அன்புள்ள கொள்கைச் சகோதாரர்களுக்கு அஸ்ஸலாமு அலைக்கும்.
கீழே குறிப்பிடப்பட்டுள்ள நாங்கள் தமிழ்நாடு தவ்ஹீத் ஜமாஅத்தின் கொள்கையில் (குர்ஆன் மற்றும் ஹதீஸ் அடிப்படையில்) ஈர்க்கப்பட்டு அதன் நேர்மையில் நம்பிக்கை வைத்து அந்த இயக்கத்தில் நீண்ட காலமாக அங்கம் வகித்து வந்தோம். ஆனால் கடந்த மூன்று வருடங்களாக அந்த இயக்கத்தின் செய்ல்பாடுகளும், புதுவை மாநிலம், சுல்தான் பேட்டை, ARR நகர் கிளை தற்போதைய நிர்வாகிகளின் நடவடிக்கைகளும் அந்த நம்பிக்கையை சிதைக்கும் வகையில் தலைகீழாக மாறிவிட்டதை அறிந்து அந்த இயக்கத்தில் இருந்து எங்களை முழுமையாக விலகிக் கொள்கிறோம். அதை விரிவாக கொள்கைச் சகோதாரர்களுக்குத் தெரிவிப்பதை எங்கள் கடமையாகக் கருதி அதை தெளிவுபடுத்துகிறோம்.
TNTJ புதுவை மாநிலம், சுல்தான் பேட்டை, ARR நகர் கிளையில் இருந்து விலகுபவர்கள் (1st List):-
ரசூல் மாலிமார் (முன்னாள் புதுவை மாவட்ட செயலாளர் & துணைத்தலைவர்)
சபியுதீன் KSF (முன்னாள் புதுவை மாவட்ட பொருலாளர் & முன்னாள் சுல்தான்பேட்டை கிளை தலைவர் )
யூனுஸ் (முன்னாள் சுல்தான்பேட்டை கிளை தலைவர் & முன்னாள் தாயீ )
அஹமதுல்லாஹ் (முன்னாள் சுல்தான்பேட்டை கிளை தலைவர் & முன்னாள் மாவட்ட தாயீ )
ஜெகபர் சாதிக் (முன்னாள் சுல்தான்பேட்டை கிளை பொருலாளர் & முன்னாள் மாவட்ட நிர்வாகி)
ரஹமத்துல்லாஹ் AJ (முன்னாள் சுல்தான்பேட்டை கிளை பொருலாளர்)
இல்யாஸ் (முன்னாள் சுல்தான்பேட்டை கிளை செயலாளர்)
கமாலுதீன் (முன்னாள் சுல்தான்பேட்டை கிளை தலைவர்)
ரியாஸுதீன் (முன்னாள் சுல்தான்பேட்டை கிளை துணை தலைவர்)
அபுபக்கர் சித்திக் AJ (TNTJ ஆதரவாளர், அன்னை ஆசியா மதராசாவிற்காக நிதி வசூலித்தவர்)
பஷீர் (முன்னாள் சுல்தான்பேட்டை கிளை தலைவர்)
ஜாகீர் உசைன் (முன்னாள் சுல்தான்பேட்டை கிளை செயலாளர்)
அஷ்ரப் KSF (TNTJ ஆதரவாளர்)
சம்சுல் ஆலம் (TNTJ ஆதரவாளர்)
அப்துல் அஜிஸ் (முன்னாள் TNTJ மருத்துவரணி)
முஹம்மது நாசர் (TNTJ ஆதரவாளர்)
முஹம்மது சலீம் (TNTJ ஆதரவாளர்)
முஜிபுர் ரஹ்மான் (TNTJ ஆதரவாளர்)
அப்துல் ரஹ்மான் (TNTJ ஆதரவாளர்)
