரி 7288, முஸ்லிம் 2599, நஸயீ).

இதை வாசித்தீர்களா? : வாழ்த்துக்களில் சிறந்தது - அஸ்ஸலாமு அலைக்கும்!

தொழுகை, நோன்பு, ஸகாத் போன்ற கடமையான அமல்களை அறிவித்திடும் குர்ஆன் வசனங்களைப் போன்று, மேற்காணும் இறைவசனங்களும் நபிவழி அறிவிப்புகளும் ஹஜ் செய்வது முஸ்லிம்கள் மீது கடமையாகும் என வலியுறுத்துகின்றன.

கடமையான மற்ற அமல்களை நாம் வாழுமிடங்களில் இருந்தே நிறைவேற்றிக்கொள்ளலாம். ஆனால், ஹஜ்ஜுக் கடமையை, மனிதர்களுக்கென முதல் முதலாக அமைக்கப்பட்ட இறை ஆலயம் என அல்லாஹ் அறிவித்திருக்கும் மக்காவில் அமையப்பெற்ற கஅபத்துல்லாஹ்வைச் சென்றடைந்து அதைச் சுற்றியுள்ள குறிப்பிட்ட சில இடங்களில் தங்கியிருந்து ஹஜ் கிரியைகளை நிறைவேற்றிட வேண்டும்.

ஹஜ்ஜைப் பற்றி மக்களுக்கு அறிவிப்பீராக! அவர்கள் நடந்தும் வெகு தொலைவிலிருந்து வரும் மெலிந்த ஒட்டகங்களின் மீதும் உம்மிடம் வருவார்கள் (எனக் கூறினோம்) (அல்குர்ஆன் 22:27).

இறைத்தூதர் இப்ராஹீம் (அலை) அவர்களின் மூலமாகவே அல்லாஹ் ஹஜ்ஜின் அறிவிப்பை ஏற்பாடு செய்துள்ளான் என்பதை மேற்கண்ட வசனத்திலிருந்து விளங்குகிறோம். ஹஜ்ஜுக்கான அறிவிப்பைக் கேட்டு ஹஜ்ஜை நிறைவேற்றுவதற்காக அருகிலிருப்போர் நடந்தும், தூரத்திலிருப்போர் வாகனங்களில் பயணித்தும் கஅபத்துல்லாஹ்வை வந்தடைவார்கள் என்றும் அல்லாஹ் கூறுகிறான்.

மக்களில் அங்குச் சென்றுவரச் சக்தி பெற்றோர் அல்லாஹ்வுக்காக அவ்வில்லத்தை ஹஜ்ஜுச் செய்வது கடமையாகும் (அல்குர்ஆன் 3:97).

ஒரு முஸ்லிம் இன்று உலகின் எந்தப் பகுதியில் இருந்தாலும் அவர் மக்காவுக்குச் சென்று வர சக்தி பெற்றிருந்தால் அங்குச் சென்று ஹஜ் செய்வது அவருக்குக் கடமையாகும். இந்த வசனத்தில் கூறப்பட்டுள்ள ‘சக்தி’ என்பது ஹஜ் கிரியைகளுக்காகத் தொலை தூரம் செல்வதால் சென்று திரும்பும் நாட்களுக்கான பொருளாதாரமும் உடல் ஆரோக்கியமும் முக்கியத் தேவைகளாகும்.

அடுத்து, தொலை தூரம் சென்று வர வாகனம் அவசியம். ‘சக்தி’ என்பதில் வாகன அவசியமும் உள்ளடங்கும். ஆகவே, ஹஜ்ஜுக்குச் சென்று வர சக்தி பெற்றோர் என்பதில் பொருளாதாரம், உடல் ஆரோக்கியம், மற்றும் வாகன வசதியும் வேண்டும்.

அல்லாஹ்வின் தூதர் (ஸல்) அவர்கள் ஓர் அன்சாரிப் பெண்ணிடம், “நீ எங்களுடன் ஹஜ்ஜுச் செய்வதைத் தடுத்தது எது?” என்று கேட்டார்கள். அதற்கு அப்பெண்மணி, “எங்களிடம் நீர் இறைப்பதற்கான இரண்டு ஒட்டகங்கள் மட்டுமே உள்ளன. ஓர் ஒட்டகத்தில் என் கணவரும் மகனும் ஏறி ஹஜ்ஜுக்குச் சென்றுவிட்டனர். மற்றோர் ஒட்டகத்தை எங்களுக்காக விட்டுச் சென்றனர். அதன் மூலம் நாங்கள் நீர் இறைத்துக் கொண்டிருக்கிறோம்” என்றார்.

அதற்கு அல்லாஹ்வின் தூதர் (ஸல்) அவர்கள், “ரமளான் மாதம் வந்துவிட்டால் அப்போது நீ உம்ராச் செய்துகொள். ஏனெனில், ரமளானில் உம்ராச் செய்வது ஹஜ்ஜுக்கு நிகரான(பலனுடைய)தாகும்” என்று கூறினார்கள். அறிவிப்பவர்: இப்னு அப்பாஸ் (ரலி) (நூல்கள்: புகாரி 1863, மேற்கண்ட அறிவிப்பு முஸ்லிம் 2408, 2409)

இதை வாசித்தீர்களா? : ரஜப் மாத நற்(?) செயல்கள்

இதன் அறிவிப்பாளர் அதாவு (ரஹ்) அவர்கள் கூறுகிறார்: “இப்னு அப்பாஸ் (ரலி) அவர்கள் அப்பெண்ணின் பெயரைக் குறிப்பிட்டார்கள். ஆனால், அதை நான் மறந்துவிட்டேன்”. (அப்பெண்ணின் பெயர் ‘உம்மு ஸினான்’ என்பதாகும்).

ஹஜ்ஜுக்குச் சென்று வர வாகனத் தேவையுள்ளது. இது அந்தந்தக் காலத்திற்கேற்ப வாகனங்கள் மாறிக்கொள்ளும். சென்று வரும் சக்தியை முன்னேற்பாடு செய்துகொள்ள வேண்டும். என்றும் அல்லாஹ் கூறுகிறான்.

ஹஜ்ஜுக்குரிய காலம் குறிப்பிடப்பட்ட மாதங்களாகும்; எனவே, அவற்றில் எவரேனும் (இஹ்ராம் அணிந்து) ஹஜ்ஜைத் தம் மீது கடமையாக்கிக் கொண்டால், ஹஜ்ஜின் காலத்தில் உடலுறவு, கெட்ட வார்த்தைகள் பேசுதல், சச்சரவு – ஆகியவை செய்தல் கூடாது; நீங்கள் செய்யும் ஒவ்வொரு நன்மையையும் அல்லாஹ் அறிந்தனாகவே இருக்கிறான்; மேலும் ஹஜ்ஜுக்குத் தேவையான பொருட்களைச் சித்தப்படுத்தி வைத்துக் கொள்ளுங்கள்; நிச்சயமாக இவ்வாறு சித்தப்படுத்தி வைப்பவற்றுள் நன்மை மிக்கது, தக்வா(என்னும் இறையச்சமே) ஆகும்; எனவே நல்லறிவுடையோரே! என்னையே அஞ்சி வாழுங்கள் (அல்குர்ஆன் 2:197).

ஹஜ்ஜுக்குத் தேவையான பொருள்களைச் சேகரித்துக் கொள்ள வேண்டும் என்பதில் உணவும், வாகன வசதியும் அடங்கிவிடும்.

யமன் வாசிகள் (ஹஜ்ஜுக்குத் தேவையான) பொருள்களைச் சேகரிக்காமல் ஹஜ்ஜுக்கு வருவார்கள். மேலும், ‘நாங்கள் இறைவன் மீது நம்பிக்கை வைத்துள்ளோம்’ என்றும் கூறுவார்கள். மக்கா வந்தடைந்தால் மக்களிடம் யாசகம் கேட்பார்கள். இது குறித்தே அல்லாஹ், “(ஹஜ்ஜுக்குத் தேவையான) பொருட்களைச் சித்தப்படுத்தி வைத்துக் கொள்ளுங்கள், நிச்சயமாக இவ்வாறு சித்தப்படுத்தி வைப்பவற்றுள் மிகவும் நன்மையானது தக்வா (என்னும் இறையச்சமே) ஆகும்” என்ற வசனத்தை இறக்கினான். அறிவிப்பவர்: இப்னு அப்பாஸ் (ரலி) (நூல்: புகாரி 1523).

2:197வது வசனம் அருளப்பட்ட பின்னணி, தொலைவிலிருந்து ஹஜ்ஜுக்குச் செல்வோர் தேவையான பொருட்களை சேகரித்துக் கொண்டு செல்லாமல் மக்கா சென்று தமது தேவையை யாசித்துப் பெற்றுள்ளனர். இவ்வாறு செய்யாமல் உங்களுக்கான பொருட்களை முன்னேற்பாடாக சேகரித்துக் கொள்ளுங்கள் என்று அறிவுரை சொல்லப்படுகிறது. இதனால் யாசிப்பதைத் தவிர்க்க வேண்டும் என்று சொல்லலாமே தவிர, வயிற்றுப் பசிக்குக்கூட யாசிப்பது கூடவே கூடாது என்று தடைவிதிப்பதாக ஆகாது. “குர்பானி இறைச்சியை ஏழைகளுக்கும், யாசிக்காதோருக்கும், யாசிப்போருக்கும் உண்ணக் கொடுங்கள்” என்று 22:28, 36 ஆகிய வசனங்கள் கூறுகின்றன!.

சக்தி பெறுதலைத் தாமாக முயற்சி செய்து சக்தி பெறுதல் என்றும் எதிர்பாராமல் வேறு வகையில் மக்கா சென்று விடுவது என்றும் இரு வகைகளாகப் பிரிக்கலாம். நாம் கவனிக்கத் தக்கது அவை ஹலாலான வழியில் உள்ளதா என்பதை மட்டுமே.

எனவே, ஹஜ்ஜுக் கடமையை நிறைவேற்றுவதற்கு ஹலாலான வழியில் சக்தி வழங்கப்பட்டவர்கள், கடன் என்ற காரணத்துக்காக அதைத் தள்ளிப் போட்டுக் கொண்டிருக்கத் தேவையில்லை.

உண்மையான வன்முறை த்தீவிரவாதிகள் யார்,

வன்முறைத்_தீவிரவாதிகள்_யார்?

குண்டுவெடிப்பு மற்றும் தீவிரவாதம் என்ற உடனேயே பொது சமூகத்திற்கு நினைவில் வருவது தாடிவைத்த குல்லாய் அணிந்த நபர்கள்தான், அதாவது இஸ்லாமியர்கள். பார்ப்பன ஊடகங்களும், ஆர்.எஸ்.எஸ். அமைப்பினர் ஊடுருவியுள்ள அனைத்து வெகுஜன தொடர்பு, திரைப்படம் உள்ளிட்ட அனைத்துமே தீவிரவாதிகள் என்றாலே இஸ்லாமியர்கள் என்ற ஒரு பார்வையை உருவாக்கிவிட்டது, ஆனால் இந்தியாவைப் பொருத்தவரை உண்மையான தீவிரவாத அமைப்பு எது என்பதை கீழே உள்ள புள்ளிவிபரங்கள் மூலம் தெரிந்துகொள்ளுங்கள்

1. ராஜஸ்தான் அஜ்மீர் தர்கா குண்டுவெடிப்பு 2006

2. மக்கா மசூதி குண்டுவெடிப்பு அய்தராபாத் 2006

3. சம்ஜோதா விரைவு ரயில் குண்டுவெடிப்பு 2006

4. மாலேகாவ் குண்டுவெடிப்பு 2006

5. மாலேகாவ் குண்டுவெடிப்பு 2007

6. மோண்டசா மசூதி குண்டுவெடிப்பு குஜராத் 2007

7. நான்தேட் குண்டுவெடிப்பு மகாராட்டிரா 2006

8. பர்மானி குண்டுவெடிப்பு மகாராட்டிரா 2006

9. ஜல்னா குண்டுவெடிப்பு மகாராட்டிரா 2008

10. பூனே குண்டுவெடிப்பு 2008

11. கான்பூர் குண்டுவெடிப்பு 2004

12. கன்னூர் குண்டுவெடிப்பு 2007

13. பன்வேல் குண்டுவெடிப்பு மகாராட்டிரா 2007

14. தானே குண்டுவெடிப்பு 2007

15. வாஷி நவிமும்பை குண்டுவெடிப்பு 2009

16. கோவா குண்டுவெடிப்பு 2010

#இந்த_குண்டுவெடிப்பில்_தொடர்புடைய_குற்றவாளிகளின்_பெயர்:-

1. சுனில் ஜோஷி - மத்தியப்பிரதேச ஆர்.எஸ்.எஸ் பிரச்சார் பிரமுக் 1990 - 2003 வரை பதவி வகித்தவர்.

2. சந்தீப் டாங்கே கஷ்யப பார்ப்பனர் - ஆர்.எஸ்.எஸ் பிரச்சார் பிரமுக் ஷாஜபூர் மத்தியப்பிரதேசம் 2005 - 2007

3. தேவேந்திர குப்தா ஜார்கண்ட் ஜமாதாடா - ஆர்.எஸ்.எஸ். மாவட்ட பிரச்சார் பிரமுக்.

4. லோகேஷ் சர்மா - ஆர்.எஸ்.எஸ். கார்யவாகக் தேவ்கட் மத்தியப்பிரதேசம்.

5. சந்திரகாந்த லாவே - ஜில்லா பிரமுக் ஷாஹாபூர் மத்திய பிரதேசம். 6. சாமியார் அசிமானந்தா- மிகவும் மூத்த ஆர்.எஸ். எஸ்.தலைவர்களுள் ஒருவர்.

7. ராஜேந்திர சமுந்தர் - ஆர்.எஸ்.எஸ். அமைப்பின் தீவிர ஊடகச்செயற்பாட்டாளராக இருந்தவர். பிரச்சார் பிரமுக் மகாராட்டிரா.

8. முகேஷ் வாசனி - குஜராத் மாநிலம் கோத்ரா கலவரத்திற்கு மூளையாக செயல்பட்டவர், கோத்ரா மாவட்ட ஆர்.எஸ்.எஸ் - கார்யகர்த்தா, மத்தியில் பாஜக ஆட்சிக்கு வந்த பிறகு நீண்ட ஆண்டுகளாக சிறையில் இருந்த இவர் நிரபராதி என்று கூறி விடுதலை செய்யப்பட்டார்.

9. ராம் காலசங்காரா - ஆர்.எஸ்.எஸ். கார்யகர்த்தா

10. கமல் சவுகான் - ஆர்.எஸ்.எஸ். கார்யகர்த்தா

11. சாமியாரினி பிரஞ்யா சிங் - ஆர்.எஸ்.எஸ் கார்ய கர்த்தா அபினவ் பாரத் அமைப்பின் இரண்டாம் மட்டத் தலைவர்

12. ராஜேந்திர சவுதிரி - ஆர்.எஸ்.எஸ். கார்யகர்த்தா

13. ராம்பாலக் தாஸ் - ஆர்.எஸ்.எஸ். கார்யகர்த்தா

14. லக்சுமந்தாஸ் தன்சிங் - ஆர்.எஸ்.எஸ். கார்யகர்த்தா

15. ராம் மனோகர் - ஆர்.எஸ்.எஸ். கார்யகர்த்தா

16. குமார் சிங் - ஆர்.எஸ்.எஸ். கார்யகர்த்தா

17. தேஜ்ராம் - ஆர்.எஸ்.எஸ். கார்யகர்த்தா

18. சந்தீப் உபாத்தியாய்

19. சரன் உபாத்தியாய் சகோதரர்கள் - இருவருமே ஆர்.எஸ்.எஸ். கார்யகர்த்தாக்கள்

20. ராகுல் பாண்டே -ஆர்.எஸ்.எஸ். கார்யகர்த்தா

21. உமேஷ் தேஷ்பாண்டே -ஆர்.எஸ்.எஸ். கார்ய கர்த்தா

22. சஞ்சய் சவுதிரி -அபினவ்பாரத்

23. ஹிமான்சு பான்சே - அபினவ்பாரத்

24. ராம்தாஸ் முல்கே -அபினவ்பாரத்

25. நரேஷ் ராஜாகேடாவர் -சனாதன் சான்ஸ்தா

26. யோகேஷ் வித்துல்கள் -சனாதன் சான்ஸ்தா

27. மாருதி பாங்கே -சனாதன் சான்ஸ்தா

28. துப்தேவர் குருராஜ்- சனாதன் சான்ஸ்தா

29. மிலிந்து எகாவோட் -சனாதன் சான்ஸ்தா

30. மாலேகவுடா பாட்டில் -சனாதன் சான்ஸ்தா

31. கோவா தேவாயலத்தில் குண்டுவைக்கச்சென்ற போது தவறுதலாக குண்டுவெடித்து நிகழ்விடத்திலேயே உடல் சிதறி மரணமடைந்தார்.

