வானிலை மையம்,

https://forecast7.com/en/13d0880d27/chennai/

மீனவர் நலவாரியம்,

நல வாரியம்

• வீடு
 
• நல வாரியம்

தமிழ்நாடு மீனவர் நல வாரியம் (TNFWB)

தமிழ்நாடு மீனவர் நல வாரியம் 2007 இல் நிறுவப்பட்டது, இது சமூக பாதுகாப்பு மற்றும் மீன்பிடித்தல் மற்றும் அதனுடன் தொடர்புடைய நடவடிக்கைகளில் ஈடுபடும் மீனவர்கள் மற்றும் தொழிலாளர்களின் நல்வாழ்வை உறுதி செய்யும் நோக்கத்தில் உருவாக்கப்பட்டது. தமிழ்நாடு மீனவர் நல வாரியத்தின் தலைவர் / மாண்புமிகு மீன்வளத் துறை அமைச்சர் மற்றும் மீன்வள இயக்குநர் ஆகியோர் உறுப்பினர் செயலாளராக இருந்து, நல வாரியத்தின் செயல்பாடுகளைக் கண்காணிப்பார். தமிழக அரசால் அவ்வப்போது பரிந்துரைக்கப்படும் உறுப்பினர்களை வாரியம் கொண்டிருக்கும்.

வாரியத்தில் மொத்தம் 4.50 லட்சம் மீனவர்கள் / மீனவப் பெண்கள் தொழிலாளர்கள் உறுப்பினர்களாகப் பதிவு செய்யப்பட்டுள்ளனர்.

தமிழ்நாடு மீனவர் நல வாரியம் மூலம் செயல்படுத்தப்படும் நலத்திட்டங்களின் விவரங்கள்

Sl. இல்லை	நிவாரண உதவி விவரங்கள்			ஒரு பயனாளிக்கு நிவாரணம்/உதவி
				(தொகை ரூ.)
1	விபத்து நிவாரணம்
	a) விபத்து காரணமாக மரணம்			200,000
	b) இரு கைகளின் இழப்பு			200,000
	c) இரு கால்களின் இழப்பு			200,000
	ஈ) ஒரு கை மற்றும் ஒரு கால் இழப்பு			200,000
	இ) இரு கண்களிலும் பார்வை இழப்பு			200,000
	f) ஒரு கை அல்லது ஒரு கால் இழப்பு			100,000
	g) மேற்கூறிய பொருட்களைத் தவிர பெரிய காயங்களால் கைகால் இழப்பு			50,000
2	மீன்பிடிக்கும்போது அல்லது மீன்பிடித்தபின் விபத்து மரணம் தவிர வேறு காரணங்களால் ஏற்படும் மரணம்			200,000
3	மீன்பிடிக்கும்போது காணாமல் போன மீனவர்கள்			200,000
4	இயற்கை மரணம்			15,000
5	இறுதிச் சடங்கு செலவுகள்			2,500
6	உறுப்பினர்களின் மகன் மற்றும் மகளுக்கு கல்விக்கான உதவி	நாள் அறிஞர்		விடுதியாளர்
		சிறுவர்கள்	பெண்கள்	சிறுவர்கள்	பெண்கள்
	அ) 10 ஆம் வகுப்பில் தேர்ச்சி	1,250	1,500	---	---
	b) 12 ஆம் வகுப்பில் தேர்ச்சி	1,750	2,000	---	---
	c) ஐடிஐ மற்றும் பாலிடெக்னிக்	1,250	1,750	1,450	1,950
	ஈ) இளங்கலை பட்டம்	1,750	2,250	2,000	2,500
	இ) முதுகலை பட்டம்	2,250	2,750	3,250	3,750
	f) பட்டதாரி தொழில்முறை படிப்புகளின் கீழ் (சட்டம், பொறியியல், மருத்துவம் போன்றவை)	2,250	2,750	4,250	4,750
	g) முதுகலை தொழில்முறை படிப்புகள்	4,250	4,750	6,250	6,750
7	திருமண உதவி			ஆண்	பெண்
	அ) உறுப்பினருக்கு திருமண உதவி			3,000	5,000
	ஆ) ஒரு உறுப்பினரின் மகன்/மகளுக்கு திருமண உதவி			3,000	5,000
8	அ) டெலிவரி @ ரூ.1,000/- ஒரு மாதத்திற்கு 6 மாதங்களுக்கு				6,000
	b) கருச்சிதைவு				3,000
	c) கர்ப்பத்தை நிறுத்துதல்				3,000

பல நலத்திட்டங்களை செயல்படுத்துவதன் மூலம் மாநிலத்தில் உள்ள மீனவர்களின் வாழ்க்கைத் தரத்தை மேம்படுத்த மீன்வளத் துறை எப்போதும் அதிக முன்னுரிமை அளிக்கிறது. நலத் திட்டங்களின் பலன்கள் பயனாளிகளுக்கு குறுகிய காலத்திலும், வெளிப்படைத் தன்மையிலும் சென்றடைவதை உறுதி செய்வதற்காக, பல்வேறு நலத் திட்டங்களின் கீழ் வழங்கப்படும் நிதியுதவியை தேசிய மின்னணு நிதி மூலம் தனிப்பட்ட பயனாளிகளின் சேமிப்பு வங்கிக் கணக்கில் நேரடியாக அரசு வரவு வைக்கிறது. பரிமாற்றம் (NEFT).

வானிலை முன்னறிவிப்பு

சென்னை வானிலை

சமீபத்திய செய்திகள்

 UPSC சிவில் சர்வீசஸ் முதல்நிலைத் தேர்வுக்கான (2023-24) மீனவர் இளைஞர்களுக்கு சிறப்புப் பயிற்சி [மேலும் படிக்க]
 மூன்று படகுகளுக்கு அனுமதி - பர்ஸ் சீன் மீன்பிடிக்க
 மூன்று படகுகளுக்கு அனுமதி - பர்ஸ் சீன் மீன்பிடிக்க

தொடர்பில் இருங்கள்

• ஒருங்கிணைந்த கால்நடை பராமரிப்பு மற்றும் மீன்வளக் கட்டிடம், நந்தனம், சென்னை, பின்கோடு: 600035

• 044 - 29510390 / 29510406 ​​/ 29510407
  044 - 29510396

• திங்கள்-வெள்ளி: காலை 10 - மாலை 5:45

• tnfisheries@nic.in

பார்வையாளர் எண்ணிக்கை   

2023 © மீன்வளத் துறையால் அனைத்து உரிமைகளும் பாதுகாக்கப்பட்டவை | In22Labs மூலம் வடிவமைக்கப்பட்டு உருவாக்கப்பட்டுள்ளது

புயலும் ,தனுஷ்கோடியும்,

நம்மில் எத்தனைப் பேருக்கு தெரியும்.. ?? புயலின் உக்கிர தாண்டவத்நில் ஒரு செழிப்புமிக்க நகரமே காணாமல் போன விஷயம்.. அதுவும் நம் தமிழ்நாட்டில் !!

நிவர் புயலின் இயற்கைச் சீற்றத்திற்கு நடுவே, நம்மிடம், மொபைல் போன் முதல், நமக்குச் சொந்தமானப் பல சாட்டிலைட்டுகள், வயர்லெஸ் கருவிகள், இலவச வாட்ஸ்அப் தொடர்பு, தமிழக மற்றும் மத்திய அரசசுளின் அவசரக்கால உதவிகள் வரையென நம்மை காப்பாற்ற, பாதுகாப்புடன் சந்தோஷமாக இருக்கிறோம். இன்றைய அசுர விஞ்ஞான வளர்ச்சி நம்மைக் கண்ணும் கருத்துமாகக் கவனித்துக் கொள்கிறது. நாம், மிகவும் அதிர்ஷ்டசாலிகள். 

ஆம், பழைய நினைவொன்றை, இன்றையத் தலைமுறையினர் நினைத்துப் பார்க்க வேண்டிய நேரமிது. 

சுமார், 55 ஆண்டுகளுக்கு முன், தனுஷ்கோடி என்ற ஒரு வணிக நகரம் என்று ஒன்று இருந்ததும் அது மறைந்தது எப்படி என்றும் நெஞ்சைப் பிளக்கும் கதையை கேளுங்கள்.. !! 

இன்றைய தலைமுறையினர் சிலருக்கு மட்டுமே தனுஷ்கோடி என்ற ஊர் தமிழகத்தில் இருந்திருக்கிறது, என்று தெரியும்.

 தனுஷ்கோடி என்ற தொலைந்து போன ஊரின் பின்னே இருக்கும் அந்த கடுந் துயரத்தைப் பற்றி, இன்று யாருக்கும் தெரியாது.

ராமேசுவரத்தில் இருந்து சுமார் 21 கிலோ மீட்டர் தொலைவில் அமைந்திருந்தது தனுஷ்கோடி.

தனுஷ்கோடியில், அப்போது கோவில்கள், துறைமுகம், மருத்துவமனை, பள்ளிக்கூடம் தபால் நிலையம், ரெயில்வே குடியிருப்புகள், ரெயில் நிலையம், எனச் சகலமும் இருந்தன. புராணம் காலந்தொட்டே, மிகவும் புகழ் பெற்ற வணிக நகரம் அது. 

மதுரை, சென்னை உள்ளிட்ட ஊர்களில் இருந்து வரும் ரெயில்கள், ராமேசுவரம் வருவது கிடையாது. 

நேராக தனுஷ்கோடி சென்று விடும். 

ராமேசுவரத்திற்கு வர விரும்புபவர்கள் பாம்பனிலிருந்து ‘ஷன்டிங்க்’ என்று சொல்லக்கூடிய தனி ரெயிலில் ராமேசுவரம் வருவர்.

டிசம்பர் 22 1964... வரை கலகலப்பாக இருந்த ஊர் யாருமே எதிர்பார்க்காத தினமாக 23.12.1964-ந் தேதி அமைந்தது.

 அன்று இரவில் சுமார் 120 கிலோ மீட்டர் வேகத்திற்கு மேல் வீசிய கடும் புயலாலும், பலத்த மழையாலும், மன்னார் வளைகுடா கடல் பகுதியில் இருந்து சுமார் 20 அடி உயரத்திற்கு எழும்பிய ராட்சத அலைகள் தனுஷ்கோடியை மூழ்கடித்து சின்னாபின்னமாக்கியது.

தனுஷ்கோடியின் அன்றைய தினமானதுத், தொடக்கம் முதலே வழக்கத்தை விட அதிகமான காற்றையும் மழையையும் எதிர்கொண்டிருந்தது. 

கடலுக்குள் செல்வதற்கு யாருக்கும் அனுமதி அளிக்கப்பட்டிருக்கவில்லை. 

வங்கக் கடலில் தோன்றிய புயல் எங்கு, எப்போது கரையைக் கடக்கப்போகிறது என்பது பற்றியும் யாருக்கும் தெரிந்திருக்கவில்லை. 

இன்று, நம்மிடமுள்ள மிக நவீன உபகரணங்கள் எதுவுமே, அன்று நம் மூத்தோரிடம் இல்லை.

அவர்களைப் பொறுத்தவரை 'புயல் மையம் கொண்டுள்ளது, காற்றடிக்கும், மழை பெய்யும், கடலுக்குள் செல்லக் கூடாது....' என்றளவில் மட்டுமே விழிப்புணர்வு இருந்தது.

புயல் எச்சரிக்கை என்பது தெரியும், ஆனால் புயல் எங்கு கரையைக் கடக்கப் போகிறது என்பதை எல்லாம் அறிந்து கொள்ளும் வசதி அந்நாளில் இல்லை. 

புயலின் தீவிரம் இந்த அளவிற்கு இருக்கும் என்பது புயல் கரையைக் கடந்த பின் மட்டுமே தெரிந்துக் கொண்டாக வேண்டிய காலக்கட்டம் அது. அது வரை, நடக்கவுள்ளக் கொடூரத்தை அறியாது வாழ்ந்தனர் நம் முன்னோர். 

ட்ரைன் நம்பர் 653, 

பாம்பனில் இருந்து தனுஷ்கோடி வரை செல்லும் தனுஷ்கோடி - பாம்பன் பாசன்ஜெர் சரியாக 11.55க்கு தனுஷ்கோடி நோக்கிய தனது (இறுதி) யாத்திரையைத் தொடங்கியது. 

ரயில் தனுஷ்கோடியை நெருங்கும் சில நூறு மீட்டர்களுக்கு முன், காற்றின் வேகம் தீவிரம் அடைந்து, கடல் கொந்தளிக்கத் தொடங்கி இருந்தது. 

இஞ்சின் டிரைவர் ரயில்வே சிக்னல் வேலை செய்யவில்லை என்பதை அப்போதுதான் கவனித்து இருந்தார்.

தனுஷ்கோடியை புயல் தாக்கத் தொடங்கி இருந்ததால் அணைத்து தொடர்பு சாதனங்களும் செயல் இழந்து இருந்தன. ரயில்வே சிக்னல், தந்தி கம்பங்கள் என எதுவும் வேலை செய்யவில்லை. 

டிரைவருக்கு என்ன செய்வதென்று தெரியவில்லை. 

'பலத்த மழையின் காரணமாக சிக்னல் செயல் இழந்து இருக்கும்' என்று கணிக்கத் தெரிந்தவருக்கு வரப்போகும் அபாயத்தைப் கணிக்கத் தெரியவில்லை. 

எங்கும் இருள் சூழ்ந்து இருக்கவே, ரயில் வருவதை தெரிவிக்க.... தன்னிடம் இருந்த விசிலை ஊதிக் கொண்டே வண்டியை நகற்ற ஆரம்பித்தார். 

அந்த நிமிடம், அந்த நொடி, அந்த 115 பேரும் என்ன மனநிலையில் இருந்திருப்பார்கள்..........

ஊழிக்காலமெனப் பாய்ந்த, ஆழிப் பெருங்காற்றும் அதைத் தொடர்ந்த ராட்சதப் பேரலையும், இரயிலை வாரி அணைத்துக் கொண்டு, கடலுக்கடியில் மூழ்கடித்துக் கோரத்தாண்டவமாடியது.  

ரயிலில் பயணித்த அத்தனை பயணிகளும் ஜலசமாதி ஆயினர். 

ரயில் நிலையத்திற்கும் ரயிலுக்குமான சில நூறு மீட்டர் இடைவெளிகளில் இந்த கொடூர சம்பவம் நிகழ்ந்து விட்டது. 

ஒரு சில நிமிடங்கள் அவர்களுக்குக் கிடைத்திருக்குமானால் அந்த பாசன்ஜெர், ரயில் நிலையத்தை அடைந்திருக்கும். 

அத்தனை உயிர்களும் மிகப் பத்திரமாகக் காப்பாற்றப்பட்டிருக்கும். 

'விதி சற்றே வலியது'. அதனால் தானோ என்னவோ, அவர்கள் உயிர் பிழைக்க வழி கொடுக்காமல் தன்னுடன் அழைத்துக் கொண்டது. 

தனுஷ்கோடிக்கு முன்பே, புயல் தலைமன்னாரை நெருங்கி இருந்தது. தலைமன்னாரும் பல ஆயிரம் உயிர்களை புயலுக்கு காவு கொடுத்திருந்தது. 

தலைமன்னார் கடலில் கலந்த உயிர்கள், தனுஷ்கோடி கரையில் உடலாக ஒதுங்கத் தொடங்கியிருந்தது.

தனுஷ்கோடியிலோ நிலைமை இன்னும் பரிதாபம், மின்கம்பங்கள் அறுந்து ஊரே இருளில் மூழ்கியது. கட்டிடங்களின் கூரைகள் பிய்த்துக் கொண்டு பறக்கத் தொடங்கின. 

அவசரகால தகவல் தொடர்புச் சாதனமான தந்திக் கம்பங்களும் அறுந்து தொங்கின, 

''இன்னது நடக்கிறது...'' என்று தகவல் சொல்லக் கூட அங்கிருந்தவர்களுக்கு வழி இல்லமால் போனது. 

கடல் அலைகள் பல அடி உயரத்திற்கு எழும்பி ஒரு ஊரையே மிரட்டிக் கொண்டிருந்தன. 

நடுநிசியில், ஆழ்ந்த உறக்கத்தில் இருந்த பலராலும்.... ஆழிக்காற்றின் வேகத்தை உணர முடியவில்லை. 

உறக்கத்தில் உயிரைத் தொலைத்தவர்கள் அநேகம் பேர். 

இருந்தும் அதிகரித்த காற்றின் வேகமும், அலைகள் மூலம் ஊருக்குள் புகுந்த தண்ணீரும் வரப் போகும் அசம்பாவிதத்தை எடுத்தியம்பத் தொடங்கின. 

இயற்கை கொடுத்த இந்த 'அபாய அறிவிப்பை' உணர்ந்து கொண்டவர்கள் வேகமாக செயல் படத்தொடங்கினார்கள். 

அங்கு குடியிருந்த மக்களில் பெரும்பாலனவர்கள் மீனவர்கள் என்பதால் குழந்தைகள் பெண்களை சுமந்து கொண்டு பாதுகாப்பான இடம் தேடி நகரத் தொடங்கினார்கள். 

இதில், 'நீச்சல் காளி' என்னும் மீனவர் மட்டும் தனியொரு ஆளாக பல உயிர்களைக் காப்பாற்றி இருக்கிறார். 

அடைமழையில் அவர்களுக்கு கிடைத்த ஒரே ஒரு பாதுகாப்பான இடம் உயர்ந்த மணற்குன்றுகள் மட்டுமே. 

அதைத் தவிர அவர்களுக்கு வேறுவழி இல்லை. உயிரைக் காப்பாற்றிக் கொள்ள அங்கு தான் நின்றாக வேண்டும். 

இதைத் தவிர இன்னுமொரு முக்கியமான இடமும் சில நூறு உயிர்களைக் காப்பாற்றியது.....

ஒரு ரயில் ஒருநூறு உயிர்களைக் காவு வாங்கியது, 

மறுபுறம் ஒரு ரயில் சில நூறு உயிர்களைக் காவல்காத்தது . 

ஆம். பெரும்பாலான மக்கள் தங்கள் உயிரைக் காப்பாற்றிக் கொள்ள தேடி ஓடிய இடம் தனுஷ்கோடி ரயில் நிலையத்தில் நின்று கொண்டிருந்த ரயிலைத் தான். 

மொத்த மக்கள் கூட்டமும் ரயிலை நிரப்பி கதவு ஜன்னல்களை இருக மூடிக் கொண்டது. 

ஊர் முழுவதும் வெள்ளமும் சோகமும் ஒரு சேர பரவத் தொடங்கி இருந்தது. 

தங்கள் குழந்தையை, துணையை, உறவினரைத் தேடத் தொடங்கியது. 

தங்கள் உயிர் காப்பாற்றப்பட்டது என்ற மகிழ்ச்சியை விட தொலைந்து போன உயிர்கள் பற்றிய பயமும் சோகமும் அவர்களை வாட்டியது. 

எதிர்பாரா சம்பவங்கள் அவர்களை குழப்பத்தில் தள்ளியது. கூச்சலும் குழப்பமும் நிறைந்த தனுஷ்கோடி தன்னுடைய ஒட்டுமொத்த ஆர்ப்பரிப்பையும் அந்த ஒரு இரவில் வெளிப்படுத்தி அடங்கியது. 