உபைதுர் ரஹ்மான் (TNTJ ஆதரவாளர்)
கனிமத்துல்லாஹ் (TNTJ ஆதரவாளர்)
பாபர் (TNTJ ஆதரவாளர்)
இம்தியாஸ் (TNTJ ஆதரவாளர்)
யாசர் (TNTJ ஆதரவாளர்)
உமர் (TNTJ ஆதரவாளர்)
சித்திக் (TNTJ ஆதரவாளர்)
முஹம்மது தாஹா (TNTJ ஆதரவாளர்)
ஹாஜா மொய்தீன் (TNTJ ஆதரவாளர்)
தமீமுல் அன்சாரி (TNTJ ஆதரவாளர்)
சலீம் (TNTJ ஆதரவாளர்)
அக்பர் (TNTJ ஆதரவாளர்)
ஜமாலுதீன் (TNTJ ஆதரவாளர்)
காசீம் (TNTJ ஆதரவாளர்)
சதக்கத்துல்லாஹ் (TNTJ ஆதரவாளர்)
முஹம்மது யூசுப் (TNTJ ஆதரவாளர்)
நஜிமுதீன் (TNTJ ஆதரவாளர்)
யாக்கூப் (TNTJ ஆதரவாளர்)
ஜாபர் அலி (TNTJ ஆதரவாளர்)
பரக்கத் அலி (TNTJ ஆதரவாளர்)
முஹம்மது ஆசிப் (TNTJ ஆதரவாளர்)
சிராஜுதீன் (TNTJ ஆதரவாளர்)
ஜலாலுதீன் (TNTJ ஆதரவாளர்)
கடந்த காலங்களில் தமிழ்நாடு தவ்ஹீத் ஜமாஅத் மீது எதிர்முகாமில் உள்ளவர்கள் பொருளாதாரக் குற்றச்சாட்டு சுமத்திய போது அன்றைய ஜமாஅத் அதை மிக நேர்த்தியாக கையாண்டு எந்த மோசடியும் இல்லை என்பதை உலகறியச் செய்து வந்தது, ஆனால் இன்று பல ஊழல் குற்றச்சாட்டுக்கள் தவ்ஹீத் ஜமாஅத் மீது வைக்கப்பட்டு வருகிறது. அவற்றுக்கு தவ்ஹீத் ஜமாஅத் பதில் சொல்ல முடியாமல் ஓடி ஒளியும் நிலையையும் மாநில நிர்வாகிகள் ஆளுக்கு ஒரு விளக்கம் கொடுத்ததை நம்மால் காண முடிந்தது. உதாரணத்திற்க்கு ...
1. சிறுவர் இல்லக் கணக்கில் மோசடி :- தமிழ்நாடு தவ்ஹீத் ஜமாஅத் சிறுவர் இல்லக் கனக்குகளை பொதுக்குழுவில் வாசித்தார்கள். அதில் மொத்த வரவு 8,05,10,876.00(எட்டு கோடியே ஐந்து இலட்சத்து பத்தாயிரத்து எண்ணூற்று எழுபத்து ஆறு ரூபாய்). செலவு மற்றும் சொத்து ரூ.6,67,99,927.00(ஆறு கோடியே அறுபத்து ஏழு இலட்சத்து தொன்னூற்று ஒன்பது ஆயிரத்து தொள்ளாயிரத்து இருபத்து ஏழு ரூபாய்) அதாவது 67 லட்சம் வருட செலவு என்றும் ஆறு கோடி ரூபாய்க்கு சொத்து வாங்கியுள்ளோம் என்றும் தெரிவித்தார்கள்.
ஆனால் சிறுவர் இல்லத்துக்காக ஆறு கோடி ரூபாய்க்கு எந்த சொத்தும் வாங்கப்படவில்லை. ஒரு கோடிக்கு கூட சொத்து வாங்கவில்லை. அந்த சொத்து எது என்ற கேள்விக்கு இன்று வரை பதில் சொல்லாமல் கேள்வி கேட்பவரை திட்டி வருகிறார்கள்.
