லைலதுல் கதர், அதன் அடையாளமும்,

*கண்ணியமிக்க கத்ர் இரவு* 

                  *பிறை 27*

இறைத்தூதர் ஸல்லல்லாஹு அலைஹி வஸல்லம் அவர்கள் கூறினார்கள்:

 லைலத்துல் கத்ரை ரமழான் மாதத்தின் கடைசி பத்து இரவுகளில் தேடி கொள்ளுங்கள்!

    அறிவிப்பாளர் :ஆயிஷா  ரழியல்லாஹு அன்ஹா.

 நூல்: புகாரி

 எண்:2020

 இறைத்தூதர் ஸல்லல்லாஹு அலைஹி வஸல்லம் அவர்கள் கூறினார்கள்: 

 *கத்ர் இரவு என்பது ரமழான் மாதத்தின் 27 ஆம் நாள் இரவாகும்*.

 அறிவிப்பாளர் முஆவியா ரழியல்லாஹு அன்ஹு.

 நூல்: அபூதாவூத்.

 எண்:1386

 இறைத்தூதர் ஸல்லல்லாஹு அலைஹி வஸல்லம் அவர்கள் கூறினார்கள்: 

 உங்களில் ஒருவர் கத்ர் இரவை தேடினால் *27 ஆம் நாள் இரவில்* அதை தேடி கொள்ளட்டும்!

 அறிவிப்பாளர்: இப்னு உமர் ரழியல்லாஹு அன்ஹு.

 நூல்: அஹ்மத் 

 எண்:4808

 இறைத்தூதர் ஸல்லல்லாஹு அலைஹி வஸல்லம் அவர்களிடம் ஒருவர் வந்து கூறினார்:

 யாரசூலல்லாஹ்! நான் முதுமை யானவன். மேலும் நோயாளியாகவும் உள்ளேன்.

 எல்லா இரவுகளிலும் நின்று தொழுவது எனக்கு சிரமமாக உள்ளது. எனவே ஒரு இரவை எனக்கு அறிவித்துக் கொடுங்கள்! அந்த இரவை கத்ர் இரவாக இறைவன் எனக்கு ஆக்கி வைப்பான் என்று நம்புகிறேன்.

 இறைத்தூதர் ஸல்லல்லாஹு அலைஹி வஸல்லம் அவர்கள் கூறினார்கள்: 

 (கடைசி பத்தில்) *ஏழாவது நாள் இரவை* எடுத்துக் கொள்ளுங்கள்!

 அறிவிப்பாளர்:இப்னு அப்பாஸ் ரழியல்லாஹு அன்ஹு

 நூல்: அஹ்மத் 

 எண்:2149

(கடைசி பத்தில் ஏழாவது நாள் என்பது 27ஆம் நாள் இரவாகும்)

   உபை இப்னு கஃ-ப் ரழியல்லாஹு அன்ஹு அவர்கள் கூறினார்கள்:    

  அல்லாஹ்வின் மீது ஆணையிட்டுக் கூறுகிறேன்:   

 *நிச்சயமாக கத்ர் இரவு என்பது 27ஆம் நாள் இரவாகும்*.

   அவர்களிடம் கேட்கப்பட்டது: எவ்வாறு இதை உறுதி பட கூறுகிறீர்கள் ?

 அவர்கள் கூறினார்கள்: இறைத்தூதர் ஸல்லல்லாஹு அலைஹி வஸல்லம் அவர்கள் கூறிய அடையாளத்தை வைத்துக் கூறுகிறேன்.

 பிறகு அவர்களிடம் கேட்கப்பட்டது:

 அந்த அடையாளம் எது?

  உபை இப்னு கஃ-ப் ரழியல்லாஹு அன்ஹு அவர்கள் பதில் கூறினார்கள்:

 அன்றைய இரவு கழிந்து சூரியன் உதிக்கின்ற போது சூரிய ஒளி மங்களாக இருக்கும்.

  அறிவிப்பாளர்:ஸிர்ர் இப்னு ஹுபைஸ் ரழியல்லாஹு அன்ஹு

  நூல்: முஸ்லிம்.

  எண்:762

*27ஆம் இரவில் முழு வணக்கம்*

 இறைத்தூதர் ஸல்லல்லாஹு அலைஹி வஸல்லம் அவர்கள் ரமழான் மாதம் 23ஆம் நாள் இரவில் மூன்றில் ஒரு பகுதி அளவிற்கு எங்களுக்கு தொழுகை நடத்தினார்கள்

  25 ஆம் நாள் இரவில் பாதி இரவு  அளவிற்கு எங்களுக்கு தொழுகை நடத்தினார்கள்.

 *27 ஆம் நாள் இரவில்* எங்களுக்கு ஸஹ்ர் உணவு தப்பி விடுமோ என்று நாங்கள் கருதுகின்ற அளவிற்கு இரவு முழுவதும் எங்களுக்கு தொழுகை நடத்தினார்கள்.

 அறிவிப்பாளர்: நுஃமான் இப்னு பஷீர் ரழியல்லாஹு அன்ஹு.

 நூல்: நசாயீ.

 எண்:1606

 (ரமழான் மாதம் 27 ஆம் நாள் இரவு முழுவதும் வணக்க வழிபாடுகளில் ஈடுபடுவது நபி வழி என்பதை  மேற்கண்ட ஹதீஸ் அறிவிக்கிறது)

ரமழான் மாதம் இருபத்தி மூன்றாம் நாள் இரவில் மூன்றில் ஒரு பகுதி அளவிற்கு இறைத்தூதர் ஸல்லல்லாஹு அலைஹி வஸல்லம் அவர்களோடு நின்று நாங்கள் தொழுதோம்.

 தொழுகையை முடித்துவிட்டு இறைத்தூதர் ஸல்லல்லாஹு அலைஹி வஸல்லம் அவர்கள் கூறினார்கள்.

 (தோழர்களே!) எதை நீங்கள் தேடுகிறீர்களோ அது உங்களுக்கு பின்னால் உள்ளது .

 25ஆம் நாள் இரவில் பாதி இரவு அளவிற்கு தொழுதோம். தொழுகையை முடித்த இறைத்தூதர் ஸல்லல்லாஹு அலைஹி வஸல்லம் அவர்கள் கூறினார்கள்:

 (தோழர்களே!) எதை நீங்கள் தேடுகிறீர்களோ அது உங்களுக்கு பின்னால் உள்ளது.

  *27 ஆம் நாள் இரவில்*

 முழு இரவும் இறைத்தூதர் ஸல்லல்லாஹு அலைஹி வஸல்லம் அவர்களோடு தொழுதோம்.

 தொழுகையை முடித்து இறை தூதர் ஸல்லல்லாஹு அலைஹி வஸல்லம் அவர்கள் எதையும் கூறாமல் மௌனமாக இருந்தார்கள்.

 அறிவிப்பாளர்: அபூதர் ரழியல்லாஹு அன்ஹு.

 நூல்: அஹ்மத்.

  எண்:21566

  அபூதாவூத் .எண்:1375

  நஸாயீ . எண்:1364

 (23ஆம் நாள் இரவிலும் 25ஆம் நாள் இரவிலும் நீங்கள் தேடுகின்ற லைலத்துல் கத்ர் பின்னால் வரவிருக்கிறது என்று கூறிய நபி ஸல்லல்லாஹு அலைஹி வஸல்லம் அவர்கள் 27 ஆம் நாள் இரவில் எதுவுமே சொல்லாமல் அமைதியாக இருந்தது கத்ர் இரவு 27 ஆம் நாள் இரவு தான் என்பதை அறிவிக்கிறது.)

(மேலும் ரமலான் மாதம் 27 ஆம் நாள் இரவு முழுவதும் இபாதத் மற்றும் அமல்களில் ஈடுபடுவது நபி வழி என்பதை இந்த ஹதீஸ் அறிவிக்கிறது)

  *கத்ர் இரவில் சிறப்புத்தொழுகை*

   இறைத்தூதர் ஸல்லல்லாஹு அலைஹி வஸல்லம் அவர்கள் கூறினார்கள்:

  லைலத்துல் கத்ர் அன்று இறைநம்பிக்கையோடும் நன்மை கிடைக்கும் என்ற எதிர்பார்ப்போடும் யார் நின்று வணங்குகிறார்களோ அவர்களுடைய முன் பாவங்கள் அனைத்தும் மன்னிக்கப்பட்டு விடும்.

 அறிவிப்பாளர்:அபூஹுரைரா ரழியல்லாஹு அன்ஹு

 நூல்:புகாரீ .  எண்:1901

முஸ்லிம் .  எண்:760

             *கத்ர் இரவில் துஆ*

இறைத்தூதர் ஸல்லல்லாஹு அலைஹி வஸல்லம் அவர்களிடம் நான் கேட்டேன்:

  யா ரசூலல்லாஹ்! லைலத்துல் கத்ர் இரவை நான் அறிந்து கொண்டால் அந்த இரவில் நான் என்ன ஓத வேண்டும்?

( ஆயிஷாவே!) நீங்கள் கூறுங்கள்:

அல்லாஹும்ம இன்னக அஃபுவ்வுன் துஹிப்புல் அஃப்வ ஃபஃ-ஃபு அன்னீ.

 இறைவனே! நிச்சயமாக நீ மன்னிப்பாளனாக இருக்கிறாய். மன்னிப்பதை விரும்பவும் செய்கிறாய். எனவே என்னை மன்னிப்பாயாக!

அறிவிப்பாளர்: ஆயிஷா ரழியல்லாஹு அன்ஹா.

 நூல்: திர்மிதி

எண்:3513

இப்னு மாஜா.  எண்:3850

*கத்ர் இரவின் மாண்பை அடைகின்ற நல்லடியார்கள் கூட்டத்தில் எல்லாம் வல்ல இறைவன் நமது அனைவரையும் சேர்த்து அருள்வானாக!

 ஆமீன்!**லைலதுல் கத்ர்* இரவின் *13 அடையாளங்கள்*. அவை பின்வருமாறு. 

1) 🌅 லைலதுல் கத்ர் இரவானது ஒளி வீசும் நிலவுள்ள இரவைப் போன்று காட்சி அளிக்கும்.

♦️2) 🌙  லைலதுல் கத்ர் இரவில் இலகுவானதாகவும் ஒளிமயமானதாகவும் இருக்கும். உணவுத் தட்டின் பாதித்துண்டைப் போன்று நிலா தோன்றும்.

♦️3) 🌴 லைலதுல் கத்ர் இரவில் (மரம் செடி கொடிகள்) அமைதியான காட்சி அளிக்கும்.

♦️4) 🏔️ லைலதுல் கத்ர் இரவில் சூடோ குளிரோ இருக்காது.

♦️4) 🌠 லைலதுல் கத்ர் இரவில் நட்சத்திரம் எரிந்து விழாது.

♦️5) 🐕 லைலதுல் கத்ர் இரவில் நாய் குரைக்காது.

♦️6) 🌧️ லைலதுல் கத்ர் இரவில் மழை பொழியும்

♦️7) 💧 லைலதுல் கத்ர் இரவில் சூடும் குளிர்ச்சியும் இல்லாமல் மிதமான தன்மையாக இருக்கும்.

♦️8) 🌋 லைலதுல் கத்ர் இரவை அடுத்துவரும் காலைப் பொழுதில் சூரியன் வெண்ணிறத்தில் ஒளியிழந்து (மங்கலாக) உதிக்கும்.

♦️9) 🌄 லைலதுல் கத்ர் இரவை அடுத்துவரும் காலைப் பொழுதில் சூரியன் உதிக்கும் போது சுடர் அதிகமின்றி பிறையைப் போன்று இருக்கும்.

♦️10) 👪லைலதுல் கத்ர் இரவு முழுவதும் நலவுதான் நடைபெறும், அதன் ஆரம்பத்திலிருந்து அதிகாலை வரை எவ்வித கெடுதிகளும் ஏற்படாது.

♦️11) 🐓 லைலதுல் கத்ர் இரவில் சேவல் (மெதுமையாக) கூவும். காரணம் அன்றைய இரவில் வானவர்கள் அதிகளவில் இறங்குகின்றனர்.

♦️12) 🌒 அன்றைய தினத்தில் சூரியன் சந்திரனைப் போன்று ஜுவாலையின்றிக் நேராகக் கிளம்பும்.

♦️13) ☠️ அன்றைய தினத்தில் சூரியன் உதிக்கும் போது ஷைத்தான் வெளியேற மாட்டான்.

நூல் ஆதாரம் 📖 :- முஸ்லிம் 1397, இப்னு குஸைமா: 2190, இப்னு ஹிப்பான் 3688, மஜ்மஃவுஸ் ஜவாயிது 1356

இஸ்லாமிய ஒழுக்க முறை.குறைச் சொல்லி திரியாதீர்கள்,

குறைச் சொல்லி திரியாதீர்கள்

முன்னுரை

وَيْلٌ لِّـكُلِّ هُمَزَةٍ لُّمَزَةِ ۙ‏
குறை கூறிப் புறம் பேசித் திரிபவர்களுக்கெல்லாம் கேடுதான்.
(அல்குர்ஆன் : 104:1)

அவன் சரியில்லை..
இவன் சரியில்லை..
இவுங்க சரியில்லை..
அவர் சரியில்லை.. என்று ஏராளமான குறைகளை சொல்லி  நட்பு வட்டத்தையும் உறவு வட்டத்தையும் சுருக்கிக் கொண்டு வாழ்கிறோம்

முழுக்கமுழுக்கதங்கத்தால் செய்யப்பட்டதங்கதேசத்தில் வாழநேர்ந்தால்கூட, “சே… எங்கேபாத்தாலும்மஞ்சளாஇருக்கே” எனகுறைசொல்லும்மக்கள்இருக்கிறார்கள்

கவிதை ஒன்று சொல்வார்கள்

மனிதன் குறையுடையவன் மட்டுமல்ல
குறை காண்பவனும் கூட…
மனிதன் தன் வாழ்க்கையில்
மற்றவர்களின் குறையை காண்பவன்
அறை மனிதனாவன்…
தன் குறையை காண்பவன்
முழு மனிதனாவன்‌.

புறம் பேசுபவன் என்பதைக் குறிக்க ஹுமஸா எனும் சொல் மூலத்தில் ஆளப்படுகிறது .