32. யோகேஷ் நாயக் -சனாதன் சான்ஸ்தா

33. விஜய் தோல்கர் -சனாதன் சான்ஸ்தா

34. வினாயக் பாட்டில்- சனாதன் சான்ஸ்தா

35. பிரசாத் ஜுவேகர் -சனாதன் சான்ஸ்தா

36. சாரங்க் குல்கர்னி, தனஞ்சய் அப்டேகர், திலிப் மாங்கோகர், ஜெய்பிரகாஷ் அன்னா, ருத்ரா பாட்டில் பிரசாத் அஷ்டேகர் சனாதன் சான்ஸ்தாவைச் சேர்ந்த இவர்கள் அனைவரும் நரேந்திர தாபோல்கர், கோவிந்த பன்சாரே, கல்புர்கி மற்றும் கவுரி லங்கேஷ் கொலையில் தொடர்புடையவர்கள். 37. ராஜேஷ் கட்கரி -சனாதன் சான்ஸ்தா

38. விக்ரம் பாவே இவர்கள் அனைவர் மீதும் தீவிரவாதச் செயல்களில் ஈடுபட்டனர் என்ற குற்றச்சாட்டு பதிவு செய்யப்பட்டு சிறையில் அடைக்கப் பட்டுள்ளனர். இவர்களில் சிலருக்கு பிணை வழங்கப் பட்டு சுதந்திரமாக வலம் வருகின்றனர். ஆர்.எஸ்.எஸ். மற்றும் இதர இந்துத்துவ அமைப்பினரின் வன்முறை வெறியாட்டத்தில் இறந்தவர்களின் எண்ணிக்கை

1980 மோர்தாபாத் கலவரம் 400 பேர் மரணம்

1983 நெல்லிலே அஸ்ஸாம் கலவரம் 10000 படுகொலை

1987 ஹாசின்புரா வன்முறை 100பேர் படுகொலை

1989 பாகல்பூர் வன்முறை 1000 பேர் படுகொலை

1992 மும்பை கலவரம் 3000 பேர் படுகொலை

2002 குஜராத் கலவரம் 5000 பேர் படுகொலை 2013 முசாபர் நகர் வன்முறை 180 பேர் படுகொலை

1980 முதல் இன்றுவரை பாஜக- ஆர்.எஸ்.எஸ். மற்றும் இந்துத்துவ அமைப் பினர் இஸ்லாமியர்களை திட்டமிட்டு படு கொலை செய்த பட்டியல் மேலே உள்ளது. மேலும் மாட்டுக்காக பல இஸ்லாமியர்கள் கொலை செய்யப்பட்டனர், பல பள்ளிவாசல்கள் இடிக்கப்பட்டன.

நாட்டில் 15 இடங்களில் குண்டுவைத்து அந்த பழிகளை இஸ்லாமியர்கள் மீது போட்டு அப்பாவி இஸ்லாமியர்களை கைது செய்தனர், மேலும் போலியான என்கவுன்ட்டர் அதுவும் இஸ்லாமியர்களை மட்டும் என்கவுன்ட்டர் செய்தனர்.

ஆனால் பல குண்டுவெடிப்புகளில் சந்தேகத்தின் பெயரில் பிடித்துச்சென்ற நூற்றுக்கணக்கான இஸ்லாமியர்கள் இன்றளவும் விசாரணைக்கைதிகள் என்ற பெயரில் நாடு முழுவதும் உள்ள சிறைகளில் வாடுகின்றனர். இது குறித்து உச்சநீதிமன்றமே மாநில அரசுகளையும் மத்திய அரசையும் கண்டித்துள்ளது. அய்தராபாத் குண்டுவெடிப்பிற்குப் பிறகு விசாரணை என்ற பெயரில் சிறையி லடைக்கப்பட்ட பல இஸ்லாமிய இளைஞர்கள் 8 முதல் 10 ஆண்டுகள் கழித்து சிறையில் இருந்து குற்றமற்றவர்கள் என்று கூறி விடுவிக்கப்பட்டனர்.

இந்தியாவில் முதல் தீவிரவாத செயல் காந்தியைக் கொன்றதாகும். அதைச்செய்தது இந்துமகாசபையைச் சேர்ந்த நாதுராம் கோட்சே. ஆனால் அவரை தேசபக்தராக மாற்றும் நடவடிக்கை கடந்த சில ஆண்டுகளாக தொடர்ந்து நடந்துகொண்டு வருகிறது.

இந்துத்துவ தீவிரவாதிகளின் பிடியிலிருந்து இந்த தேசத்தை விடுவிக்க இரண்டாம் சுதந்திர போராட்டத்தை முன்னெடுப்பது தேசப்பற்றாளர்களின் மீது உள்ள வரலாற்றுக் கடமை...

ரஜப் அல்லாஹ்வின் மாதம்,

ரஜப்மாதம்

قوله صلى الله عليه وسلم : (( رجب شهر الله وشعبان شهري ورمضان شهر أمتي…….)).

الشيخ الألباني 3094

‘ரஜப் அல்லாஹ்வின் மாதம், ஷஃபான் எனது மாதம், ரமழான் எனது சமுதாயத்தின் மாதம்’ என நபிகள் நாயகம் (ஸல்) அவர்கள் கூறினார்கள்.

கால நேரங்களையும் மனிதர்களையும் படைத்த அல்லாஹ், அவற்றில் தான் விரும்பியதை சிறப்பாக்கியும் வைத்திருக்கிறான். அந்த வகையில் மனித இனத்தில் நபிமார்களை அவர்களில் சிறப்பாக்கி வைத்திருப்பதுடன் ‘உலுல் அஸ்ம்’ என்று அந்த ரசூல்மார்களில் குறிப்பிடத்தக்க ஒரு சிலரைத் தெரிவு செய்து அவர்களில் மிக மிகச் சிறப்பான நபியாக ரசூலாக அடியானாக அண்ணலார் முஸ்தபா ஸல்லல்லாஹு அலைஹி வஸல்லம் அவர்களை அல்லாஹ் தேர்வு செய்தான்.

இவ்வாறே இடங்களைப் படைத்த அல்லாஹ் மக்கா முகர்ரமா. மதீனா முனவ்வரா, பைத்துல் முகத்திஸ் ஆகிய இடங்களை ஏனைய சகல இடங்களைவிடவும் கண்ணியப்படுத்தி வைத்தான். இது போல கால நேரங்களைப் படைத்த அல்லாஹ் வெள்ளிக்கிழமையை நாட்களின் தலைவனாகவும் மாதங்களில் முஹர்ரம், துல் கஃதா, துல் ஹிஜ்ஜா, ரஜப், ஆகிய நான்கு மாதங்களை அல்லாஹ் சிறப்பாக்கியும் வைத்திருக்கிறான்.

குர்ஆனில் பதியப்பட்ட புனிதமிக்க மாதங்கள்

اِنَّ عِدَّةَ الشُّهُوْرِ عِنْدَ اللّٰهِ اثْنَا عَشَرَ شَهْرًا فِىْ كِتٰبِ اللّٰهِ يَوْمَ خَلَقَ السَّمٰوٰتِ وَالْاَرْضَ مِنْهَاۤ اَرْبَعَةٌ حُرُمٌ‌ ذٰ لِكَ الدِّيْنُ الْقَيِّمُ ۙ فَلَا تَظْلِمُوْا فِيْهِنَّ اَنْفُسَكُمْ‌ وَقَاتِلُوا الْمُشْرِكِيْنَ كَآفَّةً كَمَا يُقَاتِلُوْنَكُمْ كَآفَّةً‌  وَاعْلَمُوْۤا اَنَّ اللّٰهَ مَعَ الْمُتَّقِيْنَ‏
நிச்சயமாக அல்லாஹ்விடத்தில் மாதங்களின் எண்ணிக்கை (ஓர் ஆண்டுக்கு) பன்னிரண்டுதான். (இவ்வாறே) வானங்களையும், பூமியையும் படைத்த நாளிலிருந்து அல்லாஹ்வின் புத்தகத்தில் பதிவு செய்யப்பட்டுள்ளது. அவற்றில் நான்கு (மாதங்கள்) சிறப்புற்றவை. இதுதான் நேரான மார்க்கமாகும். ஆகவே, இவற்றில் நீங்கள் (போர் புரிந்து) உங்களுக்கு நீங்களே தீங்கிழைத்துக் கொள்ள வேண்டாம். எனினும், இணைவைத்து வணங்குபவர்களில் எவரேனும் (அம்மாதங்களில்) உங்களுடன் போர் புரிந்தால் அவ்வாறே நீங்களும் அவர்கள் அனைவருடனும் (அம்மாதங்களிலும்) போர் புரியுங்கள். நிச்சயமாக, அல்லாஹ் இறை அச்சமுடையவர்களுடன் இருக்கின்றான் என்பதை உறுதியாக அறிந்து கொள்ளுங்கள்.
(அல்குர்ஆன் : 9:36)

ஹதீஸில் பதியப்பட்ட புனிதமிக்க மாதங்கள்

عَنِ ابْنِ أَبِي بَكْرَةَ عَنْ أَبِي بَكْرَةَ رَضِي اللَّهم عَنْهم عَنِ النَّبِيِّ صَلَّى اللَّهم عَلَيْهِ وَسَلَّمَ قَالَ الزَّمَانُ قَدِ اسْتَدَارَ كَهَيْئَتِهِ يَوْمَ خَلَقَ اللَّهُ السَّمَوَاتِ وَا لأرض السَّنَةُ اثْنَا عَشَرَ شَهْرًا مِنْهَا أَرْبَعَةٌ حُرُمٌ ثَلَاثَةٌ مُتَوَالِيَاتٌ ذُو الْقَعْدَةِ وَذُو الْحِجَّةِ وَالْمُحَرَّمُ وَرَجَبُ مُضَرَ الَّذِي بَيْنَ جُمَادَى وَشَعْبَان (البخاري, ومسلم).

இறைத்தூதர்(ஸல்) அவர்கள் கூறினார்கள்:
வானங்களும் பூமியும் படைக்கப்பட்ட நாளில் இருந்த (பழைய) நிலைக்குக் காலம் திரும்பிவிட்டது. ஆண்டு என்பது பன்னிரண்டு மாதங்களாகும். அவற்றில் நான்கு மாதங்கள் புனிதமானவை. (அவற்றில்) மூன்று மாதங்கள் தொடர்ந்து வரக்கூடியவை. அவை – துல்கஅதா, துல்ஹஜ் மற்றும் முஹர்ரம் ஆகியனவாகும். (மற்றொன்று) ஜுமாதஸ் ஸானிக்கும் ஷஅபான் மாதத்திற்கும் இடையிலுள்ள ரஜப் மாதமாகும்.
என அபூ பக்ரா(ரலி) அறிவித்தார்.
(ஸஹீஹ் புகாரி 3197. 4406. 4662. 5550)

வானங்களும் பூமியும் படைக்கப்பட்ட நாளிலிருந்து இந்த நான்கு மாதங்களும் கண்ணியமாக்கப்பட்டிருந்த காரணத்தினால்தான் நபிகள் நாயகம் முஸ்தபா ஸல்லல்லாஹு அலைஹி வஸல்லம் அவர்களின் பிறப்பிற்கு முன்பிருந்த காலத்து மக்களிடத்திலும் இந்த மாதங்கள் சிறப்பானதாகக் கருதப்பட்டு வந்திருக்கிறது. இன்னும் இந்த மாதங்களில் உங்களுக்கு நீங்களே அநியாயம் செய்து கொள்ளாதீர்கள் என்றும் அல்லாஹ் உத்தரவிட்டிருக்கிறான். அதனால்தான் கண்ணியமிக்க இந்த மாதங்களில் புரியப்படும் நல்லமல்களுக்கு அதிகபட்ச நற்கூலியும், பாவச் செயல்களில் ஈடுபடுவோர்களுக்கு அதிகபட்ச தண்டனை வழங்கப்படும். கடும் குற்றச் செயல்களாகக் கருதப்படும் என ஸெய்யிதுனா இப்னு அப்பாஸ் ரலியல்லாஹு அன்ஹு அறிவித்திருக்கிறார்கள்.

ரமலானுக்கான பயிற்சி மாதம் ரஜப்

ரமலானுக்காக எமக்கு பயிற்சிப் பாசறையாக ரஜப் மாதம் திகழ்கிறது. ரமலான் மாதத்தில் நற்காரியங்களைச் செய்வதற்கு நாம் முன்கூட்டியே தயாராக வேண்டும். ரமலான் மாதத்தில் நாம் நிறைவேற்றும் மற்ற அமல்களையும் இந்த மாதத்திலும் நிறைவேற்றும்படி நாம் ஆர்வமூட்டப்பட்டுள்ளோம்.

சன்மார்க்க அறிஞர்களில் ஒருவராகிய அபூபகர் அல்-பல்கி (ரஹ்மதுல்லஹி அலைஹி)அவர்கள் பின்வருமாறு கூறியுள்ளார்கள்: “ரஜப் மாதம் விதைகளை விதைக்கப்படும் மாதமாகும். ஷஃபான் மாதமாவது செடிகளுக்குத் தண்ணீர் ஊற்றும் மாதமாகும். ரமலான் மாதமோ பழங்களை அறுவடை செய்யும் மாதமாகும்” (நூல்: லதாயிஃபுல் மஆரிஃப்)

அளவு கடந்து அமல் செய்யக் கூடாது

عَنْ مُجِيبَةَ الْبَاهِلِيَّةِ عَنْ أَبِيهَا أَوْ عَمِّهَا أَنَّهُ أَتَى رَسُولَ اللَّهِ صَلَّى اللَّهم عَلَيْهِ وَسَلَّمَ ثُمَّ انْطَلَقَ فَأَتَاهُ بَعْدَ سَنَةٍ وَقَدْ تَغَيَّرَتْ حَالُهُ وَهَيْئَتُهُ فَقَالَ يَا رَسُولَ اللَّهِ أَمَا تَعْرِفُنِي قَالَ وَمَنْ أَنْتَ قَالَ أَنَا الْبَاهِلِيُّ الَّذِي جِئْتُكَ عَامَ الْأَوَّلِ قَالَ فَمَا غَيَّرَكَ وَقَدْ كُنْتَ حَسَنَ الْهَيْئَةِ قَالَ مَا أَكَلْتُ طَعَامًا إِلَّا بِلَيْلٍ مُنْذُ فَارَقْتُكَ فَقَالَ رَسُولُ اللَّهِ صَلَّى اللَّهم عَلَيْهِ وَسَلَّمَ لِمَ عَذَّبْتَ نَفْسَكَ ثُمَّ قَالَ صُمْ شَهْرَ الصَّبْرِ وَيَوْمًا مِنْ كُلِّ شَهْرٍ قَالَ زِدْنِي فَإِنَّ بِي قُوَّةً قَالَ صُمْ يَوْمَيْنِ قَالَ زِدْنِي قَالَ صُمْ ثَلَاثَةَ أَيَّامٍ قَالَ زِدْنِي قَالَ صُمْ مِنَ الْحُرُمِ وَاتْرُكْ صُمْ مِنَ الْحُرُمِ وَاتْرُكْ صُمْ مِنَ الْحُرُمِ وَاتْرُكْ وَقَالَ بِأَصَابِعِهِ الثَّلَاثَةِ فَضَمَّهَا ثُمَّ أَرْسَلَهَا (أبوداود, أحمد).