இவை எதுபற்றியுமே அறியாமல் தமிழகம் நிம்மதியாக உறங்கிக் கொண்டிருந்தது. 

அடுத்த நாள் பொழுதுபுலர்ந்த பொழுது கூட தனுஷ்கோடியின் நிலைமை குறித்து ஒருவரும் முழுவதுமாக அறிந்திருக்கவில்லை. 

அந்த நாட்களில் ராமேஸ்வரம் செல்வதற்கு தரைப்பாலம் கிடையாது. படகுப் போக்குவரத்தும், ரயில் சேவையும் மட்டுமே.

மற்றுமொரு கொடுமையான விஷயம் குடிநீரும் உணவுப் பொருட்களும் தமிழகத்தில் இருந்து செல்லும் ரயில்கள் மூலமாக மட்டுமே கொண்டு சென்று கொண்டிருந்தார்கள். 

புயல் பாம்பன் பாலத்தையும் பதம் பார்த்திருந்தது, 

தண்டவாளங்கள் அறுந்து தொங்கிக் கொண்டிருந்தன. ஒட்டு மொத்த தனுஷ்கோடியும் எவ்வித தொடர்பும் இன்றி தனித்து விடப்பட்டிருந்தது. 

குடிக்கும் நீருக்குக் கூட வழியில்லாத ஆழி சூழ் உலகாக மாறி இருந்தது தனுஷ்கோடி. 

விஷயம் கொஞ்சம் கொஞ்சமாக பரவத் தொடங்கியது. தமிழக அரசாங்கம் விழித்துக் கொண்டது. 

அன்றைய முதல்வர் மாண்புமிகு. அமரர். பக்தவத்சலம் உடனடியாக செயல்படத் தொடங்கினார். 

அன்றைய, அவர் சார்ந்தக் காங்கிரஸ் அரசின் உதவியை நாடினார். 

நிலைமையைப் புரிந்து கொண்ட இந்திய அரசும் போர்கால அடிப்படையில் செயல்படத் தொடங்கியது. 

தனுஷ்கோடி துயரச் சம்பவத்தை ''தேசியப் பேரிழப்பு'' என்று அறிவித்தது. 

இராணுவம் தொடங்கி முப்படைகளும் தனுஷ்கோடி நோக்கி விரைந்தன. 

முதல் தேவை நீரும் உணவும். வான்படையின் ஹெலிகாப்டர்கள் மூலமாக உடனடியாக வழங்க ஏற்பாடு செய்யப்பட்டன. 

இந்தியக் கப்பல் படையின் மீட்புக் குழுவும் களத்தில் இறங்கியது. 

அடுத்த நாளும் மழை நின்றபாடில்லை. தொடர்ந்து மழை பெய்து கொண்டிருந்த காரணத்தால் மீட்புப் பணியில் தாமதம் ஏற்பட்டது. 

''காப்பாற்றப்பட்ட மக்களை விட கண்டெடுத்த சடலங்களே அதிகம்'' என்று மீட்பு பணியில் ஈடுபட்டவர்கள் பதிவு செய்திருக்கிறார்கள். 

எஞ்சிய தனுஷ்கோடியை "சாரதா" என்னும் கப்பல் பாதுகாப்பான இடத்திற்கு அழைத்துச் செல்ல விரைந்தது. 

உயிர் பிழைத்த மக்கள் அனைவரையும் மதுரை அரசுப் பொது மருத்துவமனையில் அனுமதித்த பின்னும் கூட அரசாங்கத்தால் தன்னை ஆசுவாசப்படுத்திக் கொள்ள முடியவில்லை.

மூன்றாம் நாள் தான் அரசாங்கத்திற்கு நினைவு வந்தது, 'ஒரு பயணிகள் ரயிலைக் காணவில்லை' என்று. 

மீண்டும் தேடல் தொடங்கியது. 

இறுதியாக முடிவுக்கு வந்தனர். 

புயலில் இரயில் கடலோடு கடலாக கலந்திருக்க வேண்டுமென்று. கடலுக்குள் இறங்கித் தேடத் தொடங்கினர். 

இரயிலின் பெரும்பாலான பாகங்கள் அதாவது இரும்பு தவிர்த்து மற்றவை அனைத்தும் கடலோடு கடலாக அடித்துச் செல்லப்பட்டுவிட்டது. 

அதில் பயணித்த 115 பயணிகளும் மாண்டுவிட்டதாக அறிவித்தனர். 

பேரழிவைப் பார்வையிட வந்த முதல்வர் பக்தவத்சலம் தன்னால் 'ரயிலின் சில பாகங்களைக் காண முடிந்தது' என்று குறிப்பிடுகிறார். 

தனுஷ்கோடியில் வெள்ளம் வடிய நான்கு நாட்களுக்கு மேல் ஆகியது. 

இந்தியாவை நிலை குலைய வைத்த சம்பவம் பற்றி உலகமே பரபரப்பாகப் பேசத் தொடங்கியது. 

தனுஷ்கோடியில் அடித்த புயலின் வேகம் மிக அதிகம். தலைமன்னரைக் கடக்கும் பொழுது மணிக்கு 150 கி.மீ வேகத்தில் நகர்ந்த புயல், தனுஷ்கோடியை தாக்கும் பொழுது மணிக்கு 250 கி.மீ வேகத்தில் தாக்கியுள்ளது. 

விளைவு 1500 மக்களின் உயிரைக் குடித்தது.

 1500 ஏக்கருக்கும் மேலான நிலப்பரப்பை நீருக்குள் இழுத்துக் கொண்டது.

சொல்லப் போனால் மூன்று முழு கிராமங்கள் இன்றும் கடலடியில் தான் இளைப்பாறிக் கொண்டுள்ளன, 

தனுஷ்கோடி துறைமுகத்தையும் சேர்த்து. 

''ஆசியாவின் இருபதாம் நூற்றாண்டுப் பேரிழப்பாக'' ஐ.நா சபை இந்த சம்பவத்தை அறிவித்தது. 

தமிழக மக்களின் மன நிலை, ஆழ்ந்தச் சோகத்தில் இருக்க, அன்றையப் பத்திரிக்கைகள் பலவும் மிகவும் கவலை கொள்ளத் தொடங்கி எழுதியது.  

அன்றைய தினம் காணாமல் போனவர்களைப் பற்றிய தகவல் இன்றுவரை கிடைக்கவில்லை. 

மணலில் புதைந்த பிணங்களும், கடலில் மிதந்த பிணங்களும் ஏராளம். 

அவற்றைத் தேடி எடுக்க மீட்புப் பணியினரால் முடியவில்லை. 

மேலும் பல உடல்கள் கழுகுகளாலும் மிருகங்களாலும் வேட்டையாடப்பட்டதால் அவர்களை இனங்கான முடியாமல் போயிற்று.

மக்கள் வாழ்வாதரங்களை இழந்த நிலையில் அரசு தனுஷ்கோடியை ''மக்கள் வாழத் தகுதியற்ற நகரம்'' என்று அறிவித்தது. 

தன்னுடைய அத்தனை அடையாளங்களையும் அன்றைய ஒருநாள் புயலில் மொத்தமாக இழந்தது தனுஷ்கோடி.

ரயில்நிலையம், தபால்நிலையம், தந்தி ஆபீஸ், சுங்கச் சாவடி, மாநிலத்தின் முக்கியமான துறைமுகம் மற்றும் மீன்பிடி நிலையம் என்று தனது அன்றாட வாழ்கையை இழந்து, ''மக்கள் வாழத் தகுதியற்ற...'' என்ற நிலைக்குத் தள்ளப்பட்டது. 

தனுஷ்கோடி மக்களுடன் சேர்ந்து, அன்று தொலைந்த தனுஷ்கோடி... 

இன்று வரை அடையாளம் காணப்படாமல் அப்படியே நிற்கிறது, எஞ்சிய தனுஷ்கோடியின் மிச்சங்களையும் பூர்வகுடிகளையும் சுமந்துகொண்டு.

மக்கள் வாழத் தகுதியற்ற என்று முத்திரை குத்தப்பட்ட தனுஷ்கோடியில், பிடிவாதமாக, இன்று இருநூறு குடும்பங்கள் வரை வாழ்ந்து வருகிறார்கள். இவர்களுக்கு மின் இணைப்பு கிடையாது. 

இவர்களது இரவும் பகலும் மின்சாரம் இல்லாமல் தான் கழிகிறது, 

கருக்கல் நேரங்களில் சிமினி விளக்குகள் மட்டுமே தனுஷ்கோடிக்கு வெளிச்சம் தருகின்றன. 

"ராமேஸ்வரத்துக்கு போனா தான் லைட்டைப் பார்க்க முடியும்" 

.

அடிப்படை வசதி என்று எதுவும் கிடையாது, 

கடற்கரை மணலில் சில அடி ஆழத்தில் நன்னீர் ஊற்றுகள் இருக்கின்றன, 

இந்த நீரூற்றுக்கள் தான் இவர்களது நீர் ஆதாரம். 

சமையல் பொருட்கள் அனைத்தையும் ராமேஸ்வரத்தில் இருந்தே வாங்கி வருகிறார்கள். 

இங்கு இருப்பவர்கள் அனைவரும் காலங்காலமாக தனுஷ்கோடியில் வாழ்ந்து வரும் மீனவர்கள். 

மீன்பிடி தொழில் போக கடல் சிப்பிகளைக் கொண்டு கைவினைப் பொருட்கள் செய்தும் பிழைப்பு நடத்தி வருகிறார்கள். 

தமது மூதாதையர் வாழ்ந்த இந்த இடத்தை விட்டுச் செல்ல இவர்களுக்கு மனம் இடங்கொடா காரணத்தால் இங்கேயே தங்கி விட்டனர். 

இன்றைய, நம் மத்திய அரசின் ஆணையின் பேரில், தமிழகத்தின் முன்னாள் மத்திய அமைச்சரும், எம்.பி யுமான பொன். ராதாகிருஷ்ணன் அவர்களதுத் துரிதக் கதியிலான அக்கறை மற்றும் செயற்பாட்டு மேற்பார்வையில், 2015-ம் ஆண்டு டிசம்பர் மாதம் எம்.ஆர்.சத்திரம் கடற்கரையில் இருந்து தனுஷ்கோடி அரிச்சல் முனை கடற்கரை வரை 9 கிலோ மீட்டர் தூரத்திற்கு ரூ.50 கோடியில் புதிதாக சாலை அமைக்கும் பணி தொடங்கியது. 

கடலின் நடுவே நடைபெற்று வந்த இந்த சாலைப் பணி, வெறும் ஒன்றரை ஆண்டுக்குள், முழுமையாக முடிந்தது. 

சாலையின் பாதுகாப்பு கருதி இருபுறமும் கற்களால் தடுப்பு சுவர்கள் கட்டப்பட்டன. 

அரிச்சல்முனை வரை செல்லும் வாகனங்கள், திரும்பிச் செல்ல வசதியும் செய்யப்பட்டு, அதற்கான வளைவின் மைய பகுதியில் தூண் அமைக்கப்பட்டு, அதன் மேலே அசோக சின்னமும் நிறுவப்பட்டது.

தற்போது அங்கு மின்சார இணைப்பு கொடுப்பதற்கும் புதிய குடியிருப்புகள் ஏற்படுத்துவதுக் குறித்தும் நடவடிக்கை எடுக்கப்பட்டு வருகிறது.. 

இந்த வரலாற்று சோகம் History of Dhanushkodi என்ற ஆங்கில நூலின் தமிழாக்கம்....

வக்ஃபு சட்டத்தை நீக்க முயற்சி,

ஆழ்ந்த உறக்கத்தில்

இருக்கும் கண்ணியத்திற்குரிய

இஸ்லாமிய மக்களின்

சிந்தனைக்கு

இந்தியாவில் இருக்கும் வக்ஃபு

சொத்துக்களை பாதுகாக்க உருவாக்கப்பட்ட வக்ஃபு சட்டத்தை

நீக்குவதற்கான (Repeal) முயற்சியை

மத்தியில் ஆளும் பாரதிய ஜனதா

கட்சி மேற்கொண்டு வருகிறது.

வக்ஃபு சட்டத்தை நீக்க கோரி

பாராளுமன்றத்தில் தீர்மானம் நிறைவேற்ற மசோதா தாக்கல் செய்யும் முயற்சி நடந்துவருகிறது

என்கின்ற தகவலை கூட இஸ்லாமிய சமூகம் இன்னும் அறியாமல்

இருக்கிறது என்பதை நாம் தெரிந்து

கொள்ள வேண்டும்.

இந்த வக்ஃபு சட்டம்

இந்திய மக்களுக்கு இந்திய அரசியலமைப்பு சட்டத்தின்படி வழங்கப்பட்டுள்ள மிகப்பெரிய பாதுகாப்பு வளையம்.

இந்த வக்ஃபு சட்டம் ஏன்

இந்துத்துவா கொள்கை கொண்ட

அரசிற்கு பெரும் வயிற்றெரிச்சலை

ஏற்படுத்தி இருக்கிறது என்பதை

நாம் முதலில் தெரிந்துகொள்வோம்.

இந்தியா சுதந்திரம் பெறுவதற்கு

முன்பு இந்தியாவில் ஆட்சி செய்த மொகலாயர்கள் மற்றும் அன்று வாழ்ந்த இஸ்லாமிய செல்வந்தர்கள்

வருங்கால உம்மத்தின் நலன் கருதி

வக்ஃபு செய்த சொத்துக்களின்

எண்ணிக்கை என்பது கணக்கில் அடங்காதவை.

அதாவது இந்திய இராணுவம் மற்றும்

ரயில்வேவிற்கு அடுத்தபடியாக அதிக சொத்துக்கள் வக்ஃபு சொத்துக்களாக

உள்ளது.

தற்போது மொத்தம் 8,65,646 அசையா

சொத்துக்கள் வக்ஃபு வாரியத்தின்

கண்காணிப்பில் பதிவு செய்யப்பட்டு

இருக்கிறது.

1)Andaman & Nicobar Island- 150 அசையா சொத்துக்கள்

2)Andhra Pradesh -10708 அசையா சொத்துக்கள்

3.) Assam- 1616 அசையா சொத்துக்கள்

4.)Bihar (Shia) -1672 அசையா சொத்துக்கள்

5) Bihar (Sunni)-6480 அசையா சொத்துக்கள்

6)Chandigarh-34 அசையா சொத்துக்கள்

7)Chhattisgarh -2665 அசையா சொத்துக்கள்

8)Dadra and Nagar Haveli-32 அசையா சொத்துக்கள்

9) Delhi-1047

10)Gujarat-30881 அசையா சொத்துக்கள்

11) Haryana-23117 அசையா சொத்துக்கள்

12)Himachal Pradesh-4494   அசையா சொத்துக்கள்

13)Jharkhand 435அசையா சொத்துக்கள்

14)Jammu & Kashmir-32506அசையா சொத்துக்கள்

15) Karnataka- 58578அசையா சொத்துக்கள்

16) Kerala -49019அசையா சொத்துக்கள்

17) Lakshadweep- 896அசையா சொத்துக்கள்

18)Madhya Pradesh-31342அசையா சொத்துக்கள்

19)Maharashtra -31716அசையா சொத்துக்கள்

20)Manipu-966அசையா சொத்துக்கள்

21)Meghalaya -58 அசையா சொத்துக்கள்

22.Odisha -8510 அசையா சொத்துக்கள்

23.Puducherry- 693அசையா சொத்துக்கள்

24.Punjab58608அசையா சொத்துக்கள்

25.Rajasthan24774அசையா சொத்துக்கள்

26.Tamil Nadu - 60223அசையா சொத்துக்கள்

27.Tripura2643அசையா சொத்துக்கள்

28.Telangana- 41567அசையா சொத்துக்கள்

29.Uttar Pradesh(Sunni)-199701அசையா சொத்துக்கள்

30.Uttar Pradesh(Shia)-15006அசையா சொத்துக்கள்

31Uttarakhand-5317 அசையா சொத்துக்கள்

இந்த மொத்த சொத்துக்களின் பரப்பளவு என்பது 9.4 இலட்சம் ஏக்கர்

இந்திய ரயில்வேக்கு சொந்தமான

மொத்த அசையா சொத்தின் பரப்பளவு

11.5 இலட்சம் ஏக்கர் இந்திய இராணுவத்திற்கு சொந்தமான அசையா சொத்தின் பரப்பளவு 17.78 இலட்சம் ஏக்கர் .

உலகில் 54 இஸ்லாமிய நாடுகள்

இருக்கின்றன

எந்த நாட்டிலும் இந்தியாவில் இருக்கும்  அளவிற்கு

வக்ஃபு சொத்துக்கள்

இல்லை.

இந்தியாவில் இருக்கும் அளவிற்கு

தர்காக்கள் , பள்ளிவாசல்கள் மற்றும் மதராசக்களின

எண்ணிக்கை உலகில்

எந்த இஸ்லாமிய நாட்டிலும்

இல்லை.

இதை தவிர இன்னும்

மீட்கப்படாத ஆக்கரமிப்பிற்கு உள்ளாக்கப்பட்டு இருக்கும் வக்ஃபு சொத்துக்களின் எண்ணிக்கை

ஏராளம்.

இனாம் நிலங்களாக வக்ஃபு

செய்யப்பட்ட அசையா சொத்துக்கள்

100 ஏக்கர் 200 ஏக்கர் என்று தொடங்கி

2000 ஏக்கர் வரை இருக்கின்றது.

தமிழகத்தில் கோவை மாவட்டத்தில் மட்டும் சுமார் 500 ஏக்கர் இனாம் செய்யப்பட்ட வக்ஃபு நிலங்கள் மீட்கப்படாமல் அடையாளம் காணப்படnமல்  இருக்கிறது.

திருச்சி பகுதியில் சுமார் 1000 ஏக்கர்

இனாம் நிலங்களும் சங்ககிரி பகுதியில் 300 ஏக்கர் இனாம் நிலங்களும் சத்தியமங்களம் பகுதியில் சுமார் 100 ஏக்கர் இனாம் நிலங்களும் திண்டுக்கல் பகுதியில்

100 ஏக்கர் இனாம் நிலங்களும் நீலகிரி மாவட்டத்தில் உதகமண்டலம் குன்னூர் பகுதியில் மட்டும் 200 ஏக்கர் வக்ஃபு நிலங்கள் இருக்கின்றன ஊட்டில் உள்ள மெயின் பஜார் 80 செண்ட் நிலம் வக்ஃபு நிலம் தனியா ர ஆக்ரமிப்பில் உள்ளது ராம்நாடு திருநெல்வேலி பகுதியில் ஆயிரக்கணக்கான ஏக்கர் உக்ஃபு நிலங்கள் என

மீட்கப்படாத இனாம் வக்ஃபு நிலங்கள்

பல ஆயிரம் கோடி மதிப்பில்

இருக்கிறது.( இனாம் ஒழிப்பு சட்டத்தை

பற்றி தனி பதிவு ஒன்றை வெளியிடுகிறேன்)

இந்த நிலங்களை மீட்கவும்

இதை பற்றி கவலைபடவும் இந்த வக்ஃபு நிலங்களை மீட்டு

இஸ்லாமிய சமூகத்தின் வளர்சிக்கு

பயன்படுத்த வேண்டும் என்கின்ற

அடிப்படை சிந்தனை கூட

இல்லாமல் இருக்கிறோம்.