ஹமஸ – யஹ்மு(மி)ஸு – ஹம்ஸன் எனும் வரிசையில் வரும் வினையாலணையும் பெயர்.ஹம்மாஸ் அல்லது ‘ ஹுமஸா’ ஆகும் .

‘ ஹமஸ எனும் வினைச்சொல்லுக்கு கண்சாடை காட்டினான் . குத்தினான் : கொட்டினான் . தள்ளினான் ; அடித்தான் . கடித்தான் புறம் பேசினான் முதலான பொருள்கள் உண்டு . இங்கு ஹுமஸா எனும் பெயர்ச்சொல்லுக்கு புறம் பேசுபவன் என்பதே பொருள் , ஒருவர் இல்லாதபோது அவரைப் பற்றிக் குற்றம் குறை சொல்வதே புறம் , அல்லது புறணி எனப்படுகிறது . ஹுமஸா எனும் சொல்லே ஆண்பால் , பெண்பால் இருபாலுக்கும் பயன்படுத்தப்படுகிறது . மிகையைக் காட்டும் ஃபுஅலா ‘ வாய்பாட்டில் அமைந்து , அதிகமாகப் புறம் பேசுபவன் ‘ என்றும் இதற்குப் பொருள் கூறலாம்.

ஹுமஸா ,லுமஸா

ஹுமஸா ,லுமஸா

புறம் பேசி திரிபவர் என்பதற்கு அரபியில் ஹுமஸா என்றும் குறைகூறி திரிபவர் என்பதற்கு ‘லுமஸா’ என்றும் குர்ஆன் குறிப்பிடுகிறது.

அதாவது சொல் வாய்மொழியால் தூற்றுபவருக்கு ஹுமஸா என்றும் சொல் செய்கையால் தூற்றுபவருக்கு லுமஜா என்றும் அல்குர்ஆன் குறிப்பிடுகிறது.

பல்வேறு விளக்கங்கள்

இப்னு அப்பாஸ் (ரலி) அவர்கள் விளக்கம் சொல்லும் போது குறை கூறிக்கொண்டும் தூற்றிக் கொண்டும் இருப்பவர் என்று குறிப்பிடுகிறார்கள்.

ரபீஉ பின் அனஸ் (ரலி) அவர்கள் ஹுமஸா என்பது முகத்துக்கு நேராக குறை கூறுபவர் என்றும், லுமஸா என்பது முதுகுக்குப் பின்னால் குறை கூறுவதையும் குறிக்கும் என்றும் தெரிவிக்கிறார்கள்.

கத்தாதா (ரஹ்) அவர்களின் விளக்கம் மக்களை நாவாலும் கையாலும் தூற்றுபவர்கள் என்று குறிப்பிடுவார்கள்.

(தப்ஸீர் தப்ரீ)

முஜாஹித் (ரஹ்) அவர்களின் விளக்கம் ஹுமஸா என்றால் கை மற்றும் கண் ஜாடையால் தூற்றுபவரைக் குறிக்கும் என்றும் லுமஸா என்றால் நாவால் குறை கூறுபவரை குறிக்கும்.

நபியவர்களை அவதூறு சொன்ன குறைசிகள்

நபி (ஸல் ) அவர்கள் மக்காவில் இருந்தபோது , அவர்கள்மீது கடும் விரோதம் கொண்ட சிலர் , நபிகளாரைப் பற்றி  கவிஞர் , சூனியக்காரர் , சோதிடர் என்று அவதூறு பரப்புவதும் அவர்களைப் பற்றி இல்லாத பொல்லாத குறைகளைச் சொல்வதுமே வேலையாக அலைந்தனர் .

அவர்களில் அக்னஸ் பின் ஷரீக் , ஆஸ் பின் வாயில் , ஜமீல் பின் மஅமர் , வலித் பின் அல்முஃகீரா , உமய்யா பின் கலஃப் முதலானோர் இந்தக் கீழ்த்தரமான வேலையைச் செய்துவந்தவர்கள் . இவர்கள் அனைவர் குறித்து சிலர்  அத்தியாயம் அருளப்பட்டது என்பர் . இத்தகையவர்களுக்குக் கேடு ஏற்படட்டும் என அல்லாஹ்வே சபிக்கின்றான்.

இருப்பினும் , குறிப்பிட்ட மனிதர்கள் இங்கு கருத்தில் கொள்ளப்படாமல் , இந்தக் குணமுள்ள அனைவருக்கும் – இந்த அத்தியாயம் பொருந்தும் என்பதே பொருத்தமாகும் . (தஃப்சீர் அல்பஹ்ருல் முஹீத்)

யதார்த்த வாழ்க்கையில் நாம்

குறை சொல்தல் இன்றைக்கு ஒரு தொற்று நோயாகவே மாறிவிட்டது. ஒரு வகையில் மிகவும் எளிதான ஒரு வேலை குறை சொல்லுதல். எந்த விதமான தார்மீகப் பொறுப்பும் ஏற்க மறுப்பவர்களுக்கு மிக எளிதாகக் கிடைக்கக் கூடிய ஒரு விஷயம் குறை சொல்லுதல்.

சின்ன வயதிலேயே அது நமது இரத்தத்தோடு கலந்து விட்டது. ஓடிப் போவோம், கல்லில் இடித்துக் கொள்வோம், திட்டுவது என்னவோ அந்தக் கல்லைத் தான் இல்லையா ? குழந்தைகள் சொன்ன பேச்சைக் கேட்கலேன்னா இப்போ கூட தொலைக்காட்சியைத் தானே திட்டுகிறோம் !

ஒரு நிறுவனத்துக்கு ஒரு புது மேலதிகாரி வந்தார். அவரிடம் பொறுப்பை ஒப்படைக்கும்போது பழைய அதிகாரி மூன்று மூடப்பட்ட கவர்களைக் கொடுத்துச் சென்றார். “எப்போதாவது பெரிய பிரச்சினை வந்தால் மட்டும் பிரியுங்கள்” எனும் விண்ணப்பத்தோடு.

புதிய அதிகாரி பதவியேற்றார். ஒரு வருடம் சிக்கல் ஏதும் இல்லாமல் போனது ! போதாத காலம் முதல் சிக்கல் வந்தது. பணத் தட்டுப்பாடு. என்ன செய்யலாம் என யோசித்தபோது அவருக்கு மூடப்பட்ட கவர்களின் ஞாபகம் வந்தது. முதலாவது கவரைப் பிரித்தார். “பழைய மேலதிகாரி மேல் பழியைப் போடு” என்றிருந்தது ! அப்படியே செய்தார். தப்பித்தார். அடுத்த ஆண்டும் அதே போல ஒரு பிரச்சினை. இப்போதும் கவரைப் பிரித்தார். “கமிட்டி மீது பழியைப் போடு” என்றிருந்தது ! அப்படியே செய்தார். அப்போதும் தப்பித்தார். மூன்றாவது ஆண்டும் பிரச்சினை வந்தது. பூதாகரமானது. மூன்றாவது கவரை எடுத்தார். பிரித்து வாசித்தார். “மூன்று கவர்களை நீ உருவாக்கும் நேரம் வந்து விட்டது” என்று எழுதப்பட்டிருந்தது !

நகைச்சுவையாகச் சொல்லப்பட்டிருந்தாலும் இதில் இருக்கும் உண்மை நிதர்சனமானது.

அடுத்தவர்களை மட்டம் தட்டுவதன் மூலம் தனது உயரத்தை அதிகரிக்கச் செய்யும் முயற்சி இது. ஆழ்மனதில் உறைந்து கிடக்கும் நமது விரோதத்தின் வேர்களே இந்த குறையெனும் முட்களை விளைவிக்கின்றன.

பிடிக்காதவர்கள் மீது தான் குறையும், குற்றமும், விமர்சனமும் போர்த்தப்படுகிறது.  “உன் மேல எனக்கு அன்பு ரொம்ப ஜாஸ்தி, அதனால எப்போதும் குறை சொல்வேன்” என்று யாரும் சொல்வதில்லை. அடுத்தவருடைய வளர்ச்சியோ, நிம்மதியோ, புகழோ, அழகோ மனசுக்குள் விதைக்கும் பொறாமை விதைகள் தான் பெரும்பாலும் குறைகளாய் முளைக்கும்.

ஒரு கதை உண்டு

ஒரு மாணவர் ஓவியக்கலையில் மிகவும் தேர்ச்சி பெற்று விளங்கினார்.

அவருக்கு ஓர் ஆசை ஏற்பட்டது. நாம் ஒரு அற்புதமான ஓவியம் ஒன்றை வரைந்து அதை பொதுமக்கள் அனைவரின் பார்வையும் படுகின்ற இடத்தில் வைக்க வேண்டும். மேலும் அதில் உள்ள குறைகளை சுட்டிக் காட்டும்படி பொதுமக்களுக்கு வேண்டுகோளும் வைக்க வேண்டும் அதன் மூலம் தனது ஓவியத் திறமை எந்த அளவுக்கு வளர்ந்துள்ளது என்பதைப் பற்றி தெரிந்து கொள்ள விரும்பினார்.

அதை தனது ஆசிரியரிடமும் தெரிவித்தார். அவரும் தனது மாணவரை ஊக்குவிக்கும் வகையில் அதற்கு அனுமதியும் வழங்வி விட்டார்.

அந்த மாணவர் மிகவும் உற்சாகத்துடன் ஓர் அழகான ஓவியத்தை வரைந்து பொதுவெளியில் மக்கள் பார்வைக்கு வைத்து அதில் உள்ள குறைபாடுகளை அடையாளம் இட்டு காட்டவும் என எழுதி அதனருகில் ஒரு எழுதுகோலையும் வைத்து விட்டார்.

ஒரு சில நாட்கள் கழித்து அந்த ஓவியத்தை எடுக்க வந்த மாணவருக்கு மிகப்பெரிய அதிர்ச்சி காத்திருந்தது.

காரணம்… அந்த ஓவியத்தின் அனைத்து பகுதிகளும் குறையுடையதாக அடையாளம் இடப் பட்டிருந்தன. அம்மாணவர் மிகவும் வருத்தத்துடன் தனது ஆசிரியரிடம் வந்து முறையிட்டார்.

அதைக் கேட்ட ஆசிரியர் புன்சிரிப்புடன் தனது மாணவரை நோக்கி கவலைப்படாதே இன்னொரு ஓவியம் அதே போன்று வரைந்து அந்த இடத்தில் வைத்து விட்டு இதில் உள்ள குறைபாடுகளை சரி செய்யவும் என பொதுமக்களுக்கு ஒரு வேண்டுகோள் எழுதி வைத்து விடு. என ஆலோசனை கூறினார். மாணவரும் தனது ஆசிரியர் சொன்னதைப் போன்றே செய்துவிட்டு வந்துவிட்டார்.

ஒரு சில நாட்கள் கழித்து மீண்டும் அந்த ஓவியத்தை எடுக்க வந்த போது மிகவு‌ம் ஆச்சரியம் காத்திருந்தது. அந்த ஓவியத்தில் எவ்வித மாற்றமும் செய்யப்படாமல் அப்படியே இருந்தது. இதை கண்ட மாணவர் தனது ஆசிரியரிடத்தில் நடந்ததை கூறி விபரம் கேட்ட போது…

ஆசிரியர் சொன்னார்.. மக்களுக்கு பிறரின் குறைகளை அலசி ஆராய்ந்து வெளிப்படுத்த மட்டுமே தெரியும். பெரும்பாலான மக்களுக்கு அதை சீர்திருத்தம் செய்வதற்கான வழி தெரியாது என விளக்கம் கூறினார்.

ஆக நாம் பிறர் குறைகளை அலசி ஆராய்ந்து அவற்றை விமர்சித்து சம்மந்தப்பட்டவர்களை அவமதிப்பதை தவிர்த்து அவர்களின் குறைகளை அவர்களிடமே பக்குவமாக எடுத்துச் சொல்லி சீர்திருத்தம் செய்வதே சரியான வழிமுறையும், சமூக அக்கறையும் ஆகும்.

சமூக அமைதிக்கான 3 கட்டளைகளை உயர்ந்தோன் அல்லாஹ் பிறப்பிக்கிறான்.

1.சமூகத்தில் ஆண்களோ பெண்களோ யாரும் யாரையும் அவமானப்படுத்தவோ ஏளனம் செய்யவும் கூடாது ஒருவர் தம்மை உயர்வாக மதித்து பிறரை மதிக்கும் போது அங்கு சௌஜன்யம் குலையும்.

2. பரஸ்பரம் குறை சொல்லி திரியக்கூடாது இது துவேஷத்தை வளர்க்கும்.

3. காயப்படுத்தும் வகையில் பட்டப்பெயர் சொல்லி கூப்பிடக்கூடாது மனதளவில் பெரும் பாதிப்பை ஏற்படுத்தும்.

யாரையும் சிறுமை படுத்தாதீர்.

உயர்ந்தோன் அல்லாஹ் சிறுமை படுத்துவதற்கு தடை விதிக்கிறான். எள்ளி நகையாடுவதும் கேவலப்படுத்துவதும் தான் சிறுமை படுத்துதல் (சுக்ரிய்யத்) என்று சொல்லப்படும்.

நபி ஸல் அவர்கள் குறிப்பிடுவார்கள்

கர்வம் என்பது உண்மையை ஏற்க மறுப்பதும் மக்களை கேவலமாக மதிப்பதும் தான்.

அறிவிப்பாளர் : அப்துல்லாஹ் பின் மஸ்ஊத் ரலி அவர்கள்
நூல் : ஸஹீஹ் முஸ்லிம் 147.
திர்மிதீ 1922

மக்களை அற்பமான வர்களாகவும் மதிப்பற்ற வர்களாகவும் கருதுவது என்பது ஹராம் இஸ்லாத்தில் தடை செய்யப்பட்ட செயல்.

ஏனென்றால் சில வேளை சிறுமைப்படுத்தி கேவலப்படுத்துகின்றவரை விட பாதிப்படைகின்றனர் அல்லாஹ்விடம் மகத்தான தகுதி உடைய வராகவும் அவனுக்கு மிகவும் விருப்பமானவர் ஆகவும் இருக்கக் கூடும்.