முஜீபதுல் பாஹிலிய்யா நபிகளார் (ஸல்) அவர்களிடம் வந்துவிட்டு சென்றார்கள். அதன் பின் ஒரு வருடம் கழித்து மறுபடியும் வந்த போது அவரது நிலை மாறியிருந்தது. நபிகளாரிடம் என்னை நீங்கள் அறியமாட்டீர்களா? அறத்கு நபியவர்கள் நீங்கள் யார்? நான் தான் அல்பாஹிலீ சென்ற வருடம் வந்து உங்களை சந்தித்து விட்டு சென்றேன். ஏன் நீர் இந்தளவு மாறிப்போயிருக்கிறீர் என்று நபியவர்கள் கேட்டார்கள்.

நான் உங்களை பிரிந்து சென்றதிலிருந்து இரவில் மாத்திரம் தான் உண்ணக்கூடியவனாக இருந்தேன். அதற்கு நபியவர்கள் எதற்காக நீர் உம்மை வருத்திக் கொள்கிறீர், பொறுமையுடைய மாதத்தில் மாத்திரம் நோன்பு வைப்பதுடன், ஒவ்வொரு மாதமும் ஒரு நோன்பை வையுங்கள். அதற்கு அவர் இன்னும் அதிகப்படுத்துங்கள் எனது உடலில் வலிமை இருக்கிறது என்று கேட்டுக்கொண்ட போது ஒவ்வொரு மாதமும் இரண்டு நோன்பு வைக்குமாறு நபியவர்கள் கூறினார்கள். இன்னும் அதிகப்படுத்துங்கள் என்று அவர் கேட்டுக்கொண்ட போது ஒவ்வொரு மாதமும் மூன்று நோன்பு வைக்குமாறு கூறினார்கள். இன்னும் அதிகப்படுத்துங்கள் என்று கேட்டுக்கொண்ட போது புனிதமான மாதங்களில் நோன்பு வையுங்கள் விடுங்கள், புனிதமான மாதங்களில் நோன்பு வையுங்கள் விடுங்கள், புனிதமான மாதங்களில் நோன்பு வையுங்கள் விடுங்கள் என்று நபியவர்கள் தனது மூன்று விரல்களையும் இணைத்து பிரித்துக்காட்டினார்கள்’ (அபூதாவுத், அஹ்மத்).

அப்துல்லாஹ் பின் அம்ர் (ரலி) அவர்கள் கூறியதாவது: ,அல்லாஹ்வின் மீதாணையாக! நான் உயிருடனிருக்கும்வரை பகலெல்லாம் நோன்பு நோற்று இரவெல்லாம் நின்று வணஙகுவேன், என்று நான் கூறிய செய்தி நபி (ஸல்) அவர்களுக்கு எட்டியது. (இது பற்றி அவர்கள் என்னிடம் கேட்டபோது) “என் தந்தையும் தாயும் தஙகளுக்கு அர்ப்பணமாகட்டும்! நான் அவ்வாறு கூறியது உண்மையே!” என்றேன். நபி (ஸல்) அவாகள், “இது உம்மால் முடியாது! (சில நாட்கள்) நோன்பு வையும்; (சில நாட்கள்) நோன்பை விட்டுவிடும்! (சிறிது நேரம்) தொழும்; (சிறிது நேரம்) உறஙகும்! ஒவ்வொரு மாதமும் மூன்று நாட்கள் நோன்பு வையும்! ஏனெனில், ஒரு நற்செயலுக்கு அது போன்று பத்து மடஙகு நற்பலன் அளிக்கப்படும்! எனவே, இது காலமெல்லாம் நோன்பு நோற்றதற்குச் சமமாகும்!” என்றார்கள். நான், “என்னால் இதைவிட சிறப்பானதைச் செய்ய முடியும்.” என்று கூறினேன். “அப்படியானால் ஒரு நாள் நோன்பு நோற்று, இரண்டு நாட்கள் விட்டுவிடுவீராக!” என நபி (ஸல்) அவர்கள் கூறினார்கள். அதற்கு “என்னால் இதைவிட சிறப்பாகச் செய்ய முடியும்” என்று நான் கூறினேன். நபி (ஸல்) அவர்கள், “அப்படியானால் ஒரு நாள் நோன்பு நோற்று ஒரு நாள் விட்டுவிடுவீராக!, இதுதான் தாவூத் நபியின் நோன்பாகும்! நோன்புகளில் இதுவே சிறந்ததாகும்!” என்றார்கள். நான் “என்னால் இதைவிட சிறப்பாகச் செய்ய முடியும்” என்று கூறினேன். நபி (ஸல்) அவர்கள் “இதைவிடச் சிறந்தது எதுவும் இல்லை!” என்றார்கள்.
ஸஹீஹ் புகாரி 1976

ரஜப் மாதத்தில் நோன்பு வைப்பதன் சிறப்பு

(( أن رسول الله صلى الله عليه وسلم لم يصم بعد رمضان إلا رجباً وشعبان

‘நபிகள் நாயகம் (ஸல்) அவர்கள் ரமழானுக்கு பின் ரஜபிலும், ஷஃபானிலும் தவிர நோன்பு நோற்கவில்லை’

இமாம் பைஹகி (ரஹ்) , இமாம் இப்னு ஹஜர் (ரஹ்) அவர்கள் குறிப்பிடுகிறார்கள்:

من صام ثلاثة أيام من رجب كتب الله له صيام شهر ومن صام سبعة أيام أغلق عنه سبعة أبواب من النار

‘எவர் ரஜப் மாதத்தில் மூன்று நோன்புகளை நோற்பாரோ அவருக்கு ஒரு மாதம் நோன்பு நோற்ற நன்மையை அல்லாஹ் எழுதி விடுகிறான். எவர் ஏழு நாட்கள் நோன்பு நோற்பாரோ நரகத்தின் ஏழு வாயல்களும் அவரை விட்டு மூடப்பட்டு விடும்’

إن شهر رجب شهر عظيم ، من صام منه يوماً كتب الله له صوم ألف سنة

‘நிச்சயமாக ரஜப் மாதம் ஒரு மகத்தான மாதமாகும். எவர் அதில் ஒரு நாள் நோன்பு நோற்பாரோ அவருக்கு ஆயிரம் வருடம் நோற்பு நோற்ற நன்மை கிடைக்கும்’

إن في الجنة نهراً يقال له رجب ماؤه أشد بياضاً من اللبن وأحلى من العسل من صام يوماً من رجب سقاه الله من ذلك النهر (البيهقي).

நிச்சயமாக சுவர்க்கத்தில் ஒரு ஆறு இருக்கின்றது அதன் தண்ணீர் பாலை விட வென்மையாகும், அதன் சுவை தேனை விட இனிமையாகும். எவர் ரஜப் மாதத்தில் ஒரு நோன்பை நோற்பாரோ அவருக்க அந்த ஆற்றிலிருந்து அல்லாஹ் நீர் புகட்டுவான்.’

நோன்பாளியின் பேணுதல்

இறைத்தூதர்(ஸல்) அவர்கள் கூறினார்கள்:
‘நோன்பு (பாவங்களிலிருந்து காக்கின்ற) கேடயமாகும்; எனவே, நோன்பாளி கெட்ட பேச்சுகளைப் பேசவேண்டாம்! முட்டாள் தனமான செயல்களில் ஈடுபட வேண்டாம்! யாரேனும் அவருடன் சண்டைக்கு வந்தால் அல்லது ஏசினால் ‘நான் நோன்பாளி!’ என்று இருமுறை கூறட்டும்! என் உயிர் எவன் கைவசம் இருக்கிறதோ அ(ந்த இறை)வன் மேல் ஆணையாக! நோன்பாளியின் வாயிலிருந்து வீசும் வாடை, அல்லாஹ்விடம் கஸ்தூரியின் வாடையை விடச் சிறந்ததாகும்! (மேலும்) ‘எனக்காக நோன்பாளி தம் உணவையும், பானத்தையும், இச்சையையும்விட்டு விடுகிறார்! நோன்பு எனக்கு (மட்டுமே) உரியது; அதற்கு நானே கூலி கொடுப்பேன்! ஒரு நன்மை என்பது அது போன்ற பத்து மடங்குகளாகும்!’ (என்று அல்லாஹ் கூறினான்)’
என அபூ ஹுரைரா(ரலி) அறிவித்தார்.
ஸஹீஹ் புகாரி 1894
அத்தியாயம் : 30. நோன்பு

ரமலானுக்கான துஆவை கொண்டு பயிற்சி

இம்முழு மாதத்தைப் பற்றி பெருமானார் ஸல்லல்லாஹு அலைஹி வஸல்லம் அவர்கள் மூலமாக உறுதியான ஆதாரத்துடன் அறிய வருவது என்னவென்றால்

عَنْ أَنَسِ بْنِ مَالِكٍ قَالَ كَانَ النَّبِيُّ صَلَّى اللَّهم عَلَيْهِ وَسَلَّمَ إِذَا دَخَلَ رَجَبٌ قَالَ اللَّهُمَّ بَارِكْ لَنَا فِي رَجَبٍ وَشَعْبَانَ وَبَارِكْ لَنَا فِي رَمَضَانَ وَكَانَ يَقُولُ لَيْلَةُ الْجُمُعَةِ غَرَّاءُ وَيَوْمُهَا أَزْهَرُ ( أحمد )

ரஜப் மாதத்தின் பிறையை பெருமானார் ஸல்லல்லாஹு அலைஹி வஸல்லம் அவர்கள் கண்டவுடன் பின்வரும் துவாவை ஓதுவார்கள். ‘அல்லாஹும்ம பாரிக்லனா ஃபீ ரஜபின் வஷஃபான வபல்லிங்னா ரமழானன’ (யா அல்லாஹ்! ரஜப் ஷஃபான் மாதங்களில் எங்களுக்கு அருள் புரிவாயாக. இன்னும் ரமழானை எங்களுக்கு அடையச் செய்வாயாக) என்று நமது நாயகம் முஸ்தபா ஸல்லல்லாஹு அலைஹி வஸல்லம் அவர்கள் ரஜப் மாத துவக்கத்திலிருந்து புனித ரமழான் மாதத்தினை அடையும் வரை ஓதி வந்திருக்கிறார்கள். (நூல் முஸ்னத் அஹ்மத், தப்ரானீ)

ஜாபிர்(ரலி) அறிவித்தார்.
நபி(ஸல்) அவர்கள் எங்களுக்கு எல்லா விஷயங்களிலும் நல்லதைத் தேர்ந்தெடுக்கப் பிரார்த்திக்கும் முறையை (இஸ்திகாராவை) குர்ஆனின் அத்தியாயங்களைக் கற்றுத் தருவதைப் போன்று கற்றுத் தருபவர்களாய் இருந்தார்கள்.
(அந்த முறையாவது): நீங்கள் ஒன்றைச் செய்ய நினைத்தால் கூடுதலான (நஃபிலான) இரண்டு ரக்அத்கள் தொழுது கொள்ளுங்கள். பிறகு அல்லாஹ்விடம், ‘அல்லாஹும்ம இன்னீ அஸ்தகீருக்க பி இல்மிக்க, வ அஸ்தக்திருக்க பி குத்ரத்திக்க, வ அஸ்அலுக்க மின் ஃபழ்லிக்கல் அழீம். ஃபஇன்னக்க தக்திரு வலா அக்திரு. வதுஅலமு வலா அஉலமுஇ வஅன்த்த அல்லாமுல் ஃகுயூப். அல்லாஹும்ம இன்குன்த்த தஅலமு அன்ன ஹாதல் அம்ர் கைருன்லீ ‘ஃபீ தீனி, வமஆஷீ, வ ஆம்பத்தி அம்ரீ’ ஃ ஃபீ ஆஜிலி அம்ரீ வஆஜிலிஹிஃ ஃபக்துர்ஹு லீ. வ இன் குன்த்த தஅலமு அன்ன ஹாதல் அம்ர் ஷர்ருன் லீ ஃபீ தீனீ, வ மஆஷீ, வ ஆஜிலிஹி’ஃ ஃபஸ்ரிஃப்ஹு அன்னீ, வஸ்ரிஃபினீ அன்ஹு, வக்துர் லி யல் கைர கான, ஸும்ம ரள்ளினீ பிஹி’ என்று பிரார்த்தித்து, ‘உங்கள் தேவை இன்னதெனக் குறிப்பிடுங்கள்’ என்று கூறினார்கள்.
(பொருள்: இறைவா! நீ அறிந்துள்ள படி (எது எனக்கு) நன்மை(யோ அ)தனை ஆற்றலால் எனக்கு ஆற்றல் உண்டாக வேண்டுமென உன்னிடம் கோருகிறேன். உன்னுடைய மாபெரும் அருளைக் கோருகிறேன். ஏனெனில், ‘நீயே ஆற்றல் மிக்கவன்; எனக்கோ எந்த ஆற்றலும் கிடையாது. நீயே நன்கறிந்தவன்; எனக்கோ எந்த அறிவும் கிடையாது. நீயே மறைவானவற்றை நன்கறிந்தவன். இறைவா! இந்தக் காரியம் எனக்கு ‘என் மார்க்கத்திலும் என் வாழ்க்கையிலும் என் காரியத்தின் முடிவிலும்’ அல்லது ‘என் இம்மை வாழ்விலும் மறுமை வாழ்விலும்’ நன்மையானதாக இருக்குமென நீ அறிந்திருந்தால் அதைச் சாதிப்பதற்குரிய ஆற்றலை எனக்கு வழங்குவாயாக! இந்தக் காரியம் எனக்கு ‘என் மார்க்கத்திலும் வாழ்க்கையிலும் தீமையானதென நீ அறிந்திருந்தால் இக்காரியத்தை என்னைவிட்டுத் திருப்பிவிடுவாயாக! என்னையும் இக்காரியத்தைவிட்டுத் திருப்பிவிடுவாயாக. நன்மை எங்கிருந்தாலும் அதை அடைவதற்குரிய ஆற்றலை எனக்கு வழங்குவாயாக! பிறகு அதில் எனக்குத் திருப்தியை அளித்திடுவாயாக.)
ஸஹீஹ் புகாரி 6382
அத்தியாயம் : 80. பிரார்த்தனைகள்

இந்த துஆ ஸஹீஹான ஹதீஸ் கிரந்தங்களில் பதிவாகியுள்ளது இதை ஓதுவது சுன்னத்தாகும். ஆகவே தினமும் இந்த தூஆவை நாமும் ஒதுவது சுன்னத்தாகும்.

ரமலானுக்காக குர்ஆனை கொண்டு பயிற்சி

فضل رجب على سائر الشهور كفضل القرآن على سائر الأذكار

‘ஏனைய மாதங்களுடன் ஒப்பிடும் போது ரஜப் மாதத்தின் சிறப்பு, ஏனைய திக்ருகளை விட குர்ஆனுக்கு இருக்கும் சிறப்பை போன்றதாகும்.’