2. முதியோர் இல்லம் மோசடி :- மொத்த வரவு : ரூ.3,61,19,859.00 (மூன்று கோடியே அறுபத்து ஒரு இலட்சத்து பத்தொன்பதாயிரத்து எண்ணூற்று ஐம்பத்து ஒன்பது ரூபாய்). ஓராண்டில் முதியோர் இல்லத்திற்கான சொத்து, செலவு வகை: ரூ.1,84,06,245.00 ( ஒரு கோடியே எண்பத்து நான்கு இலட்சத்து ஆறாயிரத்து இருநூற்று நாற்பத்தைந்து ரூபாய்). அதாவது ஒரு கோடி ரூபாய்க்கு மேல் சொத்து வாங்கியதாக கணக்கு காட்டினார்கள். ஆனால் முதியோர் இல்லத்துக்காக ஒரு பைசவுக்கும் சொத்து வாங்கவில்லை. வாங்காத சொத்தை வாங்கியதாக சொல்லி பணத்தைக் கையாடல் பண்ணிவிட்டார்கள் என்ற குற்றச்சாட்டுக்கு இது நாள் வரைஉரிய பதில் சொல்லவில்லை.
3. கஜா புயல் கணக்கு :- கஜா புயலைக் காரணம் காட்டி தவ்ஹீத் ஜமாஅத் பெரிய அளவில் மக்களிடம் நிதி திரட்டியது, அதன் கணக்கு விபரத்தை உணர்வு எனும் வார இதழில் வெளியிட்டனர். அந்தக் கணக்கில் இருந்து பல ஊழல் நடந்துள்ளது தெரியவந்ததால் இது குறித்து பலரும் ஒவ்வொன்றாக சுட்டிக்காட்டி ஊழல் நடந்துள்ளதை தட்டிக் கேட்டார்கள். இதற்கு விளக்கம் சொல்ல வேண்டிய தவ்ஹீத் ஜமாஅத் அதே உணர்வு இதழில் சில கணக்குகள் தவறுதலாக அச்சாகி விட்ட்து. அதை திருத்தி வெளியிடுகிறோம் என்று அறிவித்தார்கள். அவ்வாறு அறிவித்து சுமார் இரு ஆண்டுகள் மேல் ஆகப்போகிறது, இன்று வரை திருத்திய கணக்கை வெளியிடவில்லை. இதில் இருந்து கஜாபுயல் பெயரால் பல லட்சம் ரூபாய்களைக் களவாடி விட்டார்கள் என்ற குற்றச்சாட்டுக்கு பதில் இல்லாமல் தவ்ஹீத் ஜமாஅத் கேவலப்பட்டு நிற்கிறது.
4. மதரஸா கட்டியது :- திருச்சியில் ஒரு கோடி ரூபாய் செலவில் மதரஸா ஒன்றை கட்டியுள்ளனர். மதரஸாவுக்கு எந்த நிதியும் கையில் இல்லாமல் இருந்தும் அனாதைகள் பெயரால் வசூலித்த பணத்தில் இருந்து தான் கட்டியுள்ளதாக ஒப்புக் கொண்டுள்ளனர். அனாதைகள் பெயரால் வசூலித்த பணத்தை வேறு பணிகளுக்குச் செலவிடுவது மார்க்கத்தில் (கூடுமா?) தடுக்கப்பட்டதாகும்.
5. மதுரை சிறுவர் இல்லம் :- மதுரையில் ஒரு ட்ரஸ்ட்டுக்கு சொந்தமான ஒரு கட்ட்டம் இருந்தது, இது தவ்ஹீத் ஜமாஅத் ஆரம்பிக்கும் முன் மக்களிடம் நிதி திரட்டி வாங்கப்பட்டது. அதை அந்த ட்ரஸ்ட், தவ்ஹீத் ஜமாஅத்துக்கு அன்பளிப்பாக கொடுத்தார்கள். ஆனால் அந்த கட்டடத்தை தாங்கள் கட்டியதாக செலவு கணக்கு காட்டியுள்ளனர்.