இதனால்தான் அல்லாஹ் தன் திருமறையில் சொல்கின்றான்

يٰۤاَيُّهَا الَّذِيْنَ اٰمَنُوْا لَا يَسْخَرْ قَوْمٌ مِّنْ قَوْمٍ عَسٰٓى اَنْ يَّكُوْنُوْا خَيْرًا مِّنْهُمْ وَلَا نِسَآءٌ مِّنْ نِّسَآءٍ عَسٰٓى اَنْ يَّكُنَّ خَيْرًا مِّنْهُنَّ‌…

நம்பிக்கையாளர்களே! எந்த ஆண்களும் மற்றெந்த ஆண்களையும் பரிகாசம் செய்யவேண்டாம். அவர்கள் (அல்லாஹ்விடத்தில் பரிகாசம் செய்யும்) இவர்களைவிட மேலான வர்களாக இருக்கலாம். அவ்வாறே எந்தப் பெண்களும் மற்ற எந்தப் பெண்களையும் (பரிகாசம் செய்யவேண்டாம்.) அவர்கள் (பரிகாசம் செய்யும்) இவர்களைவிட மேலானவர்களாக இருக்கலாம்…

(அல்குர்ஆன் : 49:11)

குறை சொல்ல வேண்டாம்

.وَلَا تَلْمِزُوْۤا اَنْفُسَكُمْ..

..உங்களில் ஒருவர் ஒருவரை இழிவாகக் கருதி குறை கூறவேண்டாம். என்று அல்லாஹ் கட்டளையிட்டான்..
(அல்குர்ஆன் : 49:11)

மக்களைக் குறை பேசி இழிவு படுத்துகின்ற ஒவ்வொருவரும் சாபத்திற்கும் பழிப்பிற்கும் உரியவர் ஆவார்.
وَيْلٌ لِّـكُلِّ هُمَزَةٍ لُّمَزَةِ ۙ‏
(மக்களை நேருக்கு நேர்) இழித்துரைத்துக் கொண்டும், (முதுகுக்குப் பின்) குறை கூறிக் கொண்டும் திரிகின்ற ஒவ்வொரு மனிதனுக்கும் கேடுதான்.
(அல்குர்ஆன் : 104:1)

கண்ணாடி தத்துவம்

ஒரு வயதானவர் அடிக்கடி கண்ணாடியைப் பார்ப்பார்.

பிறகு ஏதோ சிந்தனையில் மூழ்கிவிடுவார். பக்கத்து வீட்டு இளைஞனுக்குக் குறு குறுப்பு…!

‘அந்தக் கண்ணாடியில் அப்படி என்னதான் இருக்கிறது? பெரியவர் அடிக்கடி அதையே உற்று உற்றுப் பார்க்கிறாரே! ‘ஒருவேளை மாயா ஜாலக் கண்ணாடியோ?’அவனால் ஆவலைக் கட்டுப்படுத்த முடியவில்லை…

பெரியவரை நெருங்கினான்.

“ஐயா…!”

“என்ன தம்பி?”

“உங்கள் கையில் இருப்பது கண்ணாடிதானே?”

“ஆமாம்!”

“அதில் என்ன தெரிகிறது?”

“நான் பார்த்தால் என் முகம் தெரியும், நீ பார்த்தால் உன் முகம் தெரியும்!”

“அப்படியானால் சாதாரணக் கண்ணாடிதானே அது?”

“ஆமாம்!”

“பிறகு ஏன் அதையே பார்த்துக் கொண்டிருக்கிறீர்கள்?”

பெரியவர் புன்னகைத்தார்.

“சாதாரணக் கண்ணாடிதான், ஆனால் அது தரும் பாடங்கள் நிறைய!”

“பாடமா…??? கண்ணாடியிடம் நாம் என்ன பாடம் பெற முடியும்?”

“அப்படிக் கேள். உங்களில் ஒவ்வொருவரும் மற்றவருக்குக் கண்ணாடி போன்றவர்கள்”

“எனக்கு ஒன்றும் புரியவில்லை!”

“ஒருவர் மற்றவரின் குறைகளை எப்படிச் சுட்டிக்காட்ட வேண்டும், எப்படிச் சீர்திருத்தம் செய்ய வேண்டும் என்பதையெல்லாம் இது தெளிவுபடுத்துகிறது.”

“எப்படி?”

“நம் முகத்தில் ஏதேனும் அழுக்கோ கறையோ பட்டு விட்டால் கண்ணாடியில் அது தெரிகிறது. அந்தக் கறையைக் கண்ணாடி, கூட்டுவதும் இல்லை, குறைப்பதும் இல்லை. உள்ளது உள்ளபடி காட்டுகிறது அல்லவா?”

“ஆமாம்”

“அதே போல் *உன் சகோதரனிடம் – நண்பனிடம் எந்த அளவுக்குக் குறை இருக்கிறதோ அந்த அளவுக்குத்தான் அதனைச் சுட்டிக்காட்ட வேண்டும். எதையும் மிகையாகவோ, ஜோடித்தோ சொல்லக் கூடாது. துரும்பைத் தூண் ஆக்கவோ, கடுகை மலையாக்கவோ கூடாது. இது கண்ணாடி சொல்லும் முதல் பாடம்!”*

“அடுத்து…?”

“கண்ணாடிக்கு முன்னால் நீ நிற்கும்போதுதான் உன் குறையைக் காட்டுகிறது. நீ அகன்று விட்டால் கண்ணாடி மௌனமாகி விடும். இல்லையா?”

“ஆமாம்!”

“அதே போல் *மற்றவரின் குறைகளை அவரிடம் நேரடியாகவே சுட்டிக்காட்ட வேண்டும். அவர் இல்லாத போது முதுகுக்குப் பின்னால் பேசக்கூடாது. இது கண்ணாடி தரும் இரண்டாவது பாடம்!”*

“அப்புறம்?”

“ஒருவருடைய முகக் கறையைக் கண்ணாடி காட்டியதால் அவர் அந்தக் கண்ணாடி மீது கோபமோ, எரிச்சலோ படுகிறாரா?”

“இல்லையே…! மாறாக அந்தக் கண்ணாடியைப் பத்திரமாக அல்லவா எடுத்து வைக்கிறார்!”

“சரியாகச் சொன்னாய். அதே போல் *நம்மிடம் உள்ள குறைகளை யாரேனும் சுட்டிக் காட்டினால் அவர் மீது கோபமோ, எரிச்சலோ படாமல் நன்றி கூற வேண்டும். அந்தக் குறைகள் நம்மிடம் இருக்குமேயானால் திருத்திக்கொள்ள வேண்டும். இது கண்ணாடி தரும் மூன்றாவது பாடம்!”*

“ஐயா…! அருமையான விளக்கம். நீங்கள் கூறிய கண்ணாடி உவமையில் இத்தனை கருத்துகளா…! அப்பப்பா! யோசித்தால் இன்னும் கூடப் பல விளக்கங்கள் கிடைக்கும்!” என்று அந்த பெரியவரிடம் சொல்லிவிட்டு அவரை வணங்கி சென்றான்..

ஆம். நண்பர்களே.., இனி கண்ணாடி முன்னால் நின்று உங்கள் முகத்தை பார்க்கும்போது எல்லாம் இந்த அறிவுரைகளை மறந்துவிடாதீர்கள்.. இவை உங்களின் மனத்தை அலங்கரிக்கும்’’.

கண்ணாடி தத்துவம்

பட்டப் பெயர்களால் புண்படுத்தாதீர்

وَلَا تَنَابَزُوْا بِالْاَلْقَابِ‌
உங்களில் ஒருவர் மற்றவருக்கு(த் தீய) பட்டப் பெயர் சூட்ட வேண்டாம்.

இந்தப் பெயர்கள் ஒருவருக்கு இம்சிக்குமோ கோபப்படுத்துமோ அத்தகைய அடைமொழி பெயர்களை பயன்படுத்துவது கூடாது.

நபித்தோழர் அபூஜபீரா பின் அள்ளஹ்ஹாக் ரலி அவர்கள் அறிவிக்கிறார்கள்

இந்த வசன தொடர் பனூ சலீமா குலத்தார் குறித்து அருளப்பட்டது நபி ஸல் அவர்கள் மதீனாவிற்கு வந்த போது எங்களில் யாருக்கும் இரண்டு அல்லது மூன்று பெயர்கள் இல்லாமல் இருந்ததில்லை. அந்தப் பெயர்களில் ஒன்றை கொண்டு அவர்களில் யாரையேனும் அழைத்தால் அல்லாஹ்வின் தூதரே இந்தப் பெயரால் அவர் கோபப்படுவார் என்று மக்கள் கூறுவர் அப்போதுதான் இந்த வசனம் அருளப்பட்டது.

நூல் : முஸ்னத் அஹ்மத் திர்மிதி 3191 அபூதாவூத் இப்னுமாஜா

பாவப் பெயர் மிகவும் கெட்டது

بِئْسَ الِاسْمُ الْفُسُوْقُ بَعْدَ الْاِيْمَانِ‌

நம்பிக்கை கொண்டதன் பின்னர், கெட்ட பெயர் சூட்டுவது மகா கெட்ட (பாவமான)தாகும்.

அதாவது பாவத்தைக் குறிக்கும் பெயரும் வர்ணனையும் மிகவும் கெட்டது அதுதான் மோசமான பட்டப்பெயர் என்று சொல்லப்படுகிறது.

وَمَنْ لَّمْ يَتُبْ فَاُولٰٓٮِٕكَ هُمُ الظّٰلِمُوْنَ‏
எவர்கள் (இவைகளிலிருந்து) விலகிக் கொள்ளவில்லையோ அவர்கள்தான் (வரம்பு மீறிய) அநியாயக் காரர்கள்.

அண்டை வீட்டார் பற்றிய புகார்

உக்பா பின் ஆமிர் ( ரலி ) அவர்களின் எழுத்தாளர் துகைன் பின் ஆமிர் ( ரஹ் ) அவர்கள் கூறியதாவது.

நான் உக்பா ( ரலி ) அவர்களிடம் , ” எங்களுக்குச் சில அண்டை வீட்டார் உள்ளனர் .அவர்கள் மது அருந்துகின்றனர் எனவே அவர்களைப் பிடித்துக் கொண்டு செல்வதற்காக காவலர்களை நான் அழைக்கப் போகிறேன் என்று கூறினேன்.

அதற்கு உக்பா ( ரலி ) அவர்கள் , அப்படிச் செய்யாதே ! மாறாக , அவர்களுக்கு அறிவுரை கூறு ; எச்சரிக்கை செய் ‘ ‘ என்று கூறினார்கள்.

நான் அப்படியே செய்தேன் . ஆனாலும் அவர்கள் ( மதுவிலிருந்து ) விலகவில்லை . எனவே , நான் உக்பா ( ரலி ) அவர்களிடம் ( மறுபடியும் வந்து , ” நிச்சயமாக நான் அவர்களை மது அருந்த வேண்டாமெனத் தடுத்தேன் ; இருந்தும் அவர்கள் விலக வில்லை ; எனவே , அவர்களைப் பிடித்துச் செல்வதற்காகக் காவலர்களை நான் அழைக்கப்போகிறேன் ” என்று கூறினேன் .

அப்போது உக்பா ( ரலி ) அவர்கள் , – ” உனக்குக் கேடுதான் ; அப்படிச் செய்யாதே ; ஏனெனில் , ‘ யார் இறைநம்பிக்கையாளர் ஒருவரின் மானத்தை மறைக்கின்றாரோ அவர் , உயிருடன் புதைக்கப்பட்ட பெண் சிசுவை அதன் அடக்கத்தலத்திலிருந்து உயிரோடு மீட்டியவரைப் போன்றவர் ஆவார் ‘ என்று அல்லாஹ்வின் தூதர் ( ஸல் ) அவர்கள் கூறி யதை நான் செவியுற்றுள்ளேன் ” என்று என்னிடம் கூறினார்கள்.

நூல் : அபூதாவூத் , முஸ்னத் அஹ்மத்.

வேவு பார்க்காதீர்கள்

وَّلَا تَجَسَّسُوْا وَلَا يَغْتَبْ بَّعْضُكُمْ بَعْضًا‌

(எவருடைய குற்றத்தையும்) நீங்கள் துருவித்துருவி விசாரித்துக் கொண்டிருக்க வேண்டாம்.

இந்த வசனத்தில் “லாஜஸஸ்ஸூ’ என்ற வார்த்தைக்கு வேவு பார்க்காதீர்கள் என்று பொருள்.

இறைதூதர் யஅகூப் (அலை) அவர்கள் கூரியதாக அல்லாஹ் தன் திருமறையில் குறிப்பிடுகிறான்.

يٰبَنِىَّ اذْهَبُوْا فَتَحَسَّسُوْا مِنْ يُّوْسُفَ وَاَخِيْهِ وَلَا تَايْــٴَــسُوْا مِنْ رَّوْحِ اللّٰهِ‌ اِنَّهٗ لَا يَايْــٴَــسُ مِنْ رَّوْحِ اللّٰهِ اِلَّا الْقَوْمُ الْكٰفِرُوْنَ‏
“என்னுடைய மக்களே! நீங்கள் செல்லுங்கள், பின்னர், யூஸுஃபையும், அவரது சகோதரரையும் துருவித்தேடுங்கள்; அல்லாஹ்வின் அருளிலிருந்து நீங்கள் நம்பிக்கை இழந்துவிடாதீர்கள்!

(அல்குர்ஆன் : 12:87)

இமாம் அவ்ஸாஈ (ரஹ்) அவர்கள் குறிப்பிடுவார்கள்

தஜஸ்ஸூஸ் என்பது ஒன்றைத் தேடி ஆராய்வதை குறிக்கும்.
மக்கள் பேசுவதை அவர்கள் விரும்பாத நிலையில் ஒட்டுக் கேட்பதை அல்லது அவர்களின் வாசல்களில் நின்று ஒட்டுக் கேட்பதை குறிக்கும்

இமாம் தபரி (ரஹ்) அவர்கள் இந்த வசனத்துக்கு விரிவுரை வளங்கும் போது ‘ ‘பிறருடைய குறைகள்’ எனப்படுவது அவர்களின் அந்தரங்க இரகசியங்களும் அவர்களின் கண்ணியமுமாகும்’ எனக் குறிப்பிடுகின்றார்கள்.