ரமலானுக்காக தொழுகையை கொண்டு பயிற்சி

من صلى المغرب في أول ليلة من رجب ثم صلى بعدها عشرين ركعة ، يقرأ في كل ركعة بفاتحة الكتاب ، وقل هو الله أحد مرة ، ويسلم فيهن عشر تسليمات ، أ تدرون ما ثوابه ؟ ……قال : حفظه الله في نفسه وأهله وماله وولده ، وأجير من عذاب القبر ،وجاز على الصراط كالبرق بغير حساب ولا عذاب

‘ரஜபுடைய ஆரம்ப இரவில் ஒருவர் மஃரிபை தொழுது, அதன் பின் 20 வது ரக்அத்துகள் தொழுது, அதன் ஒவ்வொரு ரக்அத்திலும் பாத்திஹா அத்தியாயத்தின் பின் இஹ்லாஸ் அத்தியாயத்தை ஓதி பத்து ஸலாம்களை கொடுத்தால் அவருக்கு கிடைக்கும் கூலியை நீங்கள் அறிவீர்களா? அல்லாஹ் அவரையும், அவரது குடும்பத்தினரையும், அவரது செல்வங்களையும், அவரது குழந்தைகளையும் நரகத்தின் தண்டனையை விட்டு பாதுகாப்பதுடன், எந்த வித கேள்வி கணக்கும், தண்டனையுமின்றி மின்னல் வேகத்தில் ஸிராதை அவர் கடந்து செல்வார்’

(من صام من رجب وصلى فيه أربع ركعات …. لم يمت حتى يرى مقعده من الجنة أو يرى له

‘ரஜப் மாதம் ஒருவர் ஒரு நோன்பை நோற்று, நான்கு ரக்அத்துகள் தொழுவாரானால், அவர் சுவர்க்கத்தில் தங்குமிடத்தை பார்க்காமல், அல்லது அது காட்டப்படாமல் அவர் மரணிக்கமாட்டார்’

ரமலானுக்காக திக்ரை கொண்டு பயிற்சி

அபான் இப்னு ஙயாஸ் ரலியல்லாஹு அன்ஹு அவர்கள், அனஸ் ரலியல்லாஹு அன்ஹு அவர்கள் மூலமாக அறிவிக்கும் மற்றொரு நபிமொழியும் பைஹகியில் காணப்படுகிறது. ரஜபில் ஓர் இரவுண்டு. அவ்விரவில் நல்லமல் புரிவோருக்கு நூறு ஆண்டுகள் நல்லமல் புரிந்த கூலி கிடைக்கும். அது ரஜபு மாதத்தின் 27வது இரவாகும். அவ்விரவில் யாராவது 12 ரக்அத்கள் தொழுதால் ஒவ்வொரு ரக்அத்திலும் ஸூரத்துல் பாத்திஹாவும், வேறு ஏதாவது ஸூரத்தும் ஓத வேண்டும். ஒவ்வொர இரண்டு ரக்அத்களும் தொழுது முடித்த பின்னர், ‘ஸுப்ஹானல்லாஹி வல்ஹம்துலில்லாஹி வல்லாஹு அக்பர்’ என்று 100 தடவைகளும், இஸ்திக்பார் 100 தடவைகளும், அண்ணலார் ஸல்லல்லாஹு அலைஹி வஸல்லம் அவர்கள் மீது 100 தடவை ஸலவாத்துகளும் ஓதிவிட்டு மறுமை, இம்மை சம்பந்தப்பட்டவை குறித்து தேவையானவற்றை துஆச் செய்யலாம். பின்னர் பகலில் நோன்பு நோற்க வேண்டும். அல்லாஹ் அவரது துஆக்களை ஏற்றுக் கொள்வான்.

அல்லாஹ் நபியை நேசிப்போம்

அமல்கள் இல்லாவிட்டாலும் அல்லாஹ்வையும் நபியவர்களை நேசிக்க வேண்டும்

அனஸ் இப்னு மாலிக்(ரலி) அறிவித்தார்.
ஒருவர் நபி(ஸல்) அவர்களிடம், ‘மறுமை நாள் எப்போது வரும்? இறைத்தூதர் அவர்களே!’ என்று கேட்டார். நபி(ஸல்) அவர்கள், ‘அதற்காக என்ன முன்முயற்சி செய்துள்ளாய்?’ என்று கேட்டார்கள். அவர், ‘அதற்காக நான் அதிகமான தொழுகையையோ, நோன்பையோ தான தர்மங்களையோ முன் ஏற்பாடாகச் செய்து வைக்கவில்லை. ஆயினும், நான் அல்லாஹ்வையும் அவனுடைய தூதரையும் நேசிக்கிறேன்’ என்றார். நபி(ஸல்) அவர்கள், ‘நீ யாரை நேசிக்கிறாயோ அவருடன் (மறுமையில்) இருப்பாய்’ என்று கூறினார்கள்.
ஸஹீஹ் புகாரி 6171
அத்தியாயம் : 78. நற்பண்புகள்

இறைத்தூதர்(ஸல்) அவர்கள் கூறினார்கள்’
ஓர் அடியாரை அல்லாஹ் நேசிக்கும் பொழுது (வானவர்) ஜிப்ரீல்(அலை) அவர்களை அவன் அழைத்து ‘அல்லாஹ் இன்னாரை நேசிக்கிறான். எனவே நீங்களும் அவரை நேசியுங்கள்’ என்று கூறுவான். எனவே, அவரை ஜிப்ரீலும் நேசித்துவிட்டு விண்ணகத்தில் வசிப்பவர்களை அழைத்து ‘அல்லாஹ் இன்னாரை நேசிக்கிறான். நீங்களும் அவரை நேசியுங்கள்’ என்று ஜிப்ரீல் அறிவிப்பார். உடனே விண்ணகத்தாரும் அவரை நேசிப்பார்கள். பிறகு அவருக்குப் பூமியில் வசிப்பவர்களிடமும் அங்கீகாரம் அளிக்கப்படுகிறது.
என அபூ ஹுரைரா(ரலி) அறிவித்தார்.
ஸஹீஹ் புகாரி 6040
அத்தியாயம் : 78. நற்பண்புகள்

நன்றி அல்பலாஹ்

நபிகள் நாயகம் ஸல் தனது மருமகன் ஹழ்ரத் அலி ரலி க்கு உபதேசம்,

நபிகள் நாயகம் ஸல்லல்லாஹு அலைஹி வஸல்லம்

அவர்கள் தனது மருமகன் ஹழ்ரத் அலி ரழியல்லாஹு

அன்ஹு அவர்களுக்கு உபதேசம் செய்தார்கள்.

“அலியே! ஐந்து விசயத்தை தினமும் செய்யாமல்

உறங்கவேண்டாம்.

1. முழு குர்ஆனை ஓதாமல் உறங்காதே. 

2. தினமும் 4000 தீனார்கள் தர்மம் செய்யாமல்

உறங்காதே.

3. கஃபதுல்லாஹ்வை தவாபு செய்யாமல் உறங்காதே.

4. சுவர்க்கத்தில் உனது இடத்தை பாதுகாக்காமல்

உறங்காதே.

5. உனது (ஹவா நஃப்ஸ் என்ற)எதிரியைக்  கொல்லாமல் உறங்காதே.

அதற்கு ஹழ்ரத் அலி ரலியல்லாஹு அன்ஹு,

“நாயகமே! அனைத்தும் ஒரு இரவில் எப்படி சாத்தியம்

என கேட்க..

நபிகள் நாயகம் ஸல்லல்லாஹூ அலைஹி

வஸல்லம் அவர்கள் சொன்னார்கள்:

1. குல்ஹூவல்லாஹூ சூராவை 3 முறை ஓதினால் குர்ஆன் முழுவதும் ஓதிய நன்மை பெறுவீர்.

2. சூரத்துல் பாத்திஹாவை 4 முறை ஓதினால் 4000

தீனார்கள் தர்மம் செய்த நன்மை பெறுவீர்.

3. நான்காம் கலிமாவை 10 முறை ஓதினால் கஃபாவை

தவாபு செய்த நன்மை பெறுவீர்.

4. லாஹவ்ல வலா குவ்வத்த இல்லா பில்லாஹில் அலிய்யில் அளீம் என்று 10 முறை ஓதினால்

சுவனத்தில் உமது இடத்தை பாதுகாத்த நன்மையை

பெறுவீர்.

5. அஸ்தக்பிருல்லாஹில் அளீம் வ அதூபு இலைஹி

என 10 முறை ஓதினால் உமது எதிரியை

கொன்றதற்கு சமம் என கூறினார்கள். 

இன்ஷா அல்லாஹ் நாமும் ஓதி மற்ற மற்றவர்களுக்கு நன்மை பெற செய்வோம்.

ஜமாத்துல் உலமா தேர்தல்,

*யாரெல்லாம் நம்மோடு இருப்பார்கள்,* *விலகுவார்கள் என்று காலம் முடிவு செய்வதில்லை.*

*அவரவர்களின் வார்த்தையும், நடத்தையும் தான் முடிவு செய்கிறது.*

*வாய் தவறி விழும் பேச்சுக்கள். கை தவறி விழும் கண்ணாடியை விட கூர்மையானது.*

*யாரிடம் பேசுகிறோம் என்பதை விட என்ன பேசுகிறோம் என்பதை அறிந்து கொண்டு பேசுங்கள்.*

*நிம்மதியுடன் வாழ்கிறேன் என யாராலும் எளிதில் சொல்லப்படுவதில்லை.*

*வாழ்க்கை அவ்வளவு எளிதில் நிம்மதியை யாருக்கும் தந்து விடுவதில்லை.*

*மற்றவர் தவறைக் கவனித்துக்கொண்டே இருப்பவர்கள்.*

*தன் தவறுகளை வளர்த்துக் கொண்டே இருக்கிறார்கள்.*

*பணம் இருந்தால் நீங்கள்  உயர்ந்தவன்  குணம் இருந்தால் நீங்கள் குப்பை.*

*நடித்தால் நீங்கள் நல்லவன்.*

*உண்மை பேசினால் பைத்தியக்காரன்.*

*அன்பு காட்டினால் ஏமாளி.*

*எடுத்துச் சொன்னால் கோமாளி.*

*இறைவன் தனக்குப் பிடித்தவர்களுக்கே அதிகப் பொறுப்புகளை கொடுத்து.*

*அதன் பொருட்டு சோதனைகளை ஏற்படுத்தி.*

*பக்குவத்தையும், நிதானத்தையும் பரிசளிக்க விரும்புகிறான்.*

*நிலவை....தூரத்தில் இருந்து ரசிப்பதை போல.*

*சில உறவுகளையும்..... தூரத்திலிருந்து ரசிக்க கற்றுக்கொள்ள வேண்டும்.*

*சில வலிகள் இல்லாமல் இருக்கலாம்.*

*தன்னுடைய செயலும் தன்னுடைய வார்த்தைகளும் மட்டும்தான் சரியன்று வாதாடுபவர்கள் மத்தியில் அமைதி மட்டும் உங்கள் ஆயுதமாக வைத்துக்கொள்ளுங்கள்.அவர்களுக்கு புரியவைக்க வரும் காலம் ஒன்று உள்ளது.*

*சிந்தித்து செயல்படுங்கள்.* *இதுவும் கடந்து போகும் அல்லது இதுவும் பழகி போகும்.*

*நிலையென்று ஒன்றுமில்லை இவ்வுலகில்.*

*ஒவ்வொரு சோகமும், துன்பமும் வாழ்க்கையில் நல்ல பாடத்தை கற்று தரவே வருகின்றது.*

*யாரும் உங்கள் கண்ணீரை பார்ப்பதில்லை.*

*யாரும் உங்கள் கவலைகளை பார்ப்பதில்லை.*

*யாரும் உங்கள் வலிகளை பார்ப்பதில்லை.*

*ஆனால் எல்லோரும் உங்கள் தவறை மட்டும் பார்ப்பார்கள்.*

*மனிதனும் வாழை மரமும் ஒன்று தான். தேவைப்படும் வரை வைத்திருப்பார்கள்.*

*தேவை முடிந்தவுடன் வெட்டி வீசி விடுவார்கள்.*

*இந்த பதிவு எல்லோருக்கும் பொருந்தும் என்பதால் பதிவிட தோன்றியது.*

*ஆக... அன்பான ஆலிம் பெருமக்களே! (23-02-2021) ஜமாஅத்துல் உலமா சபை தேர்தலில் வாக்களிக்க இருக்கும் ஆலிம்கள் புதிய நிர்வாகிகளை தேர்வு செய்யுங்கள்.ஸனது பெற்ற அனைத்து ஆலிம்களுக்கும் வாக்களிக்கும் உரிமை கொடுப்போம் என்று உத்தரவாதம் தரும் நிர்வாகிகளை தேர்வு செய்யுங்கள்.அனைத்து ஆலிம்களின் உணர்வுகளுக்கும் உரிமைகளுக்கும்  பாதிப்புகளுக்கும் அனுசரித்து போகும் புதிய நிர்வாகிகளை தேர்வு செய்யுங்கள்.*

          ..................... ..................... *சேவைகள் தொடர..* ..

      *வாழ்த்துக்கள்.* 

...........................................

தமிழ்நாடு 

மாநில ஜமாஅத்துல் உலமா சபையின் இன்று (23-02-2021) நடைபெற்ற 

மாநிலத்தேர்தலில் வெற்றி பெற்ற 

சங்கைமிகு மெளலவி

 *P.A.காஜா* 

 *முஈனுத்தீன்* பாகவி ஹள்ரத் அவர்களுக்கும்.

சங்கைமிகு மெளலவி 

v s *அன்வர் பாஷா உலவி* ஹள்ரத் அவர்களுக்கும் .

சங்கைமிகு மெளலவி 

 *மீரான் மிஸ்பாஹி* ஹள்ரத் அவர்களுக்கும்

 *மனம் நிறைந்த* *வாழ்த்துக்கள் .* 

எல்லாம் வல்ல அல்லாஹ் தங்களின் இந்த 

வெற்றியின் மூலம் உலமாக்களுக்கும் உலக மக்களுக்கும்  சேவைகள் செய்ய

அருள் புரிவானாக!

ஆமீன் . யாரப்பல் ஆலமீன்.

...........................................

        துஆவுடன் வாழ்த்தும்.

பொன்னேரி வட்டார ஜமாஅத்துல் உலமா தலைவர் ஜ

காதர் பாஷா மன்பயீ 

இஸ்லாத்தில் காதலர் தினம்,

அன்புள்ளவர்களே!  எதிர்வரும்  பிப் 14-ம் தேதி  உலக முழுவதும் காதலர் தினமாக வேலன்டைன் டே (Valentine’s Day) ஒவ்வொரு ஆண்டும்  அனுஷ்டிக்கப்பட்டு வருகிறது.

 இக் காதலர் தினத்தைப்பற்றி நம் மார்க்கம் [அல்குர்ஆனும் – அல்ஹதீஸும் ] என்ன சொல்கிறது. என்பதனைப் பற்றியும்.. காதலர் தினம் நம்மிடம் சில செய்திகளை சொல்ல வேண்டுமென ஆசைப்படுகிறது அவைகள் என்னென்ன என்பதனைப் பற்றியும்.. இன்றைய ஜுமுஆ உரையில் தெரிந்து கொள்வோம் வாருங்கள்……

 அல்லாஹ் [ﷻ]  திருமறையில் கூறுகின்றான்:-

 قال الله تعالى 

 وَمَاۤ اٰتٰٮكُمُ الرَّسُوْلُ فَخُذُوْهُ وَ مَا نَهٰٮكُمْ عَنْهُ فَانْتَهُوْا‌ ۚ وَاتَّقُوا اللّٰهَ ‌ؕ اِنَّ اللّٰهَ شَدِيْدُ الْعِقَابِ‌ۘ‏

(நம்) தூதர் ﷺ உங்களுக்கு எதைக் கொடுக்கின்றாரோ அதை எடுத்துக் கொள்ளுங்கள்; இன்னும், எதை விட்டும் உங்களை விலக்குகின்றாரோ அதை விட்டும் விலகிக் கொள்ளுங்கள்; மேலும், அல்லாஹ்வை அஞ்சிக் கொள்ளுங்கள். [^{அல்குர்ஆன் 59:7.]}

♣ நபி ﷺ அவர்கள் கூறினார்கள்:-  كما قال النبي صلى الله عليه وسلم ♣

عَنْ أُمِّ الْمُؤْمِنِينَ عَائِشَةَ رَضِيَ اللَّهُ عَنْهَا، قَالَتْ: قَالَ : رَسُولُ اللَّهِ صلى الله عليه و سلم “مَنْ أَحْدَثَ فِي أَمْرِنَا هَذَا مَا لَيْسَ مِنْهُ فَهُوَ رَدٌّ

நம்முடைய மார்க்கத்தில்  இல்லாததைப் புதிதாக எவன் உண்டாக்குகிறானோ அவனுடைய அந்தப் புதுமை நிராகரிக்கப்பட்டதாகும்.^{அபூதாவூத் 4606,}

【காதலர் தினம் நம்மிடம் பேசுகிறது…】

அன்புள்ளவர்களே!  காதலர் தினம் முஃமினான ஆண்களுக்கும், முஃமினான பெண்களுக்கும், சில செய்திகளை சொல்லி விட்டு சொன்றுள்ளது அவ‌ற்றை சற்று விரிவாக‌ பார்போமா! வாருங்கள்…..