1963 ம் ஆண்டு இந்த இனாம் நிலங்களுக்கு  டைட்டில் டீடு (TD)

வழங்கப்பட்டது அந்த ஆவணங்கள்

தமிழ்நாடு ஆவண காப்பகத்தில்

இருக்கிறது. (என்னிடம் கோவை மாவட்டத்தை சார்ந்த 20 இனாம் நிலங்களுக்கான விபரங்கள் இருக்கின்றன.)

இந்த வக்ஃபு நிலங்களை

பாதுகாக்க நமக்கு இருக்கும் மிகப்பெரிய பாதுகாப்பு வக்ஃபு சட்டம் 1995 என்பதை நாம் புரிந்துகொள்ள

வேண்டும்.

இந்த சட்டம் வக்ஃபு வாரியங்களுக்கு

வானுயர்ந்த அதிகாரத்தை

வழங்குகிறது.

ஒரு நிலம் வக்ஃபு நிலமா ?

இல்லையா? என்பதை தீர்மானிக்கும்

அதிகாரம் வக்ஃபு வாரியத்திற்கு

இந்த சட்டம் வழங்குகிறது.

ரயில்வே நிர்வாகத்திற்கு இணையாக

நிர்வாக கட்டமைப்புகளை கொண்டு

செயல்பட வேண்டிய வக்ஃபு வாரியங்கள் சாதாண பஞ்சாயத்து அலுவலங்கள் போல செயல்படுகின்றன என்றால் அதன்

முக்கியத்துவம் அறியாமல்

வக்ஃபு வாரியங்களை முழுமையாக

இஸ்லாமிய சமூகம் பயன்படுத்திக்கொள்ளாமல

 இருக்கிறது

என்பதை நாம் ஏற்றுகொள்ள வேண்டும்.

ஒவ்வொரு வக்ஃபு வாரியத்திற்கும்

அந்தந்த மாநில அரசு வருடம் வருடம்

கோடிக்கணக்கில் மானியம் வழங்குகிறது தமிழக அரசு தமிழ்நாடு

வக்ஃபு வாரியத்திற்கு வருடம்

2 .5 கோடி ருபாய் மானியம் வழங்குகிறது. இதை தவிர வருமானம்

வரும் வக்ஃபு நிர்வாகங்களிடம்

இருந்து வருமானத்தில் 7 சதவீதத்தை

ஈவு தொகையாக வக்ஃபு வாரியம்

வசூலிக்கிறது.

இந்த இரண்டு தொகையும்

சேர்ந்து வக்ஃபு வாரியத்திற்கு வருடத்திற்கு கணிசமான தொகை

நிதியாக கிடைக்கிறது.

Section 4 (2) of the Muslim Women (Protection of rights on Divorce) Act, 1986

ன் படி வக்ஃபு வாரியம் விதவைகளுக்கு மாதம் மாதம் பராமரிப்பு தொகை வழங்க வேண்டும்

அதன்படி தமிழ்நாடு வக்ஃபு வாரியம்

வருடம் 67800/ - ருபாய் செலவிடுகிறது. தமிழகம் முழுவதும்

நம் இஸ்லாமிய சமூகத்தில் வறுமையில் வாடும் விதவைகளின் எண்ணிக்கையை கணக்கிட்டு அவர்களுக்கு கண்ணியமாக வாழ தேவையான பராமரிப்பு தொகையை பெற்று கொடுக்க நாம் முயற்சிக்க வேண்டும் . பள்ளிவாசல்களில் பிச்சை கேட்டு நிற்கும் அநாதை பெண்களுக்கு

வழி பிறக்கும்.

உலாமாக்களுக்கு மாதம் மாதம்

ரூபாய் 3000 பென்ஷன் வழங்க பென்ஷன் திட்டம் 1981 உருவாக்கப்பட்டு உள்ளது அதன்படி

2600 உலமாக்களுக்கு பென்ஷன்

வழங்க தீர்மானிக்கப்பட்டு இருந்தாலும் 1350 உலமாக்கள் மட்டுமே

இது வரை மாத பென்ஷன் தொகை

பெற்று வருகிறார்கள்.

இந்த தொகையின் அளவை மாதம்

5000 ரூபாயாக அதிகரிக்க வேண்டும்.

ஆக்காமிப்பில் உள்ள நூற்றுக்கணக்கான ஏக்கர் நிலங்களை

மீட்டு குடியிருப்பு வீடுகளாக

மாற்றியமைத்து குறைந்த வாடகைக்கு

ஏழை மற்றும் நடுத்தர மக்களுக்கு

வழங்க முயற்சி மேற்கொள்ள

வேண்டும்.

இதற்கு வக்ஃபு சட்டத்தையும்

வக்ஃபு வாரியங்களையும் பாதுகாக்க வேண்டும்.

ISLAMIC FEDERATION OF INDIA

அமைப்பு வக்ஃபு நிலங்களை மிட்டெடுக்கவும் அதை நம் உம்மத்தின்

வளர்ச்சிக்கு பயன்படுத்தவும்

தேவையான முயற்சிகளை மேற்கொண்டு வருகிறது.

இஸ்லாமிய இளம் வழக்கறிஞர்கள்

மற்றும் வக்ஃபு நிர்வாகிகளுக்கு

வக்ஃபு சம்பந்தமான சட்ட பயிற்சி 

அளித்திடவும் 

வக்ஃபு சொத்துகளை மீட்டு டெடுக்க

வழிகாட்டிடவும் தமிழகத்தில்

Wakf Training Institute ஒன்றை

உருவாக்கிட ISLAMIC FEDERATION OF INDIA அமைப்பின் சார்பில்

திட்டமிடப்பட்டு உள்ளது.

உறுப்பினர்களாக தன்னார்வலர்களாக

ஒருங்கிணைப்பாளர்களாக இந்த அமைப்பில் இணைந்து செயல்பட

விருப்பம் உள்ளவர்கள் உங்கள் பெயர் மற்றும் முகவரி உங்களை பற்றிய

விபரங்களை 8610496476 என்கின்ற

 வாட்ஸ்ஆப் எண்ணிற்கு அனுப்பவும்.

------------------------------------------

M.rahamathulla B A,B.L.,

Cheif Co-ordinator

ISLAMIC FEDERATION OF INDIA

8610496476

--------------------------------------------

குர்ஆன் காட்டும் உதாரணம்,

தன் இனம் அழியும் ஆபத்து வரும்போது அது சார்ந்த இனம் எப்படி துடிக்க வேண்டும்..

அந்த இனத்தின் பாதுகாப்பிற்கு எவ்வாறு கவலைப்பட வேண்டும்  என்று குர்ஆனில் தன் வசனங்களின் கொண்டு பாடம் எடுக்கிறான் இறைவன்...

இதைப் பார்த்தாவது மனிதன் படிப்பினை பெற வேண்டும்

படிப்பினை பெறாத மனிதன் மிருகத்தை விட கேவலமானவன்

(ஒருமுறை ஸுலைமான் அப்படைகளுடன் சென்று கொண்டிருந்தார்.) அவர்கள் அனைவரும் எறும்புகளின் பள்ளத்தாக்கிற்கு வந்தபோது ஓர் எறும்பு கூறியது: “எறும்புகளே! உங்களுடைய புற்றுகளில் நுழைந்து கொள்ளுங்கள். ஸுலைமானும் அவருடைய படையினரும் தெரியாமல் உங்களை மிதித்துவிடக்கூடாது.”

(அல்குர்ஆன் : 27:18)

தெரியாமல் தன் இனம் அழிந்து விடக்கூடாது என்று கவலைப்படும் எறும்பைவிட அற்பமாகி விட்டான் மனிதன்

ஆம் 

இன்று தன் இனம் ஈவு இரக்கமற்று தெரிந்தே அழிக்கப்படுகிறது ஆனால் அது சார்ந்த சமூகம் எந்த முன்னெடுப்பும் செய்யவில்லை...

 இறைவன் பாதுகாக்க வேண்டும்.

எறும்பை விட 

அற்ப்பமாகி விட்டானா மனிதன்?

ஐந்தறிவு படைப்பினத்தைக் கொண்டு மனிதன் உணர்வு பெற வேண்டும் என்பதற்காக வேண்டி இறைவன் காட்டும் உதாரணங்கள் ஏராளம் சிந்தனை செய் மனிதா

பைத்துல் முகத்தஸ்,

அசல் யுத்தம் என்ன

*முஃப்தி முஹம்மது தகி உஸ்மானி அவர்களின் முகநூல் பதிவு !*

*பைத்துல் முகத்தஸ் மூன்று மதத்தவர்களின் புண்ணிய தளமாகும்.*

1. முஸ்லிம்களுக்கு இரண்டாம் கிப்லா

2. கிறிஸ்தவர்களுக்கு ஈசா (அலை) பிறந்த இடம்.

3. யூதர்களுக்கு சுலைமான் (அலை) அவர்கள் உருவாக்கிய தளம்.

இப்போது, இப்ராஹீம் (அலை) அவர்களில் இருந்து நாம் விஷயத்தை  துவங்குவோம்.

அவர்களுக்கு இரண்டு மகன்கள் இருந்தார்கள் ஒன்று இஸ்மாயில் (அலை) மற்றொன்று இஸ்ஹாக் (அலை)

இஸ்ஹாக் (அலை) அவர்களுடைய மகன் யாகூப் (அலை).

இங்கிருந்துதான் இஸ்ராயீல்கள் உடைய கதை ஆரம்பம் ஆகிறது.

இஸ்ராயில் என்றால் அல்லாஹ்வின் அடிமை என்று பொருளாகும். 

இந்தப் பெயர் ஹஸ்ரத் யாகூப் (அலை) அவர்களுக்கு கொடுக்கப்பட்டது. 

ஹஜ்ரத் யூசுப் அலைஹிஸ்ஸலாம் மிஸ்ருடைய அரசர் ஆன பொழுது அவர்களுக்கு யாகூப் (அலை) அவர்களுடைய அனைத்து வம்சாவளியினரையும் மிஸ்ருக்கு அழைக்கும் படி உத்தரவிடப்பட்டது. 

மேலும் மிஸ்ரு நாட்டின் ஒரு குறிப்பிட்ட பகுதி அவர்களுக்காக ஒதுக்கப்பட்டது. 

மேலும், யாகூப் அலைஹிஸ்ஸலாம் அவர்களுடைய  சந்ததியினருக்கு, இந்த பூமியில் நிச்சயமாக உங்களுக்கு பரகத் இருக்கின்றது என்பதாக அல்லாஹ்வின் புறத்திலிருந்து அறிவிக்கப்பட்டது.

யூசுப் அலைஹிஸ்ஸலாம் அவர்களுக்கு 12 சகோதரர்கள் இருந்தார்கள். 

ஆகையினால், அல்லாஹுத்தஆலா அவர்களுக்கு 12 நீரோடைகளை  ஓடச் செய்திருந்தான். 

மேலும் யாகூப் அலைஹிஸ்ஸலாம் அவர்களுக்கு சூட்டப்பட்ட பெயரான இஸ்ராயில் என்பதே அந்த பகுதிக்கும் பெயராக ஆகிவிட்டது.

அதற்கு தற்போது ஜெருசலம் என்றும் சொல்லப்படுகிறது.

யாகூப் (அலை) அவர்கள் வம்சத்தில் சற்று ஏறத்தாழ 70 ஆயிரம் நபிமார்கள் வருகை புரிந்தார்கள்.

ஹஜ்ரத் யூசுப் அலைஹிஸ்ஸலாம் அவர்களுடைய சகோதரர் யஹீதா உடைய வாரிசுகளில் வந்த அனைத்து பனி இஸ்ராயீல்களும் யஹூதிகள் என்று அழைக்கப்பட்டார்கள்.

காலம் கடந்து சென்றது.

மூஸா (அலை) அவர்களுடைய காலமும் வந்தது. 

பிர்அவ்ன் மூஸா (அலை) அவர்களுக்கு மிஸ்ரில் நெருக்கடி தந்தபோது, இஸ்ரவேலர்களுடன் மிஸ்ரில் இருந்து புறப்பட நேர்ந்தது.

இக்காலகட்டத்தில் பனிஇஸ்ராயில்களின் மீது அல்லாஹுத்தஆலா அவனது ஏராளமான கருணையும் அருளையும்  பொழிந்தான். 

அதில் ஒன்றுதான் அவர்களுக்கு இறக்கப்பட்ட மன் வ சல்வா ஆகும். 12 நீர் ஓடைகளை ஓடச் செய்ததும் அல்லாஹ்வின் அருளினாலேயே ஆகும். 

அவர்களுக்கு அல்லாஹுத்தஆலா ஒரு குறிப்பிட்ட நாளில் மீன் பிடிக்கக் கூடாது என்று தடை விதிக்கும் அளவுக்கு அதிகமாக அருள் புரிந்திருந்தான். 

இது குர்ஆனிலும் கூறப்பட்டுள்ளது. 

மேலும் குர்ஆனில் காலை மாட்டை பற்றிய சம்பவமும் கூறப்பட்டுள்ளது. 

அதன் காலடி மண்ணை எடுத்து இறந்தவர்களை கூட அவர்கள் உயிர்ப்பித்துக் கொண்டிருந்தார்கள். 

அந்த மண்ணைக் கொண்டு, கொலை செய்யப்பட்ட ஒருவன் அல்லாஹ்வுடைய உத்தரவைக் கொண்டு உயிர்த்து எழுந்து தன்னை கொலை செய்தவனை அடையாளம் காட்டினான். 

அந்த மாட்டினுடைய அடையாளங்களை அல்லாஹுத்தஆலா குர்ஆனிலும் கூட குறிப்பிட்டு இருக்கின்றான்.

அது ஒரு சிகப்பு நிற காளை என்று குர்ஆனில் கூறப்பட்டுள்ளது.

இன்றும் யஹூதிகளிடம் அந்த நிறம் உள்ள காளைக்கு அதிக மதிப்பு இருக்கிறது. 

ஹஜ்ரத் மூசா அலைஹிஸ்ஸலாம் அவர்களுக்குப் பின் தீகர் நபியாக வந்தார்கள்.

அந்த சமயத்தில் மூசா (அலை) அவர்களுடைய காலத்தில் எஞ்சி இருந்த தவ்ராத் வேதத்தின் சில பகுதிகளையும், மன் வ சல்வாவின் மூலமாக இறக்கி வைக்கப்பட்ட உணவின் சிறு பகுதியும், ஒரு சந்தூக்கில் வைத்து அவர்களால் பாதுகாக்கபட்டது.

அந்த பெட்டி ஆதம் (அலை) அவர்களுக்கு அல்லாஹ் வழங்கி இருந்த ஒரு விசேஷமான பெட்டியாகும். 

அது அவர்களுக்குப் பிறகு ஒன்றன்பின் ஒன்றாக பல நபிமார்களிடம் இருந்தது. 

அது குர்ஆனில் 'தாபூத் சகீனா' என்ற பெயர் கொண்டு அது அழைக்கபடுகிறது.

அது யஹூதிகளுக்கு அவர்களுடைய உயிரை விட மதிப்பிற்குரியதாக கருதப்படுகிறது.

ஹஜ்ரத் தாவூத் (அலை) அவர்கள் எப்போது ஜாலூத்தை வீழ்த்தி அந்த பெட்டியை கைப்பற்றினார்களோ, அப்போது பனி இஸ்ராயீல்கள் அவர்களை நபியாக ஏற்றுக் கொண்டார்கள்.

மேலும், தாவூத் (அலை) அவர்கள் அந்த பெட்டியை பாதுகாக்க ஒரு பிரத்தியேகமான கட்டிடத்தை (ஹைகல்) கட்ட துவங்கினார்கள். 

அது அவர்களுடைய வாழ்வில் முழுமை அடையவில்லை.

அதற்குப் பின் அவர்களுடைய மகன் சுலைமான் (அலை) அவர்கள் ஜின்களின் உதவியுடன் அந்த கட்டிடத்தை கட்டி முடித்தார்கள்.

அந்த பணியின் இடையிலேயே அவர்கள் மரணமடைந்தும் விட்டார்கள்.

ஆகையினால் அதற்கு 'ஹைகலே சுலைமானி' என்றும் சொல்லப்படுகிறது.

பின்பு, அஜான் பாபில் உடைய பாதுஷா 

பஹத் நஸர் இஸ்ராயீல் மீது தாக்குதல் நடத்தி, ஹைகலே சுலைமானியையும் இடித்து விட்டார். மேலும் தாபூத் ஸகீனா வையும் தன்னுடன் எடுத்து சென்று விட்டார்.

சைப்ரஸ் - தி - கிரேட் மீண்டும் இந்த நகரத்தை கைப்பற்றி, யஹூதிகளை அங்கு குடியேற்றினார். தாபூத் ஸகீனாவை மீண்டும் அங்கேயே கொண்டு வந்து சேர்த்தார்.

ஹைகல் சுலைமானி மீண்டும் ஒருமுறை நிர்மாணிக்கப்பட்டது.

சில காலம் கழிந்த பின் ஈஸா (அலை) அவர்கள் வருகை புரிந்தார்கள். 

நஊது பில்லாஹ், ஈசா (அலை) அவர்களை தரம் கெட்டவர் என்று பழி சுமத்தினார்கள்.

அதற்கு பின்பு யஹூதிகள் என்றும் கிறிஸ்தவர்கள் என்றும் யூதர்கள் இரண்டு கூட்டமாக பிரிந்து விட்டார்கள்.

யூதர்கள் சதி செய்து ஈஸா (அலை) அவர்களை சிலுவையில் அறைய முயற்சி செய்த போது, அல்லாஹ் அவர்களை தன் பக்கம் உயர்த்திக் கொண்டான்.

அதன் பின்பு யூதர்களுக்கும் கிறிஸ்தவர்களுக்கும் இடையே சிறிய சிறிய யுத்தங்கள் நடைபெற்றுக் கொண்டேயிருந்தது. 

அதற்குப் பிறகு ரோமைச் சேர்ந்த கிறிஸ்தவ அரசர் டைட்டஸ் ஜெருசலத்தின் மீது கடினமான போர் தொடுத்தார். 

அதன் மூலம் முழு நாட்டையும் அழித்து ஒழித்தார். 

ஹைகலே சுலைமானியையும் தகர்த்தெறிந்தார். 

எனினும், அதில் ஒரே ஒரு சுவர் மட்டும் எஞ்சி இருந்தது. அதற்கு கரியா என்று சொல்லப்படும். அங்கே யூதர்கள் சென்று அமர்ந்து தவ்ராத் வேதத்தை ஓதுவதுண்டு.

மேலும் தாபூத் ஷக்கீனாவும் அந்த தாக்குதலுக்கு பின்பு எங்கோ தொலைந்து போனது. 

டைட்டஸ் அவர்களுடைய போர் தொடுப்பிற்கு பின் யூதர்கள் இறுதி நபியின் வருகைக்காக காத்திருந்தார்கள். 

ஏனென்றால் அவர்களுக்கு மீண்டும் உயர்வு உண்டு என்பதாக அல்லாஹ் வாக்களித்திருந்தான்.

இதைப் பற்றிய வாக்குறுதி சூரத்துல் பகராவிலும் இடம்பெற்று இருக்கின்றது.

பனி இஸ்ராயில்களே, உங்கள் மீது நாம் புரிந்த அருட்கொடைகளை நினைவு கூறுங்கள். (நீங்கள் ஈமான் கொண்டு) உங்கள் வாக்குறுதியை நிறைவேற்றுங்கள். ஏனென்றால் நாமும் நம் வாக்குறுதியை பூர்த்தி செய்ய முடியும்.