இமாம் இப்னு கதீர் (ரஹ்) அவர்கள் இந்த வசனத்திர்கு விரிவுறை வளங்கும் போது ‘ துருவித் துருவி ஆராய்வது என்பது அதிகமாக கெட்ட விடயங்களில் தான் காணப்படும்’ என விளக்கமளிக்கின்றார்கள்.

இமாம் குர்துபி (ரஹ்) அவர்கள் இந்த வசனத்துக்கு விளக்கமளிக்கும் போது ‘வெளிப்படையாக தெரிகின்ற வெற்றை எடுத்துக் கொள்ளுங்கள் ஆனால் உங்களுடைய சகோதரனின் குறைகளை வெளியில் தெறியாமால் இறைவன் மறைத்த பிறகு அதனை வெளிக் கொண்டுவரும் நோக்கில் ஆராய வேண்டாம்’ எனக் குறிப்பிடுகின்றார்கள்.

“தாம் கேட்பதை மக்கள் விரும்பாத நிலையில்’ அல்லது “தம்மைக் கண்டு மக்கள் வெருண்டோடும் நிலையில்’ யார் அவர்களது உரையாடைலைக் காது தாழ்த்தி (ஒட்டு)க் கேட்கிறாரோ அவரது காதில் மறுமை நாளில் ஈயம் உருக்கி ஊற்றப்படும் என்று நபி (ஸல்) அவர்கள் கூறினார்கள்.

அறி : இப்னு அப்பாஸ் (ரலி),

நூல் : புகாரி (7042), திர்மிதீ (1673)

எனவே வேவு பார்க்காதீர்கள் அதுவும் கெட்ட எண்ணத்தில் வேவு பார்ப்பது பாவமான காரியம்.

புறம் பேசி திரியாதீர்கள்

وَلَا يَغْتَبْ بَّعْضُكُمْ بَعْضًا‌

உங்களில் சிலர் சிலரைப் புறம் பேசவும் வேண்டாம். என்று அல்லாஹ் குறிப்பிடுகிறான்.

இந்த வசனம் (அல்பஃகீத்) புறம் பேசுவதற்குத் தடை விதித்துள்ளது

புறம் பேசுவது என்றால் என்ன என்று நபி ஸல் அவர்களிடம் கேட்கப்பட்டது

அப்போது அவர்கள் நீர் உம்முடைய சகோதரர் குறித்து அவருக்கு பிடிக்காத ஒன்றை கூறுவது என்று சொன்னார்கள்.

அப்போது ஒருவர் நான் சொல்லும் குறை என் சகோதரனிடம் இருந்தாலும் புறம் பேசுவதாக ஆகுமா என்று கேட்டார். அதற்கு நபி (ஸல்) அவர்கள் நீர் சொல்லும் குறை உன்னுடைய சகோதரனிடம் இருந்தால் தான் நீர் அவரைப் பற்றி புறம் பேசி நீர் என்றாகும் நீர் சொன்ன குறை அவரிடம் இல்லாவிட்டாலோ நீர் அவர் மீது அவதூறு சுமத்தியவர் ஆவீர்கள் என்று குறிப்பிடுகிறார்கள்.

ஸஹீஹ் முஸ்லிம் : 5048
திர்மிதீ : 1857

அன்னை ஆயிஷா (ரலி) அவர்கள் கூறுகிறார்கள்

நான் நபி (ஸல்) அவர்களிடம் நபியே தங்கள் துணைவியார் சபியாவிடம் என்னென்ன குறைகள் இருக்கிறது அதாவது அவர் குள்ளமாக இருப்பது உங்களுக்கு போதும் என்று குறை கூறினேன்.

அதற்கு நபி (ஸல்) அவர்கள் நீ சொன்ன வார்த்தைகளை கடல் நீரில் கலக்கப்பட்டால் கடலையே கலங்கடித்து விடும் என்று கூறினார்கள்.

நான் நபி (ஸல்) அவர்களிடம் ஒரு மனிதர் குறித்து ஒப்பனை காட்டி பேசினேன் அப்போது நபியவர்கள். ஒரு மனிதரை ஒப்பனை காட்டி பேசுவதை நான் விரும்ப மாட்டேன் என்று கூறினார்கள்.

நூல் : அபூதாவூத் ,திர்மிதீ 2426

பிணத்தின் மாமிசத்தை தின்பவர்கள்

اَ يُحِبُّ اَحَدُكُمْ اَنْ يَّاْكُلَ لَحْمَ اَخِيْهِ مَيْتًا فَكَرِهْتُمُوْهُ‌ وَاتَّقُوا اللّٰهَ‌

உங்களில் எவனும் தன்னுடைய இறந்த சகோதரனின் மாமிசத்தைப் புசிக்க விரும்புவானா? அதனை நீங்கள் வெறுப்பீர்களே! (புறம் பேசுவதும் அவ்வாறே. இவ்விஷயங்களில்) அல்லாஹ்வுக்குப் பயந்துகொள்ளுங்கள்.

அதாவது அந்தப் பிணத்தை தின்பதை எப்படி இயல்பிலேயே நாம் விருப்பமும் அது போன்று புறம் பேசுவதை மார்க்கத்தின் அடிப்படையில் வெறுத்திட வேண்டும் என்றால் புறம் பேசுவதற்கான தண்டனை இதை விடக் கடுமையானதாக இருக்கும்.

நபி (ஸல்) அவர்கள் ஹஜ்ஜத்துல் விதா வில் குறிப்பிட்டார்கள் உங்களது இந்த நகரத்தில் புனிதமான இந்த மாதத்தில் இன்றைய தினம் எந்த அளவுக்கு புனிதமானதோ அதே அளவுக்கு நிச்சயமாக உங்கள் உயிர்களும் உடைமைகளும் உங்களின் மானமும் உங்களுக்கு புனிதமானவை.

அறிவிப்பாளர் இப்னு அப்பாஸ் ரலி அவர்கள்

நூல்: ஸஹீஹ் முஸ்லிம், ஸஹீஹ் புகாரி, திர்மிதீ 2085, இப்னுமாஜா,முஸ்னத் அஹ்மத்,தாரமீ.


ஒவ்வொரு முஸ்லிமுக்கும் மற்ற முஸ்லிம்களின் பொருள் மானம் உயிர் ஆகியவை தடை செய்யப்பட்டவையாகும் ஒருவர் தம் சகோதர முஸ்லிமைக் கேவலப்படுத்துவது அவரின் தீமைக்கு போதுமான சான்றாகும்.

அறிவிப்பாளர் அபூஹுரைரா ரலி அவர்கள்
ஸஹீஹ் முஸ்லிம் 5010, திர்மிதீ 1859.

மற்றொரு ஹதீஸில் பராஉ பின் ஆசிப் ரலி அவர்கள் கூறுகிறார்கள்

ஒருமுறை அல்லாஹ்வின் தூதர் நபி ஸல் அவர்கள் எங்களுக்கு சொற்பொழிவு நிகழ்த்தினார்கள் அப்போதுதான் வீடுகளுக்குள் இருக்கும் கன்னிப் பெண்களுக்கும் கேட்கும் வகையில் உரத்த குரலில் சொன்னார்கள்.

நம் நாவல் மட்டுமே இறை நம்பிக்கை கொண்ட சமுதாயம் நீங்கள் முஸ்லிம்கள் தொடர்பாக புறம் பேசாதீர்கள் அவர்களின் அந்தரங்களை துருவி ஆராயாதீர்கள் சகோதரனின் அந்தரங்கத்தை துருவி ஆராய்வானோ அவனது அந்தரங்கத்தை அல்லாஹ் துருவி ஆராய்வான்.

யாருடைய அந்தரங்கத்தை அல்லாஹ் ஒரு ஆரம்பித்து விட்டாலும் அப்போது அவர் வீட்டுக்குள்ளே மறைந்து இருந்தாலும் அவரை அல்லாஹ் கேவலப்படுத்திய தீருவான்.

நூல் : ஷுஅபுல் ஈமான் பைஹகி, முஸ்னத் அர்ரவ்யானீ, முஸ்னத் அபீயஃலா,

குறை பேசுபவனின் தண்டனை

இறைத்தூதர் ஸல் அவர்கள் கூறினார்கள்.
நான் விண்ணுலகத்திற்கு அழைத்துச் செல்லப்பட்ட போது ஒரு சமூகத்தாரை கடந்து சென்றேன் அங்கே செம்பால் ஆன அவர்களது நகங்களை கொண்டு முகங்களையும் நெஞ்சங்களையும் கீறிக் கொண்டு இருந்தார்கள்.

யார் இவர்கள் இன்று ஜிப்ரயீல் (அலை) அவர்களிடம் கேட்டேன் .

இவர்கள் தான் மனிதர்களின் சதைகளை தின்னும் புறம் பேசியவர்கள் மற்றவர்களின் மானங்களில் தலையிட்டு கொண்டும் இருந்தவர்கள் என்று பதிலளித்தார்கள்.

அறிவிப்பாளர் : அனஸ் (ரலி) அவர்கள்
நூல் அபூதாவூத், அஹ்மத்.

மற்றொரு ஹதீஸில் அபூ ஸயீத் அல் குத்ரி ரலி அவர்கள் கூறுகிறார்கள் நபி ஸல் அவர்கள் விண்ணுலக பயணத்தின் போது அல்லாஹ் ஒரு சமூகத்தின் பக்கத்தில் அழைத்துச் சென்றார் அங்கு ஏராளமான ஆண்களும் பெண்களும் இருந்தார்கள் அவர்கள் விஷயத்தில் சிலருக்கு பொறுப்பு வழங்கப்பட்டிருந்தது.

அந்தப் பொறுப்பாளர்கள் ஒருவருடைய விழா பகுதியின் பக்கம் வந்து செருப்பின் அளவிற்கு ஒரு சதைத் துண்டை வெட்டி எடுத்தார் பிறகு அவர்களில் ஒருவருடைய வாயில் சாப்பிடு என்றுநீ ஏற்கனவே சாப்பிட்ட தைப் போன்று இதையும் சாப்பிடு என்று வற்புறுத்துவார் இதனால் அவர் மரண வலியை உணர்வார்.

இவர்கள் குறித்து நபியவர்கள் ஜிப்ரயீல் அலைஹிஸ்ஸலாம் அவர்களிடம் கேட்டார்கள் இவர்கள்தான் இழித்தும் ,பழித்தும் ,புறம் பேசி ,கோள் சொல்லி திரிந்தவர்கள்.

(தப்ஸீர் இப்னு அபீ ஹாத்திம்)

எனவே தான் அல்குர்ஆன் குறிப்பிடுகிறது ஒருவர் இறந்து போன தன் சகோதரனின் உடலை சதையை தின்ன விரும்புவாரா அதை நீங்கள் வெறுப்பீர்கள் அல்லவா என்று.

விபச்சாரம் செய்தாலும் குறை சொல்லாதீர்கள்

பொதுவாக இன்று ஒருவரின் முன்னேற்றத்தை வழிகெடுக்க அவர்களின் மீது விபச்சாரக் குற்றம் சுமத்தப்படுகிறது. இந்த அவதூறை முற்றிலும் அழிக்க வேண்டும் என்ற எண்ணத்தில் இஸ்லாம் துருவித்துருவி ஆராய்வதை நிறுத்த வேண்டும் என்று ஒருவர் விபச்சாரம் செய்தாலும் அதை வழியே சென்று ஆராயக் கூடாது என்று சொல்கிறது

நபி(ஸல்) அவர்களிடம் மாயிஸ் இப்னு மாலிக் அவர்கள் வந்து அல்லாஹ்வின் தூதரே! நான் விபசாரம் செய்துவிட்டேன் எனக் கூறினார்கள். அதற்கு நபி(ஸல்) அவர்கள், நீ அவளை முத்தமிட்டிருக்கலாம் அல்லது கை விரலால் தொட்டிருக்கலாம் அல்லது அவளை பார்திருக்கலாம் எனக் கூறினார்கள். அதற்கு மாயிஸ் (ரழி) அவர்கள் இல்லை நான் விபசாரம் செய்தேன் எனக் கூறினார்கள். அதன் பிறகு அவருக்கு கல்லெறிந்து தண்டனை நிறைவேற்றப்பட்டது’ என இப்னு அப்பாஸ்; (ரழி) அறிவித்தார்கள். ஆதாரம் : புஹாரி (6824)

இவ்வரலாற்று சம்பவத்தில் நபி(ஸல்) அவர்களோ அல்லது ஸஹாபாக்களோ மாயிஸ் (ரழி) இடம் நீ எந்த பெண்ணுடன் விபசாரம் செய்தாய் என கேட்கவுமில்லை அதனை துருவித் துருவி ஆராயவும் இல்லை. இவ்வாரான ஒரு சம்பவம் நம் மத்தியில் நடை பெற்றால், நம் சாமூகத்தின் நிலை என்னவாக காணப்படும் என்பது நாம் அறிந்த விடயமே. நமது கற்பனைக்கு அப்பாற்பட்டதுமல்ல.

‘நபி(ஸல்) அவர்களிடம் ஒரு பெண் வந்து, அல்லாஹ்வுடைய தூதரே! நான் தண்டனை நிரைவேற்றப்பட வேண்டிய பெண்ணாகிவிட்டேன், என்னை தூய்மைப் படுத்துங்கள் என்றால். நபி(ஸல்) அவர்கள் அல்லாஹ்விடம் பாவமண்ணிப்பு தேடிக் கொள் என்றார்கள், உடனே அப்பெண், அல்லாஹ்வுடைய தூதரே! எனது வயிற்றில் விபசாரத்தின் மூலம் சிசு உண்டாகியுள்ளது எனக் கூறினால். நபி (ஸல்) அவர்கள் குழந்தை பெற்றவுடன் வா என்று சொல்லி அனுப்பினார்கள். மீண்டும் அப்பெண் குழந்தையுடன் வந்தபோது குழந்தைக்கு பால்குடி மறந்த பின் வா எனத்திருப்பி அனுப்பினார்கள், குழந்தை பால் குடி மறந்த பின் மீண்டும் அப் பெண் வந்தால். அதன் பின்னர் தண்டனை நிறைவேற்றப் பட்டது.’ ஆதாரம்: முஸ்லிம் (1695).