நபி ஸல்

ﷺ அவர்களின் வாழ்வில் எத்தனையோ படிப்பினைகள் அடங்கியிருக்கின்றன. அவர்களைவிடச் சிறந்த முன் மாதிரி வேறு யாரும் இருக்க முடியாது. 

நபி சொன்ன, வாழ்ந்த வாழ்க்கையின் பிரகாரம் நாம் வாழ முயற்சிக்க‌ வேண்டும். நபி சொல்லாத வாழ்க்கையை , சந்தோஷத்தை புறந்தள்ளி விட வேண்டும். ஏன்? அதில்தான் வெற்றி இருக்கிறது.

காதலர் தினத்தின் வருகையையொட்டி முஃமீன்கள் யாவரும் சந்தோஷபடாமல் அத்தினத்தில் நடைபெரும் அனாச்சாரங்களை பற்றி அல்லாஹ்விடம் பாதுகாவல் தேடியவர்களே அதிகம். எனென்றால்?

அடிக்கடி வாட்சப்பில் இஸ்லாமிய பெண்ணுடன் மாற்றாருக்கு திருமண நடப்பதாக வரும் பத்தரிக்கையை பார்க்கும் போது நம் மணம் வெதும்புகிறது. நமக்கே இவ்வளவு கஷ்டம் என்றால் அப்பிள்ளையை வளர்த்த பெற்றோர்களுக்கு எவ்வளவு வருத்தம் இருக்கும்.

இன்னும் அத் தினத்தில் நடந்த அனாச்சாரங்களை பற்றி பேச நாவு கூசுகிறது. அவ்வளவும் காதல் என்ற பெயரில் திருமணம் முடித்த பின் செய்யப்படும் செயல்கள் அனைத்தும் காதலர் தினம் என்ற பெயரில் நடக்கிறது. இவ்வாறு நடப்பதை யாரும் மற[று]க்க முடியாத உண்மையாகும். 

عَنْ اَبِيْ هُرَيْرَةَؓ قَالَ: قَالَ رَسُوْلُ اللهِ ﷺ: مِنْ حُسْنِ اِسْلاَمِ الْمَرْءِ تَرْكُهُ مَا لاَ يَعْنِيْهِ

ஒரு மனிதனின் இஸ்லாம் சிறப்பானது, நிறைவானது என்பது அவன் தனக்குத் தேவையற்றவைகளை விட்டுவிடுவதாகும்”(திர்மிதீ 2317]

மேற்கூறிய ஹதிசை ஆராயும் போது:-  தனது மறுமை வாழ்க்கைக்கு தேவைப்படாத பாவமான காரியங்களை விட்டும் ஒதுங்கி இருப்பது மிக சிறப்பானதாகும். அதனடிப்படையில் காதலர் தினம் என்ப‌தும் தமக்கும், தமது சமுதாயத்திற்க்கும் தேவையில்லாத ஒன்றாகும். ஆதலால் அதனை விட்டும் தவிர்ந்திடுவோமாக!

وَاَنْفِقُوْا فِىْ سَبِيْلِ اللّٰهِ وَلَا تُلْقُوْا بِاَيْدِيْكُمْ اِلَى التَّهْلُكَةِ ۖ  ۛۚ وَاَحْسِنُوْا  ۛۚ اِنَّ اللّٰهَ يُحِبُّ الْمُحْسِنِيْنَ‏

அல்லாஹ்வின் பாதையில் செலவு செய்யுங்கள்; இன்னும் உங்கள் கைகளாலேயே உங்களை அழிவின் பக்கம் கொண்டு செல்லாதீர்கள்; இன்னும், நன்மை செய்யுங்கள்; நிச்சயமாக அல்லாஹ் முஹ்ஸின்களை -நன்மை செய்வோரை- நேசிக்கின்றான்.  {அல்குர்ஆன் 2:195..}

وَلَا تُلْقُوْا بِاَيْدِيْكُمْ اِلَى التَّهْلُكَةِ ۖ{ உங்கள் கைகளாலேயே உங்களை அழிவின் பக்கம் கொண்டு செல்லாதீர்கள் } என்ற வசனத்திற்க்கு உலக ரீதியாக கருத்து அர்தம்:-   காதலர் தினத்தன்று பூ கொடுத்தல், லட்டர் கொடுத்தல், செல் மூலம் மெசேஜ் அனுப்புதல், Etc……. இவையெல்லாம் உலக வாழ்வில் நம் கையால் அழிவை தேடும் காரணிகளாகும்.

وَاَحْسِنُوْا என்ற வசனத்திற்க்கு உலக ரீதியாக கருத்து அர்தம் :-  மேற் சொன்ன விஷயங்களை தவிர்தலே நன்மை செய்வோராக ஆகலாம். இன்ஷா அல்லாஹ்.

முன்பெல்லாம் இந்த காதல் (LOVE ) என்ற சொல்லை ஆங்கில ஆசிரியர்கள் கூட வகுப்பறையில் பயன்படுத்த கூச்சப்பட்ட காலம் மாறி இன்று  சின்ன குழந்தைகளுக்கு கூட இந்த சொல்லை பயன்படுத்தும் அளவுக்கு கல்வித்துறைகூட மாறி போய்விட்டது என்றால் அது ஆச்சரியப் படுவதற்கில்லை.

காதல் என்ற பெயரில் காமம் மட்டும் விஞ்சி நிற்கிறது. இந்த தினத்தில் பொதுமக்கள் கூடும் இடம் என்று கூட பார்க்காமல் இவர்கள் அடிக்கும் காமக்கூத்துக்கள், கலாச்சார சீரழிவின் அடையாளமாக உள்ளது. எனவே இத்தகைய கலாச்சார சீரழிவிற்கு வழிவகுக்கும் கொண்டாட்டங்களை தடுக்க அரசும், சமூக ஆர்வலர்களும் முன்வரவேண்டும்

ஆக நம் ஆசையை, நஃப்ஸை கட்டுப்படுத்தி, ஸஹாபாக்களை போல பேணுதலாக வாழுவோமாக!

【காதலர் தினத்தன்று ஒரு முஃமீன் எப்படி மக்களை அத்தீமையிலிருந்து பாதுகாக்க பாடுபடுவார்? 】

அன்புள்ளவர்களே!! நாம் நம் பிள்ளைகளை காதலர் தினத்தன்று கொண்டாடும் கொண்டாட்டத்தில் கலந்து கொள்ளாமல் கவனமாக பாதுகாக்க‌ வேண்டும்,  ஏனென்றால் நாம் தாம் அதற்க்கு பொருப்பாளி. இது தொடர்பாக மறுமையில் நாம் விசாரிக்கப்பவோம்.

وَقَالَ تَعَالي: (وَالَّذِيْنَ هُمْ عَنِ اللَّغْوِ مُعْرِضُوْنَ۞). (المؤمنون:٣

இன்னும் அவர்கள் வீணானவற்றைப் புறக்கணித்து இருக்கிறவர்கள் (அல்முஃமினூன்:3)

وَقَالَ تَعَالي: (وَالَّذِيْنَ لاَ يَشْهَدُوْنَ الزُّوْرَ لا وَاِذَا مَرُّوْا بِاللَّغْوِ مَرُّواْ كِرَامًا۞). (الفرقان:٧٢

இன்னும் அவர்கள் எத்தகையோறென்றால் பொய் சாட்சி சொல்லமாட்டார்கள்; வீணானதின் பக்கம் அவர்கள் நடந்து சென்றால் கண்ணியமானவர்களாக (அதை விட்டும் ஒதுங்கிச்) செல்வார்கள் (அல்ஃபுர்கான்:72)

سَمِعْتُ رَسُولَ اللَّهِ صلى الله عليه وسلم يَقُولُ ‏ “‏ مَنْ رَأَى مُنْكَرًا فَاسْتَطَاعَ أَنْ يُغَيِّرَهُ بِيَدِهِ فَلْيُغَيِّرْهُ بِيَدِهِ فَإِنْ لَمْ يَسْتَطِعْ فَبِلِسَانِهِ فَإِنْ لَمْ يَسْتَطِعْفَبِقَلْبِهِ وَذَلِكَ أَضْعَفُ الإِيمَانِ ‏”‏ ‏.‏

உங்களில் யாராவது தீமையைக் கண்டால் அதை அவர் தன் கையால் தடுக்கட்டும்.  அதற்கு முடியாவிட்டால் தன் நாவால் தடுக்கட்டும். அதற்கும் முடியாவிட்டால் உள்ளத்தால் அதை வெறுத்து ஒதுங்கிக் கொள்ளட்டும். இதுவே ஈமானின் மிகப் பலவீனமான நிலையாகும்.  திர்மிதி (2173),

【காதலர் தினம் பிற சமுதாயக் கலாச்சாரம்…】

அன்புள்ளவர்களே! இஸ்லாமிய மார்க்கம் ஓர் அறிவார்ந்த மார்க்கமென மாற்று மதத்தவர்கள் கூட கூறிக் கொண்டிருக்கும் நேரத்தில் முஸ்லிம்களில் காதலர் தினத்தன்று புர்கா மாற்றிகொண்டு / தொப்பி போட்டுக் கொண்டு பலர்  கொண்டாடி வருகின்றார்கள்.

இந்த காதலர் தினத்தை அவர்கள் இஸ்லாமிய மார்க்கத்திலிருந்து கற்றார்களா? என்றால் நிச்சயமாக இல்லை. மாறாக மாற்று மதத்தினர்களின் செயல்களைக் கண்டு அவர்கள் செய்வதைப் போன்று இவர்களும் செய்கின்றனர். இவ்வாறு மாற்று மதக் கலாச்சாரத்தைப் பின்பற்றக் கூடியவர்கள் நம்மைச் சார்ந்தவர்கள் அல்ல என்று நபி (ஸல்) அவர்கள் கூறியுள்ளார்கள்..

ஒரு உண்மையான முஸ்லிம் ஒருபோதும் பிற மதத்தவர்களுக்கு ஒப்பாக செயல்பட மாட்டான்.

«عَنِ ابْنِ عُمَرَ، قَالَ قَالَ رَسُولُ اللَّهِ صلى الله عليه وسلم ‏ “‏ مَنْ تَشَبَّهَ بِقَوْمٍ فَهُوَ مِنْهُمْ ‏”‏ ‏.‏

ஒரு சமூகத்தினருக்கு ஒப்பாக நடப்பவர் அவர்களைச் சேர்ந்தவராவார்.^{( அபூதாவூத் 1514 ,  4031)} 

இது எவ்வளவு கடும் எச்சரிக்கை, இதில் எவ்வாறு ஒரு முஸ்லிம் அலட்சியமாக இருக்க முடியும்?

إِنَّ أَصْدَقَ الْحَدِيثِ كِتَابُ اللَّهِ وَأَحْسَنَ الْهَدْىِ هَدْىُ مُحَمَّدٍ وَشَرَّ الأُمُورِ مُحْدَثَاتُهَا وَكُلَّ مُحْدَثَةٍ بِدْعَةٌ وَكُلَّ بِدْعَةٍ ضَلاَلَةٌ وَكُلَّ ضَلاَلَةٍ فِي النَّارِ ‏”‏

செய்திகளில் சிறந்தது அல்லாஹ்வின் வேதமாகும். நேர்வழியில் சிறந்தது முஹம்மது (ஸல்) அவர்களின் நேர்வழியாகும். விஷயங்களில் கெட்டது மார்க்கத்தில் புதிதாக உருவாக்கப்பட்டது (பித்அத்) ஆகும். ஓவ்வொரு பித்அத்தும் வழிகேடாகும்.”  Sunan an-Nasa’i 1578

عَنْ أُمِّ الْمُؤْمِنِينَ أُمِّ عَبْدِ اللَّهِ عَائِشَةَ رَضِيَ اللَّهُ عَنْهَا، قَالَتْ: قَالَ: رَسُولُ اللَّهِ صلى الله عليه و سلم “مَنْ أَحْدَثَ فِي أَمْرِنَا هَذَا مَا لَيْسَ مِنْهُ فَهُوَ رَدٌّ

நம்முடைய இந்த (மார்க்க) விவகாரத்தில் அதில் இல்லாததைப் புதிதாக எவன் உண்டாக்குகிறானோ அவனுடைய அந்தப் புதுமை நிராகரிக்கப்பட்டதாகும். ^{அபூதாவூத் 4606}   

மீடியாக்களை புரகணிப்போம்!””

இன்று எந்த திரைப்படமாக இருந்தாலும் காதலை வைத்துதான் கதையை ஆரம்பிக்கின்றன. 

இன்றைக்கு உள்ள மீடியாக்கள் காதலை ஊக்கப்படுத்தும் வண்ணம் தனியாக
பல்வேறு நிகழ்ச்சிகளை தயாரித்து வழங்கும் அளவிற்கு காதல் சாதரண விஷயம் என்பதையும் தாண்டி, ”அடப்பாவி உனக்கு கேல் ஃபிரண்ட் இல்லையா? அப்ப நீ வேஸ்ட்” என்று கூறும் அளவிற்கு கவுரமான விஷயமாக மாறி விட்டது.

உங்க லவ்வரோட பேர டைப் பன்னி அப்படி எஸ்.எம் எஸ் அனுப்பு இப்டி எஸ்.எம்.எஸ் அனுப்பு ஒரு எஸ்.எம்.எஸ் க்கு 3 ரூபாய் என்று கூறி காதலர் தினம் என்ற பெயரில் இளைஞர்களிமிடருந்து பணத்தை அபகரிக்கும் தொலைக்காட்சி நிகழ்ச்சிகள் வருடா வருடம் அதிகரித்துக் கொண்டு தான் இருக்கிறது.

இஸ்லாமிய இளைஞர்களும் இளைஞிகளும் இந்த காதல் எனும் சமூக சீர்கேட்டில் விழுந்து விடுகின்றனர். இதற்கெல்லாம் காரணம் காதல் என்ற பெயரில் நடைபெறும் அநாச்சாரங்கங்கள் மற்றும் அசிங்கள் பற்றிய விழிப்புணர்வும் இஸ்லாம் எந்த அளவிற்கு இதை தடை செய்துள்ளது என்ற அறிவும் நம் பெற்றோர்களிடத்திலும் பிள்ளைகளிடத்திலும், இல்லாமையே.

பெற்றோர்கள் பிள்ளைகளுக்கு சிறுவயது முதல் கூறி இந்த காதல் எனும் சீர்கேட்டில் பிள்ளைகள் விழுந்து விடாமல் பாதுகாக்க வேண்டும்.

ஆனால் மாணவ, மாணவியர் எப்படிக் காதலிக்க வேண்டும் என்ற கேடு கெட்ட கலாச்சாரத்தை டி.வி.க்கள் கற்றுக் கொடுக்கின்ற போது. பெற்றோரும்
சேர்ந்து கொண்டு தான் அதை பார்க்கின்றனர்.