ஹைகலே சுலைமானி மூன்று முறை கட்டப்படும் என்பது கியாமத்துடைய அடையாளங்களில் ஒரு அடையாளமாகும்.

அது இரண்டு முறை நிகழ்ந்து விட்டது. 

யூதர்கள் தங்களுடைய மஸீஹ் மற்றும் இறுதி நபிக்கு காத்திருந்தார்கள். 

டைடஸ் போர் தொடுத்து 500 ஆண்டுகளுக்கு பின் இறுதி நபி வருகை புரிந்தார்கள்.

இங்கே யூதர்களுக்கு மிகப் பெரும் ஏமாற்றமே மிஞ்சியது. 

அனைத்து நபிமார்களும் இஸ்ஹாக் (அலை) அவர்களது சந்ததியிலேயே தோன்றினார்கள். 

ஆனால் இறுதி நபி இஸ்மாயீல் (அலை) அவர்களுடைய சந்ததியில் ஏன் தோன்றினார்கள் என்று ஈமான் கொள்ள மறுத்து விட்டார்கள்.

இறுதித் தூதராக வந்த நபி (ஸல்) அவர்களது அடையாளங்களை கண்டு அவர்களை அல்லாஹ்வின் தூதராக ஏற்றுக் கொண்டவர்கள் முஸ்லிம்களாகி, ஹைகலே சுலைமானிக்கு 'பைத்துல் முகத்தஸ்'  என்று பெயர் சூட்டினார்கள்.

யூதர்களை திருப்தி படுத்துவதற்காகவே இஸ்லாமியர்களுக்கு பைத்துல் முகத்தஸை முன்னோக்கி சிறிது காலம் தொழும் படி உத்தரவிடப்பட்டது.

ஏனென்றால், யூதர்களும் அப்போது பைத்துல் முகத்தஸை நோக்கியே தொழுது கொண்டு இருந்தார்கள்.

17 மாதங்கள் வரை பைத்துல் முகத்தஸை நோக்கி தொழுது விட்டு, ஆதம் (அலை) அவர்களாலும், பின்பு இப்ராஹீம் (அலை) அவர்களாலும் கட்டப்பட்ட  முஸ்லிம்களின் முதல் கிப்லாவான கஃபாவை முன்னோக்கி முஸ்லிம்களை தொழுமாறு உத்தரவிடப்பட்டது.

ஹஜ்ரத் உமர் (ரலி) அவர்கள் காலத்தில் ஜெருசலம் கிறிஸ்தவர்கள் வசம் இருந்தது.

பைத்துல் முகத்தஸை சுற்றியே அவர்கள் ஆலயமும் வீடுகளும் கட்டப்பட்டு இருந்தது. 

 

தாபூத் சகீனா இருந்த இடத்தை யூதர்களின் மீது இருந்த வெறுப்பின் காரணமாக குப்பைகளை கொட்டும் இடமாக விட்டு விட்டார்கள்.

ஜெருசலம் வெற்றி கொள்ளப்பட்ட போது அங்கு சென்ற உமர் (ரலி) அவர்கள் மீது கிறிஸ்தவர்கள் சீற்றம் கொண்டார்கள். 

மேலும் அந்த இடத்தை சுத்தம் செய்து, குர்ஆனில் கூறப்பட்டுள்ள மிஃராஜ் சம்பவத்துடன் தொடர்புடைய அந்த இடத்தில் அமையப்பெற்ற மஸ்ஜிதுக்கு, 'அக்ஸா' என்று பெயர் சூட்டினார்கள்.

யஹூதிகளின் 'திவார் கரியா' - கரிய்யா சுவர்' அதன் சூழலியே இருந்தது. 

 

அதனை தரிசிக்க வருபவர்களுக்கு மதிப்பளித்து அவர்கள் அங்கு வருவதற்கு வாய்ப்பளிக்கப்பட்டது.

அப்பாஸிய்யாக்களின் காலம் வரை ஜெருசலம் ஒரு முஸ்லிம் நகராகவே இருந்தது. 

பிறகு மீண்டும் கிறிஸ்தவர்கள் அதன் மீது போர் தொடுத்து அதனை கைப்பற்றி கொண்டார்கள்.

சலாஹுத்தீன் அய்யூபி அவர்கள் 50 க்கும் மேற்பட்ட முறைகள் போர் தொடுத்து மீண்டும் அதனை கைப்பற்றினார்கள்.

பின்பு 700 ஆண்டுகள் வரை உஸ்மானியர்களின் ஆட்சியின் கீழ் ஜெருசலம் இருந்தது

யஹுதிகளுக்கும் அவர்களது கரிய்யா சுவர் வரை வந்து செல்வதற்கு சுதந்திரம் இருந்தது. பின்பு அவர்கள் சிறிது சிறிதாக ஜெருசலத்தில் குடியேற துவங்கினார்கள்.

பின்பு கிறிஸ்தவரான ஹிட்லர், சிப்பாயியாக இருந்து பின் ராணுவ தளபதியாகி, ஒரு பெரும் படையெடுப்பின் மூலம் 60 லட்சம் யூதர்களை கொன்று குவித்தார்.

யஹூதிகள் இதன் காரணமாக நாட்டை விட்டு கூட்டம் கூட்டமாக வெறியேற வேண்டிய நிர்பந்தம் உண்டானது.

அத்துடன் யூதர்கள் தனக்கு  என்று ஒரு அடையாளத்தை உருவாக்கி கொள்ள வேண்டும் என்றும் திட்டமிட்டார்கள்.

மேலும் பைபிளில் சொல்லப்பட்டுள்ளது போல் யூதர்கள் உலகில் இறுதியாக ஏற்றம் பெறுவதற்கு முன் நிகழ வேண்டிய அனைத்து அடையாளங்களும் வெளிப்பட்டு விட்டதை உணர்ந்தார்கள்.

மேலும் அவர்கள் உலகில் மீண்டும் பிரபலமாக பேசப்படுவதற்கு காரணமான இறுதி மஸீஹ், தஜ்ஜால் தான் என்பதை அவர்கள் உணர்ந்து கொண்டார்கள்.

யஹூதிகள் பிரிட்டனில் ஆயதமேந்தி தனக்கு என்று ஒரு தனித் தலைமையை உருவாக்கி கொண்டார்கள்.

தங்களுக்கான இருப்பை ஒரு நாட்டின் தோற்றத்தில் உலக வரைபடத்தில் யஹூதிகள் இப்படித்தான் இடம் பெறச் செய்தார்கள்.

பிறகு சிறிது சிறிதாக ஃபலஸ்தீன் மற்றும் எகிப்தின் தீகர் பகுதிகளையும் கைப்பற்றினார்கள்.

அரபு நாடுகள் இஸ்ரேலுக்கு எதிராக போர் தொடுத்தார்கள். 

  

எனினும் அப்போது ஒரு சிறிய நாட்டிடம் மிக மோசமாக தோற்றுப் போகும் அளவிற்கு யஹூதிகள் தங்களை தாங்களே வலிமை படுத்திக் கொண்டு இருந்தார்கள்.

கிறிஸ்தவர்களும் இதனைப் பார்த்து, இவர்களுடன் போரிட்டு தங்களுக்கு எதுவும் கிடைத்து விடப் போவதில்லை என்று அறிந்து, பாதிரியார்கள் மூலமாக சர்ச்சுகளிலும் வீடுகளிலும் கூட்டங்களை ஏற்பாடு செய்து யூதர்களை மன்னிப்பதாக அறிவிப்பு செய்து விட்டார்கள்.

இப்படியாக ஆட்சி அதிகாரம் மற்றும் பொருளாதார மோகம், இரண்டாயிரம் ஆண்டுகளாக ஒருவர் பிறருடைய உயிருக்கு நிரந்தர எதிரியாக இருந்த இரு சமூகத்தவர்களை ஓரணியில் நிறுத்தி விட்டது.

அத்துடன் யூதர்களும் கிறிஸ்தவர்களும் ஒருவர் பிறருக்கு நண்பர்கள் என்ற குர்ஆனின் கூற்றும் உண்மையாகிவிட்டது.

யஹூதிகளின் நம்பிக்கையின் பிரகாரம் அவர்களால் 'ஹைகலே சுலைமானி' யை தங்களால் காப்பாற்ற முடியாமல் போனால், தங்களை  குற்றவாளிகள் என்று தாங்களே நிந்தித்துக்  கொள்வார்கள்.

 

மேலும் அவர்கள் சங்கிலியாலும் தோலினால் ஆன சாட்டைகளினாலும் தங்களை அடித்தும் கொள்வார்கள். 

மேலும் கரியா சுவற்றிற்கு அருகில் சென்று கூட்டமாக ஒப்பாரி வைப்பார்கள்.

யஹூதிகள் மூன்றாவது முறை முழு உலகையும் ஆளும் வாய்ப்பு தங்களுக்கு கிடைக்கும் என்று நம்புகிறார்கள். 

அது 'மஸ்ஜிதுல் அக்ஸா' வை அவர்கள் இடிக்க வேண்டும். 

அதற்கான ஏற்பாடுகளையும் அவர்கள் செய்து விட்டார்கள். 

மஸ்ஜிதுல் அக்ஸாவின் அடியில் வெடிபொருள்களைக் கொண்டு நிரப்பப்பட்ட  சுரங்கங்களை அவர்கள் அமைத்து விட்டார்கள்.

பின்பு 'ஹைகலே சுலைமானி' யை மீண்டும் கட்டி அங்கே 'தாபூத் சகீனா' வை மீண்டும் வைக்க வேண்டும். 

அதற்காக தாபூத் சகீனாவை இரண்டாவது முறையாக அவர்கள் கைப்பற்றி தங்களது வசம் வைத்துள்ளார்கள்.

ஆனால் பிரச்சினை தற்போது 'சிகப்புக் காளை' தான்.

ஏனென்றால் அவர்களின் நம்பிக்கை படி 'ஹைகலே சுலைமானி' இடம் பெற்றுள்ள இடம் பரிசுத்தமற்றதாக உள்ளது. 

அது எது வரை பரிசுத்தமாக்கப்படாதோ, அது வரை 'ஹைகலே சுலைமானி' யை மீண்டும் கட்ட முடியாது.

அதனை பரிசுத்தப்படுத்துவதற்கு ஒரு சிகப்பு காளையை குர்பானி கொடுக்க வேண்டும்.

அந்த சிகப்பு காளையின் அடையாளங்கள் குர்ஆனிலும் கூறப்பட்டுள்ளது. 

அந்த காளையை கண்டு பிடிப்பது தான் அவர்களுக்கு சிரமமாக இருந்தது.

தற்போது கூட 100 ஆண்டுகளாக அப்படி ஒரு சிகப்பு காளையை அவர்கள் தேடிக் கொண்டு தான் இருந்தார்கள்.

  

டெக்னாலஜி - தொழில் நுட்பத்தைக் கொண்டு குழந்தைகளை பிறக்க வைக்கும் வழிமுறைகளில் வெற்றி கண்ட அனுபவம் அவர்களுக்கு உண்டு.

பின்பு அந்த தொழில் நுட்பத்தை கொண்டு சிகப்பு காளையை பிறக்க வைக்க செய்த முயற்சிகள் அவர்களுக்கு பலன் அளிக்க வில்லை.

2019 ல் ஒரு அமெரிக்கரிடம் இருந்து அது போன்ற ஐந்து மாடுகள் அவர்களுக்கு கிடைத்தது. அதன் உடலில் சிகப்பு நிறம் அல்லாத வேறு ரோமமே இருக்கவில்லை. மேலும் அவைகள் எந்த வேளையிலும் ஈடுபடுத்தப் பட்டிருக்கவும் இல்லை. 

மேலும், அந்த காளைகளின் மீது எந்த நோயுடைய தாக்கமும் இருக்காது என்பது பலியிடத் தகுதி உடைய அத்தகைய காளைகளின் இரண்டாவது அடையாளமாகும். 

ஆகையால் கோவிட் - கரோனா வியாதியை உலகம் முழுவதும் பரப்பி அதன் தாக்கம் மற்ற மிருகங்களில் ஏற்பட்டது போல் இந்த காளைகளின் மீது ஏற்படுகிறதா என்று பார்த்த போது, அவைகளின் மீது எந்த தாக்கமும் ஏற்படவில்லை.

இந்த விஷயத்தை Google ல் தேடிப் பார்த்து நீங்கள் விரிவாக படித்து தெரிந்து கொள்ளவும் முடியும்.

Red heifer found -

Mastery of Red heifer என்று கூகுளில் நீங்கள் டைப் செய்தால் இந்த செய்திகளை தெரிந்து கொள்ளலாம்.

கியாமத் நாள் சமீபத்தில் தஜ்ஜால் வருகை உடன் தொடர்புடைய அனைத்து நிகழ்வுகளும் நடைபெற்று விட்டன.

தனது விருப்பப்படி டாக்டர், இன்ஜினியர் பிள்ளைகளை பிறக்க செய்வது, 9 D டெக்னாலஜியின் உதவியுடன் ஒரு இடத்தில் இருந்து கொண்டே பல இடங்களில் இருப்பது, தான் விரும்பிய தட்ப வெப்ப நிலையை உருவாக்குவது, எப்போது வேண்டுமோ அப்போது மழையை பொழியச் செய்வது, சில நாட்களில் முழு உலகையும் சுற்றி வந்து விடுவது என இவைகள் அனைத்தும் தஜ்ஜாலுடைய அடையாளங்கள். 

இவைகள் இந்த காலத்தில் சிரமமான காரியம் அல்ல. 

நம்முடைய இஸ்லாமில் சொல்லப்பட்டுள்ள கியாமத்துடைய அனைத்து அடையாளங்களையும் அவர்கள் சிறப்பாக ஏற்பாடு செய்து விட்டார்கள். 

கியாமத் நாளின் சமீபத்தில் யஹூதிகள் தங்களை காத்துக் கொள்வதற்காக மரங்களுக்குள்  மறைந்து கொள்வார்கள். 

அந்த கர்கத் மரங்களையும் அவர்களே நட்டுவிட்டார்கள்.

பாப் லத் - ஹதீஸ்களின் அடிப்படையில் எந்த இடத்தில் தஜ்ஜால் ஈசா (அலை) அவர்களுடைய கரங்களால் கொலை செய்யப்படுவான் என்று சொல்லப்பட்டுள்ளதோ,  அங்கே அவன் தப்பி செல்வதற்காக ஏர் போர்ட்டும் கட்டி விட்டார்கள்.

இவைகள் அனைத்தும் கியாமத் நெருங்குவதற்கான அடையாளங்கள்.

அத்துடன் 'ஹைகலே சுலைமானி' யும் கட்டப்பட்டு இருக்க வேண்டும்.

*அப்படி என்றால் அசல் யுத்தம் என்ன ?*

*அசல் யுத்தம் நம்பிக்கைகள் சம்பந்தப்பட்டதாகும்.*

*தொழுதாலும் தொழாவிட்டாலும் எந்த வித்தியாசத்தையும் உணராத அளவு நம் ஈமான் பலவீனமாகிவிட்டது.*

*இரண்டுக்கும் நமக்கு வேறுபாடு இல்லாமல் போய்விட்டது.*

*நம் சகோதர சகோதரிகளின் உரிமைகளை நாம் விழுங்கிவிட்டு சந்தோஷத்தையே உணருகிறோம்.*

  

*மேலும் பிளவு பட்டவர்களின் கட்டுக்கதைகளால் குழம்பிப் போய் இருக்கிறோம்.*

*ஃபலஸ்தீனத்துக்காக துஆ செய்வதையும், எதிர்ப்புகளை தெரிவிப்பதையும் தவிர நம்மால் வேறு என்ன செய்ய முடியும்.*

*நமக்கு பண மயக்கம் ஏற்பட்டு  விடாமல் இருக்கும் அளவு நமது ஈமான் உறுதி உடையதாக இருக்கிறதா ?*

*யஹூதிகளுக்கு எதிராக புறப்படும் குராசான் முஜாஹிதீன்களைப் போன்றவர்களா நாம் அல்லது சமூக வளைதளங்களில் வீண் வேடிக்கைகளில் ஈடுபட்டிருப்பவர்களா ?*

*ஒரு வேளை இன்று தஜ்ஜால் வெளி வந்து விட்டால் தவ்பா உடைய வாசல் அடைக்கப்பட்டு விடும்.*

*நமது ஆகிரத்திற்கு நாம் என்ன தயார் செய்துள்ளோம்.*

ஆடையூம் இஸ்லாமும்,

 

ஆடைகளை அழகாக்குவோம்

 

يَا بَنِي آدَمَ قَدْ أَنْزَلْنَا عَلَيْكُمْ لِبَاسًا يُوَارِي سَوْآتِكُمْ وَرِيشًا

 

ஆதமுடைய மக்களே! உங்களுடைய மானத்தை மறைக்கக் கூடியதும் உங்களை அலங்கரிக்கக் கூடியதுமான ஆடைகளை நிச்சயமாக நாம் உங்களுக்கு அருள் புரிந்திருக்கின்றோம். திருக்குர்ஆன்:- 7:26

 

ஆடையில்லா மனிதன் அரை மனிதன் என்பார்கள். மனிதர்களையும் மிருகங்களையும் வேறுபடுத்தி காட்டுவது ஆடைகள் தாம். மனிதனைத் தவிர வேற எந்த படைப்பினமும் ஆடைகளைப் பற்றி கவலைப்படுவதில்லை. மனிதனுக்கு உணவிற்கு அடுத்து ஆடையே பிரதான தேவையாகும். உடலையும் மறைக்கவும் வெயில் மற்றும் குளிரிலிருந்து காக்கவும் ஆடை அவசியம். ஆடை ஒருவரது இயல்பை வெளிப்படுத்தும் அடையாளம் எனலாம். அதனால் தான், ஆடை அலங்காரத்திலும் இஸ்லாம் கவனம் செலுத்துகிறது.

 

நபிகள் நாயகம் (ஸல்) அவர்கள் கூறினார்கள். மக்களிடம் நீங்கள் செல்லும்போது உங்கள் வாகனம் உங்களின் ஆடைகளை சரியாக்கி கொள்ளுங்கள். ஏனெனில், மக்களிடம் உங்களைப் பற்றி அருவெறுப்பு ஏற்படாமல் இருக்கும். அருவெறுப்புகளை செய்யவோ, செய்யப்படவோ அல்லாஹ் விரும்புவதில்லை.

 

தன்னிடம் உள்ளவற்றை கொண்டே அழகுபடுத்திக் கொள்ள வேண்டும். தன் சக்திக்கு அப்பாற்பட்டு கடன் வாங்கியோ அல்லது அடுத்தவருடைய பொருளை அபகரித்தோ அல்லது தடுக்கப்பட்ட வழிகளில் சம்பாதித்தோ தன்னை அழகுபடுத்தக் கூடாது. தம்மையும் வாகனங்களையும் வீடுகளையும் அழகு படுத்துவதற்கு வீண்விரயம் செய்யலாகாது. அல்லாஹ் வீண்விரயத்தை விரும்புவதில்லை. வெறுக்கிறான் என்பதை நாம் விளங்கிக்கொள்ள வேண்டும்.