இப்பெண்னிடம் எத்தவொரு ஸஹாபிப் பொண்களோ அல்லது ஸஹாபாக்களே நீ யாருடன் விபசாரம் செய்தாய் எனக் கேட்கவுமில்லை, அதனை துருவித் துருவி ஆராயவுமில்லை. ஆனால் இப்படியான ஒரு சம்பவம் நம் சமூகத்தின் மத்தியில் நடைபெற்றால். அப்பெண்ணை மாத்திரமல்ல அப்பெண்ணின் குடும்பத்தாறையும் நம் சமூகம் விட்டு வைக்க மறவாது.

கண்ணியமாக குறைகளை எடுத்துச் செல்லுங்கள்

குறை கூறுதல், புறம் பேசுதல் போன்ற செயல்கள் கூடாது என்பதில் மாற்றுக் கருத்தில்லை. ஆனால் அதே சமயம், ஒருவரைப் பற்றிய குறையை எடுத்துச் சொல்லும் போது கேட்பவர்களுக்கு அதனால் பயன் ஏற்படும் என்றால் அது புறம் ஆகாது.

இன்னும் சொல்வதென்றால், இது போன்ற கட்டத்தில் எது உண்மையோ அதை உள்ளபடி கூற வேண்டும் என்பது தான் மார்க்கத்தின் நிலைபாடு.

பாத்திமா பின்த் கைஸ் (ரலி) அவர்களை அவர்களது கணவர் விவாகரத்துச் செய்து விட்டார். இத்தா முடிந்ததும் இரண்டு நபித் தோழர்கள் அவரை மணம் முடிக்க விரும்பினார்கள். இந்நிகழ்ச்சியை அவர் பின் வருமாறு விவரிக்கிறார்.

நான் “இத்தா’வை முழுமையாக்கியதும் அல்லாஹ்வின் தூதர் (ஸல்) அவர்களிடம் (வந்து), “முஆவியா பின் அபீசுஃப்யான் (ரலி) அவர்களும் அபூஜஹ்ம் பின் ஹுதைஃபா (ரலி) அவர்களும் என்னைப் பெண் கேட்கின்றனர்” என்று சொன்னேன். அதற்கு அல்லாஹ்வின் தூதர் (ஸல்) அவர்கள், “அபூஜஹ்ம் தமது கைத்தடியைத் தோளிலிருந்து கீழே வைக்க மாட்டார். (கோபக்காரர்; மனைவியரைக் கடுமையாக அடித்து விடுபவர்). முஆவியோ ஓர் ஏழை; அவரிடம் எந்தச் செல்வமும் இல்லை. நீ உசாமா பின் ஸைதை மணந்து கொள்” என்று கூறினார்கள். நான் உசாமாவை விரும்பவில்லை. பிறகு அல்லாஹ்வின் தூதர் (ஸல்) அவர்கள் “நீ உசாமாவை மணந்து கொள்” என்று (மீண்டும்) கூறினார்கள். ஆகவே, நான் அவரை மணந்து கொண்டேன். அவரிடம் (எனக்கு) அல்லாஹ் நன்மையை வைத்திருந்தான்; நான் பெருமிதம் அடைந்தேன்.

அறிவிப்பவர்: ஃபாத்திமா பின்த் கைஸ் (ரலி)
நூல்: முஸ்லிம் 2953

ஃபாத்திமா பின்த் கைஸ் (ரலி) அவர்கள் இரண்டு நபித் தோழர்களைப் பற்றிக் கேட்கும் போது, அல்லாஹ்வின் தூதர் (ஸல்) அவர்கள் அந்த இரு நபித்தோழர்களின் குறைகளையும் மறைக்காமல் எடுத்துக் கூறுகின்றார்கள். இது புறம் என்றிருந்தால் நிச்சயமாக நபி (ஸல்) அவர்கள் இவ்வாறு கூறியிருக்க மாட்டார்கள்.

ஒரு மனிதர் நபி (ஸல்) அவர்களிடம் (வீட்டுக்குள் வர) அனுமதி கேட்டார். அவரைக் கண்ட நபி (ஸல்) அவர்கள், “இவர் அந்தக் கூட்டத்தாரிலேயே மிகவும் தீயவர்” என்று (என்னிடம்) சொன்னார்கள். அவர் வந்து அமர்ந்தபோது அவரிடம் நபி (ஸல்) அவர்கள் மலர்ந்த முகத்துடன் இதமாக நடந்துகொண்டார்கள். அந்த மனிதர் (எழுந்து) சென்றதும் நான் நபி (ஸல்) அவர்களிடம் “அல்லாஹ்வின் தூதரே! அந்த மனிதரைக் கண்டதும் தாங்கள் இவ்வாறு இவ்வாறு சொன்னீர்கள். பிறகு அவரிடம் மலர்ந்த முகத்துடன் இதமாக நடந்து கெண்டீர்களே!’ என்று கேட்டேன். அதற்கு அவர்கள், “ஆயிஷா! நான் கடுமையாக நடந்து கொண்டதை நீ எப்போதாவது கண்டுள்ளாயா? எவரது தீங்கை அஞ்சி மக்கள் விட்டு விடுகிறார்களோ அவரே மறுமை நாளில் அல்லாஹ்விடம் அந்தஸ்தில் மிகவும் மோசமானவர் ஆவார்” என்று சொன்னார்கள்.

அறிவிப்பவர்: ஆயிஷா (ரலி)
நூல்: புகாரி 6032

ஒரு மனிதர் வீட்டிற்குள் வர அனுமதி கேட்கும் போது, அவர் கெட்டவர் என்பதை நபி (ஸல்) அவர்கள் அங்கிருப்பவர்களிடம் தெளிவுபடுத்துகிறார்கள். மற்றவர்கள் அவரிடம் கவனமாக இருக்க வேண்டும் என்பதே இதற்குக் காரணம்.

எனவே கேட்பவரின் நலனுக்காக ஒருவரின் குறையைத் தெளிவு படுத்துவது தவறில்லை என்பதை இந்ந ஹதீஸ்களிலிருந்து அறிந்து கொள்ளலாம்.

முடிவுரை

அல்லாஹ்வின் தூதர் (ஸல்) அவர்கள் கூறினார்கள்:
(ஆதாரமில்லாமல் பிறரைச்) சந்தேகிப்பது குறித்து உங்களை நான் எச்சரிக்கிறேன். ஏனெனில் சந்தேகம் கொள்வது,பெரும் பொய்யாகும். (பிறரைப் பற்றித்) துருவித்துருவிக் கேட்காதீர்கள்; (அவர்களின் அந்தரங்கம் பற்றி) ஆராயாதீர்கள். (நீங்கள் வாழ்வதற்காகப் பிறர் வீழ வேண்டுமெனப்) போட்டியிட்டுக்கொள்ளாதீர்கள்; பொறாமை கொள்ளாதீர்கள்; கோபம் கொள்ளாதீர்கள். பிணங்கிக்கொள்ளாதீர்கள். (மாறாக) அல்லாஹ்வின் அடியார்களே! (அன்பு காட்டுவதில்) சகோதரர்களாய் இருங்கள்.
இதை அபூஹுரைரா (ரலி) அவர்கள் அறிவிக்கிறார்கள்.
ஸஹீஹ் முஸ்லிம்

நபி அய்யூப் அலைஹிஸ்ஸலாம்,

நபி அய்யூப் அலைஹிஸ்ஸலாம் அவர்கள் பற்றிய முக்கிய குறிப்புகள்

 

♦️பெயர் :- அய்யூப் (யோபு)

 

♦️தோற்றம் :- நபி அய்யூப் அலைஹிஸ்ஸலாம் அவர்கள் உயரமாகவும், கருநிறக் கண்களும் சுருள்முடியும் பெற்றிருந்தார்கள். இவர்களின் தலை பெரியதாகவும், கழுத்து குட்டையாகவும், கை கால்கள் நீண்டவையாகவும் இருந்தன. இவர்கள் பழுப்பு நிறமுடையவர்களாக இருந்தார்கள்.

 

♦️பிறப்பு :- கிமு 1540

 

♦️தந்தை பெயர் :- ஆமூஸ்

 

♦️மனைவியர் :- ரஹ்மா

 

♦️பிள்ளைகள் :- துல்கிப்லி, ஹுமைல்

 

♦️தொழில் :- ஆடு மேய்த்தல், துணி வியாபாரம்

 

♦️வசிப்பிடம் :- நபி அய்யூப் அலைஹிஸ்ஸலாம் அவர்கள் சிரியாவிலுள்ள மித்னா எனும் நகரில் வாழ்ந்தார்கள்.

 

♦️செல்வம் :- அய்யூப் அலைஹிஸ்ஸலாம் செல்வந்தராக இருந்தார்கள். அவர்களிடம் சுமார் 1000 பெண் குதிரைகளும், 1000 ஆண் குதிரைகளும், இரண்டாயிரம் கோவேறு கழுதைகளும், 700 ஒட்டகங்களும், 1000 காளைகளும், 1000 பசுக்களும், ஆயிரம் ஆடுகளும் வைத்திருந்தனர்.

 

♦️நோய் :- நபி அய்யூப் அலைஹிஸ்ஸலாம் அவர்களுக்கு ஷைத்தானின் தீங்கின் மூலம் நோய் ஏற்பட்டது. எந்த அளவுக்கு என்றால்! இவர்களின் உடல் மீது கொடிய புண் ஏற்படச் செய்தான். அவற்றில் எண்ணற்ற புழுக்கள் நெளிந்தன. வேதனை அதிகமான போது அல்லாஹ்வின் கையேந்திய போது நோய் நீங்கியது.

 

♦️பிரச்சாரம் :- ஏகத்துவ கலிமாவை மக்களுக்குப் போதித்தனர். ரோம் நாடு சென்று அங்கும் இஸ்லாத்தை பிரச்சாரம் செய்தனர். சுமார் 27 வருடங்கள் இஸ்லாமியப் பிரச்சாரம் செய்தனர்.

 

♦️ஆயுட்காலம் :- நபி அய்யூப் அலைஹிஸ்ஸலாம் அவர்கள் சுமார் 140 ஆண்டுகள் வாழ்ந்தார்கள்.

 

♦️மரணம் :- கிமு 1420

 

♦️கப்ரு :- நபி அய்யூப் அலைஹிஸ்ஸலாம் அவர்களின் கப்ரு தர்ஹா ஷரீப் ஓமான் நாட்டிலுள்ள ஸல்ஸலா என்ற ஊரில் அமைந்துள்ளது.

குறிப்பு :- நபி அய்யூப் அலைஹிஸ்ஸலாம் அவர்களின் கப்ரு தர்ஹா ஷரீப் ஈராக், லெபனான், யமன், ஓமான் போன்ற நாடுகளிலும் காணப்படுகிறது. அல்லாஹ் நன்கறிந்தவன்.

 

♦️குர்ஆன் :- நபி அய்யூப் அலைஹிஸ்ஸலாம் அவர்களின் பெயர் குர்ஆனில் 4 இடங்களில் இடம் பெற்றுள்ளது.

இறைவணக்கத்தை மக்களுக்குப் போதித்தனர். ரூம் நாடு சென்று அங்கும் இஸ்லாத்தை பிரச்சாரம் செய்தனர். சுமார் 27 வருடங்கள் இஸ்லாமியப் பிரச்சாரம் செய்தனர். தம் மகனார் ஹுமைலை உலகில் தம் பிரதிநிதியாக நியமித்து விட்டு காலமாயினர். இவர்களின் அடக்கவிடம் திமிஷ்கின் அண்மையில் உள்ள நாவா என்ற இடத்தில் இருக்கிறது.

நோய் குணமடைய நபி அய்யூப் அலைஹிஸ்ஸலாம் அவர்கள் கேட்ட துஆ

ﺃَﻧِّﻲ ﻣَﺴَّﻨِﻲَ ﺍﻟﻀُّﺮُّ ﻭَﺃَﻧﺖَ ﺃَﺭْﺣَﻢُ ﺍﻟﺮَّﺍﺣِﻤِﻴﻦَ

‘நிச்சயமாக என்னை (நோயினாலான) துன்பம் தீண்டியிருக்கிறது; (இறைவனே!) கிருபை செய்பவர்களிலெல்லாம் நீயே மிகக் கிருபை செய்பவனாக இருக்கின்றாய்.’ (அல்குர்ஆன் 21: 83)

 

பாத்திமா ரலி,

ரமழான் பிறை 03ஆம் நாள்...

முத்து நபியின் ஈரல் துண்டு என்று வர்ணிக்கப்படும் பாத்திமா பீவி (ரலி) எனும் நாயகத்தின் அன்பு  மகள் திருமண வயதை அடைந்ததும், பெருமானார் ஸல்லல்லாஹு அலைஹி வஸல்லம் அவர்கள் அலி (ரலி) அவர்களை மருமகனாக தேர்ந்தெடுத்தார்கள்.  முன்மாதிரியான தாம்பத்திய வாழ்க்கை.  பாத்திமா பீவியின் கடைசி நிமிடம் யாரையும் அழ வைக்கும்...

ஒரு நாள் அலி (ரலி) வீட்டிற்குச் சென்றபோது, ​​பாத்திமா பீவி (ரலி) அவர்கள் மும்முரமாக தன் வேலைகளைச் செய்து கொண்டிருந்தார்கள். தனது குழந்தைகளான ஹசன், ஹுஸைனை குளிப்பாட்டுகிறார்கள், தலையை துடைத்து விட்டு, அவர்களுக்கு ஆடை அணிவிக்கிறார்கள்.  இதற்கிடையில் குப்பூஸும் தயாரிக்கிறார்கள்.

  

சிறு குழந்தைகளைக் கொண்ட அனைத்து தாய்மார்களின் நிலையும் இதுதான்.  ஆனால் பாத்திமா பீவி (‌ரலி) அவர்கள் அலி (ரலி) அவர்களைப் பார்த்ததும் அவரைப் பார்த்தது போல் காட்டிக்கவில்லை..

