وَيۡلٌ لِّلۡمُطَفِّفِينَ
அளவில் மோசம் செய்பவர்களுக்குக் கேடுதான்.
(அல்குர்ஆன் : 83:1)
ٱلَّذِينَ إِذَا ٱكۡتَالُواْ عَلَى ٱلنَّاسِ يَسۡتَوۡفُونَ
அவர்கள் மனிதர்களிடம் அளந்து வாங்கினால், நிறைய அளந்துகொள்கின்றனர்.
(அல்குர்ஆன் : 83:2)
وَإِذَا كَالُوهُمۡ أَو وَّزَنُوهُمۡ يُخۡسِرُونَ
மற்றவர்களுக்கு அவர்கள் அளந்து கொடுத்தாலும் அல்லது நிறுத்துக் கொடுத்தாலும் குறைத்து (அவர்களை நஷ்டப்படுத்தி) விடுகின்றனர்.
(அல்குர்ஆன் : 83:3)
أَلَا يَظُنُّ أُوْلَٰٓئِكَ أَنَّهُم مَّبۡعُوثُونَ
-
(அல்குர்ஆன் : 83:4)
لِيَوۡمٍ عَظِيمٍ
மகத்தான ஒரு நாளில், நிச்சயமாக அவர்கள் (உயிர் கொடுத்து) எழுப்பப்படுவார்கள் என்பதை அவர்கள் நம்ப வில்லையா?
(அல்குர்ஆன் : 83:4-5)
يَوۡمَ يَقُومُ ٱلنَّاسُ لِرَبِّ ٱلۡعَٰلَمِينَ
அந்நாளில், மனிதர்கள் அனைவருமே உலகத்தாரின் இறைவன் முன் விசாரணைக்காக) நின்று கொண்டிருப்பார்கள்.
(அல்குர்ஆன் : 83:6)
كَلَّآ إِنَّ كِتَٰبَ ٱلۡفُجَّارِ لَفِي سِجِّينٍ
நிச்சயமாக பாவிகளின் பதிவேடு (நரகத்தின்) சிறைக்கூடத்தில் இருக்கும்.
(அல்குர்ஆன் : 83:7)
وَمَآ أَدۡرَىٰكَ مَا سِجِّينٌ
(நபியே!) அச்சிறைக்கூடத்தின் பதிவேட்டை நீங்கள் அறிவீர்களா?
(அல்குர்ஆன் : 83:8)
كِتَٰبٌ مَّرۡقُومٌ
அது ஒரு பதிவுப்புத்தகம் (தண்டிக்கப்பட வேண்டியவர்களின் பெயர்கள் எல்லாம்) அதில் பதியப்பட்டிருக்கும்.
(அல்குர்ஆன் : 83:9)
وَيۡلٌ يَوۡمَئِذٍ لِّلۡمُكَذِّبِينَ
(இதனைப்) பொய்யாக்குபவர்களுக்கு அந்நாளில் கேடுதான்!
(அல்குர்ஆன் : 83:10)
ٱلَّذِينَ يُكَذِّبُونَ بِيَوۡمِ ٱلدِّينِ
அவர்கள் (இதனை மட்டுமா பொய்யாக்குகின்றனர்?) கூலி கொடுக்கும் நாளையும் பொய்யாக்குகின்றனர்.
(அல்குர்ஆன் : 83:11)
وَمَا يُكَذِّبُ بِهِۦٓ إِلَّا كُلُّ مُعۡتَدٍ أَثِيمٍ
வரம்பு மீறிய பாவியைத் தவிர (மற்றெவரும்) அதனைப் பொய்யாக்கமாட்டான்.
(அல்குர்ஆன் : 83:12)
إِذَا تُتۡلَىٰ عَلَيۡهِ ءَايَٰتُنَا قَالَ أَسَٰطِيرُ ٱلۡأَوَّلِينَ
அவனுக்கு நம்முடைய வசனங்கள் ஓதிக் காண்பிக்கப் பட்டால், இது முன்னுள்ளோரின் கட்டுக்கதைதான் என்று கூறுகின்றான்.