6. இருமேனி சிறுமியர் இல்லம் :- இராமநாதபுரம் மாவட்டம் இருமேனியில், மாலிக் எனும் சகோதரர் சிறுமியர் இல்லம் நடத்த தனது இடத்தை பயன்படுத்த கொடுத்தார். சிறுமியர் இல்லம் மூடப்பட்டதால் அந்த இடம் அவரிடமே திருப்பிக் கொடுக்கப்பட்டு விட்டது. ஆனால் தவ்ஹீத் ஜமாஅத்தினர் இருமேனியில் சிறுமியர் இல்லத்துக்கு சொத்து வாங்கியதாக கணக்கு காட்டியுள்ளனர். அங்கே எந்தச் சொத்தும் சிறுமியர் இல்லத்துக்கு இல்லை.
7. நிர்வாக வருட செலவு மூன்றரை கோடி :- பொதுக்குழுவில் நிர்வாகச் செலவு வருடத்துக்கு இரண்டு கோடி ரூபாய்கள் என்றும், இதர செலவு ஒன்றரைக் கோடி ரூபாய்கள் என்றும் கணக்கு வாசித்தார்கள். அதாவது மாதம் முப்பது லட்சம் ரூபாய் செலவு ஆகிறது என்று .. சொந்தக் கட்ட்டடத்தில் தவ்ஹீத் ஜமாஅத் இயங்குவதால் வாடகை செலவு கூட இல்லை. இப்படி இருக்கும் போது, மாதம் முப்பது லட்சம் ரூபாய்க்கு என்ன செலவு என்ற கேள்விக்கு இதுவரை சரியான பதில் இல்லை. மாநில நிர்வாகத்தில் உள்ளவர்களில் அதிகமானவர்களுக்கு கார்ப்பரேட் சம்பளம் கொடுத்து சொகுசாக வாழ்வதற்குத் தான் இவ்வாறு செலவு செய்துள்ளனர்.
8. மாநில தலைவருக்கு 23 லட்சம் :- மாநில தலைவரான சம்சுல்லுஹாவின் மனைவிக்கான மருத்துவச் செலவுக்கு 23 லட்சம் ரூபாய் கொடுத்தார்கள். இதை காரைக்கால் பொதுக்கூட்டத்தில் மாநில நிர்வாகிகள் ஒப்புக் கொண்டார்கள். ஜமாஅத் நிர்வாக வகையில் பணம் இல்லாமல் இருந்தும், ஜகாத் நிதியில் பணம் இல்லை என்று அறிவித்த நிலையில் அனாதைகள் பெயரால் வசூலித்த பணத்தில் இருந்து 23 லட்சம் ரூபாய்கள் ஜகாத்தாக கொடுத்துள்ளார்கள். மருத்துவ உதவியாக ஐயாயிரம் அல்லது பத்தாயிரம் தான் கொடுப்பது வழக்கம். மிக முக்கியமான மருத்துவ உதவி என்றால் 25 ஆயிரம் கொடுப்பது தான் வழக்கம். 23 லட்சம் யாருக்கும் கொடுப்பதில்லை. இப்படி பாரபட்சமாக நடப்பது ஒரு புறம். அனாதைகள் பணத்தில் இருந்து கொடுத்த்து அதை விட பெரும்பாவம். இந்த பாவத்தையும் செய்துள்ளார்கள்.
9. எனிமி சொத்து வாடகை :- தமிழ்நாடு தவ்ஹீத் ஜமாஅத் தலைமை அலுவலகம் மத்திய அரசின் மேற்பார்வையில் (எனிமி சொத்து) உள்ள சொத்தாகும். அதற்கு வாடகையாக வருடம் 16,800 ரூபாய்கள் தான் கொடுத்து வந்தார்கள். கடைசியாக 22 ஆயிரம் ரூபாய் வருட வாடகை கொடுக்கிறார்கள். ஆனால் வருடம் மூன்று லட்சம் ரூபாய்கள் வாடகை கொடுப்பதாக நேரடி லைவில் சென்ற வாரம் தெரிவித்தார்கள். இந்த வகையில் வருடம் இரண்டே முக்கால் லட்சம் ரூபாய்கள் களவாடியுள்ளார்கள் என்பது இதிலிருந்து தெரிகிறது.