பொதுவாக அலி (ரலி) அவர்களைப்  பார்த்தாலே அன்பால் மூழ்க செய்பவர் இன்றைக்கு என்னாச்சு என்று யோசித்துக்கொண்டே அலி(ரலி) கேட்டார்கள்:

பாத்திமா.. என்னைப் பார்த்த பிறகும் ஏன் மௌனமாக இருந்தாய்?  இப்படி நீ  இருப்பதில்லையே.. இதுதான் முதல் 

முறையாக‌ இருக்கிறது...

என்று சொல்ல

இதைக் கேட்ட பாத்திமா பீவி (ரலி) அவர்கள் கூறினார்கள்.

நான் ஒரு‌ விருந்துக்கு செல்ல உத்தேசித்துள்ளதால், இப்போதைக்கு உங்களையும், குழந்தைகளையும் கூட்டிச் செல்ல இயலாது...

செல்வது நல்லது, எப்போது திரும்பி வருவீங்க..

என்று கோபம் கொள்ளாமல் கேட்டார்கள் அலி(ரலி) அவர்கள்..

நாமாக இருந்திருந்தால், அடியும், ஏச்சுமாக  நிலைமை மோசமாகியிருக்கும்.  இதனால்தான் இந்தத் திருமண வாழ்க்கையில் நமக்கு ஒரு அழகிய முன்மாதிரி இருக்கிறது என்று அறிஞர்கள் திரும்பத் திரும்பச் சொல்லிக் கொண்டிருக்கிறார்கள்.*

கியாமத் நாள் வரை நான் திரும்ப மாட்டேன்.

இடி விழுந்தது போன்ற பதில்..

அலி (ரலி) அவர்கள் திகைத்து போய் நின்றார்கள்..

என்ன பாத்திமா சொல்கிறாய்..? இதையெல்லாம் உனக்கு யார் சொன்னது..?

கண்கள் நிறைந்த நிலையில் பாத்திமா பீவி கூறுகிறார்கள்: 

நான் என் வாப்பாவை (முத்து நபி) கனவு கண்டேன். 

ரொம்ப நாளாகிவிட்டது..

உன்னை பார்க்க எனக்கு ஆசையாக இருக்கிறது..

உன்னை பார்க்க காத்திருக்கிறேன்!!! என்று கூறினார்கள் என சொல்ல...

இதைக் கேட்ட அலி (ரலி) அவர்களும், பாத்திமா பீவியும் கண்ணீர் விட்டு அழுதனர்.. வானம் கருத்தது, பூமி நடுங்கியது..

நான் என்  உயிரை விட  நேசித்த என் அன்புச்  செல்லம் என்னை விட்டு பிரிகிறதா..? 

அலி (ரலி) என்ன சொல்வது என்று தெரியாமல் தவித்துக் கொண்டிருந்தார்கள்...

அழுதுகொண்டே அலி (ரலி) அவர்கள்  தன்னைப் பற்றி கவலைப்படுகிறார்கள்.  "எல்லோரும் இவ்வுலகை விட்டு பிரிந்து செல்பவர்கள்தான், இருப்பினும் நீ போனால் நான் இவ்வுலகில் இல்லாத்தவனைப் போலவே.நீ இல்லாமல் நான் எப்படி வாழ்வேன்.

எனக்கு அழகான இரண்டு நல்ல குழந்தைகளைப் பெற்றெடுத்தவள், 

எனது மிகுந்த வறுமையிலும் எவ்வித குற்றம், குறையும் சொல்லாமல் எனக்கு துணையாக நின்றவள்

அலி (ரலி) அவர்கள் துக்கத்தின் உச்சத்தில் ஏறிக்கொண்டிருக்கிறார்கள்.

பாத்திமா பீவி (ரலி) அவர்கள் தன் குழந்தைகளை அழைத்து இருவரையும் தன் மடியில் அமர்த்தினார் கள்.தன்னையறியாமல் அப்பாவியாகச் சிரித்துக்கொண்டிருந்த தன் குழந்தைகளின் முகத்தைப் பார்த்துக் கண்ணீர் வடித்தார்கள் பாத்திமா பீவி.

நான் இவ்வுலகை விட்டு பிரிந்து சென்றால் என் குழந்தைகளை யார் குளிப்பாட்டுவா, ஆடைகளை யார் அணிவிப்பா.. என்று சொல்லி பாத்திமா பீவி (ரலி) அழுதுகொண்டே தன் குழந்தைகளுக்கு துரு துருவாக முத்தமிட்டார்கள்...

இதையெல்லாம் கேட்டுக் கொண்டிருந்த கணவர் அலி (ரலி) வேதனையில் மூழ்கி போனார்கள்...

"மரணம் வரும் என்று எனக்குத் தெரியும், ஆனால்  அன்பானவர்களின் இழப்பை என்னால் ஒருபோதும் தாங்க முடியாது" ... என்று

அலி (ரலி) கனத்த இதயத்துடன் கூறினார்கள்:

பாத்திமா நீ கிளம்புகிறாயா?நாளைக்கு உன் வாப்பாவை சந்திக்கும் போது  நானும் விரைவில் அவர்களிடம் வர விரும்புகிறேன் என்றும், அவர்களுக்குப் பிடிக்காத ஒன்று என் வாழ்க்கையில்  ஏற்பட்டிருந்தால் மன்னித்து விடும்படி சொல்ல வேண்டும் என்று கூறினார்கள்...

மேலும் ... உனது கம்பீரத்தை என்னால் முழுமையாகப் புரிந்துகொள்ள முடியவில்லை, என்னைப் பற்றிய குறைகளை நாயகத்திடம் சொல்லாதீர்கள். 

நான் ஒரு பரம ஏழை.நான் ஏதாவது உங்கள் மனம் நோகும்படி நடந்திருந்தால் அல்லாஹ் ரஸுலுக்காக என்னை மன்னிக்கவும்...

நான் நாளை மஹ்சராவுக்குச் செல்லும்போது, ​​​​நன்மைகள் ‌இல்லாமல்  கவலைப்படும்போது, ​​​​இந்த ஏழையையும் கருத்தில் கொள்ளுமாறு  நபி ஸல்லல்லாஹு அலைஹி வஸல்லம் அவர்களிடம் நீ சொல்ல  வேண்டும்.

சங்கை உடைக்கும் இந்த வார்த்தைகளைக் கூறும்போது அலி (ரலி) கண்ணீர் விட்டு அழுதார்கள்...

இதையெல்லாம் கேட்டு தாங்க இயலாமல்  பாத்திமா பீவியும் அழுகின்றார்கள்..

“ஓ அலியார், நான் உங்களிடம் சில விஷயங்களைச் சொல்ல வேண்டும்.

நான் மரணிக்கும் போது நீங்கள் தான் என் மய்யித்தை கஃபன் செய்து நல்லடக்கம்  வேண்டும்.

நான் இறந்தால் என் பிள்ளைகள்  அனாதையாகி விடுவார்கள்..

எனவே அனாதை குழந்தைகளை கண்டால் அவர்களுக்கு மிகுந்த முக்கியத்துவம் வழங்க வேண்டும்.. அந்நேரம் என்னையும் நினைவு கூற வேண்டும்.

உங்கள் மனம் நோகும்படி நான் நடந்திருந்தால் அல்லாஹ் ரஸுலுக்காக என்னை மன்னிக்கவும்..

அதுபோல என் செல்லங்களான ஹஸன், ஹுஸைனை ஒரு போதும் நீங்கள் அடித்து விடாதீர்கள்..

பாத்திமா பீவி (ரலி) அவர்கள் தொடர்ந்தார்கள், 

நான்  வாப்பாவையும் வானத்திலுள்ள 

வானவர்களையும் பார்த்தேன்..

இன்னும் ஒன்றைச் சொல்ல வேண்டும்.  

என் அலமாரியில் ஒரு துண்டு காகிதம் உள்ளது, அதை  கொண்டு வரலாமா?

அலி (ரலி) அவர்கள் அதைக் கொண்டு வந்து ஒப்படைத்த போது ஃபாத்திமா பீவி‌( ரலி) கூறினார்கள்: நீங்கள் என்னை நல்லடக்கம் செய்யும் போது இந்த காகிதத்தை என் கப்ரில் வைத்து நல்லடக்கம் செய்ய வேண்டும்.

இதை பார்வையிட உங்களுக்கு அனுமதி இல்லை.இது பரம ரகசியம்.

அந்த காகிதத்தில் என்ன எழுதியிருக்கிறது அதை தனக்கு சொல்ல வேண்டுமென அலி (ரலி) அவர்கள் கூறினார்கள்...

அன்பரே, நம்  திருமணத்திற்கு முன் வாப்பா என்னிடம் கேட்டார்கள்: நான் உன்னை அலிக்கு 400 திர்ஹம் மஹர் கொடுத்து திருமணம் செய்து வைக்க விரும்புகிறேன், உனக்கு திருப்தியா?

எனக்கு அலியார் திருப்தி  வாப்பா.. 

ஆனால் திர்ஹம் எனக்கு திருப்தி இல்லை. என்றேன்..

உடனே ஜிப்ரீல் (அலை) அவர்கள் வந்து கூறினார்கள்: 

அல்லாஹ் பாத்திமா பிவீக்காக சொர்க்கத்தையும் அதிலுள்ள அனைத்தையும் மஹராக ஆக்கிவிட்டான்.

ஆனாலும் பாத்திமா பீவி விடுவதாக இல்லை..

எனக்கு திருப்தி ஏற்படவில்லை.

என்று பதிலளித்தார்கள்.

அப்படியானால் என்ன செய்ய வேண்டுமென்று நினைக்கிறீர்கள் என்று

நபி (ஸல்) அவர்கள் மிகவும் மென்மையாக பாத்திமா பீவியிடம் கேட்டார்கள்: 

உங்கள் உம்மத்தின் பரிந்துரையை (ஷஃபாஅத்) நான் உறுதிப்படுத்த வேண்டும்.  அதைத்தானே நீங்களும் அதிகம் விரும்புகிறீர்கள்...

உடனே ஜிப்ரீல் (அலை) அவர்கள் ஒரு கடிதத்துடன் வந்தார்கள், அதில் உம்மத்துக்கு பரிந்துரை உண்டு என்று எழுதப்பட்டிருந்தது.

நான் அந்த காகிதத்தை கொண்டு மஹ்சரில் இறைவனிடம் சமர்ப்பணம் செய்வேன்..

நியாயத்தீர்ப்பு நாளில் யாரோ ஒருவர் அழைத்துக் கூறுவார்..

ஓ சமூகமே... ஃபாத்திமா பீவி ஸிராத் பாலம் கடந்து செல்லும் வரை  உங்கள் கண்களை மூடிக்கொள்ள வேண்டும்.  அவர்கள் தங்கள் வாழ்நாளில் மிகவும் கவனமாக இருந்தவர்கள்..

நினைவுகள், கடந்த கால வாழ்க்கையைக் கூறி இருவரும் கண்ணீர் வடிக்கிறார்கள்.

திடீரென்று, பாத்திமா பீவி தன் பணிப்பெண்ணிடம் வேறு யாரையும் அறைக்குள் விட வேண்டாம் என்று கூறிவிட்டு, நான் திக்ர், ஸலாத் ஓதி படுத்துகிறேன் என்று கூறி முத்து நபி பயன்படுத்திய வாசனை திரவியத்தை புரட்டி முகத்தை துணியால் மூடிக்கொண்டார்கள்..

நேரம் கடந்து செல்கிறது. பாத்திமா பீவி இவ்வுலகை விட்டுச் செல்கிறார்கள். ரூஹை  பிடிக்கும்படி அல்லாஹ்  கட்டளையிடுகிறான்..

முத்து நபியின் அழகிலும், நடையிலும், செயலிலும் இசைந்திருந்த முத்து நபியின் மகள் பிரிந்து செல்வதை அறிந்ததும், வானமே அழுதது, பூமி அதிர்ந்தது, அனைத்து உயிரினங்களும் விதும்பின..

ஹசன் மற்றும் ஹுசைன் (ரலி) ஆகிய இருவரும்

உம்மி... லுஹா தொழுகைக்கு நேரமாகிவிட்டது, எழுந்திருங்கள்.... பொன்னும்மா இவ்வுலகை விட்டுச் சென்றதை அறியாமல் மீண்டும் அழைக்கிறார்கள் அந்த அப்பாவி குழந்தைகள்.

உம்மாவின் முக மக்கனாவை நீக்கி முகத்தைப் பார்த்தபோது அந்தச் சூழல் முழுவதும் பிரகாசமாக இருந்ததை வலியுடன் அவர்கள் உணர்ந்தார்கள், இல்லை... உம்மா இனி திரும்பி வரமாட்டார்கள்...

இருவரும் கதறி அழுகிறார்கள், 

அண்டை வீட்டார்களும்,

ஊர்வாசிகளும்

தங்கள் அன்புக்குரியவரை இழந்து வருந்துகிறார்கள்.  தகவலறிந்து அலி (ரலி) மசூதியை விட்டு வெளியே வந்தார்.

தன் காதலியின் முகத்தைப் பார்த்து கதறி அழுதபோது, ​​கடந்த காலத்தில் நபிகள் நாயகம் (ஸல்) அவர்கள் கூறியது நினைவுக்கு வந்தது.

அலீ (ரலி) அவர்களே "பாத்திமா சொர்க்கத்திலும் உங்கள் மனைவியாக இருப்பார்" .

அலி (ரலி) அவர்களே பாத்திமா பீவியின் ஜனாஸாவை குளிப்பாட்டினார்கள்..

பாத்திமா பீவியின்‌ வாழ்க்கையில் அந்நிய  எந்த ஆணும் அவரது அவ்ரத்தை பார்த்தது இல்லை.. இந்நிலை அவருடைய மரணத்தின் போதும்  தொடர்ந்தது..

அல்லாஹ் பாத்திமா உம்மாவின் பறக்கத்தைக் கொண்டு நமக்கு நல்ல வாழ்க்கையை வழங்குவானாக...

நண்பர்களே, 

மரணத்தில் கூட

நம் சொந்த இரட்சிப்புக்காக மட்டுமே பேசியவர், தனது வாழ்நாள் முழுவதும் அந்நியர்களைப் பார்க்காமல் கவனமாக இருந்தவர், 

கணவரின் வறுமையிலும் குற்றம் குறைகள் சொல்லாமல்  துணை நின்ற பொன்னும்மா பாத்திமா பீவி (ரலி) அவர்கள் நமக்கு முன்மாதிரி.

