"சும்மா" எனும் தமிழ் மொழி,

நான் எனது வீட்டில் சும்மாய் இருந்தேன், சும்மா இருந்த என்னை என்மனம் சும்மா இருக்க விடவில்லை எதையாவது சும்மா தட்டிப்பார்க்க வைத்தது. அதனால் சும்மா இருக்காமல் சும்மா WhatsApp ஐ திறந்து பார்த்தேன். அப்போதுதான் யாரோ "சும்மா"  என்று தமிழ் மொழியில் உள்ள சொல்லின் பல அர்த்தங்களைப் பற்றி சும்மா நன்றாகவே எழுதி உள்ளார் என்பதைப் பார்த்ததும், அதனை உங்களோடு சும்மா பொழுதுபோக்கிற்குப் பகிர்ந்து கொள்ளலாம் எனப் பகிர்ந்துள்ளேன்.

*சும்மா படிங்க;*

               

*சும்மா இதைப் படியுங்கள், நிச்சயம் நீங்கள் அசந்துதான் போவீர்கள்!!*

*உலகில் தோன்றிய பல மொழிகள் அழிந்து, இருந்த இடமே தெரியாமல் போயிருக்கின்றன!*

*தமிழ் மட்டும் இன்றளவும் பேச்சிலும், எழுத்திலும் நீடித்து நிலைத்து தன்னையும், தான் சார்ந்த இனத்தையும் பெருமைப் படுத்திக்கொண்டிருக்கின்றது*.

*சும்மா" சொல்லுவோம் தமிழின் சிறப்பை!!*

*அடிக்கடி நாம் பயன்படுத்தும் வார்த்தை தான், இந்த "சும்மா".*

*அதுசரி "சும்மா" என்றால் என்ன?*

*பேச்சுவழக்குச் சொல்லாக இருந்தாலும், தமிழ்மொழியில் உள்வாங்கப்பட்டுள்ள ஒரு வார்த்தை தான் இந்தச் "சும்மா.*

*"சும்மா" என்கிற இந்த வார்த்தைக்கு மட்டும் தமிழில் 15 க்கும் மேற்பட்ட அர்த்தங்கள் உண்டு என்றால் பாருங்களேன்...*

*வேறு மொழிகளில் இல்லாத சிறப்பினை, நாம் அடிக்கடி கூறும் இந்த "சும்மா" என்ற வார்த்தை அழகாக எடுத்துக்காட்டுகிறது...*

1. கொஞ்சம் *"சும்மா"* இருடா?

*(அமைதியாக / Quiet)*

2.கொஞ்சநேரம் *"சும்மா"* இருந்துவிட்டுப் போகலாமே? *(களைப்பாறிக் கொண்டு / Leisurely)*

3.அவரைப் பற்றி *"சும்மா"* சொல்லக் கூடாது!

*(அருமை / infact)*

4.இது என்ன *"சும்மா"* கிடைக்கும் என்று

 நினைத்தாயா?

 *(இலவசமாக / Free of cost)*

5. *"சும்மா"* கதை விடாதே?

*(பொய் / Lie)*

6. *"சும்மா"* தான் இருக்கு. நீ வேண்டுமானால் எடுத்துக் கொள். 

*(உபயோகமற்று / Without use)*

7. *"சும்மா", "சும்மா",* கிண்டல் பண்ணுகிறான். 

*(அடிக்கடி / Very often)*

8. இவன் இப்படித்தான், *சும்மா* சொல்லிக்கிட்டே இருப்பான்.

*(எப்போதும் / Always)*

9.ஒன்றுமில்லை *"சும்மா"* தான் சொல்லுகிறேன்- 

*(தற்செயலாக / Just)*

10. இந்தப் பெட்டியில் வேறெதுவும் இல்லை *"சும்மா"* தான் இருக்கின்றது.

*(காலி / Empty)*

11. சொன்னதையே *"சும்மா"* சொல்லாதே.

*(மறுபடியும் / Repeat)*

12. ஒன்றுமில்லாமல்  *"சும்மா"* போகக்கூடாது .

*(வெறுங்கையோடு / Bare)*

13. *"சும்மா"* தான் இருக்கின்றோம்.  

*(சோம்பேறித்தனமாக / Lazily)*

14. அவன் *"சும்மா"* ஏதாவது உளறுவான். 

*(வெட்டியாக / Idle)*

15. எல்லாமே *"சும்மா"* தான் சொன்னேன்.

*(விளையாட்டிற்கு / Just for fun)*

*நாம் அன்றாடம் பயன்படுத்தும் இந்த *"சும்மா" என்கிற ஒரு சொல், நாம் பயன்படுத்தும் இடத்திற்கு ஏற்றபடியும், தொடரும் சொற்களுக்கு ஏற்றபடியும் 15 விதமான அர்த்தங்களை, இங்கே கொடுக்கிறது என்றால், அது "சும்மா" இல்லை.*

இதனை *"சும்மா "* படித்துவிட்டுப் போகாமல் அடுத்தவங்களுக்கும்

*"சும்மா "* அனுப்புங்கள்...