எல்லையற்ற அநியாயங்கள்
துளசியா பட்டிணம் பள்ளிவாசல் :- நாகை மாவட்டம் துளசியா பட்டிணத்தில், அந்த ஊர் சகோதர்ர் ஒருவர் பெயரில் உள்ள பள்ளிவாசலில் தவ்ஹீத் ஜமாஅத் செயல்பட அனுமதி அளித்தார்கள். தவ்ஹீத் ஜமாஅத்தின் செல்பாடுகள் பிடிக்காமல் தனித்து செயல்பட முடிவு செய்தார்கள். தனக்கு சொந்தமில்லாத இட்த்தில் ஜும்மாவில் அடியாட்களுடன் வந்த தவ்ஹீத் ஜமாஅத்தினர் பள்ளிவாசலில் அடிதடி நிகழ்த்தி பள்ளிவாசலுக்கு சீல் வைக்கும் வேலையை செய்தார்கள், கீழிருந்து மேலே வரை பிறர் சொத்தை களவாடும் போக்கும் பள்ளிவாசல் பூட்டும் போக்கும் இவர்களிடம் மிகைத்துள்ளது என்பதற்கு இது ஆதாரம். 17 மாதங்கள் பள்ளிவாசல் பூட்டப்பட்டு கிடந்தது. அந்த ஊர்மக்கள் நீதிமன்றத்தில் வழக்காடி வென்று பள்ளிவாசலை திறந்து உள்ளூர் மக்கள் தற்போது நிர்வகித்து வருகின்றனர். பொதுமக்களாகிய நீங்கள் வழங்கும் நிதியை பள்ளிவாசலைப் பூட்டியதை நியாயப்படுத்தி வழக்கு தொடுக்க செலவிட்டனர்.
பொறையார் மர்கஸ் :- பொறையார் நகரில் சம்சுதீன் என்பவர் தனது வீட்டை பள்ளிவாசலாக பயன்படுத்திக் கொள்ள தவஹீத் ஜமாஅதுக்கு அனுமதித்து இருந்தார். இதற்காக அவர் வாடகை எதுவும் பெறவில்லை. அவரும் அவரது குடும்பத்தினரும் குடிசை வீட்டுக்கு வாடகை கொடுத்து குடியேறினார்கள். தவ்ஹீத் ஜமாஅத்தின் மார்க்க முரண், சமுதாய துரோகம், பொருளாதார களவு ஆகியவற்றில் அதிருப்தி அடைந்த சம்சு அவர்கள் காலி பண்ணி இட்த்தை ஒப்படைக்க கேட்டார்கள். அங்கேயும் அடியாட்களை இறக்கி மாநில நிர்வாகிகள் ரவுடித்தனம் செய்தார்கள். காவல் நிலையத்தில் சில நாட்கள் அவகாசம் கேட்டு உடனே நீதி மன்றத்துக்கு போனார்கள். அதாவது மாதாமாதம் வாடகை கொடுத்து வருவது போல் போலி ரசீது தயாரித்து வாடகைதாரரை உடனே காலி செய்ய முடியாது என்று உத்தரவு வாங்கினார்கள். பல மாதங்கள் இப்படி அராஜமாக தனியார் இட்த்தைக் கையகப்ப்டுத்தியதால் மக்களிடம் அதிருப்தி ஏற்பட்டவுடன் வேறு இடம் பார்த்துக் கொண்டு போனார்கள். போகும் போது அனைத்தையும் தகர்த்து விட்டு காலி இடமாக ஆக்கி சம்சுவிடம் ஒப்படைத்தார்கள். அவர் குடியிருக்கத்தக வகையில் வீடாக தான் கொடுத்தார். இவர்கள் அவ்வாறு திருப்பிக் கொடுக்கவில்லை. தவ்ஹீத் ஜமாஅத் மாநில நிர்வாகம் மட்டுமின்றி அனைத்து மட்ட நிர்வாகிகளும் இதற்கு ஒத்துழைப்பாக உள்ளனர். இபடிப்பட்ட ஜமாஅத்தில் பயணிப்பது இதற்கெல்லாம மறுமையில் பதில் சொல்லும் நிலையை நமக்கும் ஏற்படுத்தாதா?