அவர்களை சொர்க்கத்தில் சந்திக்கும்   பாக்கியத்தை அல்லாஹ் நமக்கு வழங்குவானாக..

#ஆமீன்..

25 நபிமார்களுடைய தந்தைமார்களள,

25 நபிமார்களுடைய தந்தைமார்களின் பெயர்கள் பின்வருமாறு. 

1) நபி ஆதம் (அலை)" இவர்கள் மனித குலத்தின் தந்தையாவார்.

2) நபி இத்ரீஸ் (அலை) அவர்களின்

தந்தை யர்த்

3) நபி நூஹ் (அலை) அவர்களின்

தந்தை லாமக்

4) நபி இப்ராஹீம் (அலை) அவர்களின் 

தந்தை தாறஃ

5) நபி இஸ்மாயில் (அலை) அவர்களின் 

தந்தை இப்ராஹீம் (அலை)

6) நபி இஸ்ஹாக் (அலை) அவர்களின் 

தந்தை இப்ராஹீம் (அலை)

7)நபி யாகூப் (அலை) அவர்களின் 

தந்தை இஸ்ஹாக் (அலை)

8)நபி யூசுப் (அலை) அவர்களின் 

தந்தை யாகூப் (அலை)

9) நபி லூத் (அலை) அவர்களின் 

தந்தை ஹாரான்

10) நபி ஹூத் (அலை) அவர்களின் 

தந்தை ஸாலிஹ் 

11) நபி ஸாலிஹ் (அலை) அவர்களின் 

தந்தை காபூல்

12) நபி ஸுஹைப் (அலை) அவர்களின்

 தந்தை இஸ்மயில் (மைகல்)

13) நபி மூஸா (அலை) அவர்களின்

தந்தை இம்ரான்

14) நபி ஹாரூன் (அலை) அவர்களின்

தந்தை இம்ரான்

15) நபி தாவூத் (அலை) அவர்களின் 

தந்தை ஈசாய்

16) நபி சுலைமான் (அலை) அவர்களின்

தந்தை தாவூத் (அலை)

17) நபி அய்யூப் (அலை) அவர்களின்

தந்தை ஆமூஸ்

18) நபி துல்கிஃப்லி (அலை) அவர்களின்

தந்தை அய்யூப் (அலை)

19) நபி யூனுஸ் (அலை) அவர்களின் 

தந்தை மத்தா

20) நபி இல்யாஸ் (அலை) அவர்களின் 

தந்தை யாஸீன்

21) நபி யஸவு (அலை) அவர்களின்

தந்தை அஹ்தூப்

22) நபி ஸகரிய்யா (அலை) அவர்களின் 

தந்தை லதுன் (பர்ஹிய்யா)

23) நபி யஹ்யா (அலை) அவர்களின்

தந்தை ஸகரிய்யா (அலை)

24) நபி ஈஸா (அலை) அவர்கள் தந்தை இன்றி பிறந்தவர்கள்.

25) நபி முஹம்மத் ﷺ அவர்களின் 

தந்தை அப்துல்லாஹ் رضي الله عنه

பல்லியை கொன்றால் நன்மையா?,

*பல்லியை கொன்றால் பத்து நன்மையா?

 

அறபு மொழியில் பல்லிக்கு وَزَغَةٌ என்றும், سَامْ أَبْرَصْ என்றும் சொல்லப்படும். முந்தினது சிறியது. பிந்தினது பெரியது. 

روى البخاري ومسلم والنسأي وابن ماجه عن شريك عن عائشة رضي الله عنها أنّها اِسْتَأْمَرَتِ النَّبِيَّ فى قَتْلِ الوَزْغَانِ فأمرها بذلك،

அன்னை ஆயிஷா றழியல்லாஹு அன்ஹா அவர்கள் பெருமானார் அவர்களிடம் பல்லிகளைக் கொல்வது தொடர்பாக ஆலோசனை கேட்ட போது ஆம், கொல்லுங்கள் என்று சொன்னார்கள். 

ஆதாரம்: புகாரீ, முஸ்லிம், நஸயீ, இப்னு மாஜஹ், அறிவிப்பு: ஆயிஷா நாயகி. 

மேற்கண்ட இந்த நபீ மொழி மூலம் பல்லியைக் கொல்வது ஆகும். கொல்வதால் குற்றமில்லை என்ற உண்மை தெளிவாகிறது. 

وفى الصحيحين أنّ النّبيّ صلى الله عليه وسلّم أمر بقتل الوزغ وسمّاه فُويسقا، وقال كان ينفخ النّار على إبراهيم عليه الصلاة والسلام، وكذلك رواه الإمام أحمد فى مسنده، 

நபீ பெருமானார் அலைஹிஸ்ஸலாது வஸ்ஸலாம் பல்லியைக் கொல்லுமாறு பணித்தார்கள். அதற்கு “புவைஸிக்” என்றும் பெயர் சொன்னார்கள். فُوَيْسِقْ என்ற சொல் اَلْفَاسِقَةُ என்ற சொல்லின் تَصْغِيْرْ அமைப்பாகும். இதற்கு சரியான பொருள் கெட்டது என்பதேயாகும். பெருமானார் அவர்கள் பல்லியைக் கொல்ல வேண்டும் என்று சொன்னதோடு அது கெட்டது என்றும் சொல்லியுள்ளார்கள். இன்னும் பல்லியானது நபீ இப்றாஹீம் அலைஹிஸ்ஸலாம் அவர்களை நும்றூத் என்ற சர்வாதிகார அரசன் நெருப்புக் குழியில் எறிந்த நேரம் உயிரினங்களில் பல்லி மட்டும் அந்த நெருப்பை ஊதி நபீ இப்றாஹீம் அலைஹிஸ்ஸலாம் அவர்களுக்கு எதிராகச் செயல்பட்டது என்றும் கூறினார்கள். 

ஆதாரம்: புகாரீ, முஸ்லிம், முஸ்னத் அஹ்மத்

وفى الحديث الصحيح من رواية  أَبِي هُرَيْرَةَ، قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: «مَنْ قَتَلَ وَزَغَةً فِي أَوَّلِ ضَرْبَةٍ فَلَهُ كَذَا وَكَذَا حَسَنَةً، وَمَنْ قَتَلَهَا فِي الضَّرْبَةِ الثَّانِيَةِ فَلَهُ كَذَا وَكَذَا حَسَنَةً، لِدُونِ الْأُولَى، وَإِنْ قَتَلَهَا فِي الضَّرْبَةِ الثَّالِثَةِ فَلَهُ كَذَا وَكَذَا حَسَنَةً، لِدُونِ الثَّانِيَةِ»

ِ ஒருவன் பல்லியை ஒரே அடியில் அடித்துக் கொன்றால் அவனுக்கு இன்னின்ன நன்மையுண்டு என்றும், இரண்டாவதடியில் கொன்றால் அவனுக்கு இன்னின்ன நன்மையுண்டு என்றும், மூன்றாவதடியில் கொன்றால் அவனுக்கு இன்னின்ன நன்மையுண்டு என்றும் கூறினார்கள். 

இரண்டாவதடியில் கொல்பவனுக்கு முதலாம் அடியில் கொல்பவனுக்கு கிடைக்கின்ற நன்மையை விடக் குறைவான நன்மையும், மூன்றாவதடியில் கொல்பவனுக்கு இரண்டாம் அடியில் கொல்பவனுக்கு கிடைக்கின்ற நன்மையை விடக் குறைவான நன்மையும் கிடைக்கும் என்றும் அருளினார்கள். 

ஸஹீஹான நபீ மொழி, அறிவிப்பு அபூ ஹுறைறா

وأيضا أنّ من قتلها فى الأولى فله مأة حسنةٍ وفى الثانية دُون ذلك وفى الثالثة دون ذلك،

முதலாவது அடியில் கொன்றவனுக்கு நூறு நன்மை என்றும், இரண்டாவது அடியில் கொன்றவனுக்கு அதை விடக் குறைவான நன்மையும், மூன்றாவது அடியில் கொன்றவனுக்கு அதை விடக் குறைந்த நன்மையும் உண்டு என்றும் ஹதீது வந்துள்ளது. 

عَنِ ابْنِ عَبَّاسٍ، قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: «اقْتُلُوا الْوَزَغَ، وَلَوْ فِي جَوْفِ الْكَعْبَةِ»

“கஃபா”வின் உட் பகுதியில் பல்லிகள் இருந்தாலும் அவற்றைக் கொல்லுங்கள் என்றும் ஹதீது வந்துள்ளது. இது தபறானீ நூலில் உள்ளது. எனினும் இது பலமற்ற நபீ மொழியாகும். 

وفى حديث عائشة رضي الله عنها لمّا اُحرِقَ بَيْتُ المَقْدِسِ كانتِ الأوزاغُ تنفخُهُ،

ஆயிஷா நாயகி றழியல்லாஹு அன்ஹா அவர்கள் அறிவித்த ஹதீதில் “பைதுல் மக்திஸ்” எரிக்கப்பட்ட போது பல்லிகள் அதை ஊதிக் கொண்டிருந்தன என்று வந்துள்ளது. 

وفى سنن ابن ماجة عن عائشة رضي الله عنها، أنّه كان فى بيتِها رُمْحٌ موضوعٌ فَقِيْلَ لها ما تَصْنَعِيْنَ بهذا؟ فقالت أقتُلُ به الوزغَ، فإنّ النّبيّ صلّى الله عليه وسلّم أخبرَنَا أنّ إبراهيم عليه الصّلاة والسّلام لمّا اُلقِي فى النّار لم يكن فى الأرض دابَّةٌ إلّا طفِئَتْ عنه النارَ غير الوَزَغِ، فإنّه كان ينفخ عليه النّارَ فأمر صلّى الله عليه وسلّم بقتلِه، 

அன்னை ஆயிஷா நாயகி றழியல்லாஹு அன்ஹா அவர்களின் வீட்டில் ஒரு ஈட்டி இருந்தது. அவர்களிடம் இதனால் நீங்கள் என்ன செய்வீர்கள்? என்று கேட்ட போது அதனால் பல்லிகளை அடித்துக் கொல்வோம் என்று கூறினார்கள். ஏனெனில் நபீ இப்றாஹீம் அலைஹிஸ்ஸலாது வஸ்ஸலாம் அவர்கள் நெருப்புக் குழியில் எறியப்பட்ட போது உலகிலிருந்த அனைத்து ஊர்வன - உயிருள்ளவையும் அந்த நெருப்பை அணைத்தன. ஆயினும் பல்லி மட்டும் அணைக்கவில்லை என்று நபீ பெருமானார் எங்களிடம் சொல்லியுள்ளார்கள் என்று அன்னை ஆயிஷா நாயகி கூறினார்கள். 

ஸுனன் இப்னு மாஜஹ், அறிவிப்பு: ஆயிஷா நாயகி

முஸ்னத் அஹ்மத், இப்னுன்னஜ்ஜார்

مَنْ قَتَلَ وَزَغَةً مَحَا اللهُ عَنْهُ سَبْعَ خَطِيْئَاتٍ،

ஒருவன் ஓர் பல்லியைக் கொன்றானாயின் அவனின் ஏழு பாவங்களை அல்லாஹ் மன்னிக்கிறான் என்று பெருமானார் அலைஹிஸ்ஸலாது வஸ்ஸலாம் அவர்கள் கூறியதாக ஆயிஷா நாயகி றழியல்லாஹு அன்ஹா அவர்கள் அறிவித்த ஹதீது ஒன்று உள்ளது. 

(தாரீகு இப்னுன்னஜ்ஜார், அறிவிப்பு: ஆயிஷா நாயகி)

عن ابن عبّاس رضي الله عنهما أنّ النّبيّ صلّى الله عليه وسلّم قال مَنْ قَتَلَ وَزَغَةً فَكَأَنَّمَا قَتَلَ شَيْطَانًا، 

எவன் ஒரு பல்லியைக் கொன்றானோ அவன் ஒரு ஷெய்தானை கொன்றவன் போலாவான் என்று நபீ அலைஹிஸ்ஸலாது வஸ்ஸலாம் அவர்கள் அருளினார்கள்.

அல்காமில், அறிவிப்பு: இப்னு அப்பாஸ்

روى الحاكم فى كتاب الفتن مِن المُستدرَكِ عن عبد الرحمن بن عوف رضي الله عنه أنّه قال ' كان لا يُولَدُ لأحدٍ مولودٌ إلّا اُتِيَ به النّبيُ صلّى الله عليه وسلّم فيدعو له، فاُدخِلَ عليه مروانُ بن الحكم فقال هو الوزَغُ بنُ الوزَغِ المَلعُونُ بنُ الملعونِ، ثمّ قال صحيح الإسناد،

அப்துர் றஹ்மான் இப்னு அவ்ப் றழியல்லாஹு அன்ஹு அவர்கள் பின்வருமாறு கூறியுள்ளார்கள். பெருமானார் அவர்களின் காலத்தில் முஸ்லிம்களில் யாருக்காவது குழந்தை பிறந்தால் அப்பிள்ளையை பெருமானாரிடம் கொண்டு வராமல் இருக்கமாட்டார்கள். அவ்வாறு கொண்டுவரப்பட்டால் பெருமானார் அவர்கள் அக்குழந்தைக்காக “துஆ” பிரார்த்தனை செய்வார்கள். ஒரு சமயம் “மர்வான் இப்னுல் ஹகம்” என்பவர் கொண்டு வரப்பட்ட போது அவன் பல்லியின் மகன் பல்லி என்றும், சபிக்கப்பட்டவனின் மகன் சபிக்கப்பட்டவன் என்றும் நபீகளார் அலைஹிஸ்ஸலாது வஸ்ஸலாம் கூறினார்கள். 

ஹாகிம் அவர்கள் இந்த நபீ மொழி பலமானதென்று கூறியுள்ளார்கள். 