 

வசதிக்கேற்ப

 

அபூ அஹ்வஸ் (ரலி) அவர்கள் கூறியதாவது. நான் பழைய மட்டமான ஆடை (அணிந்த நிலை)யில் அண்ணல் நபி (ஸல்) அவர்களிடம் வந்தேன். அப்போது நபியவர்கள், ( ( أَلَكَ مَالٌ"உம்மிடம் செல்வம் உண்டா?" என்று கேட்டார்கள். நான் "ஆம்" என்று பதிலளித்தேன். நபியவர்கள், ( مِنْ أَىِّ الْمَالِ )  "எந்த வகையான செல்வம் இருக்கிறது?" என்று கேட்டார்கள்.

 

நான் "ஒட்டகம், ஆடு, குதிரை, அடிமை ஆகியவை அல்லாஹ் எனக்குக் கொடுத்துள்ளான்" என்று கூறினேன். அப்போது நபியவர்கள், ( فَإِذَا أَتَاكَ اللَّهُ مَالاً فَلْيُرَ أَثَرُ نِعْمَةِ اللَّهِ عَلَيْكَ وَكَرَامَتِهِ ) "அல்லாஹ் உமக்குச் செல்வத்தை வழங்கினால், அல்லாஹ் உமக்குப் புரிந்திருக்கிற அருட்கொடை, அவன் (உனக்கு வழங்கி இருக்கும்) கண்ணியம் ஆகியவற்றின் வெளிப்பாடு உன் மீது தென்படட்டும்" என்று கூறினார்கள். நூல்:-  அபூதாவூத்-3541, நசாயீ-5128, முஸ்னது அஹ்மத்

 

மனிதர்கள் தங்கள் வசதிக்கேற்ப சிறந்த ஆடைகளை அணிய வேண்டும். இதில் கருமித்தனம் கூடாது. அல்லாஹ் நமக்கு தந்துள்ள அருட்கொடைகளை வெளிப்படுத்தி காட்டுவதின் மூலம் அல்லாஹ் மகிழ்ச்சி கொள்கிறான்.

 

ஜனாதிபதியாக இருந்த உமர் (ரலி) அவர்கள் ஒட்டு போட்ட ஆடை அணியவில்லையா? உயரமான ஆடைகளை தான் அணிந்தார்களா? என்று கருமித்தனம் செய்வோர் கேள்வி கேட்கலாம். உமர் (ரலி) அவர்களோ சந்தர்ப்பத்திற்கேற்ப ஆடை அணியவில்லை என்பதை விளங்கிக்கொள்ள வேண்டும்.

 

தொழுகையில்

 

ஆதமுடைய மக்களே! தொழும் போதெல்லாம் (ஆடைகளினால்) உங்களை அலங்கரித்துக் கொள்ளுங்கள். திருக்குர்ஆன்:- 7:31

 

பேரறிஞர் முஹம்மத் பின் சீரின் (ரஹ்) அவர்கள் கூறுகிறார்கள். நபித்தோழர் தமீமுத்தாரீ (ரலி) அவர்கள் ஆயிரம் வெள்ளிக்காசுகள் கொடுத்து மேலங்கி ஒன்றை வாங்கி அதை அணிந்து தொழுது வந்தார்கள். நூல்:- தஃப்சீர் இப்னு கஸீர் அல்அஃராப் வசனம்-31

 

மார்க்கத்தில் தடுக்கப்படாத ஆடைகளில் விலை உயர்ந்த ஆடைகளை பேரறிஞர் இமாம் அபூஹனீஃபா (ரஹ்) அவர்கள் அணிந்திருந்தார்கள். ஆனால், இப்படி அணிவதை தொழுகையில் மட்டும் வழக்கமாக்கி இருந்தார்கள்.

 

அல்லாஹ்வின் சன்னிதானத்தில் அழகிய கம்பீர ஆடையில் இருக்க வேண்டும் என்பதே அதன் நோக்கமாகும். இவர்களின் ஆடை உயர்ந்த தோற்றத்தில் இருந்தாலும் உள்ளம் பணிவை மேற்கொண்டு இருக்கும்.

 

திருமணம் போன்ற நிகழ்ச்சிகளுக்கு செல்லும்போது உயர் ரக ஆடை அணிந்துகொள்வதும், தொழுகைக்கு வரும்போது மட்டும் பனியனுடனோ அல்லது மட்ட ரகமான சாதாரண ஆடை, கிழிந்த ஆடை இவைகளை அணிந்து வருவதும் இன்று சாதாரணமாகிவிட்டது. காரணம், இறைவணக்கத்தில் ஈடுபட வரும் போது ஆடை விஷயத்தில் கவனம் செலுத்துவதில்லை. சராசரியான நேரங்களில் எந்த ஆடையோடு வெளியே செல்ல மாட்டோமோ, அந்த ஆடையை அணிந்து தொழுவது (மக்ரூஹ் எனும்) வெறுக்கத்தக்க செயல் என்பது மார்க்கச் சட்டமாகும்.

 

ஆடம்பத்திற்காக  

 

அண்ணல் நபி (ஸல்) அவர்கள் கூறினார்கள். ( مَنْ لَبِسَ ثَوْبَ شُهْرَةٍ أَلْبَسَهُ اللَّهُ يَوْمَ الْقِيَامَةِ ثَوْبًا مِثْلَهُ ) பேருக்காகவும் புகழுக்காகவும் வேண்டி எவர் (ஆடம்பர) ஆடைகளை அணிகிறாரோ அவருக்கு இறைவன் மறுமைநாளில் இழிவுக்குரிய ஆடைகளை அணிவிப்பான். அறிவிப்பாளர்:- அப்துல்லாஹ் பின் உமர் (ரலி) அவர்கள் நூல்:- அபூதாவூத்-3511

 

கண்மணி பெருமானார் (ஸல்) அவர்கள் கூறினார்கள். ( بَيْنَمَا رَجُلٌ يَمْشِي قَدْ أَعْجَبَتْهُ جُمَّتُهُ وَبُرْدَاهُ إِذْ خُسِفَ بِهِ الأَرْضُ فَهُوَ يَتَجَلْجَلُ فِي الأَرْضِ حَتَّى تَقُومَ السَّاعَةُ ) ‏  (முற்காலத்தில்) ஒரு மனிதன் தற்பெருமை கொண்டவனாக தன் ஆடைகளை அணிந்து கர்வத்தோடு நடந்து சென்று கொண்டிருந்தான். திடீரென அவனை அல்லாஹ் பூமிக்குள் புதையச் செய்துவிட்டான். அவன், மறுமைநாள் நிகழும் வரை அவ்வாறே பூமிக்குள் குலுங்கியபடியே அழுந்திச் சென்று கொண்டே இருப்பான். அறிவிப்பாளர்:- அபூஹுரைரா (ரலி) அவர்கள் நூல்:- முஸ்லிம்-4240

 

ஆள் பாதி, ஆடை பாதி என்பர். ஆடை ஆளுமையை மேம்படுத்தும். ஆடைகள் மானத்தை மறைத்து மனிதனை கண்ணியப்படுத்த வேண்டுமே தவிர, படோடாபத்தையும் கர்வத்தையும் பறைசாற்றுவதாக இருக்கக்கூடாது. ஆடை விஷயத்தில் மட்டும்தான் கர்வம் கொள்ளக்கூடாது என்பதில்லை. மற்ற எந்த விஷயத்திலும் கர்வம் கூடாது. ஏனெனில், மனிதர்கள் கர்வம் மற்றும் தற்பெருமை கொள்வதை இறைவன் விரும்புவதில்லை.

 

ஏதேனும் சில நேரத்தில்

 

அப்துல்லாஹ் பின் உமர் (ரலி) அவர்கள் கூறியதாவது. கண்மணி பெருமானார் (ஸல்) அவர்கள், ( مَنْ جَرَّ ثَوْبَهُ خُيَلاَءَ لَمْ يَنْظُرِ اللَّهُ إِلَيْهِ يَوْمَ الْقِيَامَةِ ) “எவன் தன் ஆடையைத் தற்பெருமையின் காரணத்தால் (பூமியில் படும்படி கீழே தொங்கவிட்டு) இழுத்துக்கொண்டு செல்கிறானோ அவனை அல்லாஹ் மறுமைநாளில் ஏறிட்டும் பார்க்கமாட்டான்” என்று கூறினார்கள்.

 

உடனே, (மெலிந்த உடல்வாகு கொண்ட) அபூபக்ர் (ரலி) அவர்கள், ( إِنَّ أَحَدَ شِقَّىْ ثَوْبِي يَسْتَرْخِي إِلاَّ أَنْ أَتَعَاهَدَ ذَلِكَ مِنْهُ ) “நான் கவனமாக இல்லாவிட்டால் எனது ஆடையின் ஒரு பக்கம் கீழே தொங்கிவிடுகின்றது” என்று சொன்னார்கள். அதைக் கேட்ட நபியவர்கள், ( إِنَّكَ لَسْتَ تَصْنَعُ ذَلِكَ خُيَلاَءَ ) “நீங்கள் அதைத் தற்பெருமைக்காகச் செய்வதில்லையே” என்று சொன்னார்கள். நூல்:- புகாரீ-3665

 

எவரேனும் எனது ஆடை கரண்டை காலுக்கு கீழே தொங்குவது பெருமையினால் அல்ல என்று கூறி தம்மைத்தானே பரிசுத்தவானாகக் கூறிக் கொண்டாலும் அதை ஏற்க தகுந்ததுல்ல. ஏனெனில், பெருமையுடன் தொங்கவிடுபவருக்கு மட்டுமே தண்டனை என மார்க்கத்தில் வரையறுக்கப்படவில்லை.

 

ஒரு நல்ல மனிதர் ஏதேனும் சில நேரத்தில் கவனமின்மையால் அல்லது ஏதேனும் நோயின் காரணமாக அவரது ஆடை கரண்டைக் காலுக்கு கீழே இறங்கிவிட்டால் அதை அல்லாஹ் மன்னிக்கக்கூடும். ஆனால், அது தொடர்படியாக நிகழக்கூடாது.  

 

ஆடை கரண்டைக் காலுக்கு கீழே தொங்குவதின் மூலம் வீதியில் கிடக்கின்ற அசுத்தங்கள் அணிந்துள்ள ஆடையில் தொற்றிக் கொள்வதினால் பல நோய்கள் ஏற்பட வாய்ப்புண்டு.

 

மேலும், மனிதன் அத்தகைய அசுத்த ஆடைகளுடன் இறை இல்லதிற்குள் செல்வதினால் இறை இல்லத்தையும் அசுத்தப்படுத்திவிடுகிறான். ஆகையால், கரண்டைக் காலுக்கு கீழே ஆடை தொங்க விடக்கூடாது. மேலும், முட்டுக்காலுக்கு மேல் கீழாடையை மடித்து கட்டிக் கொள்வதற்கும் மார்க்கம் தடை விதித்துள்ளது. ஏனெனில், மறைக்கப்பட வேண்டிய உறுப்புகள் வெளியே தெரிவதால் இஸ்லாத்தின் சட்டத்தை ஒழுங்காக பேணாதவர் என்ற குற்றத்திற்கு ஆளாக வேண்டியது வரும். எனவே, இவ்வாறான தவறுகள் ஏற்படாதவாறு நம்மை ஒழுங்குபடுத்திக்கொள்ள வேண்டும்.

 

நிறங்களின் குணங்கள்

 

நபிகள் நாயகம் (ஸல்) அவர்கள் கூறினார்கள். ( الْبَسُوا الْبَيَاضَ فَإِنَّهَا أَطْهَرُ وَأَطْيَبُ وَكَفِّنُوا فِيهَا مَوْتَاكُمْ ) நீங்கள் வெண்ணிற ஆடை அணியுங்கள். ஏனெனில், அது தூய்மையானதும் அழகானதும் ஆகும். உங்களில் இறந்துவிட்டவர்களுக்கு வெண்ணிறத்திலேயே சவக்கோடி (கஃபன்) அணிவியுங்கள். அறிவிப்பாளர்:- சமுரா பின் ஜுன்துப் (ரலி) அவர்கள் நூல்:- திர்மிதீ-2731

 

அன்னை ஆயிஷா (ரலி) அவர்கள் கூறியதாவது. அருமை நாயகம் (ஸல்) அவர்கள் பல வண்ணங்கள் உள்ள ஒரு ஆடையை அணிந்து தொழுதபோது அந்த வண்ணங்களின் பக்கம் பார்வையைச் செலுத்தினார்கள். நபியவர்கள் தொழுகையை முடித்த பின்பு ( اذْهَبُوا بِخَمِيصَتِي هَذِهِ إِلَى أَبِي جَهْمٍ وَائْتُونِي بِأَنْبِجَانِيَّةِ أَبِي جَهْمٍ، فَإِنَّهَا أَلْهَتْنِي آنِفًا عَنْ صَلاَتِي ) “என்னுடைய இந்த ஆடையை கொண்டுபோய் அபூஜஹம் என்ற தோழரிடம் கொடுத்துவிட்டு அவருடைய (வண்ணங்கள் இல்லாத) ஆடையை கொண்டு வாருங்கள். இந்த ஆடை சிறிது நேரத்திற்கு முன் எனது தொழுகையைவிட்டு என் கவனத்தை திருப்பிவிட்டது” என்று கூறினார்கள். நூல்:- புகாரீ-373, முஸ்லிம்-963

 

நபிகள் நாயகம் (ஸல்) அவர்கள் பல வண்ணங்களில் ஆடை அணிந்திருந்தாலும் அவர்களுக்கு பிடித்தமானது வெண்ணிற ஆடை தான். இதையே அணியும் படி பிறருக்கும் வலியுறுத்தியுள்ளார்கள்.

 

நிறங்கள் மனதை விருப்பு - வெறுப்பு அடையச் செய்கிறது என்பதை பற்றி நபியவர்கள் கூறியவற்றை பல ஆண்டுகளுக்குப் பிறகு தற்காலத்தில் மருத்துவ நிபுணர்கள் நிரூபித்திருக்கிறார்கள்.

 

கவனம் சிதறாமல் இருக்க வெண்ணிற ஆடையை நபியவர்கள் அணிந்து தொழுதார்கள். வெண்மை நிறம் ஒளியை பிரதிபலிப்பதில்லை. கவனம் சிதறாது. அமைதியின் நிறம் வெண்மை. தொழுகைக்கு மிகவும் ஏற்றமான நிறமாக கருதப்படுகிறது.

 

அண்ணல் நபி (ஸல்) அவர்கள் மக்கா நகரம் வெற்றி கொள்ளப்பட்ட தினத்தன்று தம் மீது கருப்பு நிற தலைப்பாகை அணிந்த நிலையில் மக்காவில் நுழைந்தார்கள். அறிவிப்பாளர்:- ஜாபிர் (ரலி) அவர்கள் நூல்:- முஸ்லிம்-2638, நஸாயீ-5347

 

ஆயிஷா (ரலி) அவர்கள் கூறியதாவது. ஒருநாள் காலை பொழுதில்  அருமை நாயகம் (ஸல்) அவர்கள் கருப்பு நிற கம்பளியாடை அணிந்து வெளியே புறப்பட்டார்கள். நூல்:- திர்மிதீ-2734

 

ஆயிஷா (ரலி) அவர்கள் கூறியதாவது. பர்தாவுடைய வசனம் (24:31) இறங்கிய பிறகு அன்சாரி பெண்கள் தலைக்கு முக்காடிட்டுக் கொண்டனர். ( كَأَنَّ عَلَى رُءُوسهنَّ الْغِرْبَان ) "அவர்களின் தலையின் மீது (கருநிற முக்காடுகள் இருந்ததால்) காகங்கள் இருப்பதைப் போன்று இருந்தது". நூல்:- அபூதாவூத்-4101, தஃப்சீர் இப்னு அபீஹாத்திம், இப்னு கஸீர்

 

கருப்பு நிற ஆடையை சிலர் பீடையாகவும் துர்குறியின் அடையாளமாகவும் நினைக்கிறார்கள். இதற்கு இஸ்லாத்தில் எந்த சான்றும் இல்லை. இன்னும் சொல்வதென்றால் கருப்பு நிற ஆடைகளை நபியவர்கள் அணிந்துள்ளார்கள்.

 

அபூரிம்ஸா (ரலி) அவர்கள் கூறியதாவது. நான் என் தந்தையுடன் பேராசான் பெருமானார் (ஸல்) அவர்களிடம் சென்றேன். அப்போது நபியவர்கள் இரண்டு பச்சை நிற சால்வைகளை (கீழாடையாகவும், மேலாடையாகவும்) அணிந்திருந்ததை நான் கண்டேன். நூல்:- அபூதாவூத்-3543, திர்மிதீ-2737 நசாயீ-1554, முஸ்னது அஹ்மத்

 

சொர்க்கவாசிகளுக்கு பச்சை நிற ஆடைகள் அணிவிக்கப்படும் என திருக்குர்ஆன் (76:21) கூறுகிறது. எனவே தான் அறிஞர் இப்னு பத்தால் (ரஹ்) அவர்கள் "பச்சை நிற ஆடைகள் சொர்க்கத்தின் ஆடையாகும்" என்று கூறியுள்ளார்கள். நூல்:- ஃபத்ஹுல் பாரீ

 

இயற்கை நிறம் பச்சை. பச்சை நிறம் ஒருவருக்கு பிடித்தால், அவர் ஆற்றல் மிக்கவர் என்று தெரிந்து கொள்ளலாம் என விஞ்ஞானிகள் கூறுகின்றனர். பச்சை நிறம் துன்பத்தை போக்கி உற்சாகமூட்ட வல்லது. அலுவலக அறை, படிக்கும் அறைகளுக்கு பச்சை நிறம் உகந்தவை என ஆராய்ச்சியாளர்கள் கூறுகின்றனர். இதனாலேயே நூலகங்கள் சட்ட நிபுணர்களின் அலுவலக அறைகள் போன்றவை பெரும்பாலும் பச்சை நிறத்தில் இருக்கின்றன.

 

அப்துல்லாஹ் பின் அம்ர் (ரலி) அவர்கள் கூறியதாவது  சிவப்பு நிறமுடைய இரு ஆடைகளை அணிந்த ஒருவர் அருமை நாயகம் (ஸல்) அவர்களைக் கடந்து சென்றார். அப்போது அவர் நபியவர்களுக்கு முகமன் (சலாம்) கூறினார். ஆனால், நபியவர்கள் அவருக்கு பதில் முகமன் (சலாம்) கூறவில்லை. நூல்:- அபூதாவூத்-3547, திர்மிதீ-2731

 

ஆண்கள் சிவப்பு நிற ஆடைகள் அணிவதை நபியவர்கள் விரும்பவில்லை. வெறுப்பை வெளிப்படுத்துவதற்காகவே அந்தத் தோழரின் சலாத்திற்கு நபியவர்கள் பதில் கூறவில்லை என்று தெரிய வருகிறது.

 

சிவப்பு நிறம் ஒருவருக்கு பிடித்தால் அவர் தீவிர போக்கு உடையவர் என்று அறியலாம். சிவப்பு நிறம் நமது இதயத்துடிப்பையும் மூச்சு விடுதலையும் அதிகப்படுத்துகிறது. திசுக்களை சூடாக்குகிறது. உடல் வெப்பநிலையை உயர்த்துகிறது. ஹார்மோன் செயல்பாட்டையும் பாலுணர்வையும் ஊக்குவிக்கிறது என்று ஆராய்ச்சியாளர்கள் கூறுகின்றனர்.