(அல்குர்ஆன் : 83:13)
كَلَّا بَلۡۜ رَانَ عَلَىٰ قُلُوبِهِم مَّا كَانُواْ يَكۡسِبُونَ
நிச்சயமாக அவ்வாறன்று. அவர்கள் செய்து கொண்டிருந்த தீய செயல்களே அவர்களின் உள்ளங்கள் மீது (துருவாகப் படிந்து) மூடிக்கொண்டன. (ஆதலால்தான், இவ்வாறு கூறுகின்றனர்.)
(அல்குர்ஆன் : 83:14)
كَلَّآ إِنَّهُمۡ عَن رَّبِّهِمۡ يَوۡمَئِذٍ لَّمَحۡجُوبُونَ
(விசாரணைக்காகக் கொண்டு வரப்படும்) அந்நாளில்நிச்சயமாக இவர்கள் தங்கள் இறைவனை விட்டும் தடுக்கப்பட்டு விடுவார்கள்.
(அல்குர்ஆன் : 83:15)
ثُمَّ إِنَّهُمۡ لَصَالُواْ ٱلۡجَحِيمِ
பின்னர், நிச்சயமாக இவர்கள் நரகத்தில் தள்ளப்படுவார்கள்.
(அல்குர்ஆன் : 83:16)
ثُمَّ يُقَالُ هَٰذَا ٱلَّذِي كُنتُم بِهِۦ تُكَذِّبُونَ
பின்னர், (இவர்களை நோக்கி) "நீங்கள் பொய்யாக்கிக் கொண்டிருந்தது இதுதான்" என்று கூறப்படும்.
(அல்குர்ஆன் : 83:17)
كَلَّآ إِنَّ كِتَٰبَ ٱلۡأَبۡرَارِ لَفِي عِلِّيِّينَ
அவ்வாறு அல்ல! நிச்சயமாக நன்மை செய்தவர்களின் பதிவேடு "இல்லிய்யூன்" என்ற (மேலான) இடத்தில் இருக்கும்.
(அல்குர்ஆன் : 83:18)
وَمَآ أَدۡرَىٰكَ مَا عِلِّيُّونَ
(நபியே!) "இல்லிய்யூன்" என்னும் (மேலான) இடத்தில் இருக்கும் பதிவேடு என்னவென்று நீங்கள் அறிவீர்களா?
(அல்குர்ஆன் : 83:19)
كِتَٰبٌ مَّرۡقُومٌ
அது ஒரு பதிவுப் புத்தகம். அதில் (நல்லவர்களின் பெயர்களெல்லாம்) பதியப்பட்டிருக்கும்.
(அல்குர்ஆன் : 83:20)
يَشۡهَدُهُ ٱلۡمُقَرَّبُونَ
"முகர்ரபா"ன மலக்குகள் அதனை(க் காத்து)ப் பார்த்துக் கொண்டு இருக்கின்றனர்.
(அல்குர்ஆன் : 83:21)
إِنَّ ٱلۡأَبۡرَارَ لَفِي نَعِيمٍ
ஆகவே, நிச்சயமாக நல்லவர்கள் (அந்நாளில்) இன்பம் நிறைந்த சுவனபதியில்,
(அல்குர்ஆன் : 83:22)
عَلَى ٱلۡأَرَآئِكِ يَنظُرُونَ
உயர்ந்த கட்டில்கள் மீது (சாய்ந்த வண்ணம் சுவனபதியின் காட்சிகளைப்) பார்த்துக் கொண்டிருப்பார்கள்.
(அல்குர்ஆன் : 83:23)
تَعۡرِفُ فِي وُجُوهِهِمۡ نَضۡرَةَ ٱلنَّعِيمِ
அவர்கள் முகங்களைக் கொண்டே அவர்களின் சுகவாசத்தின் செழிப்பை (நபியே!) நீங்கள் அறிந்துகொள்வீர்கள்.
(அல்குர்ஆன் : 83:24)
يُسۡقَوۡنَ مِن رَّحِيقٍ مَّخۡتُومٍ
முத்திரையிடப்பட்டிருக்கும் கலப்பற்ற திராட்சை ரசம் அவர்களுக்குப் புகட்டப்படும்.
(அல்குர்ஆன் : 83:25)
خِتَٰمُهُۥ مِسۡكٌ وَفِي ذَٰلِكَ فَلۡيَتَنَافَسِ ٱلۡمُتَنَٰفِسُونَ
அது கஸ்தூரியால் முத்திரையிடப்பட்டிருக்கும். (பானத்தை) ஆசைகொள்ள விரும்புவோர் அதனையே ஆசை கொள்ளவும்.