பின்னத்தூர் பள்ளிவாசல் :- சிதம்பரம் பின்னத்தூரில் தவ்ஹீத் பள்ளி கட்ட சிரமப்பட்ட போது அன்றைய நிர்வாகம் பற்றாக்குறையாக இருந்த தொகைக்காக தனியாரிடம் 17 லட்சம் கடனாக வாங்கி கட்டடத்தைக் கட்டினார்கள். ஆனால் தவ்ஹீத் ஜமாஅத்தில் பயணித்தால் நாமும் பாவத்தை சுமப்போம் என்று அஞ்சிய அந்த ஊர் தவ்ஹீத் சகோதார்கள் தவ்ஹீத் ஜமாஅத்தில் இருந்து விலகுவதாக அறிவித்தனர். ஒரே ஒரு குடுமபம் தவிர மற்றவர்கள் விலகி விட்ட நிலையில் பள்ளிவாசலை பூட்டினார்கள். பள்ளிவாசலுக்காக தனியாரிடம் கடனாக வாங்கிய தொகையை கொடுத்து விட்டு பள்ளியை எடுத்துக் கொள்ளுங்கள் என்ற நியாயமான கோரிக்கையை ஏற்கவில்லை. வாங்கிய கடனை கொடுக்க மறுக்கிறார்கள். இவர்களுடன் நாம் பயணித்தால் இந்த பாவத்தில் நமக்கும் பங்கு வருமா வராதா?
கோவில்பட்டி பள்ளிவாசல் :- கோவில் பட்டியில் ஒரு சகோதாரி இலவசமாக இடம் கொடுத்தார். வெளியூரில் வசூல் செய்யாமல் உள்ளூர் மக்களிடம் மட்டும் நிதி திரட்டி பள்ளியைக் கட்டினார்கள். இவர்களுடன் இனி பயணித்தால் பாவமூட்டையை சுமக்க வேண்டிவரும் என்று கருதி அனைவரும் தவ்ஹீத் ஜமாஅத்தில் இருந்து விலகினார்கள். ஊரில் யாரும் இல்லை என்பதால் பள்ளிவாசலை பூட்ட வந்தார்கள். ஊர் மக்கள் எதிர்ப்பால் பூட்டாமல் திரும்பிப் போனார்கள். இது பள்ளிவாசல் அல்ல எங்கள் அலுவலகம் என பொய் வழக்கு போட்டு நீதிமன்ற உத்தரவுடன் பள்ளிவாசலைப் பூட்டி விட்டனர். இரண்டு வருடங்களாக அந்த ஊர் தவ்ஹீத் சகோதரர்கள் வெட்ட வெளியில் ஜும்மா தொழுது வருகின்றனர். தமிழகத்தில் உள்ள இயக்கங்களில் இவர்களைப் போன்ற அநியாயம் செய்யும் வேறு இயக்கம் இருக்கிறதா? சிந்தியுங்கள்.