அல்லாஹ் திருமறையில் கூறுகின்றான்:

قُلْ لِّـلْمُؤْمِنِيْنَ يَغُـضُّوْا مِنْ اَبْصَارِهِمْ وَيَحْفَظُوْا فُرُوْجَهُمْ‌ ؕ ذٰ لِكَ اَزْكٰى لَهُمْ‌ ؕ اِنَّ اللّٰهَ خَبِيْرٌۢ بِمَا يَصْنَـعُوْ

(நபியே!) முஃமின்களான ஆடவர்களுக்கு நீர் கூறுவீராக: அவர்கள் தங்கள் பார்வைகளைத் தாழ்த்திக் கொள்ள வேண்டும்; தங்கள் வெட்கத் தலங்களைப் பேணிக்காத்துக் கொள்ள வேண்டும்; அது அவர்களுக்கு மிகப் பரிசுத்தமானதாகும்; நிச்சயமாக அல்லாஹ் அவர்கள் செய்பவற்றை நன்கு தெரிந்தவன். {அல்குர்ஆன் 24:30.}

وَقُلْ لِّـلْمُؤْمِنٰتِ يَغْضُضْنَ مِنْ اَبْصَارِهِنَّ وَيَحْفَظْنَ فُرُوْجَهُنَّ وَلَا يُبْدِيْنَ زِيْنَتَهُنَّ اِلَّا مَا ظَهَرَ مِنْهَا‌ وَلْيَـضْرِبْنَ بِخُمُرِهِ عَلٰىجُيُوْبِهِنَّ‌يُبْدِيْنَ زِيْنَتَهُنَّ اِلَّا لِبُعُوْلَتِهِنَّ اَوْ اٰبَآٮِٕهِنَّ اَوْ اٰبَآءِ بُعُوْلَتِهِنَّ اَوْ اَبْنَآٮِٕهِنَّ اَوْ اَبْنَآءِ بُعُوْلَتِهِنَّ اَوْ اِخْوَانِهِنَّ اَوْ بَنِىْۤ اِخْوَانِهِنَّ اَوْ بَنِىْۤ اَخَوٰتِهِنَّ اَوْ نِسَآٮِٕهِنَّ اَوْ مَا مَلَـكَتْ اَيْمَانُهُنَّ اَوِ التّٰبِعِيْنَ غَيْرِ اُولِى الْاِرْبَةِ مِنَ الرِّجَالِ اَوِ الطِّفْلِ الَّذِيْنَ لَمْ يَظْهَرُوْا عَلٰى عَوْرٰتِ النِّسَآءِ‌ وَلَا يَضْرِبْنَ بِاَرْجُلِهِنَّ لِيُـعْلَمَ مَا يُخْفِيْنَ مِنْ زِيْنَتِهِنَّ‌ ؕ وَتُوْبُوْۤا اِلَى اللّٰهِ جَمِيْعًا اَيُّهَ الْمُؤْمِنُوْنَ لَعَلَّكُمْ تُفْلِحُوْنَ‏

இன்னும்; முஃமினான பெண்களுக்கும் நீர் கூறுவீராக: அவர்கள் தங்கள் பார்வைகளைத் தாழ்த்திக் கொள்ள வேண்டும்; தங்கள் வெட்கத் தலங்களைப் பேணிக்காத்துக் கொள்ள வேண்டும்; தங்கள் அழகலங்காரத்தை அதினின்று (சாதாரணமாக வெளியில்) தெரியக் கூடியதைத் தவிர (வேறு எதையும்) வெளிக் காட்டலாகாது; இன்னும் தங்கள் முன்றானைகளால் அவர்கள் தங்கள் மார்புகளை மறைத்துக் கொள்ள வேண்டும்; மேலும், (முஃமினான பெண்கள்) தம் கணவர்கள், அல்லது தம் தந்தையர்கள், அல்லது தம் கணவர்களின் தந்தையர்கள் அல்லது தம் புதல்வர்கள் அல்லது தம் கணவர்களின் புதல்வர்கள், அல்லது தம் சகோதரர்கள் அல்லது தம் சகோதரர்களின் புதல்வர்கள், அல்லது தம் சகோதரிகளின் புதல்வர்கள், அல்லது தங்கள் பெண்கள், அல்லது தம் வலக்கரங்கள் சொந்தமாக்கிக் கொண்டவர்கள், அல்லது ஆடவர்களில் தம்மை அண்டி வாழும் (பெண்களை விரும்ப முடியாத அளவு வயதானவர்கள்) பெண்களின் மறைவான அங்கங்களைப் பற்றி அறிந்து கொள்ளாத சிறுவர்கள் ஆகிய இவர்களைத் தவிர, (வேறு ஆண்களுக்குத்) தங்களுடைய அழகலங்காரத்தை வெளிப்படுத்தக் கூடாது; மேலும், தாங்கள் மறைத்து வைக்கும் அழகலங்காரத்திலிருந்து வெளிப்படுமாறு தங்கள் கால்களை (பூமியில்) தட்டி நடக்க வேண்டாம்; மேலும், முஃமின்களே! (இதில் உங்களிடம் ஏதேனும் தவறு நேரிட்டிருப்பின்,) நீங்கள் தவ்பா செய்து (பிழை பொறுக்கத் தேடி), நீங்கள் வெற்றி பெறும் பொருட்டு, நீங்கள் அனைவரும் அல்லாஹ்வின் பக்கம் திரும்புங்கள். {அல்குர்ஆன்:24:31.}

حَدَّثَنَا مُؤَمَّلُ بْنُ هِشَامٍ، – يَعْنِي الْيَشْكُرِيَّ – حَدَّثَنَا إِسْمَاعِيلُ، عَنْ سَوَّارٍ أَبِي حَمْزَةَ، – قَالَ أَبُو دَاوُدَ وَهُوَ سَوَّارُ بْنُ دَاوُدَ أَبُو حَمْزَةَ الْمُزَنِيُّالصَّيْرَفِيُّ – عَنْ عَمْرِو بْنِ شُعَيْبٍ، عَنْ أَبِيهِ، عَنْ جَدِّهِ، قَالَ قَالَ رَسُولُ اللَّهِ صلى الله عليه وسلم ‏ “‏ مُرُوا أَوْلاَدَكُمْ بِالصَّلاَةِ وَهُمْ أَبْنَاءُ سَبْعِ سِنِينَ وَاضْرِبُوهُمْ عَلَيْهَا وَهُمْ أَبْنَاءُ عَشْرِ سِنِينَ وَفَرِّقُوا بَيْنَهُمْ فِي الْمَضَاجِعِ ‏“‏ ‏.‏

உங்கள் குழந்தைகளுக்கு ஏழு வயதாகும் போது தொழச்சொல்லி ஏவுங்கள்; பத்து வயதாகும் போது தொழவில்லையெனில் (காயம் ஏற்படாதவாறு) அடியுங்கள்! மேலும் படுக்கையிலிருந்து பிரித்து வையுங்கள்’ [அபூதாவுத் 495).

அன்னியப் பெண்னின் பார்வை வேண்டாம்!! அர்ஷின் நிழல் வேண்டும்:

அன்னியப் பெண்களைக் கண்டால் பார்வையைத் தாழ்த்துமாறு குர்ஆன் கட்டளையிடுகிறது. இதற்கு மாற்றமாக பார்ப்பதைத் தாண்டி அன்னியப் பெண்ணின் தோல் தன் மீது படும் அளவிற்கு நபிகள் நாயகம் (ஸல்) அவர்கள் நடந்து கொண்டார்கள் என்று கூறும் இந்த ஹதீஸை நம்பினால் குர்ஆனிற்கு மாற்றமாக நபிகள் நாயகம் ﷺ அவர்கள் நடந்தார்கள் என்று நம்ப வேண்டிவரும்.

(முஹம்மதே!) தமது பார்வைகளைத் தாழ்த்திக் கொள்ளுமாறும், தமது கற்பைப் பேணிக் கொள்ளுமாறும் நம்பிக்கை கொண்ட ஆண்களுக்குக் கூறுவீராக! இது அவர்களுக்குப் பரிசுத்தமானது. அவர்கள் செய்வதை அல்லாஹ் நன்கறிந்தவன். திருக்குர்ஆன் 24:30

அல்லாஹ்வின் நிழலைத்தவிர வேறு எந்த நிழலுமில்லாத (கியாமத்) நாளில் தனது ரஹ்மத் என்னும் அர்ஷின் நிழலில் ஏழு வகையான மனிதர்களுக்கு இடம் அளிப்பான்: அவைகளில் 5-வது நபர் . وَرَجُلٌ دَعَتْهُ امْرَأَةٌ ذَاتُ مَنْصِبٍ وَّجَمَالٍ فَقَالَ: إِنِّي أَخَافُ اللهَ நல்ல குடும்பத்தைச் சேர்ந்த ஒரு அழகி ஒருவரை விபச்சாரத்திற்காக அழைத்தும் நான் அல்லாஹ்வை பயப்படுகின்றேன் என்று கூறியவர் (ஒதுங்கிக் கொண்டவர்) (புகாரி – 6806 )

மதம் மாறி நரகில் செல்க:

காதல்  என்ற பெயரில் மாற்றுமத சமூகத்திலேயே திருமணம் செய்ய வேண்டிய நிர்பந்தம் ஏற்படுகின்றது.

உங்களில் தனது மார்க்கத்தை விட்டும் மாறி (ஏக இறைவனை) மறுப்போராக மரணித்தவரின் செயல்கள் இவ்வுலகிலும் மறுமையிலும் அழிந்துவிடும். அவர்கள் நரகவாசிகள். அதில் அவர்கள் நிரந்தரமாக இருப்பார்கள் . (அல்குர்ஆன் 2:217)

وَلَا تَنْكِحُوا الْمُشْرِكٰتِ حَتّٰى يُؤْمِنَّ‌ؕ وَلَاَمَةٌ مُّؤْمِنَةٌ خَيْرٌ مِّنْ مُّشْرِكَةٍ وَّلَوْ اَعْجَبَتْكُمْ‌ۚ وَلَا تُنْكِحُوا الْمُشْرِكِيْنَ حَتّٰى يُؤْمِنُوْا ‌ؕ وَلَعَبْدٌ مُّؤْمِنٌ خَيْرٌ مِّنْ مُّشْرِكٍ وَّلَوْ اَعْجَبَكُمْؕ اُولٰٓٮِٕكَ يَدْعُوْنَ اِلَى النَّارِ  ۖۚ وَاللّٰهُ يَدْعُوْٓا اِلَى الْجَـنَّةِ وَالْمَغْفِرَةِ بِاِذْنِهٖ‌ۚ وَيُبَيِّنُ اٰيٰتِهٖ لِلنَّاسِ لَعَلَّهُمْ يَتَذَكَّرُوْنَ ‏

(அல்லாஹ்வுக்கு) இணைவைக்கும் பெண்களை-அவர்கள் நம்பிக்கை கொள்ளும் வரை- நீங்கள் திருமணம் செய்து கொள்ளாதீர்கள்; இணை வைக்கும் ஒரு பெண், உங்களைக் கவரக்கூடியவளாக இருந்தபோதிலும், அவளைவிட முஃமினான ஓர் அடிமைப் பெண் நிச்சயமாக மேலானவள் ஆவாள்; அவ்வாறே இணைவைக்கும் ஆண்களுக்கு- அவர்கள் நம்பிக்கை கொள்ளும் வரை (முஃமினான பெண்களுடன்) நீங்கள் திருமணம் செய்து வைக்காதீர்கள்; இணை வைக்கும் ஆண் உங்களுக்குக் கவர்ச்சியூட்டுபவனாக இருந்த போதிலும், ஒரு முஃமினான அடிமை அவனைவிட மேலானவன்; (நிராகரிப்போராகிய) இவர்கள், உங்களை நரக நெருப்பின் பக்கம் அழைக்கிறார்கள்; ஆனால் அல்லாஹ்வோ தன் கிருபையால் சுவர்க்கத்தின் பக்கமும், மன்னிப்பின் பக்கமும் அழைக்கிறான்; மனிதர்கள் படிப்பினை பெருவதற்காக தன் வசனங்களை அவன் தெளிவாக விளக்குகிறான். (அல்குர்ஆன் 2:221.)

அன்னியப் பெண்னின் பார்வையே கூடாது பிறகு எப்படி காதலிப்பது கூடும்????

حَدَّثَنَا مُسْلِمُ بْنُ إِبْرَاهِيمَ، حَدَّثَنَا هِشَامٌ، عَنْ أَبِي الزُّبَيْرِ، عَنْ جَابِرٍ، أَنَّ النَّبِيَّ صلى الله عليه وسلم رَأَى امْرَأَةً  فَدَخَلَعَلَىزَيْنَبَ بِنْتِ جَحْشٍ فَقَضَى حَاجَتَهُ مِنْهَا ثُمَّ خَرَجَ إِلَى أَصْحَابِهِ فَقَالَ لَهُمْ ‏ “‏ إِنَّ الْمَرْأَةَ تُقْبِلُ فِي صُورَةِ شَيْطَانٍ فَمَنْ وَجَدَ مِنْ ذَلِكَ شَيْئًا فَلْيَأْتِ أَهْلَهُ فَإِنَّهُ يُضْمِرُ مَا فِي نَفْسِهِ ‏”‏ ‏.‏

நபிகள் நாயகம்(ஸல்) அவர்கள் கூறினார்கள்: “ஒரு பார்வையை இன்னொரு பார்வையால் தொடராதே! முதலாவது (எதார்த்தப் பார்வை) உனக்கு ஆகுமானது, பிந்தையது உனக்கு ஆகுமானதல்ல.” நூல்கள்: அபூதாவூத் 2151, திர்மிதி 2777.

அல்லாஹ்வின் தூதர் (ஸல்) அவர்கள், “(அந்நியப்) பெண்கள் இருக்குமிடத்திற்குச் செல்ல வேண்டாம் என உங்களை நான் எச்சரிக்கிறேன்” என்று கூறினார்கள். அப்போது அன்சாரிகளில் ஒருவர், “அல்லாஹ்வின் தூதரே! கணவருடைய (சகோதரன் போன்ற) உறவினர்கள் (அவள் இருக்கும் இடத்திற்குச் செல்வது) குறித்து தாங்கள் என்ன கூறுகின்றீர்கள்?” என்று கேட்டார். நபி (ஸல்) அவர்கள், “கணவருடைய (சகோதரன் போன்ற) உறவினர்கள் மரணத்திற்கு நிகரானவர்கள்” என்று கூறினார்கள். புகாரி (5232)

“ஒரு பெண்ணுடன் எந்த (அன்னிய) ஆடவனும் தனிமையில் இருக்கலாகாது; (மணமுடிக்கத் தகாத) நெருங்கிய உறவினருடன் (அவள்) இருக்கும்போது தவிர!” என்று நபி (ஸல்) அவர்கள் கூறினார்கள். புகாரி (5233)

حَدَّثَنَا إِسْحَاقُ، حَدَّثَنَا يَعْقُوبُ بْنُ إِبْرَاهِيمَ بْنِ سَعْدٍ، حَدَّثَنَا ابْنُ أَخِي ابْنِ شِهَابٍ، عَنْ عَمِّهِ، أَخْبَرَنِي عُرْوَةُ، أَنَّ عَائِشَةَ رَضِيَ اللَّهُ عَنْهَا، زَوْجَ النَّبِيِّ صَلَّى اللهُ عَلَيْهِ وَسَلَّمَ أَخْبَرَتْهُ: أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ كَانَ يَمْتَحِنُ مَنْ هَاجَرَ إِلَيْهِ مِنَ المُؤْمِنَاتِ بِهَذِهِ الآيَةِ بِقَوْلِ اللَّهِ: {يَا أَيُّهَا النَّبِيُّ إِذَا جَاءَكَ المُؤْمِنَاتُ يُبَايِعْنَكَ} [الممتحنة: 12] إِلَى قَوْلِهِ {غَفُورٌ رَحِيمٌ} [البقرة: 173]، قَالَ عُرْوَةُ: قَالَتْ عَائِشَةُ: فَمَنْ أَقَرَّ بِهَذَا الشَّرْطِ مِنَ المُؤْمِنَاتِ، قَالَ لَهَا رَسُولُ اللَّهِ صَلَّى اللهُ عَلَيْهِ وَسَلَّمَ: «قَدْ بَايَعْتُكِ» كَلاَمًا، وَلاَ وَاللَّهِ مَا مَسَّتْ يَدُهُ يَدَ امْرَأَةٍ قَطُّ فِي المُبَايَعَةِ، مَا يُبَايِعُهُنَّ إِلَّا بِقَوْلِهِ: «قَدْ بَايَعْتُكِ عَلَى ذَلِكِ»

ஆயிஷா (ரலி) அவர்கள் கூறியதாவது:

(திருக்குர்ஆனின் 60:10 முதல் 12 வரையிலான) இந்த வசனங்களின் கட்டளைக்கேற்ப அல்லாஹ்வின் தூதர் (ஸல்) அவர்கள் (மக்காவிலிருந்து) நாடு துறந்து தம்மிடம் வந்த இறைநம்பிக்கை கொண்ட பெண்களை சோதனை செய்து வந்தார்கள். இந்த (வசனத்திலுள்ள) நிபந்தனையை இறை நம்பிக்கை கொண்ட பெண்களில் எவர் ஏற்றுக் கொண்டாரோ அவரிடம், உன் விசுவாசப் பிரமாணத்தை நான் ஏற்றுக் கொண்டேன் என்று பேச்சால் மட்டுமே அல்லாஹ்வின் தூதர் (ஸல்) அவர்கள் கூறுவார்கள். அல்லாஹ்வின் மீதாணையாக! நபிகள் நாயகம் (ஸல்) அவர்களது கரம், விசுவாசப் பிரமாணம் வழங்கும் போது எந்தப் பெண்ணின் கரத்தையும் தொட்டதில்லை. நான் உன் விசுவாசப் பிரமாணத்தை ஏற்றுக் கொண்டேன் என்று அவர்கள் வாய் மொழியாகவே தவிர வேறு எந்த முறையிலும் பெண்களிடம்,  விசுவாசப் பிரமாணம் வாங்கியதில்லை. நூல்: புகாரி 4891, 2713

கையைப் பிடித்து எடுத்துக் கொள்ள வேண்டிய உறுதிமொழி தான் விசுவாசப் பிரமாணம்! இதை திருக்குர்ஆன் 48:10 வசனத்தில் காணலாம். அத்தகைய விசுவாசப் பிரமாணத்தைக் கூட நபிகள் நாயகம் (ஸல்) அவர்கள் பெண்களின் கையைப் பிடித்து எடுத்ததில்லை என்பதை மேற்கண்ட ஹதீஸ் தெளிவாக விளக்குகின்றது.