(அல்குர்ஆன் : 83:26)
وَمِزَاجُهُۥ مِن تَسۡنِيمٍ
அதில் "தஸ்னீம்" என்ற (வடிகட்டிய) பானமும் கலந்திருக்கும்.
(அல்குர்ஆன் : 83:27)
عَيۡنًا يَشۡرَبُ بِهَا ٱلۡمُقَرَّبُونَ
(தஸ்னீம் என்பது சொந்தமாக அல்லாஹ்வுக்குச்) சமீபமானவர்கள் அருந்துவதற்கென ஏற்பட்ட ஒரு சுனையின் நீராகும்.
(அல்குர்ஆன் : 83:28)
إِنَّ ٱلَّذِينَ أَجۡرَمُواْ كَانُواْ مِنَ ٱلَّذِينَ ءَامَنُواْ يَضۡحَكُونَ
நிச்சயமாக குற்றவாளிகளோ (இன்று) நம்பிக்கை கொண்டவர்களைக் கண்டு (ஏளனமாகச்) சிரிக்கின்றனர்.
(அல்குர்ஆன் : 83:29)
وَإِذَا مَرُّواْ بِهِمۡ يَتَغَامَزُونَ
அவர்களின் சமீபமாகச் சென்றால், (பரிகாசமாகத் தங்களுக்குள்) ஒருவருக்கொருவர் கண் ஜாடையும் காட்டிக் கொள்கின்றனர்.
(அல்குர்ஆன் : 83:30)
وَإِذَا ٱنقَلَبُوٓاْ إِلَىٰٓ أَهۡلِهِمُ ٱنقَلَبُواْ فَكِهِينَ
(அவர்களை விட்டும் விலகித்) தங்கள் குடும்பத்தார்களிடம் சென்றுவிட்டபோதிலும், (பின்னும்) இவர்களுடைய விஷயங்களையே (பரிகாசமாகப் பேசி) மகிழ்ச்சியடைகின்றனர்.
(அல்குர்ஆன் : 83:31)
وَإِذَا رَأَوۡهُمۡ قَالُوٓاْ إِنَّ هَٰٓؤُلَآءِ لَضَآلُّونَ
(வழியில்) இவர்களைக் கண்டால் (இவர்களைச் சுட்டிக் காண்பித்து) "நிச்சயமாக இவர்கள் வழிகெட்டுப் போனார்கள்" என்றும் கூறுகின்றனர்.
(அல்குர்ஆன் : 83:32)
وَمَآ أُرۡسِلُواْ عَلَيۡهِمۡ حَٰفِظِينَ
(நம்பிக்கையாளர்களைப் பற்றி எதற்காக இவர்கள் இவ்வளவு கவலைப்படுகின்றனர்?) இவர்கள் அவர்கள் மீது பாதுகாப்பாளர்களாக அனுப்பப்படவில்லையே!
(அல்குர்ஆன் : 83:33)
فَٱلۡيَوۡمَ ٱلَّذِينَ ءَامَنُواْ مِنَ ٱلۡكُفَّارِ يَضۡحَكُونَ
எனினும், (மறுமை நாளாகிய) இன்றைய தினம் நம்பிக்கை கொண்டவர்கள் அந்நிராகரிப்பவர்களைக் கண்டு சிரிக்கின்றனர்.
(அல்குர்ஆன் : 83:34)
عَلَى ٱلۡأَرَآئِكِ يَنظُرُونَ
(சுவனபதியிலுள்ள சிறந்த) ஆசனங்கள் மீது (சாய்ந்த வண்ணம்) இருந்துகொண்டு, இந்தப் பாவிகள் படும் வேதனையைப்) பார்த்துக்கொண்டு,
(அல்குர்ஆன் : 83:35)
هَلۡ ثُوِّبَ ٱلۡكُفَّارُ مَا كَانُواْ يَفۡعَلُونَ
(மறுமையை) நிராகரித்த இவர்களுக்கு, இவர்களுடைய செயலுக்குத் தக்க கூலி கொடுக்கப்பட்டதா? (என்றும் கேட்பார்கள்.)
(அல்குர்ஆன் : 83:36)