கொடிக்கால் பாளையம் பள்ளிவாசல் :- தமிழ்நாடு தவ்ஹீத் ஜமாஅத் ஆரம்பிப்பதற்கு முன்பே கொடிக்கால் பாளையம் தவ்ஹீத் சகோதரர்கள் "கொடிக்கால் பாளையம் தவ்ஹீத் முஸ்லிம் ஜமாஅத்" என்ற சங்கம் அமைத்து அதன் பெயரில் இடம் வாங்கி பள்ளிவாசல் கட்டி நிர்வகித்து வந்தனர். தவ்ஹீத் ஜமாஅதுடன் சேர்ந்து பணி செய்ய விரும்பினார்கள். தவ்ஹீத் ஜமாஅதுடன் ஒப்பந்தம் செய்து கொண்டார்கள். அதாவது சொத்து உள்ளூருக்கு உரியது. தவ்ஹீத் ஜம்மாஅத் பெயரில் செயல்படுவது எனவும் பிரச்சனை ஏற்பட்டால் தவ்ஹீத் ஜமாஅத்தில் இருந்து விலகி சொத்தை நிர்வாகம் செய்யலாம் என்பது தான் அந்த ஒப்பந்தம். அல்தாபி தலைவராக இருக்கும் போது பீஜேயின் முன்னிலையில் இந்த ஒப்பந்தம் போடப்பட்டது. தவ்ஹீத் ஜமாஅத்தின் அராஜகம் பொருளாதார மோசடியின் காரணமாக அதில் இருந்து விலகுவதாக சென்ற வாரம் அறிவித்து எழுத்து மூலம் தெரிவித்தார்கள். இதை சகிக்க முடியாத தவ்ஹீத் ஜமாஅதினர் வெளியூரில் இருந்து கிளை நிர்வாகிகளை அடியாட்களாக அழைத்து வந்து பள்ளிவாசலை ஆக்ரமித்தார்கள். புது நிர்வாகம் அமைத்து விட்டோம் எனக்க்கூறி பள்ளிவாச்ல முழுவதும் டிஎண்டிஜே என்னும் ஸ்டிக்கரை ஒட்டினார்கள். தொழுகை நடத்த ஒரு இமாமையும் அழைத்து வந்து தொழுகை நடத்தினார்கள். உள்ளூரில் ஆதரவு இல்லாமல் இருந்தும் வெளியூர் ரவுடிகளை அழைத்து வந்து மூன்று நாட்கள் தர்பியா நடக்கும் என்று அறிவித்தனர். இந்த பள்ளியின் உண்மை நிலையை அறிந்த உள்ளூர் சுன்னத் ஜமாஅத்தினரும், தமுமுக, எஸ்டிபிஐ சகோதார்ர்களும் நியாயம் கேட்டு திரண்டார்கள். உங்கள் பெயரில் இல்லாத சொத்தை வெளியூர் ஆட்களை திரட்டி வந்து கைப்பற்றுவதை அனுமதிக்க மாட்டோம் என்று எச்சரிக்கை செய்தனர். பள்ளிவாசலில் சங்கு ஊதி ஊரைக் கூட்டுவோம் என்று சுன்னத் ஜமாஅத்தினர் விடுத்த எச்சரிக்கையால் வெளியூர் ஆட்கள் ஓட்டம் பிடித்தனர். அல்ஹம்துலில்லாஹ்
இப்படி கூட்டத்தை வைத்து பிறர் சொத்தை அபகரிக்கும் இவர்களின் அராஜகம் வெட்ட வெளிச்சமாகிய பின்னர் இவர்களுடன் பயனித்து நாமும் பாவிகளாக ஆக்க் கூடாது என்பதால் தான் விலகுகிறோம்.
மார்க்கத்தில் தவறான பத்வாக்கள்
குர்ஆன் ஹதீசுக்கு மாற்றமான பதவாக்கள் வழங்கி மக்களை வழிகெடுத்து வருவதும் அதிகமாகி வருகிறது.
• பிறைபார்த்த தகவல் இரவில் கிடைத்த பின்னர் பெருநாள் என்று அறிவிக்காமல் மறுநாளைக்கு பெருநாளை தள்ளிவைத்தார்கள்.
• அதே விஷயத்தில் கன்னியாகுமரி மாவட்டம் மட்டும் பெருநாள் கொண்டாடலாம் எனவும் விசித்திரமான பத்வா கொடுத்தனர்.
• மக்களைக் கூட்ட முடியாவிட்டால் மறுநாள் பெருநாளை தள்ளி வைக்கலாம் என்று நபிகள் சொன்னதாக எழுதினார்கள். இப்படி நபிகள் நாயகம் சொல்லவே இல்லை. பொய்யாக ஹதீஸை இட்டுக்கட்டி மக்களை பாவத்தில் தள்ளினார்கள்.