திருமணம் செய்து கொள்வதற்குத் தடுக்கப்பட்ட உறவுமுறைகளான தந்தை, சகோதரன், மகன், தாய் தந்தையின் சகோதரர்கள், சகோதர சகோதரியின் மகன்கள் போன்றவர்களையும், கணவனையும் தவிர வேறு எவரிடமும் பெண்கள் தொட்டு பேசக் கூடாது.

திருமணம் செய்து கொள்வதற்குத் தடுக்கப்பட்ட உறவுமுறைகளான தந்தை, சகோதரன், மகன், தாய் தந்தையின் சகோதரர்கள், சகோதர சகோதரியின் மகன்கள் போன்றவர்களையும், கணவனையும் தவிர வேறு எவரிடமும் பெண்கள் போன் பேச கூடாது.

حَدَّثَنَا مُحَمَّدُ بْنُ عُبَيْدٍ، حَدَّثَنَا ابْنُ ثَوْرٍ، عَنْ مَعْمَرٍ، أَخْبَرَنَا ابْنُ طَاوُسٍ، عَنْ أَبِيهِ، عَنِ ابْنِ عَبَّاسٍ، قَالَ مَا رَأَيْتُ شَيْئًاأَشْبَهَ بِاللَّمَمِ مِمَّا قَالَ أَبُو هُرَيْرَةَ عَنِ النَّبِيِّ صلى الله عليه وسلم ‏ “‏ إِنَّ اللَّهَ كَتَبَ عَلَى ابْنِ آدَمَ حَظَّهُ مِنَ الزِّنَا أَدْرَكَ ذَلِكَ لاَ مَحَالَةَ فَزِنَا الْعَيْنَيْنِ النَّظَرُ وَزِنَا اللِّسَانِ الْمَنْطِقُ وَالنَّفْسُ تَمَنَّى وَتَشْتَهِي وَالْفَرْجُ يُصَدِّقُ ذَلِكَ وَيُكَذِّبُهُ ‏”‏ 

விபசாரத்தில் மனிதனுக்குள்ள பங்கு (விதியில்) எழுதப்பட்டுள்ளது. அதை அவன் அடையக் கூடியவனா கவே உள்ளான். கண்கள் செய்யும் விபசாரம் (தவறான) பார்வையாகும். காதுகள் செய்யும் விபசாரம் (ஆபாசப் பேச்சுகளைச்) செவியுறுவதாகும். நாவு செய்யும் விபசாரம் (ஆபாசப்) பேச்சாகும். கை செய்யும் விபசாரம் (அந்நியப் பெண்ணைப்) பற்றுவதாகும். கால் செய்யும் விபசாரம் (தவறான உறவைத் தேடி) அடியெடுத்து வைப்பதாகும். மனம் இச்சை கொள்கிறது; ஏங்குகிறது. மர்ம உறுப்பு அதை உண்மையாக்குகிறது; அல்லது பொய்யாக்குகிறது.   அபூதாவூத் 2152}.

இச்சை காதல் வேண்டாம்!! இறைக்காதல் வேண்டும்!!!

عَنْ عَبْدِ اللهِ بْنِ عُمَرَ ؓ قَالَ: سَمِعْتُ رَسُوْلَ اللهِ ﷺ يَقُوْلُ: اِنْطَلَقَ ثَلاَثَةُ رَهْطٍ مِمَّنْ كَانَ قَبْلَكُمْ حَتَّي اَوَوْا الْمَبِيْتَ اِلَي غَارٍ فَدَخَلُوْهُ، فَانْحَدَرَتْصَخْرَةٌ مِنَ الْجَبَلِ فَسَدَّتْ عَلَيْهَا الْغَارَ، فَقَالُوْا: اِنَّهُ لاَ يُنْجِيْكُمْ مِنْ هذِهِ الصَّخْرَةِ اِلاَّ اَنْ تَدْعُوا اللهَ بِصَالِحِ اَعْمَالِكُمْ، فَقَالَ رَجُلٌ مِنْهُمْ: اَللّهُمَّ! كَانَ لِيْ اَبَوَانِ شَيْخَانِ كَبِيْرَانِ، وَكُنْتُ لاَ اَغْبِقُ قَبْلَهُمَا اَهْلاً وَلاَ مَالاً فَنَأَي بِيْ فِيْ طَلَبِ شَيْءٍ يَوْمًا فَلَمْ اُرِحْ عَلَيْهِمَا حَتَّي نَامَا فَحَلَبْتُ لَهُمَا غَبُوْقَهُمَا فَوَجَدْتُهُمَا نَائِمَيْنِ، فَكَرِهْتُ اَنْ اَغْبِقَ قَبْلَهُمَا اَهْلاً اَوْ مَالاً، فَلَبِثْتُ وَالْقَدَحُ عَلي يَدَيَّ اَنْتَظِرُ اِسْتِيْقَاظَهُمَا حَتَّي بَرَقَ الْفَجْرُ فَاسْتَيْقَظَا فَشَرِبَا غَبُوْقَهُمَا، اَللّهُمَّ اِنْ كُنْتُ فَعَلْتُ ذلِكَ ابْتِغَاءَ وَجْهِكَ فَفَرِّجْ عَنَّا مَا نَحْنُ فِيْهِ مِنْ هذِهِ الصَّخْرَةِ، فَانْفَرَجَتْ شَيْئًا لاَ يَسْتَطِيْعُوْنَ الْخُرُوْجَ، قَالَ النَّبِيُّ ﷺ: وَقاَلَ اْلآخَرُ: اَللّهُمَّ! كَانَتْ لِيْ بِنْتُ عَمٍّ، كَانَتْ اَحَبَّ النَّاسِ اِلَيَّ فَاَرَدْتُهَا عَنْ نَفْسِهَا، فَامْتَنَعَتْ مِنِّيْ حَتَّي اَلَمَّتْ بِهَا سَنَةٌ مِنَ السِّنِيْنَ فَجَاءَتْنِيْ فَاَعْطَيْتُهَا عِشْرِيْنَ وَمِائَةَ دِيْنَارٍ عَلي اَنْ تُخَلِّيَ بَيْنِيْ وَبَيْنَ نَفْسِهَا فَفَعَلَتْ، حَتَّي اِذَا قَدَرْتُ عَلَيْهَا قَالَتْ: لاَ اُحِلُّ لَكَ اَنْ تَفُضَّ الْخَاتَمَ اِلاَّ بِحَقِّهِ، فَتَحَرَّجْتُ مِنَ الْوُقُوْعِ عَلَيْهَا فَانْصَرَفْتُ عَنْهَا وَهِيَ اَحَبُّ النَّاسِ اِلَيَّ فَتَرَكْتُ الذَّهَبَ الَّذِيْ اَعْطَيْتُهَا، اَللّهُمَّ اِنْ كُنْتُ فَعَلْتُ ذلِكَ ابْتِغَاءَ وَجْهِكَ فَافْرُجْ عَنَّا مَا نَحْنُ فِيْهِ، فَانْفَرَجَتِ الصَّخْرَةُ غَيْرَ اَنَّهُمْ لاَ يَسْتَطِيْعُوْنَ الْخُرُوْجَ مِنْهَا، قَالَ النَّبِيُّ ﷺ: وَقاَلَ الثَّالِثُ: اَللّهُمَّ! اِنِّيْ إِسْتَأْجَرْتُ اُجَرَاءَ فَاَعْطَيْتُهُمْ اَجْرَهُمْ غَيْرَ رَجُلٍ وَاحِدٍ، تَرَكَ الَّذِيْ لَهُ وَذَهَبَ ، فَثَمَّرْتُ اَجْرَهُ حَتَّي كَثُرَتْ مِنْهُ اْلاَمْوَالُ فَجَاءَنِيْ بَعْدَ حِيْنٍ فَقَالَ: يَا عَبْدَ اللهِ! اَدِّ اِلَيَّ اَجْرِيْ، فَقُلْتُ لَهُ: كُلُّ مَا تَرَي مِنْ أَجْرِكَ مِنَ اْلاِبِلِ وَالْبَقَرِ وَالْغَنَمِ وَالرَّقِيْقِ فَقَالَ: يَا عَبْدَ اللهِ! لاَ تَسْتَهْزِئئْ بِيْ، فَقُلْتُ: اِنِّيْ لاَ اَسْتَهْزِئئُ بِكَ، فَاَخَذَهُ كُلَّهُ فَاسْتَاقَهُ فَلَمْ يَتْرُكْ مِنْهُ شَيْئًا، اَللّهُمَّ! فَاِنْ كُنْتُ فَعَلْتُ ذلِكَ ابْتِغَاءَ وَجْهِكَ فَافْرُجْ عَنَّا مَا نَحْنُ فِيْهِ، فَانْفَرَجَتِ الصَّخْرَةُ فَخَرَجُوْا يَمْشُوْنَ.

உங்களுக்கு முன் இருந்த ஒரு சமுதாயத்தினரில் மூன்று நபர்கள் ஒன்றாகப் பயணம் செய்தார்கள். (இரவு நேரமாகிவிட்டதால்) இரவைக் கழிக்க ஒரு குகையில் நுழைந்தார்கள். அந்த நேரம் மலையிலிருந்து ஒரு பாறை உருண்டு வந்து குகையின் வாயிலை அடைத்துவிட்டது. (இதைப்பார்த்த) அவர்கள், எல்லோரும் தத்தமது நற்செயல்கள் மூலம் அல்லாஹுதஆலாவிடம் துஆக் கேட்டுத்தான் இந்தப் பாறையிலிருந்து ஈடேற்றம் பெறமுடியும்” என்று சொன்னார்கள். (அவ்வாறே அவர்கள் தத்தமது நற்செயல்களின் பொருட்டால் துஆச் செய்தார்கள்) அவர்களில் ஒருவர், யாஅல்லாஹ், (உனக்குத் தெரியும்) எனது பெற்றோர் மிக வயது முதிர்ந்தவர்கள். அவர்களுக்கு முன்னதாக எனது மனைவி, மக்கள், அடிமைகளுக்குப் பால் கொடுக்கமாட்டேன். ஒரு நாள் நான் ஒரு பொருளைத் தேடி வெகுதூரம் சென்று விட்டுத் திரும்பி வந்தபோது பெற்றோர் தூங்கி விட்டிருந்தனர். என்றாலும், நான் அவர்களுக்காக மாலை நேரப் பாலைக் கறந்து (அதை ஒரு கிண்ணத்தில் எடுத்துக் கொண்டு அவர்களிடம் சென்றபோது. அவர்கள் (அப்பொழுதும்) உறங்கிக் கொண்டிருந்தனர். அவர்களை எழுப்புவதை நான் விரும்பவில்லை. அவர்களுக்குமுன் மனைவி, மக்கள், அடிமைகளுக்குப் பால் கொடுப்பதையும் விரும்பவில்லை. நான் பால் பாத்திரத்தைக் கையில் ஏந்தியவாறு, அவர்கள் விழிப்பதை எதிர்பார்த்து அவர்களின் தலைப் பக்கமாக நின்று கொண்டிருந்தேன். காலைப்பொழுது ஆகிவிட்டது, அவர்கள் விழித்துவிட்டார்கள், (நான் அவர்களுக்குப் பாலைக் கொடுத்தேன்) அந்நேரத்தில் அவர்கள் முதல் நாள் மாலை நேரத்துப் பாலைக் குடித்தார்கள். யாஅல்லாஹ், உன்னுடைய திருப்பொருத்தத்திற்காக இச்செயலை செய்திருந்தேனென்றால், இப்பொழுது இந்த பாறையின் காரணமாக சிரமத்தில் சிக்கி இருக்கும் எங்களை இதிலிருந்து ஈடேற்றம் பெறச் செய்வாயாக!” என்று துஆச் செய்தார். அவருடைய துஆவின் பலனால் அந்தப் பாறை சிறிதளவு விலகியது. ஆனால், வெளியேற முடியவில்லை. நபி (ஸல்) அவர்கள் கூறுகிறார்கள், இரண்டாம் மனிதர், யாஅல்லாஹ்! என்னுடைய சிறிய தந்தைக்கு ஒரு மகள் இருந்தாள். அவள் எனக்கு மிக அன்புக்குரியவளாக இருந்தாள். நான் (ஒருமுறை) அவளுடன் என் இச்சையைப் பூர்த்தி செய்துகொள்ள நினைத்தேன். ஆனால், அவள் அதற்கு இணங்கவில்லை. இந்நிலையில் வறுமையின் காரணமாக அவள் (என்னிடம்) வரவேண்டிய நிர்ப்பந்தம் ஏற்பட்டது. அவள் என்னைத் தனிமையில் சந்திக்கவேண்டுமென்ற நிபந்தனையுடன் அவளுக்கு நான் நூற்றி இருபது தங்க நாணயங்களைக் கொடுத்தேன், அவளும் அதற்குச் சம்மதித்துவிட்டாள். இறுதியில் (என் இச்சையைப் பூர்த்தி செய்யச் சரியான சந்தர்ப்பம் பெற்றிருந்த போது) அநியாயமாக இந்த முத்திரையை உடைப்பதை உனக்கு ஆகுமானதாக நான் கருதவில்லை” என்று சொன்னாள். (இதைக்கேட்டதும்) நான் என் தீய எண்ணத்தை விட்டுவிட்டேன், உண்மையில் அவள் எனக்கு மிகப்பிரியமானவளாக இருந்தும், அவளை விட்டும் விலகிவிட்டேன். அவளுக்கு நான் கொடுத்த அந்தத் தங்கக் காசுகளையும் விட்டுவிட்டேன். யாஅல்லாஹ்! உன்னுடைய பொருத்தத்திற்காக இச்செயலை நான் செய்திருந்தால், எங்களின் இந்தச் சிரமத்தை நீக்குவாயாக!” என்று துஆ செய்தார், அவ்வாறே பாறை இன்னும் கொஞ்சம் விலகியது, ஆயினும் வெளியே வரமுடியவில்லை. மூன்றாமவர், யாஅல்லாஹ், நான் கூலியாட்கள் சிலரை வேலைக்கு அமர்த்தியிருந்தேன். அனைவருக்கும் நான் கூலியைக் கொடுத்துவிட்டேன். ஒருவர் மட்டும் கூலிவாங்காமல் சென்றுவிட்டார். நான் அவருடைய கூலிப் பணத்தைத் தொழிலில் முதலீடு செய்தேன். இறுதியாக அவர் செல்வம் பெருகிவிட்டது, சிலநாட்கள் கழித்து ஒரு நாள் அவர் வந்தார், வந்தவர், அல்லாஹ்வின் அடியாரே! என்னுடைய கூலியை எனக்குத் தாருங்கள்” என்றார். அதற்கு நான், நீ பார்க்கின்ற இந்த ஒட்டகம், மாடு, ஆடுகள் மற்றும் அடிமைகள் இவையெல்லாம் உம்முடைய கூலிப்பணம் தான்!”. உம்முடைய கூலிப் பணத்தைத் தொழிலில் முதலீடு செய்ததால் இந்த லாபங்கள் கிடைத்துள்ளன” என்றேன். அல்லாஹ்வின் அடியாரே! என்னைக் கேலி செய்யாதீர்” என்று அவர் கூறினார்”, நான் கேலி செய்யவில்லை” (உண்மையைக் கூறுகிறேன்) என்றேன். (என்னுடைய விளக்கத்திற்குப்) பிறகு அவர் பொருள்கள் அனைத்தையும் கொண்டு சென்று விட்டார், எதையும் விட்டுவைக்கவில்லை. யாஅல்லாஹ், நான் இந்தச் செயலை உன்னுடைய பொருத்தத்திற்காகவே செய்திருந்தேனென்றால், நாங்கள் சிக்கியுள்ள இந்தச் சிரமத்தை நீக்குவாயாக!” என்று துஆச் செய்தார். அப்படியே அந்தப் பாறை முழுமையாக விலகியது, (குகையின் வாசல் திறந்து கொண்டது) எல்லோரும் வெளியேறிவிட்டனர்” என்ற ஹதீஸைத் தாம் நபி (ஸல்) அவர்களிடமிருந்து கேட்டதாக ஹஜ்ரத் அப்துல்லாஹிப்னு உமர் (ரலி) அவர்கள் அறிவிக்கிறார்கள். நூல்:  புஹாரீ 2272.