قال يحيى بن معمر لَأَنْ أَقْتُلَ مِأَةَ وَزَغَةٍ أَحَبُّ إِلَيَّ مِنْ أَنْ أُعْتِقَ مِأَةَ رَقَبَةٍ، وَإِنَّمَا قَالَ ذَلِكَ لِأَنَّهَا دَابَّةُ سُوْءٍ، زَعَمُوْا أَنَّهَا تَسْقى مِنَ الْحَيَّةِ وَتَمُجُّ فِى الْإِنَاءِ، 

  யஹ்யப்னு மஃமர் பின்வருமாறு கூறியுள்ளார்கள். நூறு பல்லிகளை நான் கொல்வது நூறு அடிமைகளை உரிமையிடுவதை விடச் சிறந்ததாகும் என்று. ஏனெனில் இது கெட்டதாகும். 

பல்லிக்கு செவிப் புலன் இல்லை. இது நபீ இப்றாஹீம் அலைஹிஸ்ஸலாம் அவர்களின் நெருப்பை ஊதியதற்கான தண்டனையாகும். பல்லி வெண்குஷ்ட நோயால் நிரந்தரமாகப் பாதிக்கப்பட்டதாயிருக்கும். ஒருவன் ஒரு சபையில் பேசிக் கொண்டிருக்கும் வேளை பல்லி “சக் சக்” என்று சத்தமிட்டால் - பல்லி தட்டினால் அவர் பேசிய விடயம் உண்மை என்பதற்கு அது ஆதாரம் என்று பலர் நம்புகிறார்கள். இது மூட நம்பிக்கையாகும். சுமார் ஐம்பது ஆண்டுகளுக்கு முன்னர் இந் நம்பிக்கை அதிகமான மக்களிடம் இருந்தது. ஆயினும் தற்போது அது குறைந்து போயிற்று. எனினும் சொல்லுக்குச் செவி மடுக்காத பாட்டிமாரிடம் இப்போதும் அந்த நம்பிக்கை உண்டு. 

தப்லீக் ஜமாஅத் சகோதரர்களே!

நீங்கள் ஸுன்னிஸமும், வஹ்ஹாபிஸமும் கலந்த ஓர் அமைப்பாகும். உங்களை “ஸுன்னீ”கள் “முகல்லித் வஹ்ஹாபீ”கள் என்று கூறுகிறார்கள். இதற்கான காரணம் நீங்கள் “ஷாபிஈ மத்ஹப்” சட்டங்களை உங்களுடைய தப்லீக் மத்ரசாக்களில் கற்றுக் கொடுக்கிறீர்கள். தொழுகையிலும் “ஷாபிஈ மத்ஹப்” சட்டப்படி தொழுகிறீர்கள். வஹ்ஹாபீகள் போல் “மத்ஹப்” தேவையில்லை என்று நீங்கள் சொன்னதாக, சொல்வதாக நான் அறியவில்லை. நீங்கள் உங்களின் இடங்களிலாவது மௌலித் ஓதுவதாகவோ, வலீமார் பேரில் கந்தூரி கொடுப்பதாகவோ, வலீமார்களைக் கொண்டு “வஸீலா” தேடுவதாகவோ, வலீமாரின் தர்ஹாக்கள் சென்று “சியாறத்” செய்ததாகவோ நான் காணவுமில்லை, அறியவுமில்லை. இதனால்தான் நீங்கள் பலரால் “முகல்லித் வஹ்ஹாபீ” என்று அழைக்கப்படுகிறீர்கள். உங்களின் நடவடிக்கைகளில் வஹ்ஹாபிஸ சாயல் தென்படுவதாக பலர் குற்றம் சொல்கிறார்கள். ஆகையால் பலருக்கு உங்கள் மீது சந்தேகம் ஏற்படாமல் இருப்பதற்காக நீங்கள் ஒன்றோ நூறு வீதமும் ஸுன்னீகளாக இருந்து கொள்ளுங்கள். அல்லது நூறு வீதமும் வஹ்ஹாபீகளாக இருந்து கொள்ளுங்கள். 

உங்களின் நோக்கம் அதிக நன்மைகளை அள்ளிக் கொள்ள வேண்டும் என்பதேயாகும். உங்களின் நோக்கம் பாராட்டப்பட வேண்டியதே. இதற்காக நாலு மாதம் என்றும், நாற்பது நாட்கள் என்றும் வெளியூர்களுக்குச் செல்கிறீர்கள். இவ்வாறு செல்வபவர்களில் பலருக்கு பல அசௌகரியங்கள் உள்ளன. பலர் கடன் பெற்றுக் கொண்டும் உங்களுடன் வருகிறார்கள். இத்தகைய சிரமம் எதுவுமின்றி அதிக நன்மையை அள்ளிக் கொள்வதற்கு  நான் ஓர் ஆலோசனை கூறுகின்றேன். 

பல்லிகளைக் கொல்ல வேண்டும் என்பதும், ஒட்டடைகளை அகற்ற வேண்டும் என்பதும் வீடுகள் அசுத்தமின்றி சுத்தமாக இருக்க வேண்டும் என்பதும் ஹதீதுகள் கொண்டு தரிபடுத்தப்பட்ட விடயங்களாதலால் நீங்கள் குழுக் குழுவாக இணைந்து வீடுகள், கடைகள், பொது இடங்கள் போன்றவற்றில் உள்ள பல்லிகளைக் கொன்றும், ஓட்டடைகளை அகற்றியும் சுத்தமாகவும், சந்தோஷமாகவும் இருப்பதற்கு ஆவன செய்தீர்களாயின் சிறப்பாக இருக்கும். அல்ஹம்து லில்லாஹ்!

இஸ்லாமிய ஒழுக்க முறை👉தூக்கம் பற்றி

 தூக்கம் என்பது வாழ்வின் எந்த அளவுக்கு இன்றியமையாத தேவை என்பதை நாம் அறிவோம்


ஒரு முஸ்லிம் தூக்கத்தை அல்லாஹ் தன் அடியாருக்கு வழங்கிய அருட்கொடையாகவே கருத வேண்டும்


அவன் உங்களுக்காக இரவையும் பகலையும் படைத்திருப்பது அவன் அருட்கொடைகளில் ஒன்று தான். இரவை நீங்கள் அமைதி பெறவேண்டும் என்பதர்க்காகவும் பகலை அவனுடைய அருட்கொடையை தேடவேண்டும் என்பதர்க்காகவும் (28:73)


எனவே இறைவன் நமக்கு அழிக்கக்கூடிய அருட்கொடைகள் ஒவ்வொன்றிர்க்கும் நாம் நன்றி செலுத்தக்கூடியவர்களாக இருக்க வேண்டும்


எனவே ஒரு முஸ்லிம் தான் தூங்கும் போது பின் வரும் ஒழுக்கங்களைப் பேணுவது இந்த அட்ருட்கொடைக்கு நன்றி செலுத்துவதாக அமையும்.

தூங்குவதின் ஒழுங்கு முறைகள்:

தூங்கும் முன் கடைப்பிடிக்க வேண்டியவைகள்:


1.படுக்கைக்கு செல்வத்ர்க்கு முன்பு தொழுகைக்கு உழு எடுப்பதைப் போன்று உழு எடுத்துக்கொள்ள வேண்டும் (புஹாரி)


2.நாம் அணிந்திருக்கக்கூடிய ஆடையின் ஓரத்தைக் கொண்டு படுக்கவிருக்கும் விரிப்பை மூன்று முறை தட்டி விட வேண்டும் (புஹாரி)


3.தூங்குவத்ர்க்கு முன் திருக்குர்ஆனின் 2வது அத்தியாயமான சூரத்துல் பகராவின் (ஆமன ரஸூலு) என தொடங்கும் 285,286 ஆகிய வசனங்களை ஓதிக் கொள்ள வேண்டும் (புஹாரி)


4.பின் திருக்குர் ஆனின் சூரத்துல் இஹ்லாஸ், சூரத்துல் ஃபலக், சூரத்துன் நாஸ் ஆகிய சூராக்களை ஓதி இரண்டு கைகளிலும் ஊதி உடல் முழுவதும் தடவிக் கொள்ள வேண்டும் (புஹாரி)


5.திருகுர்ஆனின் சூரத்துல் பகராவின் 255 வது வசனமான ஆயத்துல் குர்ஸியை ஓத வேண்டும் இவ்வாறு ஆயத்துல் குர்ஸியை ஓதக்கூடியவர்களுக்கு அல்லாஹ் ஸுப்ஹானஹுவதாலா அன்றைய இரவு முழுவதும் நமது பாதுக்காப்பிற்க்காக ஓர் மலக்கை நியமிக்கின்றான் (புஹாரி)


6.பின் 33 ஸுப்ஹானல்லாஹ், 33 அல்ஹம்துலில்லாஹ், 34 அல்லாஹுஅக்பர் என்று தஸ்பிஃஹ் செய்தல் (புஹாரி)


7.படுப்பதர்க்கு முன் அல்லாஹும்ம பிஸ்மிக்க அமூத்து வ அஹ்யா என்று ஓதி விட்டு படுக்க வேண்டும் இதன் பொருள் “யா அல்லாஹ் உன் பெயரைக்கொண்டு மறனிக்கின்றேன் உன் பெயரைக்கொண்டு உயிர்வாழ்கின்றேன் .(திர்மிதி)


8.நீங்கள் உறங்குவதர்க்கு முன் விளக்குகளை அனைத்து விடுங்கள்,கதவுகளை தாள்பாழிட்டுவிடுங்கள் உணவையும் பாணத்தையும் மூடி வையுங்கள் (புஹாரி)


9.இவை அனைத்தும் முடித்து படுத்தப் பிறகு இறுதியாக இந்த துஆவை ஓதிக்கொள்ள வேண்டும்


அல்லாஹும்ம அஸ்லம்து நஃப்ஸீ இலைக், வ ஃபவ்வள்த்து அம்ரீ இலைக், வ வஜ்ஜஹ்த்து வஜ்ஹிய இலைக், லா மல்ஜஅ

வலா மன்ஜா மின்க இல்லா இலைக், ஆமன்த்து பி கிதாபிகல்லதி அன் ஜல்த்த, வ பி நபிய்யிகல்லதீ அர்ஸல்த்த.

பொருள்: யா அல்லாஹ் நான் என் மனதை உன்பால் சரணடையுமாறு செய்துவிட்டேன் மேலும் என் காரியங்களை உன்னிடம் ஒப்படைத்துவிட்டேன் மேலும் எனது முகத்தை உன் பக்கம் திருப்பிவிட்டேன்


மேலும் எனது முதுகையும் உன் பக்கம் ஒதுக்கிவிட்டேன் உன்பால் ஆர்வம் கொண்டும் அச்சம் கொண்டும்..! உன்னை விட்டுத் தஞ்சம் புகும் இடமோ உன்னை விட்டு விரண்டோடும் இடமோ உன் அளவிலே தவிர வேறில்லை!


நீ இறக்கியருளிய வேதத்தின் மீதும் நீ அனுப்பிய நபியின் மீதும் நம்பிக்கை கொண்டேன். (இவ்வாறு ஓதிவிட்டு தூங்கி அதே நிலையில்) நாம் மரணம் அடைவோமேயானால் (இன்ஷாஅல்லாஹ்) தூய்மையானவர்களாகவே மரணிப்போம். (புஹாரி)


தூங்கி விழிக்கும் போழுது சொல்ல வேன்டியவை:


அல்ஹம்து லில்லாஹில்லதி அஹ்யானா பஃதமா அமாத்தனா வ இலைஹின் நுஷுர்

பொருள்:-எல்லாப் புகழும் அல்லாஹ்வுக்கே ! அவனே நம்மை மரணம் எண்ணும் தூக்கத்தில் ஆழ்த்திய பின் உயிர் பெற்றெழச்செய்தான் மேலும் (நாளை மறுமையில்) மீண்டும் எழுப்பப்பட்டு அவனிடமே செல்ல வேண்டியுள்ளது)


தூக்கத்தில் கெட்ட கனவு கண்டால்:


கவலை தரும் கனவுகளைக் கண்டால் இடது புறம் மூன்று தடவை துப்பிவிட்டு கீழ்கண்ட துஆவை ஓதிக்கொள்ள வேண்டும்

அஊது பில்லாஹி மினஷ் ஷைத்தானிர் ரஜீம் (விரட்டப்பட்ட ஷைத்தானிடமிருந்து அல்லாஹுவிடம் பாதுகாவல் தேடுகிறேன்.


அல்லாஹ் கூருகின்றான்:


ஈமான் கொண்டவர்களே அல்லாஹுவை அதிகமதிகமாக
திக்ரு(தியானம்) செய்யுங்கள் இன்னும் காலையிலும் மாலையிலும் அவனைத் துதியுங்கள் (33: 41,42)

எனவே என்னை நினையுங்கள்! நானும் உங்களை நினைக்கின்றேன் எனக்கு நன்றி செலுத்துங்கள்! எனக்கு நன்றி மறக்காதீர்கள்! (2: 152)

அல்லாஹுவை அதிகமாக நினைவுக்கூரக்கூடிய ஆண்கள்-பெண்கள் யாரோ அவர்களுக்கு மன்னிப்பபையும் மகத்தான கூலியையும் அல்லாஹ் தயார் செய்து வைத்துள்ளான் (32: 35)
எனவே அன்புச் சகோதரர்களே நம் வாழ்கையின் ஒவ்வொறு விஷயங்களையும் குர்-ஆன்,ஹதீஸின் அடிப்படையில் அமைத்துக்கொண்டு என்னேரமும் இறை நினைவோடு கூடிய ஓர் சீரான வாழ்கையை வாழ நம் அனைவருக்கும் எல்லாம் வல்ல ரஹ்மான் அருள் புரிவானாக

1. தடுக்கப்பட்டுள்ளது.
2. சுபுஹுத் தொழுகைக்குப் பின்னும், அஸர் தொழுகைக்குப் பின்னும் உறங்குவது கூடாது. உடலுக்கும் கேடு விளைவிக்கும்.
3. தூங்கி எழுந்தவுடன் ஒதும் துஆ : “அல்ஹம்து லில்லா ஹில்லதீ அஹ்யானா பஃதமா அமாதனா  வ இலைஹின் நுஷுர்”  பொருள்: நம்மை மரணிக்கச்(தூங்க) செய்த பின் நமக்கு உயிர்(விழிப்பு) அளித்த அல்லாஹ்வுக்கே புகழனைத்தும்; திரும்பிச் செல்லுதல் அவன் பக்கமே.