 

அப்துல்லாஹ் பின் அம்ர் (ரலி) அவர்கள் கூறியதாவது. நான் செம்மஞ்சள் நிறச்சாயம் இடப்பட்ட இரு ஆடைகளை அணிந்திருப்பதைக் கண்ட பேராசான் பெருமானார் (ஸல்) அவர்கள், ( أَأُمُّكَ أَمَرَتْكَ بِهَذَا ) "உன் தாயாரா இவ்வாறு (செம்மஞ்சள் நிற சாயமிட்டு அணியுமாறு) உமக்கு கட்டளையிட்டார்?" என்று கேட்டார்கள். நான், "அவ்விரண்டையும் கழுவி செம்மஞ்சள் நிற சாயத்தை அகற்றிக் கொள்கிறேன்" என்றேன். நபியவர்கள், ( بَلْ أَحْرِقْهُمَا ) "இல்லை, அவ்விரண்டையும் எரித்து விடு" என்று கூறினார்கள். நூல்:- முஸ்லிம்-4219

 

சுருங்கக் கூறின்: சிவப்பு, மஞ்சள் நிறங்கள் சூடான நிறங்களாகும். அவை நம்மை உஷ்ணப்படுத்துகின்றன. அவற்றை தவிர்ந்து கொள்வது மிகவும் நல்லதாகும்.

 

ஜுப்பா சுன்னத்தா?

 

அருமை நாயகம் (ஸல்) அவர்கள் கூறினார்கள். ( اتَّقُوا الْحَدِيثَ عَنِّي إِلاَّ مَا عَلِمْتُمْ فَمَنْ كَذَبَ عَلَىَّ مُتَعَمِّدًا فَلْيَتَبَوَّأْ مَقْعَدَهُ مِنَ النَّارِ ) என்னிடமிருந்து நீங்கள் தெரிந்து கொண்டதைத் தவிர (தெரியாத வேறு எதையும்) நபிமொழி என்று அறிவிப்பதை தவிர்த்துக் கொள்ளுங்கள். ஆகவே, என் மீது யார் வேண்டுமென்றே (நபிமொழி அல்லாததை நபிமொழி என்று இட்டுக்கட்டி) பொய் கூறுவாரோ, அவர் நரகத்தில் தமது இருப்பிடத்தை அமைத்துக் கொள்ளட்டும். அறிவிப்பாளர்:- அப்துல்லாஹ் பின் அப்பாஸ் (ரலி) அவர்கள் நூல்:- திர்மிதீ-2868

 

நம் நாட்டில், இரு பக்கவாட்டில் கிழித்து தைத்து, இரு பக்கம் அல்லது ஒரு பக்கம் பாக்கெட் வைத்து, முழங்காலுக்கு சற்று மேல் அல்லது சற்று கீழ் வரை தைத்து, கைகளை தளர்த்தி தைத்து அணிவது தான் "ஜுப்பா" எனப்படும்.

 

நாம் "ஜுப்பா" என்று சொல்லிக்கொண்டு அணியும் ஆடை (நபிவழி எனும்) சுன்னத் என்று சொல்வது தவறாகும். அவ்வாறு சொல்லிக் கொள்பவர்கள் மேற்காணும் நபிமொழியை நினைவில் கொள்ளட்டும்.

 

நபிமொழிகளில் இடம்பெறும் "ஜுப்பா" என்ற சொல், நமது நடைமுறையில் அணியும் ஜுப்பாவை குறிக்காது. நபியவர்களின் ஆடைகளைப் பற்றி வரும் நபிமொழிகளை கூர்ந்து படித்தால் புரிந்துவிடும்.

 

நிர்வாண கோலத்தைப்போல்

 

ஆயிஷா (ரலி) அவர்கள் கூறியதாவது. அஸ்மா பின்த் அபூபக்ர் (ரலி) அவர்கள் நபிகள் நாயகம் (ஸல்) அவர்களிடம் சென்றார்கள். அப்போது அஸ்மா (ரலி) அவர்கள் மெல்லிய ஆடையை அணிந்திருந்ததால் நபியவர்கள் அஸ்மாவை பார்க்காமல் முகம் திருப்பிக்கொண்டார்கள்.

 

பிறகு நபியவர்கள், ( يَا أَسْمَاءُ إِنَّ الْمَرْأَةَ إِذَا بَلَغَتِ الْمَحِيضَ لَمْ تَصْلُحْ أَنْ يُرَى مِنْهَا إِلاَّ هَذَا وَهَذَا ‏"‏ ‏.‏ وَأَشَارَ إِلَى وَجْهِهِ وَكَفَّيْهِ ) "அஸ்மா! ஒரு பெண் பருவ வயதை அடைந்துவிட்டால், அவளிடமிருந்து இன்ன இன்ன உறுப்புகளைத் தவிர (மற்றவை) பார்க்கப்படுவது சரியல்ல" என்று கூறினார்கள். நபியவர்கள், இன்ன இன்ன உறுப்பு என்று சொல்லும்போது தமது முகத்தையும், தம் முன் கைகளையும் சுட்டிக் காட்டினார்கள். நூல்:- அபூதாவூத்-3580

 

இன்றைய இஸ்லாமிய எதிரிகள் தங்களுடைய அநாகரீகக் கலாச்சார ஆடைகளை நம்மிடையே புகுத்திவிட்டனர். அவர்களால் திணிக்கப்பட்ட இந்த ஆடைகள் பெண்ணின் மறைக்க வேண்டிய பகுதிகளையும் மறைக்காத வகையில் குட்டையாகவோ அல்லது உடல் பகுதியில் தெரிகிற வகையில் மிக மெல்லியதாகவோ உடம்போடு உடம்பாக ஒட்டிக்கொண்டே இருக்கின்றன. அலங்கோல ஆடைகளை அலங்காரமாக எண்ணிக் கொள்கின்றனர். இன்று அநாகரீகம் வளர்பிறையானதால் ஆடைகள் தேய்பிறையானது.

 

நிர்வாணத்தை மறைத்து மானத்தை காப்பது தான் ஆடையின் பிரதான நோக்கம். கவர்ச்சியான ஆடைகளில் சேலையும் ஒன்றாகும். சேலை அணிவதின் மூலம் கழுத்து, வயிறு, முதுகு, இடுப்பின் சில பகுதி போன்ற மறைக்க வேண்டிய சில பகுதிகள் வெளியே தெரிகிறது. பெண்கள் தங்களுக்குள்ளோ தந்தை, சகோதரன் போன்ற மணமுடிக்க அனுமதியில்லாத ஆண்களுக்கு மத்தியிலோ கூட உடல் முழுவதையும் மறைக்காத சேலை போன்ற ஆடைகளை அணியக்கூடாது. மேலாடை இன்றி பெண்களெல்லாம் பேண்ட், டீ சர்ட் போன்ற  ஆண்களுக்குரிய ஆடைகளை அணிவதும், சுடிதார் போன்ற ஆடைகளை அணிந்தாலும் மார்பகங்கள் மீது துப்பட்டாக்களை அணியாமல் வெறுமென உலா வருவது இன்றைய நாகரீகமாக ஆகிவிட்டது

 

அப்துல்லாஹ் பின் அப்பாஸ் (ரலி) அவர்கள் கூறியதாவது. ( لَعَنَ رَسُولُ اللَّهِ صلى الله عليه وسلم الْمُتَشَبِّهِينَ مِنَ الرِّجَالِ بِالنِّسَاءِ، وَالْمُتَشَبِّهَاتِ مِنَ النِّسَاءِ بِالرِّجَالِ ) அருமை நாயகம் (ஸல்) அவர்கள் ஆண்களில் பெண்களைப் போல் (ஆடை விஷயத்தில்) ஒப்பாகுபவர்களையும் பெண்களில் ஆண்களைப் போல் (ஆடை விஷயத்தில்) ஒப்பாகுபவர்களையும் சபித்தார்கள். நூல்:- புகாரீ-5885, அபூதாவூத்-3574

 

கண்மணி பெருமானார் (ஸல்) அவர்கள் கூறினார்கள். ( صِنْفَانِ مِنْ أَهْلِ النَّارِ وَنِسَاءٌ كَاسِيَاتٌ عَارِيَاتٌ مُمِيلاَتٌ مَائِلاَتٌ لاَ يَدْخُلْنَ الْجَنَّةَ وَلاَ يَجِدْنَ رِيحَهَا وَإِنَّ رِيحَهَا لَيُوجَدُ مِنْ مَسِيرَةِ كَذَا وَكَذَا ) ‏ இரு பிரிவினர் நரகவாசிகளில் அடங்குவர். (அவர்களில் ஒரு பிரிவினர்)   மெல்லிய உடையணிந்து, (அது அவர்களை மறைக்காதபடி) நிர்வாணமாக காட்சியளித்து, தம் தோள்களைச் சாய்த்து (கர்வத்துடன்) நடந்து, (அந்நிய ஆடவர்களின் கவனத்தை) தன்பால் ஈர்க்கக்கூடிய பெண்கள் ஆவர். இவர்கள் சொர்க்கத்தில் நுழையமாட்டார்கள். (ஏன்)  சொர்க்கத்தின் வாடையைக்கூட நுகர மாட்டார்கள். சொர்க்கத்தின் நறுமணமும் இவ்வளவு இவ்வளவு இவ்வளவு பயணத் தொலைவிலிருந்தே கமழ்ந்துகொண்டிருக்கும். அறிவிப்பாளர்:- அபூஹுரைரா (ரலி) அவர்கள் நூல்:- முஸ்லிம்-4316

 

இந்த நபிமொழியை கண்டு கொள்ளாமல் நபியவர்களின் சாபத்திற்குரிய ஆடைகளை பெண்கள் அணிந்து கொள்வதற்கு பெற்றோர்கள் எப்படி அனுமதிக்கிறார்கள்? நவநாகரீக நங்கையர் ஆண்களைப் போன்று ஆடை அணிந்து, பெண்மையின் தனித்தன்மையை இழந்து ஞானத்தை நட்டாற்றில் விட்டு விடுகின்றனர்.

 

இஸ்லாம் கூறும் ஆடைகளே பெண்களுக்கு அழகு தரும்போது, நாகரீகம் என்ற பெயரால் அலங்கோல ஆடைகளை அலங்கார ஆடைகளாகக் கருதும்போதுதான் வாழ்க்கையும் அலங்கோலமாக ஆகிவிடுகிறது.

 

அநாகரீக செயல்

 

நாகரீகம் என்ற பெயரில் பிறரை வசீகரிக்க கவர்ச்சிகரமான ஆடைகள், அரை நிர்வாண ஆடைகள் அரங்கேறுகின்றன‌ என்பதுதான் பரிதாபத்திற்குரிய விஷயம். மேனி தெரியும் வண்ணம் மெல்லிய ஆடைகளை அணிவது மிகவும் குற்றமாகும். அங்கங்களை எடுத்துக்காட்டுவது போல் இறுக்கமான ஆடை அணிவதை இஸ்லாம் வெறுக்கிறது.

 

உடலைப் பற்றி பிடிக்கும் ஆடை அணிந்தால், இரத்த ஓட்டம் ஸ்தம்பிக்கப்பட்டு, உடல் உறுப்புக்கள் பாதிக்கப்படும். இறுக்கமான ஆடைகள் மூலம் உடல் அழகு வெளியே தெரிந்து காமக் கிளர்ச்சியை தூண்டுவதற்கு காரணமாகிவிடுகிறது. பெண்களுக்கெதிரான வன்புணர்வுக்கு, பெண்கள் அணியும் ஆடையும் ஒரு காரணமாக சொல்லப்படுகிறது.

 

மேலும், இறுக்கமான ஆடை அணிவதின் விளைவாக சொறி சிரங்கு, சரும நமச்சல், கால்களில் சரும வெடிப்புகள் மற்றும் பலவித நோய்களும் உண்டாக்குகின்றன என்று அமெரிக்க நாட்டின் மருத்துவ நிபுணர் "லிண்டா ஆலன்" என்பவர் கூறுகிறார். உடலைப் பற்றி பிடிக்காதபடி தளர்ந்திருக்கும் ஆடை அணிதலை ஆரோக்கியமாகும்.

 

சினிமா நடிகை நடிகர்கள், கிரிக்கெட் வீரர்கள், அரசியல் பிரமுகர்கள் ஆகியோரின் உருவங்கள் மற்றும் மிருகங்கள், பறவைகளின் உருவங்கள் பொரித்த ஆடைகள், கொச்சை வார்த்தைகள் எழுதப்பட்ட ஆடைகள் இஸ்லாமிய சமூகத்தினர்களால் பரவலாக அணியப்படுகின்றன. இதைத் தவறாகக்கூட கருதுவதில்லை. இவை அனைத்தும் அந்நியர்களால் புகுத்தப்பட்ட சீர்கேடுகள் என்பது நினைவிருக்கட்டும். இவைகளை நாம் முற்றிலுமாக தவிர்த்திட வேண்டும்.

 

நாட்டுக்கு நாடு ஆடை கலாச்சாரம் வேறுபட்டாலும் எந்நாட்டவரும் போற்றும் மானத்தை மறைக்கும் முழுமையான ஆடைகள் தான் மதிப்பையும் மரியாதையும் தரவல்லது என்பதை நினைவில் கொள்ள வேண்டும். இஸ்லாம் கூறும் கண்ணியமான ஆடைகளை அணிவதின் அல்லாஹுத்தஆலாவின் அன்பைப் பெறுவோமாக! ஆமீன்!

நமது வீடு,

புது வீடும் புதிய சடங்குகளும்

ஒரு முஃமினின் வீடு எப்படி அமைய வேண்டும்

 என்பதையும் புது வீடு கட்டுபவர்கள் செய்யும் தேவையற்ற சடங்குகளையும் ஷிர்க்கான காரியங்களையும் உள்ளடக்கி எடுக்கப்பட்ட தலைப்பு.               

 என்ன தான் வெளியில் பல சவுகரியங்கள் இருந்தாலும் வீட்டுக்கு வந்தவுடன் கிடைக்கும் நிம்மதி..

وَاللَّهُ جَعَلَ لَكُمْ مِنْ بُيُوتِكُمْ سَكَنًا وَجَعَلَ لَكُمْ مِنْ جُلُودِ الْأَنْعَامِ بُيُوتًا تَسْتَخِفُّونَهَا يَوْمَ ظَعْنِكُمْ وَيَوْمَ إِقَامَتِكُمْ..(80)النحل

பல்வேறு அலுவல்களுக்காக வெளியே செல்லும் ஆண்களுக்கு வீட்டுக்கு வந்தால் ஒரு நிம்மதி ஏற்படுவது இயல்பு. சில நேரம் வீட்டிலுள்ளவர்களுடைய தீயகுணத்தால் நிம்மதி இல்லாமல் போகலாம். அதற்கு இவ்வசனம் முரணல்ல.

 

ஹராமான சம்பாத்தியத்தில் வீடு கட்டக்கூடாது

عَنِ ابْنِ عُمَرَ رضي الله عنه أَنَّ النَّبِيَّ صَلَّى اللَّهُ عَلَيْهِ وَسَلَّمَ قَالَ: اتَّقُوا الْحَرَامَ فِي الْبُنْيَانِ فَإِنَّهُ أَسَاسُ الْخَرَابِ(شعب الايمان)أي لخراب الدين أو البنيان

வீடு கட்டுவதில் ஹராமை தவிர்த்துக் கொள்ளுங்கள். ஏனெனில் அது அழிவுக்கான அஸ்திவாரமாகும்.

ஆடம்பரமாக வீடு கட்டுவோரின் கவனத்திற்கு....

عن أَبي هُرَيْرَةَ رضي الله عنه عَنْ النَّبِيِّ صَلَّى اللَّهُ عَلَيْهِ وَسَلَّمَ مِنْ أَشْرَاطِ السَّاعَةِ إِذَا تَطَاوَلَ رِعَاءُ الْبَهْمِ فِي الْبُنْيَانِ (بخاري) باب مَا جَاءَ فِى الْبِنَاءِ- الاستئذان

ஆடு மாடு மேய்ப்பவர்களும் உயரமான கட்டிடங்களைக் கட்டுவது கியாமத் நாளின் அடையாளங்களில் ஒன்றாகும்.

கருத்து- ஒரு காலத்தில் ஏழைகளாக இருந்தவர்களும் வெகு சீக்கிரத்தில் செல்வந்தர்களாக மாறி மிகப் பெரும் வீட்டைக் கட்டுவார்கள் என்ற கருத்தும் அடங்கும். டீ விற்றவர் பிரதமராக இருப்பது போன்று..

عَنْ أَنَسِ رضي الله عنه أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ خَرَجَ فَرَأَى قُبَّةً مُشْرِفَةً فَقَالَ مَا هَذِهِ قَالَ لَهُ أَصْحَابُهُ هَذِهِ لِفُلَانٍ رَجُلٍ مِنْ الْأَنْصَارِ قَالَ فَسَكَتَ وَحَمَلَهَا فِي نَفْسِهِ حَتَّى إِذَا جَاءَ صَاحِبُهَا رَسُولَ اللَّهِ صَلَّى اللَّهُ عَلَيْهِ وَسَلَّمَ يُسَلِّمُ عَلَيْهِ فِي النَّاسِ أَعْرَضَ عَنْهُ صَنَعَ ذَلِكَ مِرَارًا حَتَّى عَرَفَ الرَّجُلُ الْغَضَبَ فِيهِ وَالْإِعْرَاضَ عَنْهُ فَشَكَا ذَلِكَ إِلَى أَصْحَابِهِ فَقَالَ وَاللَّهِ إِنِّي لَأُنْكِرُ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالُوا خَرَجَ فَرَأَى قُبَّتَكَ قَالَ فَرَجَعَ الرَّجُلُ إِلَى قُبَّتِهِ فَهَدَمَهَا حَتَّى سَوَّاهَا بِالْأَرْضِ فَخَرَجَ رَسُولُ اللَّهِ صَلَّى اللَّهُ عَلَيْهِ وَسَلَّمَ ذَاتَ يَوْمٍ فَلَمْ يَرَهَا قَالَ مَا فَعَلَتْ الْقُبَّةُ قَالُوا شَكَا إِلَيْنَا صَاحِبُهَا إِعْرَاضَكَ عَنْهُ فَأَخْبَرْنَاهُ فَهَدَمَهَا فَقَالَ أَمَا إِنَّ كُلَّ بِنَاءٍ وَبَالٌ عَلَى صَاحِبِهِ إِلَّا مَا لَا إِلَّا مَا لَا يَعْنِي مَا لَا بُدَّ مِنْهُ (ابوداود)بَاب مَا جَاءَ فِي الْبِنَاءِ- كِتَاب الْأَدَبِ

நபி(ஸல்) அவர்கள் வெளியே புறப்பட்டபோது உயரமான கட்டிடத்தைப் பார்த்தார்கள். இது என்ன என்று விசாரித்த போது இது இன்ன அன்சாரித்தோழரின் வீடு என நபித்தோழர்கள் கூறினார்கள். அதைக் கேட்டு மவுனமாக இருந்து விட்ட நபி(ஸல்) அவர்கள் அதை மனதில் வைத்துக் கொண்டார்கள். பிறகு அதன் உரிமையாளர் வந்து அனைவர் முன்னிலையும ஸலாம் கூறிய போது நபி(ஸல்) அவர்கள் அவரைப் புறக்கணித்தார்கள். இவ்வாறே பல தடவைகள் செய்தார்கள்.இறுதியில் அவர் தன் மீது நபி(ஸல்) அவர்கள் கோபமாக இருப்பதையும் அதனால் தான் புறக்கணித்து விட்டார்கள் என்பதையும் அறிந்து நான் நபி (ஸல்) அவர்களை ஏதோ கோபப்படுத்தியுள்ளேன் அது என்ன என்று தோழர்களிடம் கேட்டார். அப்போது தோழர்கள் கூறினார்கள். நபி(ஸல்) அவர்கள் வெளியே புறப்பட்டபோது உமது உயரமான கட்டிடத்தைப் பார்த்தார்கள் என்று கூற, உடனே அவர் அங்கிருந்து புறப்பட்டு தனது அந்த உயரமான கட்டிடத்திற்கு வந்து அதை இடித்துத் தரை மட்டமாக்கி விட்டார். பிறகு மற்றொரு நாள் நபி(ஸல்) அவர்கள் வெளியே புறப்பட்டபோது அந்தக் கட்டிடத்தைக் காணாமல் இந்த உயரமான கட்டிடம் என்ன ஆனது என்று தோழர்களிடம் கேட்டார்கள். அப்போது தோழர்கள் அதன் உரிமையாளர் தாங்கள் புறக்கணித்தது பற்றி எங்களிடம் முறையிட்டார். நாங்கள் விஷயத்தைக் கூறினோம். உடனே அதை அவர் இடித்து விட்டார் என்று கூறினார்கள்.   