இஸ்லாமிய பெண் பிள்ளையும் நரகமும்:

وعن أُسامَة، عن النَّبيِّ ﷺ قَالَ: قُمْتُ عَلَى بابِ الْجنَّةِ، فَإِذَا عامَّةُ مَنْ دخَلَهَا الْمَسَاكِينُ، وأَصْحَابُ الجَدِّ محْبُوسُونَ،غَيْر أَنَّ أَصْحاب النَّارِ قَدْ أُمِرَ بِهِمْ إِلَى النَّارِ، وقُمْتُ عَلَى بابِ النَّارِ، فَإِذَا عامَّةُ مَنْ دَخَلَهَا النِّسَاءُ متفقٌعَلَيهِ.

“நான் சொர்க்கத்தின் வாசலில் நின்றிருந்தேன். அதில் நுழைந்தவர்களில் பெரும்பாலானவர்கள்  ஏழைகள்தான் . பணக்காரர்கள (உள்ளநுழைய) தடுக்கப்பட்டிருந்தனர். எனினும்  நரகவாசிகள் நரகத்திற்கு  அழைத்துச் செல்லப்பட்டனர். நான் நரகின் வாசலில் நின்றேன். அதில் நுழைந்தவர்களில் அதிகமானவர்கள் பெண்கள்தான்.” என்று நபி ﷺ அவர்கள் கூறினார்கள். அறிவிப்பாளர்: உஸாமா (ரழி) அவர்கள் .  நூல் : புகாரி 3241.5198.

இஸ்லாமிய பெண் பிள்ளைகள்  சோதனை:

حَدَّثَنَا آدَمُ، حَدَّثَنَا شُعْبَةُ، عَنْ سُلَيْمَانَ التَّيْمِيِّ، قَالَ سَمِعْتُ أَبَا عُثْمَانَ النَّهْدِيَّ، عَنْ أُسَامَةَ بْنِ زَيْدٍ ـ رضى الله عنهما  عَنِ النَّبِيِّ صلى الله عليه وسلم قَالَ ‏ “‏ مَا تَرَكْتُ بَعْدِي فِتْنَةً أَضَرَّ عَلَى الرِّجَالِ مِنَ النِّسَاءِ ‏”‏‏.‏

(பெண்களைத் திருப்திப்படுத்துவதற்காக எதையும் செய்யும் துணிகின்ற) ஆண்களுக்கு (அந்த)ப் பெண்களை விட அதிகமாக இடரளிக்கும் (வேறு) எந்தச் சோதனையையும் என(து வாழ்நாளு)க்குப் பிறகு நான் விட்டுச் செல்லவில்லை. புகாரி 5096

முன்மாதிரி இஸ்லாமிய பெண்கள் எப்படி இருப்பார்கள்:

• 1. மற்ற பெண்களை போல [தீமைகளை] துனிந்து செய்யமாட்டார்கள்.
• 2. இறையச்சத்தோடு இருப்பார்கள்.
• 3. அந்நியரிடம் போசும் போது நளினம் காட்டமாட்டார்கள்.
• 4. நல்ல பேச்சுக்களை பேசுவார்கள்.
• 5. தங்களின் வீடுகளிலே தங்கியிருப்பார்கள்.தெருவில் ஓழுக்கமில்லாமல் திரியமாட்டார்கள்.
• 6. தொழுகையை முறைப்படி உறுதியுடன் தொழவார்கள்.
• 7. ஜகாத் கொடுப்பார்கள்.
• 8. அல்லாஹ்வுக்கும். அவனது தூதருக்கும் கீழ் படிந்து நடப்பார்கள்.

ஆதாரம்: கீழுள்ள குர்ஆன் வசனங்கள்  அல்குர்ஆன்:33:32-33.

 يٰنِسَآءَ النَّبِىِّ لَسْتُنَّ كَاَحَدٍ مِّنَ النِّسَآءِ اِنِ اتَّقَيْتُنَّ فَلَا تَخْضَعْنَ بِالْقَوْلِ فَيَـطْمَعَ الَّذِىْ فِىْ قَلْبِهٖ مَرَضٌ وَّقُلْنَ قَوْلًا مَّعْرُوْفًا ۚ‏

நபியின் மனைவிகளே! நீங்கள் பெண்களில் மற்றப் பெண்களைப் போலல்ல; நீங்கள் இறையச்சத்தோடு இருக்க விரும்பினால், (அந்நியருடன் நடத்தும்) பேச்சில் நளினம் காட்டாதீர்கள். ஏனெனில் எவன் உள்ளத்தில் நோய் (தவறான நோக்கம்) இருக்கின்றதோ, அ(த்தகைய)வன் ஆசை கொள்வான்; இன்னும் நீங்கள் நல்ல பேச்சே பேசுங்கள். {அல்குர்ஆன்:33:32.}

وَقَرْنَ فِىْ بُيُوْتِكُنَّ وَلَا تَبَـرَّجْنَ تَبَرُّجَ الْجَاهِلِيَّةِ الْاُوْلٰى وَاَقِمْنَ الصَّلٰوةَ وَاٰتِيْنَ الزَّكٰوةَ وَاَطِعْنَ اللّٰهَ وَرَسُوْلَهٗ ؕ اِنَّمَا يُرِيْدُ اللّٰهُ لِيُذْهِبَ عَنْكُمُ الرِّجْسَ اَهْلَ الْبَيْتِ وَيُطَهِّرَكُمْ تَطْهِيْرًا ۚ‏

(நபியின் மனைவிகளே!) நீங்கள் உங்கள் வீடுகளிலேயே தங்கியிருங்கள்; முன்னர் அஞ்ஞான காலத்தில் (பெண்கள்) திரிந்து கொண்டிருந்ததைப் போல் நீங்கள் திரியாதீர்கள்; தொழுகையை முறைப்படி உறுதியுடன் கடைப்பிடித்து தொழுங்கள்; ஜகாத்தும் கொடுத்து வாருங்கள். அல்லாஹ்வுக்கும், அவனுடைய தூதருக்கும் கீழ்படியுங்கள்; (நபியின்) வீட்டையுடையவர்களே! உங்களை விட்டும் அசுத்தங்களை நீக்கி, உங்களை முற்றிலும் பரிசுத்தமாக்கிவிடவே அல்லாஹ் நாடுகிறான்.{அல்குர்ஆன்:33:33.}

அந்நிய ஆண்களிடம் குழைந்து பேசுவது நம் பெண்களிடத்தில் காணப்படாத ஒன்றாக இருக்க வேண்டும். ஆனால் நம் சமுதாயப் பெண்களில் சிலர் அந்நிய ஆண்களிடத்தில் குழைந்து பேசுகிறார்கள். பேசும்வார்த்தை சரியாக இருந்தாலும் ஒரு ஆணிடத்தில் அதிகமாக பேசுவது தீய எண்ணத்தை அவன் மனதில் வளர்க்கும். பெண்கள் ஆண்களால் ரசிக்கப்படுபவர்களாக இருக்கும் போது இருவருக்கும் மத்தியில் பேச்சுத் தொடர்ந்தால் அது நாளைடைவில் தவறான தொடர்பாக உருவெடுத்துவிடும். பெண் அவ்வாறு நினைக்காவிட்டாலும் சாதாரண ஒவ்வொரு ஆணுடைய எண்ணமும் இப்படித் தான் இருக்கும். நபிமார்களின் மனைவியருக்கு இவ்வாறு அல்லாஹ் உபதேசிக்கிறான்.

இஸ்லாமிய பெண்களின் பெற்றோர்களின் கடமை:

عَنِ ابْنِ عُمَرَؓ قَالَ: سَمِعْتُ رَسُولَ اللهِ ﷺ يَقُولُ: كُلُّكُمْ رَاعٍ وَكُلُّكُمْ مَسْئُولٌ عَنْ رَعِيَّتِهِ، اَلْإِمَامُ رَاعٍ وَمَسْئُولٌ عَنْرَعِيَّتِهِ، وَالرَّجُلُ رَاعٍ فِي أَهْلِهِ وَهُوَ مَسْئُولٌ عَنْ رَعِيَّتِهِ، وَالْمَرْأَةُ رَاعِيَةٌ فِي بَيْتِ زَوْجِهَا وَمَسْئُولَةٌ عَنْ رَعِيَّتِهَا، وَالْخَادِمُ رَاعٍ فِي مَالِ سَيِّدِهِ وَمَسْئُولٌ عَنْ رَعِيَّتِهِ، وَالرَّجُلُ رَاعٍ فِي مَالِ أَبِيهِ وَهُوَ مَسْئُولٌ عَنْ رَعِيَّتِهِ وَكُلُّكُمْ رَاعٍ وَمَسْئُولٌ عَنْ رَعِيَّتِهِ.

நீங்கள் அனைவரும் பொறுப்பாளர்கள், உங்களில் ஒவ்வொருவரிடமும் (அவருக்குக் கீழ் உள்ளவர்கள் பற்றி) விசாரிக்கப்படும், அரசன் பொறுப்பாளன், அவரிடம் அவரது குடிமக்களைப்பற்றி விசாரிக்கப்படும். குடும்பத் தலைவன் தனது வீட்டாருக்குப் பொறுப்பாளன், அவரிடம் அவரது வீட்டாரைப்பற்றி விசாரிக்கப்படும். பெண் தன் கணவனுடைய வீட்டிற்குப் பொறுப்பாளி அவளிடம் அவ்வீட்டில் வசிக்கின்ற குழந்தைகள் போன்றோரைப் பற்றி விசாரிக்கப்படும். வேலைக்காரர் அவரது முதலாளியுடைய பொருளுக்குப் பொறுப்பாளர், அவரிடம் அவருடைய முதலாளியின் உடமைகள், செல்வங்களைப் பற்றி விசாரிக்கப்படும், மகன் அவனுடைய தந்தையுடைய பொருளுக்குப் பொறுப்பாளன், அவனிடம் அவனது தந்தையுடைய பொருளைப்பற்றி விசாரிக்கப்படும். உங்களில் ஒவ்வொருவரும் பொறுப்பாளர்கள், ஒவ்வொருவரிடமும் அவருக்குக் கீழ் இருப்பவர்கள் பற்றி விசாரிக்கப்படும்”  (புகாரி)

பெற்றோர்களகிய நாம் அவசியம் தம் பிள்ளைகளைகள் படிக்கின்ற இடம், விளையாடுகின்ற இடம், பழகுகின்ற இடம், பழகும்நண்பர்களையும், போன் பேசுவது யாரிடம் என கண்னும் கருத்துமாக‌ கண்கானித்து வரவேண்டும். நம்புவதும் நம்பிக்கையை வளர்ப்பதும் பெற்றோர்களின் க‌டமைகளில் ஒன்றாகும்.

காதலின் முதல் ஆரம்பம் செல்தான்:

பெற்றோர்கள் தங்களின் பிள்ளையில் செல்லை அவ்வ போது கண்கானிக்க வேண்டும். பெற்றோர் செய்கின்ற மற்றொரு பெரியதவறு, தங்கள் பிள்ளைகளுக்கு செல்போன்கள் வாங்கிக்கொடுப்பதாகும். செல்போன் பிள்ளைகளின் ஒழுக்க வாழ்வையும் பாழாக்கிக்கொண்டிருக்கிறது.

பல்வேறு முனைகளில் செல்போன்கள் நமது பிள்ளைகளை ஒழுக்கக் கேட்டிற்கும், சீரழிவிற்கும் இழுத்துச் செல்கின்றன. செல்போன்களில் நடமாடும் பாலியல் வக்கிர, ஆபாச செயல்கள் இளைஞர் மற்றும் இளைஞிகளிடையே இன்றைக்குசர்வசாதாரமாக நடைபெற்று கொண்டிருக்கின்றது.

பெற்றோர்கள் பிள்ளைகளை  வளர்பதில் கவனம் தேவை:

يٰۤاَيُّهَا الَّذِيْنَ اٰمَنُوْا قُوْۤا اَنْفُسَكُمْ وَاَهْلِيْكُمْ نَارًا وَّقُوْدُهَا النَّاسُ وَالْحِجَارَةُ عَلَيْهَا مَلٰٓٮِٕكَةٌ غِلَاظٌ شِدَادٌ لَّا يَعْصُوْنَ اللّٰهَ مَاۤ اَمَرَهُمْ وَيَفْعَلُوْنَ مَا يُؤْمَرُوْنَ

முஃமின்களே! உங்களையும், உங்கள் குடும்பத்தாரையும் (நரக) நெருப்பை விட்டுக் காப்பாற்றிக் கொள்ளுங்கள்; அதன் எரிபொருள் மனிதர்களும், கல்லுமேயாகும்; அதில் கடுமையான பலசாலிகளான மலக்குகள் (காவல்) இருக்கின்றனர்; அல்லாஹ் அவர்களை ஏவிய எதிலும் அவர்கள் மாறு செய்ய மாட்டார்கள்; தாங்கள் ஏவப்பட்டபடியே அவர்கள் செய்து வருவார்கள். 66:6.

நீங்கள் ஒவ்வொருவரும் பொறுப்பாளர் ஆவீர் . தன் பொறுப்புக்கு உட்பட்டவை பற்றி அவர் விசாரிக்கப்படுவார். ஆட்சித் தலைவரும் பொறுப்பாளரே. தன் குடிமக்கள் பற்றி அவர் விசாரிக்கப்படுவார். ஆண் மகன் (குடும்பத் தலைவன்) தன் மனைவி மக்கள்கள்   பொறுப்பாளன் ஆவான். தன் பொறுப்புக்கு உட்பட்டவர்கள் பற்றி அவன் விசாரிக்கப்படுவான். பெண் (மனைவி) , தன் கணவனின் வீட்டிற்குப் பொறுப்பாளியாவாள். தன் பொறுப்புக்கு உட்பட்டவை குறித்து அவள் விசாரிக்கப்படுவாள். பணியாள் , தன் எஜமானின் உடைமைகளுக்குப் பொறுப்பாளியாவான். அவனும் தன் பொறுப்புக்கு உட்பட்டவை குறித்து விசாரிக்கப்படுவான். (நூல்: புகாரி 2409)