• பெருநாள் தொழுகை கட்டாயம் அல்ல. சுன்னதான தொழுகை தான். தொழாவிட்டால் குற்றம் இல்லை என்ற விசித்திரமான பதவா கொடுத்தார்கள்.
• சஹாபாக்கள் இஸ்லாத்தை ஏற்றபின் எந்த தவறும் செய்யவில்லை என்று மாநில நிர்வாகிகள் பொதுக்கூட்ட்த்தில் உரை நிகழ்த்தி இஸ்லாத்தின் அடைப்படைக்கு மாற்றமான வழியில் மக்களை அழைத்தார்கள்.
• எருமை மாட்டை குர்பானி கொடுக்க கூடாது என்று விசித்திரமான பத்வாவை கொடுத்தார்கள்.
• இருவருக்கு இடையில் ஏற்படும் பிரச்சனைக்கு அதில் சம்மந்தமில்லாதவர்கள் முபாஹலா செய்யலாம் என்று தவறான பதவா கொடுத்தார்கள்.
• இந்த ஜமாஅத் அல்லாஹ்வின் நேரடி கண்ட்ரோலில் இயங்குகிறது என்று கூறி தரீக்காக்களின் கொள்கைக்கு மாறினார்கள்.
• அதிகாரம் உள்ளவர்களுக்கு கட்டுப்படுங்கள் என்ற வசனம் ஆட்சி அதிகாரத்தைக் குறிக்கும் ஆதாரத்துடன் முன்னர் சொல்லியதற்கு மாற்றமாக மாநில தலைமயாகிய எங்களுக்கு கட்டுப்படுவது அல்லாஹின் கட்டளை என்று பகிரங்கமாக அறிவித்தார்கள்.
• பெருநாள் தொழுகையை மக்ரிப் இஷா நேரத்திலும் தொழலாம் என்று விசித்திரமான பத்வா கொடுத்தார்கள்
• இவ்வள்வு அநியாயம் செய்யும் ஜமாஅத் தலைவர் இந்த ஜமாஅத்தின் அடிமட்ட தொண்டனின் இறையச்சம் எவனுக்கும் இல்லை என்று மார்க்கத்துக்கு விரோதமாக பேசியது.
இப்படி இன்னும் அனேக மார்க்க முரண்கள் தமிழ்நாடு தவ்ஹீத் ஜமாஅத்தில் மலிந்துள்ளன. எனவே இந்த ஜமாஅத்தில் பயணிப்பதும் அதற்கு ஆதரவு கொடுப்பதும் அதற்கு துணை செய்வதும் அவர்களின் அராஜகத்தை தடுக்காமல் இருப்பதும் பெரும்பாவம் என்பதால் தமிழ்நாடு தவ்ஹீத் ஜமாஅத்தில் இருந்து கூண்டோடு விலகுகிறோம் என்பதை மனவேதனையுடன் தெரிவித்துக்கொள்கிறோம் . தவ்ஹீத் கொள்கை என்பது TNTJ / NTF / JAQH / YMJ இன்னும் பிற இயக்கத்தினருக்கு சொந்தமானது இல்லை. அது தான் இஸ்லாத்தின் அடிப்படை. இன்ஷா அல்லாஹ் இறுதி வரை குர்ஆன் மற்றும் ஹதீஸ் அடிப்படையில் வாழ்வதற்கும், மரணிப்பதற்கும் எங்களுக்கு எல்லாம் வல்ல அல்லாஹ் அருள் புரிவானாக . நாங்கள் பயணிப்பதற்கு எந்த இயக்கமோ அல்லது ஜமாஅத்தோ தற்போதைக்கு தேவையில்லை என்பதை தெரிவித்துக்கொள்கிறோம்.
மேலே நாம் சொன்னவைகளுக்கு ஆதாரங்கள் தேவை என்று கருதுவோர் எதற்கு ஆதாரம் தேவை என்று இந்த 9443705512,9677760756, 9047006056, 9367606572 எண்களில் தெரிவித்தால் உரிய ஆதாரம் அனுப்பி வைக்கப்படும். இன்ஷா அல்லாஹ்