அப்போது நபி(ஸல்) அவர்கள் நிச்சயமாக தேவைக்கு மீறியதாக கட்டப்பட்ட ஒவ்வொரு கட்டிடமும் அதன் உரிமையாளருக்கு அது கேடாகவே அமையும் என்று கூறினார்கள்.

படிப்பினை 1- தேவையை விட அதிகமாக வீடு கட்டுபவர்களைப் பற்றித் தான் இங்கு கூறப்பட்டுள்ளது.

படிப்பினை- 2 வீடு கட்டிய அந்த நபித் தோழரின் உள்ளத்தில் நபி ஸல் அவர்களின் அதிருப்திக்கு ஆளாகி விடக் கூடாது என்ற சிந்தனை மட்டுமே அதிகம் இருந்தது. அவர் எண்ணியிருந்தால் கட்டிடத்தின் உயரமான பகுதியை மட்டும் இடித்திருக்கலாம். ஆனால் அவர் நபி(ஸல்) அவர்களின் மீதுள்ள பிரியத்தின் காரணமாக கட்டிடத்தையே இடித்துத் தரை மட்டமாக்கி விட்டார்.

عَنْ وُهَيْبِ بْنِ الْوَرْدِ قَالَ: بَنَى نُوحٌ عليه السلام بَيْتًا مِنْ قَصَبٍ فَقِيلَ لَهُ: لَوْ بَنَيْتَ غَيْرَ هَذَا فَقَالَ:هَذَا كَثِيرٌ لِمَنْ يَمُوتُ (شعب الايمان)

நபி நூஹ் அலைஹிஸ்ஸலாம் வெறும் மூங்கில் குச்சிகளால் வீடு கட்டியபோது அவர்களிடம் நீங்கள் இதை விட நல்ல கட்டிடத்தைக் கட்டியிருக்கலாமே என்று கேட்கப்பட்டது அதற்கு அவர்கள் சீக்கிரத்தில் மரணமாகி விடக் கூடிய ஒருவருக்கு இதுவே அதிகம் என்றார்கள்.

 

ஆடம்பரமாக வீடு கட்டிய காஃபிரான அரசரை திருத்தி, முஸ்லிமாக்கிய சம்பவம்

عَنْ عَوْنِ بْنِ عَبْدِ اللهِ " أَنَّ مَلَكًا ابْتَنَى مَدِيَنَتَهُ، فَتَنَوَّقَ فِي بِنَائِهَا، وَصَنَعَ طَعَامًا، وَدَعَا النَّاسَ، فَأَقْعَدَ نَاسًا عَلَيْهَا عَلَى أَبْوَابِهَا يَسْأَلُونَ كُلَّ مَنْ مَرَّ بِهِمْ: هَلْ رَأَيْتُمْ عَيْبًا؟ فَيَقُولُونَ:لَا, حَتَّى كَانَ آخِرُ مَنْ مَرَّ بِهِمْ شَبَابٌ عَلَيْهِمْ أَكْسِيَةٌ فَقَالَ لَهُمْ: هَلْ رَأَيْتُمْ عَيْبًا؟ قَالُوا:رَأَيْنَا عَيْبَيْنِ اثْنَيْنِ فَحَبَسُوهُمْ وَدَخَلُوا عَلَى الْمَلِكِ فَذَكَرُوا لَهُ ذَلِكَ قَالَ:مَا كُنْتُ أَرْضَى بِوَاحِدَةٍ فَأَدْخِلُوهُمْ فَأَدْخَلُوهُمْ عَلَيْهِ قَالَ: رَأَيْتُمْ عَيْبًا ؟ قَالُوا: رَأَيْنَا عَيْبَيْنِ اثْنَيْنِ قَالَ: مَا كُنْتُ أَرْضَى بِوَاحِدَةٍ فَمَا هُمَا ؟ قَالُوا: يُخَرَّبُ وَيَمُوتُ صَاحِبُهَا قَالَ: فَتَعْلَمُونَ دَارًا لَا يُخَرَّبُ وَلَا يَمُوتُ صَاحِبُهَا ؟ قَالُوا: نَعَمْ، الْجَنَّةُ قَالَ: فَدَعَوْهُ (أي الي الاسلام) فَاسْتَجَابَ، فَقَالَ: إِنْ خَرَجْتُ مَعَكُمْ عَلَانِيَةً لَمْ يَدَعَنِي أَهْلُ مَمْلَكَتِي، فَوَاعَدَهُمْ مِيعَادًا فَتَنَكَّرَ وَخَرَجَ مَعَهُمْ، وَكَانَ يَتَعَبَّدُ مَعَهُمْ، قَالَ: فَبَيْنَا هُوَ ذَاتَ يَوْمٍ إِذْ قَالَ: عَلَيْكُمُ السَّلَامُ . قَالُوا: مَا لَكَ ؟ رَأَيْتَ مِنَّا شَيْئًا تَكْرَهُهُ ؟ قَالَ: لَا، وَلَكِنْ أَنْتُمْ تَعْرِفُونَ حَالِي الَّتِي كُنْتُ عَلَيْهَا، فَأَنْتُمْ تُكْرِمُونَنِي، لِذَلِكَ أَنْطَلِقُ فَأَكُونَ مَعَ قَوْمٍ لَا يَعْرِفُونَ حَالِي الَّتِي كُنْتُ عَلَيْهَا فَأَتَعَبَّدُ مَعَهُمْ (شعب الايمان)

முற்காலத்தின் ஒரு அரசர் (பெரிய மாளிகையை) நகரத்தை உருவாக்கினார். கட்டி முடித்தவுடன் மிகப் பெரிய விருந்துக்கு ஏற்பாடு செய்து மக்களை அழைத்தார். மாளிகை வாசலில் சிலரை நியமித்து அதைக் கடந்து செல்லும் ஒவ்வொருவரிடமும் தனது மாளிகையில் ஏதேனும் குறை உள்ளதா? என்று விசாரிக்கச் சொன்னார். (குறையேதும்) இல்லை என்றே அனைவரும் கூறினர்.இறுதியாக சில (முஃமினான) வாலிபர்கள் கடந்து சென்றார்கள். அவர்களிடம் அவ்வாறு கேட்க, அவர்கள் இரண்டு குறைகள் உள்ளது என்றார்கள்.உடனே அவர்களை தடுத்து வைத்து அரசரிடம் விஷயத்தைக் கொண்டு சென்றார்கள். அதற்கு அரசர் என் வீட்டில் ஒரு குறை கூட இருக்கக்கூடாது என்று நான் எண்ணுகிறேன். அவர்களை அழைத்து வாருங்கள் என்றார்.அவர்கள் வந்தவுடன் நான் கட்டிய மாளிகையில் என்ன குறைகளைக் கண்டீர்கள் என்று கேட்க, அதற்கு அந்த வாலிபர்கள் இந்த மாளிகை என்றாவது ஒருநாள் அழிவுக்கு உள்ளாக்கப்படும். அதன் உரிமையாளர் என்றாவது ஒருநாள் இறந்து விடத்தான் போகிறார் என்றவுடன் (அந்த வார்த்தை அரசரின் உள்ளத்தில் அது மாற்றத்தை ஏற்படுத்தியது. அவருக்கு இந்த வாலிபர்கள் மூலம் ஹிதாயத்தை தர அல்லாஹ் நாடி விட்டான். அதற்கடுத்து) அவர் நீங்கள் கூறுவது உண்மையானால் அழிவே இல்லாத வீட்டைப் பற்றி எனக்கு அறிவியுங்கள் என்றார். சுவனம் என்று அவர்கள் பதில் கூறியதுடன் அந்த அரசரை இஸ்லாத்தின் பால் அழைத்தார்கள். அவரும் ஏற்றுக் கொண்டார்.(இருந்தாலும் அவர் அதை பகிரங்கப் படுத்த விரும்பவில்லை.)

 

 (தங்களுடன் வந்து விடும்படி வாலிபர்கள் ஆர்வப்படுத்தியபோது அவருக்கு அது விருப்பமாக இருந்தாலும்) நான் (முஸ்லிமாகி) உங்களோடு வந்தால் என் சமூக மக்கள் என்னை விட்டு வைக்க மாட்டார்கள். எனவே யாருக்கும் தெரியாமல் வருகிறேன் என்று ஒரு நேரத்தைக் கூறி அந்த நேரத்தில் யாருக்கும் தெரியாமல் வந்து அவர்களுடன் இணைந்து கொண்டார். அவர்களுடன் இணைந்து வணக்கத்தில் தன்னை ஈடுபடுத்திக் கொண்டார். இருந்தாலும் அவர்களுடன் தங்குவதில் அவருக்கு நெருடல் இருந்தது. அதை அறிந்து கொண்ட அவர்கள் உங்களிடம் ஏதோ மனச்சங்கடத்தை நாங்கள் உணர்கிறோமே என்று கேட்டனர். அதற்கு அவர் என்னுடைய முந்தைய நிலையைத் தெரிந்து என்னை நீங்கள் கண்ணியப் படுத்திகிறீர்கள். (இது எனக்குப் பிடிக்கவில்லை.) எனவே நான் என்னை யார் என்று தெரிந்து கொள்ளாத கூட்டத்தாருடன் இணைந்து வணக்கத்தில் ஈடுபட விரும்புகிறேன் என்று கூறினார்.    

(அவ்வாறே அவர்களை விட்டும் விலகிச் சென்று சிறந்த நல்லடியாராக விளங்கினார்.)

படிப்பினை- யாருக்கு எப்போது யார் மூலமாக ஹிதாயத் கிடைக்கும் என்று கணிக்க முடியாது

வணக்கத்தை விளம்பரப்படுத்தும் மக்களுக்கு மத்தியில் இப்படியும் ஒரு நல்ல மனிதர் பிறர் தனக்கு கண்ணியம் செய்வதை விரும்பாதவராக இருந்துள்ளார். இப்றாஹீம் இப்னு அத்ஹம் ரஹ் அவர்களின் வாழ்க்கையும் இது போன்றது தான்.

நபி ஸல் அவர்களின் மனைவிமார்கள் வீட்டு வாசலின் முகடுகள் கைகளால் தொடும் அளவுக்கு இருந்தது

عن الْحَسَنَ يَقُولُ: " كُنْتُ أَدْخُلُ بُيُوتَ أَزْوَاجِ النَّبِيِّ صَلَّى اللَّهُ عَلَيْهِ وَسَلَّمَ فِي خِلَافَةِ عُثْمَانَ، فَأَتَنَاوَلُ سُقُفَهَا بِيَدِي "(شعب الايمان)

ஹஸன் ரழி அவர்கள் கூறினார்கள். நான் நபி ஸல் அவர்களின் மனைவிமார்கள் வீட்டு வாசலுக்குள் நுழையும்போது அதன் முகடுகள் கைகளால் தொடும் அளவுக்கு இருந்தது

தேவைக்கு அதிகமாக சிறிய கட்டிடம் கட்டிய அதிகாரியை இடமாற்றம் செய்து உத்தரவிட்ட உமர் ரழியல்லாஹு அன்ஹு

عَنْ رَاشِدِ بْنِ سَعْدٍ، قَالَ: بَلَغَ عُمَرَ أَنَّ أَبَا الدَّرْدَاءِ ابْتَنَى كَنِيفًا بِحِمْصَ، فَكَتَبَ:" أَمَّا بَعْدُ يَا عُوَيْمِرُ أَمَا كَانَتْ لَكَ كِفَايَةٌ فِيمَا بَنَتِ الرُّومُ عَنْ تَزْيِينِ الدُّنْيَا، وَقَدْ أَذِنَ اللهُ بِخَرَابِهَا، فَإِذَا أَتَاكَ كِتَابِي هَذَا، فَانْتَقِلْ مِنْ حِمْصَ إِلَى دِمَشْقَ (شعب الايمان) كَنِيفًاகுளியலறை,

விளக்கம்- உமர் ரழி அவர்களுக்குக் கீழ் அதிகாரியாக இருந்த அபுத்தர்தா ரழி அவர்கள் ஹிம்ஸ் பகுதியில் ஒரே ஒரு குளியலறையை கட்டியதாக உமர் ரழி அவர்களுக்கு செய்தி கிடைத்தது. உடனே உமர் ரழி அவர்களே கடிதம் எழுதினார்கள். அபூ உவைமிர் அவர்களே உலக அலங்காரத்தை விட்டு விட்டு ஏற்கெனவே உங்களுக்கு முன் ஆட்சியில் இருந்த ரோமர்கள் கட்டி வைத்ததை நீங்கள் போதுமாக்கிக் கொள்ளக் கூடாதா இந்தக் கடிதம் உங்களுக்குக் கிடைத்தவுடன் நீங்கள் ஹிம்ஸ் பகுதியில் இருந்து திமிஷ்க் நகரத்திற்கு இடம் மாறி விடுங்கள்

உருவப்படமும், நாயும் உள்ள வீட்டில் மலக்குகள் நுழைய மாட்டார்கள்.

நிர்பந்தம் என்ற ரீதியில் இருந்தாலே தவிர

عَنْ عَائِشَةَ رَضِيَ اللَّهُ قَالَتْ حَشَوْتُ لِلنَّبِيِّ صَلَّى اللَّهُ عَلَيْهِ وَسَلَّمَ وِسَادَةً فِيهَا تَمَاثِيلُ كَأَنَّهَا نُمْرُقَةٌ فَجَاءَ فَقَامَ بَيْنَ الْبَابَيْنِ وَجَعَلَ يَتَغَيَّرُ وَجْهُهُ فَقُلْتُ مَا لَنَا يَا رَسُولَ اللَّهِ قَالَ مَا بَالُ هَذِهِ الْوِسَادَةِ قَالَتْ وِسَادَةٌ جَعَلْتُهَا لَكَ لِتَضْطَجِعَ عَلَيْهَا قَالَ أَمَا عَلِمْتِ أَنَّ الْمَلَائِكَةَ لَا تَدْخُلُ بَيْتًا فِيهِ صُورَةٌ وَأَنَّ مَنْ صَنَعَ الصُّورَةَ يُعَذَّبُ يَوْمَ الْقِيَامَةِ يَقُولُ أَحْيُوا مَا خَلَقْتُمْ (بخاري) باب إِذَا قَالَ أَحَدُكُمْ آمِينَ- كتاب بدء الخلق-

ஆயிஷா ரழி கூறினார்கள் நான் நபி ஸல் அவர்களுக்காக தலையணை ஒன்று தயார் செய்தேன். அதில் பூ டிசைன் வடிவத்தில் உருவப்படங்கள் இருந்தன. நபி ஸல் அவர்கள் வருகை தந்து இரு கதவுகளுக்கு நடுவிலேயே நின்று விட்டார்கள். உள்ளே வரவில்லை. மேலும் அவர்களின் முகமும் மாறியது அப்போது நான் நாங்கள் என்ன தவறு செய்தோம் என்று கேட்க, அதற்கு நபி ஸல் அவர்கள் இது என்ன தலையணை என்று கேட்டார்கள். தாங்கள் உறங்குவதற்காக இதை நான் தயார் செய்தேன் என்று கூற, அதற்கு நபி ஸல் அவர்கள் எந்த வீட்டில் உருவப் படங்கள் இருக்குமோ அந்த வீட்டில் ரஹ்மத்துடைய மலக்குகள் வர மாட்டார்கள் என்று உமக்குத் தெரியாதா என்று கூறினார்கள். மேலும் யார் உருவப் படங்கள் வரைந்தாரோ அவரிடம் மறுமையில் அதற்கு உயிர் கொடுங்கள் என்று கூறப்படும். அவரால் அதற்கு உயிர் தர முடியாது அதற்காக அவர் வேதனைப்படுத்தப்படுவார்.

عَنْ سَالِمٍ عَنْ أَبِيهِ قَالَ وَعَدَ النَّبِيَّ صَلَّى اللَّهُ عَلَيْهِ وَسَلَّمَ جِبْرِيلُ فَرَاثَ (أي أبطأ) عَلَيْهِ حَتَّى اشْتَدَّ عَلَى النَّبِيِّ صَلَّى اللَّهُ عَلَيْهِ وَسَلَّمَ فَخَرَجَ النَّبِيُّ صَلَّى اللَّهُ عَلَيْهِ وَسَلَّمَ فَلَقِيَهُ فَشَكَا إِلَيْهِ مَا وَجَدَ فَقَالَ لَهُ إِنَّا لَا نَدْخُلُ بَيْتًا فِيهِ صُورَةٌ وَلَا كَلْبٌ (بخاري) باب لاَ تَدْخُلُ الْمَلاَئِكَةُ بَيْتًا فِيهِ صُورَةٌ- كتاب اللباس

நபி ஸல் அவர்களிடம் ஜிப்ரயீல் அலைஹிஸ்ஸலாம் குறிப்பிட்ட நேரத்தில் வருவதாத வாக்களித்தார்கள். ஆனால் அவ்வாறு குறித்த நேரத்தில் வரவில்லை. மிகவும் தாமதமாக்கினார்கள். இது நபி ஸல் அவர்களுக்கு மிகவும் மனக் கஷ்டத்தை ஏற்படுத்தியது. நபி ஸல் அவர்கள் வீட்டை விட்டும் வெளியேறிய போது தான் ஜிப்ரயீல் அலைஹிஸ் ஸலாம் அவர்களை சந்தித்தார்கள். அப்போது தான் அனுபவித்த மனக்கஷ்டத்தைப் பற்றி முறையிட, அதற்கு ஜிப்ரயீல் அலைஹிஸ்ஸலாம் கூறினார்கள். எந்த வீட்டில் உருவப் படங்களும் நாயும் இருக்குமோ அந்த வீட்டில் நாங்கள் நுழைய மாட்டோம்.                                                                   

عَنِ ابْنِ عَبَّاسٍ قَالَ حَدَّثَتْنِى مَيْمُونَةُ زَوْجُ النَّبِىِّ -صلى الله عليه وسلم- أَنَّ النَّبِىَّ -صلى الله عليه وسلم- قَالَ « إِنَّ جِبْرِيلَ عَلَيْهِ السَّلاَمُ كَانَ وَعَدَنِى أَنْ يَلْقَانِىَ اللَّيْلَةَ فَلَمْ يَلْقَنِى ». ثُمَّ وَقَعَ فِى نَفْسِهِ جَرْوُ كَلْبٍ تَحْتَ بِسَاطٍ لَنَا فَأَمَرَ بِهِ فَأُخْرِجَ ثُمَّ أَخَذَ بِيَدِهِ مَاءً فَنَضَحَ بِهِ مَكَانَهُ فَلَمَّا لَقِيَهُ جِبْرِيلُ عَلَيْهِ السَّلاَمُ قَالَ إِنَّا لاَ نَدْخُلُ بَيْتًا فِيهِ كَلْبٌ وَلاَ صُورَةٌ..... (ابوداود

மற்றொரு அறிவிப்பில் நபி ஸல் (அவர்களுக்கே தெரியாமல்) அவர்களின் வீட்டில் கட்டிலுக்குக் கீழ் இருந்த ஒரு நாயின் காரணமாகவே ஜிப்ரயீல் அலைஹிஸ்ஸலாம் வீட்டுக்குள் வரவில்லை என்றும் அந்த நாய் அப்புறப்படுத்தி அது இருந்த இடத்தில் தண்ணீரைத் தெளித்து சுத்தம் செய்தார்கள் என்றும் உள்ளது அதற்குப்பின்புதான் ஜிப்ரயீல் அலைஹிஸ் ஸலாம் அவர்களை சந்தித்தார்கள். அப்போது தான் எந்த வீட்டில் உருவப் படங்களும் நாயும் இருக்குமோ அந்த வீட்டில் நாங்கள் நுழைய மாட்டோம் என ஜிப்ரயீல் அலைஹிஸ்ஸலாம் கூறினார்கள்.        

விளக்கம்- நிர்பந்தமான சூழ்நிலை காரணமாக நாம் அன்றாடம் வாங்கும் பொருட்களில் உருவப்படங்கள் இல்லாமல் பெரும்பாலும் இருப்பதில்லை. அப்போது நாம் முடிந்த வரை அவற்றைப் பிரித்து நமது பாத்திரங்களில் கொட்டி விட்டு உருவப் படங்கள் உள்ள பிளாஸ்டிக் கவர்களை குப்பையில் போட்டு விடலாம்.                 

عَنْ عَلِيٍّ رضي الله عنه قَالَ صَنَعْتُ طَعَامًا فَدَعَوْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ فَجَاءَ فَرَأَى فِي الْبَيْتِ تَصَاوِيرَ فَرَجَعَ (ابن ماجة) وفي رواية أَنَّ رَجُلًا أَضَافَ عَلِيَّ بْنَ أَبِي طَالِبٍ فَصَنَعَ لَهُ طَعَامًا فَقَالَتْ فَاطِمَةُ لَوْ دَعَوْنَا النَّبِيَّ صَلَّى اللَّهُ عَلَيْهِ وَسَلَّمَ فَأَكَلَ مَعَنَا فَدَعَوْهُ فَجَاءَ فَوَضَعَ يَدَهُ عَلَى عِضَادَتَيْ الْبَابِ فَرَأَى قِرَامًا فِي نَاحِيَةِ الْبَيْتِ فَرَجَعَ فَقَالَتْ فَاطِمَةُ لِعَلِيٍّ الْحَقْ فَقُلْ لَهُ مَا رَجَعَكَ يَا رَسُولَ اللَّهِ قَالَ إِنَّهُ لَيْسَ لِي أَنْ أَدْخُلَ بَيْتًا مُزَوَّقًا (ابن ماجة) بَاب إِذَا رَأَى الضَّيْفُ مُنْكَرًا رَجَعَ- كِتَاب الْأَطْعِمَةِ

பள்ளி வாசலின் அருகே குடியிருக்குதல், அல்லது குடியிருப்புகளின் அருகே பள்ளி வாசலை உருவாக்குதல்

عَنْ عَائِشَةَ رضقَالَتْ أَمَرَ رَسُولُ اللَّهِ صَلَّى اللَّهُ عَلَيْهِ وَسَلَّمَ بِبِنَاءِ الْمَسَاجِدِ فِي الدُّورِ وَأَنْ تُنَظَّفَ وَتُطَيَّبَ(أبوداود)باب اتِّخَاذِ الْمَسَاجِدِ فِى الدُّورِ- الصَّلَاةِ

குடியிருப்புகள் உள்ள இடத்தில் மஸ்ஜித் கட்டுவதற்கும் அதை சுத்தமாக வைத்துக் கொள்வதற்கும் நபி ஸல் ஏவினார்கள்

அருகில் பள்ளிவாசல் உருவாகும் வரை தொழுகைக்கு தூரமாக நடந்து செல்வது நன்மை தரும் செயல்

عَنْ جَابِرِ رضي الله عنه قَالَ خَلَتْ الْبِقَاعُ حَوْلَ الْمَسْجِدِ فَأَرَادَ بَنُو سَلِمَةَ أَنْ يَنْتَقِلُوا إِلَى قُرْبِ الْمَسْجِدِ فَبَلَغَ ذَلِكَ رَسُولَ اللَّهِ صَلَّى اللَّهُ عَلَيْهِ وَسَلَّمَ فَقَالَ لَهُمْ إِنَّهُ بَلَغَنِي أَنَّكُمْ تُرِيدُونَ أَنْ تَنْتَقِلُوا قُرْبَ الْمَسْجِدِ قَالُوا نَعَمْ يَا رَسُولَ اللَّهِ قَدْ أَرَدْنَا ذَلِكَ فَقَالَ يَا بَنِي سَلِمَةَ دِيَارَكُمْ تُكْتَبْ آثَارُكُمْ دِيَارَكُمْ تُكْتَبْ آثَارُكُمْ (مسلم)بَاب فَضْلِ كَثْرَةِ الْخُطَا إِلَى الْمَسَاجِدِ-كِتَاب الْمَسَاجِدِ وَمَوَاضِعِ الصَّلَاةِ

புது வீடு கட்டுபவர்களின் கவனத்திற்கு...

ஒவ்வொரு முஃமின்களின் வீடுகளிலும் தொழுகைக்கு தனி அறை PREYER HALL, அல்லது தனி இடம் ஏற்படுத்..

عن مَحْمُود بْن الرَّبِيعِ الْأَنْصَارِيّ رضي الله عنه أَنَّ عِتْبَانَ بْنَ مَالِكٍ وَهُوَ مِنْ أَصْحَابِ رَسُولِ اللَّهِ صَلَّى اللَّهُ عَلَيْهِ وَسَلَّمَ مِمَّنْ شَهِدَ بَدْرًا مِنْ الْأَنْصَارِ أَنَّهُ أَتَى رَسُولَ اللَّهِ صَلَّى اللَّهُ عَلَيْهِ وَسَلَّمَ فَقَالَ يَا رَسُولَ اللَّهِ قَدْ أَنْكَرْتُ بَصَرِي وَأَنَا أُصَلِّي لِقَوْمِي فَإِذَا كَانَتْ الْأَمْطَارُ سَالَ الْوَادِي الَّذِي بَيْنِي وَبَيْنَهُمْ لَمْ أَسْتَطِعْ أَنْ آتِيَ مَسْجِدَهُمْ فَأُصَلِّيَ بِهِمْ وَوَدِدْتُ يَا رَسُولَ اللَّهِ أَنَّكَ تَأْتِينِي فَتُصَلِّيَ فِي بَيْتِي فَأَتَّخِذَهُ مُصَلًّى قَالَ فَقَالَ لَهُ رَسُولُ اللَّهِ صَلَّى اللَّهُ عَلَيْهِ وَسَلَّمَ سَأَفْعَلُ إِنْ شَاءَ اللَّهُ قَالَ عِتْبَانُ فَغَدَا رَسُولُ اللَّهِ صَلَّى اللَّهُ عَلَيْهِ وَسَلَّمَ وَأَبُو بَكْرٍ حِينَ ارْتَفَعَ النَّهَارُ فَاسْتَأْذَنَ رَسُولُ اللَّهِ صَلَّى اللَّهُ عَلَيْهِ وَسَلَّمَ فَأَذِنْتُ لَهُ فَلَمْ يَجْلِسْ حَتَّى دَخَلَ الْبَيْتَ ثُمَّ قَالَ أَيْنَ تُحِبُّ أَنْ أُصَلِّيَ مِنْ بَيْتِكَ قَالَ فَأَشَرْتُ لَهُ إِلَى نَاحِيَةٍ مِنْ الْبَيْتِ فَقَامَ رَسُولُ اللَّهِ صَلَّى اللَّهُ عَلَيْهِ وَسَلَّمَ فَكَبَّرَ فَقُمْنَا فَصَفَّنَا فَصَلَّى رَكْعَتَيْنِ ثُمَّ سَلَّمَ(بخاري)667باب الْمَسَاجِدِ فِى الْبُيُوتِ- كِتَاب الصَّلَاةِ

இத்பான் இப்னு மாலிக் என்ற நபித்தோழர் பத்ருப் போரில் கலந்து கொண்ட அன்சாரித்தோழர் ஆவார். அவர் நபிஸல் அவர்களிடம் வந்து என்னுடைய கண்பார்வை குறைந்து விட்டது. நான் என்னுடைய சமூக மக்களுக்குத் தொழ வைக்கிறேன். மழை வந்தால் நான் செல்லும் வழியிலுள்ள பள்ளத்தாக்குகளில் வெள்ளம் ஓடுகின்றன. நான் அவர்களின் மஸ்ஜிதுக்கு வந்து தொழ வைக்க முடியாமல் ஆகி விடுகிறேன். எனவே தாங்கள் ஒரு நேரம் எனது வீட்டுக்கு வந்து ஒரு இடத்தில் தொழுதால் அந்த இடத்தை என்னுடைய தொழுமிடமாக ஆக்கிக் கொண்டு வீட்டில் தொழுது கொள்ள நினைக்கிறேன். தாங்கள் என் வீட்டிற்கு வர வேண்டும் என்றார்கள். அதற்கு நபி ஸல் அவர்கள் இன்ஷா அல்லாஹ் அவ்வாறே செய்கிறேன் என்றார்கள். இத்பான் இப்னுமாலிக் ரழி அவர்கள் கூறினார்கள்ஒருநாள் காலையில் நபி ஸல் அவர்களும் அபூபக்கர் ரழி அவர்களும் என் வீட்டிற்கு வந்து அனுமதி கேட்க,நான் அனுமதி தந்தேன். அவர்கள் அமரவில்லை. மாறாக உங்களின் வீட்டில் நான் எந்த இடத்தில் தொழ வேண்டும் என நீங்கள் விரும்புகிறீர்கள் என்று கேட்க, நான் வீட்டின் ஒரு ஓரத்தை சுட்டிக்காட்டினேன். நபி ஸல் அவர்கள் அங்கு நின்று தக்பீர் கட்டினார்கள். நாங்களும் நின்றோம் எங்களின் வரிசைகளை சரி செய்து இரு ரக்அத் தொழ வைத்தார்கள் பின்பு ஸலாம் கொடுத்தார்கள். (பின்பு அந்த இடத்தை என் தொழுமிடமாக ஆக்கிக் கொண்டேன்.)             

தொழுகை அறையை ஏற்படுத்தினால் மட்டும் போதாது. வீட்டில் தொழுகையும் நடைபெற வேண்டும்

عَنْ ابْنِ عُمَرَ رضي الله عنه عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ اجْعَلُوا فِي بُيُوتِكُمْ مِنْ صَلَاتِكُمْ وَلَا تَتَّخِذُوهَا قُبُورًا (بخاري) باب التَّطَوُّعِ فِى الْبَيْتِ-كتاب التهجد- ولا تتخذوها أي بيوتكم قبورا بأن تتركوا الصلاة فيها كما تتركون في المقابر (مرقاة)

கப்ரில் இருப்பவரை மய்யித் என கூறுவது போல் தொழுகை நடைபெறாத வீட்டில் வசிப்பவரை நடமாடும் மய்யித் என சூசகமாக கூறி..

வீட்டிலுள்ள பெண்கள் தொழுவதுடன், ஆண்கள் நபில் தொழுகையை முடிந்தால் வீட்டில் தொழுவது நல்லது

عَنْ كَعْبِ بْنِ عُجْرَةَ رضي الله عنه قَالَ صَلَّى رَسُولُ اللَّهِ صَلَّى اللَّهُ عَلَيْهِ وَسَلَّمَ صَلَاةَ الْمَغْرِبِ فِي مَسْجِدِ بَنِي عَبْدِ الْأَشْهَلِ فَلَمَّا صَلَّى قَامَ نَاسٌ يَتَنَفَّلُونَ فَقَالَ النَّبِيُّ صَلَّى اللَّهُ عَلَيْهِ وَسَلَّمَ عَلَيْكُمْ بِهَذِهِ الصَّلَاةِ فِي الْبُيُوتِ (نسائ) باب الْحَثِّ عَلَى الصَّلاَةِ فِى الْبُيُوت كتاب قيام الليل وتطوع النهار

பனூ அப்துல் அஷ்ஹல் என்ற கூட்டத்தாரின் மஸ்ஜிதில் நபி ஸல் அவர்கள் மஃரிப் தொழ வைத்தார்கள் தொழுகை முடிந்தவுடன் மக்கள் அங்கேயே நஃபில் தொழ ஆரம்பித்தார்கள். அப்போது நபிஸல் அவர்கள் இந்தத் தொழுகைகளை உங்களின் வீட்டில் தொழுது கொள்ளுங்கள் என்றார்கள்.                                   

நபிஸல் அவர்கள் முன் பின் சுன்னத்துகளை வீட்டில் தொழுபவர்களாக இருந்தார்கள்.

عَنْ عَبْدِ اللَّهِ بْنِ شَقِيقٍ قَالَ سَأَلْتُ عَائِشَةَ عَنْ صَلَاةِ رَسُولِ اللَّهِ صَلَّى اللَّهُ عَلَيْهِ وَسَلَّمَ عَنْ تَطَوُّعِهِ فَقَالَتْ كَانَ يُصَلِّي فِي بَيْتِي قَبْلَ الظُّهْرِ أَرْبَعًا ثُمَّ يَخْرُجُ فَيُصَلِّي بِالنَّاسِ ثُمَّ يَدْخُلُ فَيُصَلِّي رَكْعَتَيْنِ وَكَانَ يُصَلِّي بِالنَّاسِ الْمَغْرِبَ ثُمَّ يَدْخُلُ فَيُصَلِّي رَكْعَتَيْنِ وَيُصَلِّي بِالنَّاسِ الْعِشَاءَ وَيَدْخُلُ بَيْتِي فَيُصَلِّي رَكْعَتَيْنِ... (بخاري) وقيل إن كسل عن فعلها في البيت فالمسجد أفضل (مرقاة)

கழிவறை கட்டும்போது கிப்லாவை முன்னோக்கியோ, பின்னோக்கியோ கட்டாமல் தெற்கு வடக்காக கட்டுவது நல்லது

عَنْ أَبِي أَيُّوبَ الْأَنْصَارِيِّ أَنَّ النَّبِيَّ صَلَّى اللَّهُ عَلَيْهِ وَسَلَّمَ قَالَ إِذَا أَتَيْتُمْ الْغَائِطَ فَلَا تَسْتَقْبِلُوا الْقِبْلَةَ وَلَا تَسْتَدْبِرُوهَا (بخاري) كتاب الصلاة

விளக்கம் : திறந்த வெளி அல்லாத நான்கு சுவற்றுக்குள் கிப்லாவை முன்னோக்குவது கூடும் என்று ஷாஃபிஈ )ரஹ்( கூறுவார்கள். ஆனால் அபூஹனீஃபா )ரஹ்( அவர்கள் பொதுவாகவே கிப்லாவை முன்னோக்கி மல,ஜலம் கழிப்பது கூடாது என்று கூறுவார்கள். )மிர்காத்( எனவே பேணுதல் என்பது கிப்லாவை நோக்கி மல,ஜலம் கழிக்காமல் இருப்பதாகும்.

குர்ஆன் ஓதப்படும் வீட்டை விட்டும்,(குறிப்பாக பகரா சூரா) ஓதப்படும் வீட்டை விட்டும் ஷைத்தான் விரண்டு..

عَنْ أَبِي هُرَيْرَةَ رضي الله عنه أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ لَا تَجْعَلُوا بُيُوتَكُمْ مَقَابِرَ إِنَّ الشَّيْطَانَ يَنْفِرُ مِنْ الْبَيْتِ الَّذِي تُقْرَأُ فِيهِ سُورَةُ الْبَقَرَةِ(مسلم باب اسْتِحْبَابِ صَلاَةِ النَّافِلَةِ فِى بَيْتِهِ وَجَوَازِهَا فِى الْمَسْجِدِ- كتاب صلاة المسافربن

உங்களின் வீடுகளை கப்ருகளாக ஆக்கி விடாதீர்கள். எந்த வீட்டில் சூரத்துல் பகரா ஓதப்படுமோ அந்த வீட்டை விட்டும் ஷைத்தான் விரண்டோடுகிறான்.

புது வீடு குடி போகும்போது மாற்றார்களைப் பின்பற்றி முஸ்லிம்களிடமும் பரவியுள்ள மூட நம்பிக்கைகள்.

1, வாஸ்து பார்ப்பது 2, இந்துக்களைப்போல் பாலை பொங்க விடுவது 3, திருஷ்டி பொம்மை வைப்பது 4,கட்டிடத் தொழிலாளர்கள் செய்யும் மாற்று மத சடங்குகளை அனுமதிப்பது, 5, பிராணியை அறுத்து அதன் இரத்தத்தை தெளிப்பதும், அதை முச்சந்தியில் வைத்து இரவோடு இரவாக எரிப்பதும் 7, திருஷ்டிப் பூசணிக்காய் உடைப்பது 8,பழங்காலத்தைப்போல் நடு வீட்டுக்குள் விறகு அடுப்பு எரிப்பதை சடங்காக கருதுவது 9, குத்து விளக்கு ஏற்றுவது

வாஸ்து சரியில்லை என்பதற்காக கிராமத்தையே காலி செய்த மக்கள்

ஆந்திர மாநிலம் அனந்த பூர் மாவட்டத்தில் கொண்டி பள்ளி கிராமம் உள்ளது. இக்கிராமத்தில் 100 பேர் வசிக்கின்றனர். 50 வீடுகள் உள்ளன. இந்த கிராமத்தின் கிழக்கே ஒரு மலை உள்ளதாம். அந்த மலையின் நிழல் இந்த வீடுகளின் மேல் விழுகிறதாம். இது வாஸ்து சாஸ்திரப்படி சரியில்லையாம். இதனால் தங்கள் வாழ்க்கை வளமாக இருக்காது என கிராம மக்கள் கருதி தங்களுக்கு மாற்று இடம் ஒதுக்கித் தருமாறு அதிகாரிகளிடம் மனு கொடுக்க அவர்கள் அதை கண்டு கொள்ளாததால் அந்த கிராம மக்கள் அனைவரும் ஊரையே காலி செய்து விட்டுப் போய் விட்டனர்